Tag: بند

محدود وسائل،ریلوے افسران کے الاؤنسز بند
وفاقی وزیر ریلوے نے تمام افسران کی تنخواہیں مالی امداد تک بند کردیں، سعد رفیق نے سندھ میں ٹرین آپریشن کی جلد بحالی کیلئے ایکشن پلان پر عمل کا بھی حکم دیدیا۔
سیلاب کے باعث سندھ میں ریلوے ٹریک پر بدستور 10 انچ سے زائد پانی جمع ہے، سندھ کے مختلف شہروں میں ریلوے ٹریک بدستور ڈوبے ہوئے ہیں۔
وفاقی وزیر ریلوے خواجہ سعد رفیق کی زیر صدارت سندھ میں ٹرین آپریشن کی بحالی پر ریلوے آفس لاہور میں ہنگامی اجلاس ہوا، جس میں بتایا گیا کہ ٹریک ڈوبے ہونے کے باعث رواں ہفتے ٹرینوں کی بحالی ناممکن ہے۔وفاقی وزیر ریلوے نے سندھ میں ٹرینوں کی جلد بحالی کے ایکشن پلان پر عمل درآمد کا حکم دے دیا۔
وفاقی وزیر کو بتایا کہ ریلوے کو مالی بحران کا بھی سامنا ہے، جس پر اسٹیٹ بینک سے اوور ڈرافٹ کا آپشن بند کردیا گیا، ذرائع کے مطابق سعد رفیق نے شدید مالی بحران پر تشویش کا اظہار کرتے ہوئے پنشن ادائیگی کو پہلی ترجیح قرار دیا۔انہوں نے ریلوے کے تمام افسران کی تنخواہیں مالی امداد تک بند کردیں۔ ریلوے حکام نے بتایا کہ تنخواہوں کیلئے پونے 3 ارب روپے کی ضرورت ہے۔
وفاقی وزیر کی زیر صدارت اجلاس میں فیصلہ ہوا کہ گریڈ سترہ سے بائیس تک کے تمام ریلوے افسران اس سال جون سے ستمبر تک ٹریول اور ڈیلی الاؤنسز کی مد میں کوئی ادائیگی نہیں لیں گے۔ یہ فیصلہ پاکستان ریلویز کے محدود وسائل کو مدنظر رکھتے ہوئے کیا گیا۔
وفاقی وزیر نے اے جی ایم انفراسٹرکچر، چیف انجینئر اوپن لائن اور چیف انجینئر ایس اینڈ سی کو متاثرہ علاقوں میں ٹرین سروس کی جلد بحالی کے لیے مانیٹرنگ کی ہدایت کی۔
ستمبر 5, 2022
بول نیوز اور بول انٹرٹینمنٹ کی نشریات بند کرنے کا فیصلہ
پیمرا نے بول نیوز اور بول انٹرٹینمنٹ کی نشریات بند کرنے کا فیصلہ کر لیا.

پیمرا اتھارٹی اکا 174 واں اجلاس چیئرمین پیمرا محمد سلیم بیگ کی زیر صدارت پیمرا ہیڈ کوارٹرز اسلام آباد میں منعقد ہوا.اتھارٹی نے بول نیوز اور بول انٹرٹینمنٹ کو جاری شدہ لائسنس ست متعلق امور کا جائزہ لیا گیا.اتھارٹی کو بتایا کہ میسز لبیک پرائیویٹ لیمیٹڈ کو جاری شدہ لائسنسز2017 میں اتھارٹی کے 131 ویں اجلاس میں منسوخ کر دیئے گئے تھے.
لائسنسز کی منسوخی وزارت داخلہ کی جانب سے سیکیورٹی کلیئرنس جاری نا کرنے کی وجہ سے کی گئی.اس ضمن میں اتھارٹی کا حکم نامہ کمپنی ہذا کی جانب سے سندھ ہائیکورٹ میں زیر التواء رہا اور چینلز نے اپنی نشریات جاری کئے رکھیں.
تاہم سندھ ہائیکورت نے زیرالتواء کیس 2021 میں نمٹا دیا.دوران سماعت پیمرا کے وکیل نے موقف اختیار کیا کہ اگر وزارت داخلہ میسزلبیک پرائیویٹ لیمٹڈ کو سیکیورٹی کلیئرنس جاری نہیں کرتی تو پیمرا دونوں چینلز کی نشریات چلانے کی اجازت نہیں دے گا.
آج کے اجلاس میں اتھارٹی نے تمام ریکارڈ ،عدالتی حکم نامہ اور وزارت داخلہ کی جانب سے جاری کردہ مراسلوں کا جائزہ لیتے ہوئے میسز لبیک پرائیویٹ لیمٹڈ کو جاری لائسنسز بول نیوز اور بول انٹرٹینمنٹ چینلز کی نشریات فوری طور پر بند کرنے کا حکم دیا ہے.
یہاں یہ امر قابل ذکر ہے کہ بول انٹرٹینمنٹ کے لائسنس کی 15 سالہ مدت دسمبر 2021 میں اختتام پزیر ہو گئی تھی اورکمپنی ہذا نے لائسنس کی تجدید کیلئےاتھارٹی کو کوئی درخواست جمع نہیں کروائی.
ستمبر 5, 2022
پی آئی اے کی پیرس سے پاکستان کیلئے انٹرنیشنل فلائٹ بند کرنے کی تیاریاں
قومی ایئر لائن (پی آئی اے) نے پیرس سے پاکستان اور پاکستان سے پیرس کیلئے انٹرنیشنل فلائٹ بند کرنے کی تیاریاں مکمل ہوگئیں۔فرانس سمیت گرد و نواح کے ممالک میں مقیم لاکھوں پاکستانیوں کیلئے سہولت ختم ہو جائے گی.
اطلاعات کے مطابق ہائی سیزن کی دو فلائٹ جن کے ٹکٹ فروخت ہوچکے تھے، منسوخ کردی گئیں۔ اس سلسلہ میں فرانس میں مقیم پاکستاینوں نے چیئرمین قومی احتساب بیورو (نیب) کو ایک فائل ارسال کی ہے۔فائل میں بتایا گیا کہ بیلجیئم، ہالینڈ اور فرانس میں مقیم لاکھوں پاکستانی اپنی قومی ایئرلائن کے ذریعے وطن آتے جاتے ہیں۔مگر ایک سازش اور مال بناؤ اسکیم کے تحت پیرس سے پاکستان کی فلائٹ کورونا وائرس کا جواز بناکر بند کر دی گئی۔
پی آئی اے نے فرانس میں چارٹرڈ فلائٹ کا انتظام کرکے لوگوں کو یہ سروس جاری رکھی مگر چند پی آئی اے افسران اور عملے نے اس کو بھی ناکام بنا دیا۔اوورسیز پاکستانیوں کا کہنا ہے کہ اگر نیب اس سلسلہ میں تفتیش کرے تو ہم مکمل ثبوت کے ساتھ نیب کو تمام معلومات فراہم کرنے کو تیار ہیں۔ان کا کہنا تھا کہ پی آئی اے کے فرانس میں کنٹریکٹ رکھنے والی فرم نے ہائی سیزن میں دانستہ فلائٹ منسوخ کرنے پر احتجاجی طور پر بینک روک دی ہے۔
انہوں نے مزید کہا کہ پی آئی اے کی براہ راست فلائٹ بند ہونے سے لاکھوں پاکستانیوں کو سخت پریشانی کا سامنا ہو گا جبکہ قومی ایئرلائن کو کروڑوں کا نقصان برداشت کرنا پڑے گا۔
دوسری جانب پی آئی اے حکام کا کہنا ہے کہ پی آئی اے ایمرجنسی رسپانس سینٹر 24 گھنٹے این ڈی ایم اے کے ساتھ کوآرڈینیشن کرے گا، سیلاب متاثرین کی امداد ریلیف آپریشن کیلئے ایمرجنسی رسپانس سینٹر میں دوسرے درجے کا الرٹ جاری کردیا گیا ہے۔
پی آئی اے کا کہنا ہے کہ ملک بھر میں پی آئی اے ریلیف آپریشن میں این ڈی ایم اے کے ہمراہ مل کر کام کرے گا۔ پی آئی اے ایمرجنسی رسپانس سینٹر میں ’’بلو لیول‘‘ ایمرجنسی الرٹ جاری کیا گیا۔
اگست 27, 2022
پنجاب بھر میں مارکیٹیں، بازاررات 9 بجے بند کرنا ہوں گے،حمزہ شہباز
وزیراعلیٰ پنجاب محمد حمزہ شہباز شریف کا توانائی کی بچت کے لئے صوبہ بھر کی تاجر برادری کی مشاورت سے بڑا فیصلہ کیا ہے .
وزیراعلی پیجاب حمزہ شہباز کا کہنا ہے کہ پنجاب بھر میں مارکیٹیں، بازار اور کاروباری مراکز رات 9 بجے بند ہوں گے۔ریسٹورنٹس رات ساڑھے11بجے تک کھلے رہیں گے،شادی ہالز سابق پالیسی کے تحت رات 10 بجے تک کھل سکیں گے۔ ہفتے کو تاجر برادری کو کاروبار کے اوقات میں خصوصی رعایت دی جائے گی۔
حمزہ شہباز کا کہنا تھا کہ میڈیکل سٹورز پر اس فیصلے کا اطلاق نہیں ہو گا۔عید کی شاپنگ کے لیے اوقات کار کی پالیسی کا تاجر برادری سے مشاورت سے جائزہ لیا جائے گا۔
وزیر اعلی پنجاب حمزہ شہباز سے صوبہ بھر کے تاجر رہنماؤں اورنمائندوں کی ملاقات کی، تاجر برادری کا توانائی بحران میں حکومتی اقدامات کی بھرپور حمایت کا اعلان کی اہے.صوبہ بھر کے تاجر عہدیدارو ں اور نمائندوں نے انرجی سیونگ کیلئے حکومتی اقدامات کو سراہا.
اس موقع پر خواجہ سلمان رفیق،خواجہ احمد حسان، رانا مشہور احمد، سید علی حیدر گیلانی، عطا تارڑ، چودھری بلال اصغر،عمران گورایہ اور متعلقہ حکام بھی اس موقع پر موجود تھے.
قبل ازیں حکومت نے تاجر تنظیموں اور چیمبرز سے مشاورت مکمل کی تھی اورآئیندہ ہفتے سے پنجاب میں بجلی بچت پلان پر عمل کرانےکا فیصلہ کیا گیا تھا. پنجاب میں بھی رات 9 بجے مارکیٹیں بند کردی جائیں گی، پہلے مرحلے میں یہ پابندی 2 ماہ کے لیے لگائی جائےگی.صدر لاہور چیمبر نعمان کبیرکے مطابق قومی مفاد کے فیصلوں پر حکومت کے ساتھ ہیں، بچت پلان پر عمل سے بجلی اور پیٹرول کی بچت ہوگی۔
واضح رہےکہ گزشتہ روز محکمہ داخلہ سندھ نے تمام بازار، مارکیٹیں، شاپنگ مال اور دکانیں رات 9 بجے بند کرنےکا نوٹیفکیشن جاری کیا گیا تھا۔میڈیکل اسٹور، اسپتال، پیٹرول پمپ،سی این جی اسٹیشن، بیکریز اور دودھ کی دکانوں کو اس پابندی سے استثنیٰ حاصل ہے۔
جون 18, 2022
قیمتوں میں اضافے کے باعث لاکھوں کی دیہاڑیاں
قصور
کل صبح سے ہی پیٹرول پمپوں پر پیٹرول کی فروخت بند رہی، رات پیٹرولیم مصنوعات کی قیمتوں میں اضافے کے باعث پیٹرول پمپ مالکان نے لاکھوں روپیہ کی دیہاڑیاں لگائیں
تفصیلات کے مطابق گورنمنٹ آف پاکستان نے ایک بار پھر عوام پر پیٹرولیم بمب کا وار کیا ہے
15 جون کو پیٹرولیم مصنوعات کی قیمتوں میں متوقع اضافہ کے پیش نظر کل سارا دن پیٹرول پمپوں پر پیٹرولیم مصنوعات کی فروخت بند رکھی گئی اور رات باراں بجے کے بعد نئی قیمتوں کے اطلاق کیساتھ ہی پیٹرولیم مصنوعات کی سیل نئی قیمتوں پر کی گئی جس کے باعث پیٹرول پمپ مالکان نے لاکھوں روپیہ کی دیہاڑیاں لگائیں
نئی گورنمنٹ کے آتے ہیں تیسری مرتبہ پیٹرولیم مصنوعات کی قیمتوں میں اضافہ ہوا ہے جس کے باعث مہنگائی کا نیا طوفان آیا ہے
لوگوں نے نئی گورنمنٹ کی طرف سے بار بار پیٹرولیم مصنوعات کی قیمتوں پر اضافہ پر تشویش کا اظہار کیا اور کہا کہ آئی ایم ایف کے ایجنڈے پر چلتے ہوئے ملک کو شام و لیبیا کی طرح خانہ جنگی کی طرف دھکیلا جا رہا ہے
لوگوں کا کہنا ہے کہ حکمران مت بولیں کہ جب عوام کے ضبط کا بندھن ٹوٹا تو پھر حکمران بھی اس خانہ جنگی سے بچ نا پائینگے بلکہ عوام سے پہلے حکمران رگڑے جائینگے لہذہ حکومت نظر ثانی کرے ورنہ عوام تو بھوکی مر ہی رہی ہے زندگیاں ان حکمرانوں کی بھی تنگ ہو جائیں گیں
جون 16, 2022
کورونا کا پھیلاؤ:شہید بینظیر بھٹو یونیورسٹی بند
پشاور:کورونا کا پھیلاؤ:شہید بینظیر بھٹو یونیورسٹی بند،اطلاعات کے مطابق پشاور میں کورونا کے بڑھتے ہوئے کیسز کے پیش نظر شہید بے نظیر بھٹو ویمن یونیورسٹی کو تاحکم ثانی بند کردیا گیا ہے۔
شہید بےنظیر بھٹو ویمن یونیورسٹی انتظامیہ کی جانب سے جاری اعلامیے میں کورونا کے بڑھتے کیسز کے باعث یونیورسٹی کو تاحکم ثانی بند کرنے کا فیصلہ کیا گیا ہے۔اعلامیہ کے مطابق طالبات یونیورسٹی آنے کے بجائے آن لائن کلاسز سے مستفید ہوں گی۔
اعلامیہ میں مزید کہا گیا ہے کہ یونیورسٹی کھلنے کے بعد بھی صرف ویکسینیٹڈ طالبات اور اسٹاف کو یونیورسٹی میں داخلے کی اجازت ہوگی۔پشاورمیں کورونا پھیلاؤ کےباعث اب تک 4 جامعات کو بند کیا جاچکا ہے۔
واضح رہے کہ ملک بھر میں کورونا کے کیسز میں تشویشناک حد تک اضافہ ہوتا جارہا ہے اور وفاقی دارالحکومت سمیت کئی شہروں میں متعدد تعلیمی ادارے بند کیے جاچکے ہیں۔
مردان میں کوروناکیسز رپورٹ ہونے پر 19 تعلیمی اداروں کو بند کردیا گیا۔ڈپٹی کمشنر مردان نے کورونا کیسز سامنے آنے پر 19 تعلیمی اداروں کو 10روز کے لیے بند کیا جس کا نوٹیفکیشن بھی جاری کردیا گیا ہے۔
اعلامیے میں بتایا گیا ہےکہ انجینئرنگ یونیورسٹی مردان اور مینجمنٹ سائنسز کالج سمیت 17 اسکولوں کو بند کیا گیا ہے۔
ضلعی انتظامیہ کا کہنا ہےکہ تعلیمی اداروں کو کورونا کا مزید پھیلاؤ روکنے کے لیے بند کیا گیا اور مردان میں اب تک 42 تعلیمی ادارے بند کیے جاچکے ہیں۔
جنوری 30, 2022
فرانس:حکومت نے مسجد بند کرنے کے احکامات جاری کردیئے
پریس :فرانس:حکومت نے مسجد بند کرنے کے احکامات جاری کردیئے ،اطلاعات کے مطاق فرانس میں مینہ طور پر جہاد پر اکسانے ‘ممنوعہ تبلیغ’ کے الزام میں ایک مسجد کو بندکرنےکے احکامات جاری کردیے گئے۔
فرانسیسی خبررساں ادارے کے مطابق حکومت کی جانب سے شمالی فرانس کے علاقے بووے میں ایک مسجدکو اس کے امام کی ‘بنیاد پرست تبلیغ’ کے باعث بند کرنےکا حکم دیا گیا ہے۔
خبرایجنسی کے مطابق مقامی حکام نے بتایا ہےکہ مذکورہ مسجد آئندہ 6 ماہ تک بند رہے گی کیونکہ مسجد میں دیےگئے خطبات نفرت اور تشددکو ہوا دیتے ہیں اور جہاد کا دفاع کرتے ہیں۔
400 نمازیوں کی گنجائش والی اس مسجد کے حوالے سے کارروائی کا آغاز 2 ہفتے قبل ہوا تھا جب فرانس کے وزیر داخلہ جیرالڈ ڈرمینن نے کہا تھا کہ مذکورہ مسجد کے امام کی جانب سے خطبوں میں عیسائیوں، یہودیوں اور ہم جنس پرستوں کو نشانہ بنایا جاتا ہے جو کہ ناقابل قبول ہے اس لیے مسجد کو بند کرنے کی کارروائی شروع کی جارہی ہے۔
اے ایف پی کے مطابق قانون کے مطابق مقامی حکام کو کسی بھی کارروائی سے قبل 10 روز تک اس حوالے سے معلومات جمع کرنا ہوتی ہیں تاہم حکام کا کہنا ہے کہ مسجد کو 2 روز میں بندکردیا جائےگا۔مقامی اخبار کی رپورٹ کے مطابق مسجد کے امام ایک نومسلم ہیں جنہوں نے کچھ عرصہ قبل ہی اسلام قبول کیا ہے۔
مسجد انتظامیہ کے وکیل کا کہنا ہےکہ اس فیصلےکے خلاف عدالت میں درخواست دائر کردی گئی ہے جس پر 48 گھنٹوں کے دوران سماعت ہوگی۔
خبرایجنسی کے مطابق مسجد انتظامیہ نے حکام کو بتایا ہےکہ مذکورہ امام خاص موقعوں پر ہی خطبے دیتے ہیں اور انہیں معطل کردیا گیا ہے،جب کہ حکام کا دعویٰ ہےکہ مذکورہ امام روز ہی مسجد میں موجود ہوتے ہیں۔
فرانسیسی حکام کا کہنا ہے کہ مذکورہ امام اپنے خطبات میں جہاد کو فرض قرار دیتے ہوئے ان ‘جنگجوؤں’ کو ہیرو بنا کر پیش کرتے ہیں جو مغرب کی مداخلت سے اسلام کا تحفظ کرتے ہیں اور امام کی جانب سے غیر مسلموں کو دشمن بھی قرار دیا جاتا ہے۔
خیال رہے کہ گذشتہ سال فرانس کےایک اسکول میں طالب علموں کے سامنے گستاخانہ خاکے دکھانے والے استاد کا سر قلم کردیا گیا تھا جس کے بعد فرانسیسی صدر نے اس واقعے اور اسی سے متعلق دیگرحملوں کے خلاف فرانسیسی سیکولرازم کی کھل کر حمایت کی اور متنازع بیانات بھی دیے جس کے بعد فرانس کو دنیا بھر میں مسلمانوں کی جانب سے احتجاج اور مصنوعات کے بائیکاٹ کا سامنا کرنا پڑا۔
بعد ازاں فرانسیسی صدر ایمانوئیل میکرون نے مسلم رہنماؤں کو 15 روز کا الٹی میٹم دیا کہ وہ فرانس میں بنیاد پرستی کو روکنے کے لیے ‘میثاقِ جمہوری اقدار’ کو قبول کرلیں، میثاق کے مطابق اسلام کو ایک سیاسی تحریک کے بجائے صرف مذہب سمجھا جائےگا۔
اس کے بعد سے فرانس بھر میں مساجدکے خلاف کریک ڈاؤن اور تحقیقات کا نیا سلسلہ شروع کردیا گیا اور بنیاد پرستی پھیلانےکے الزام میں متعدد مساجد کو بند کیا جاچکا ہے۔
دسمبر 28, 2021
پنجاب میں شدید دھند،موٹر وے ایم 2 ، ایم 3 اور ایم 11 بند
پنجاب میں شدید دھند کے باعث موٹر وے ایم 2 اور ایم 3 کو مختلف مقامات پر جبکہ ایم 11 کو لاہور سے سیالکوٹ تک بند کردیا گیا ہے۔
باغی ٹی وی : پنجاب کی اہم شاہراہوں پر اس وقت دھند کا راج ہے جس کے باعث لاہور سیالکوٹ موٹروے کو بند کر دیا گیا ہے ترجمان موٹر وے پولیس کے مطابق موٹر وے ایم 2 کو لاہور سے پنڈی بھٹیاں تک اور ایم 3 کو لاہور سے سمندری تک بند کردیا گیا ہے۔
سموگ،اومی کرون اور کورونا ویکسینیشن مہم:وائس چانسلرگجرات یونیورسٹی سے اپیل کردی…
ترجمان موٹروے پولیس کے مطابق شہر کے داخلی اور خارجی راستوں پر ٹریفک وارڈنز کی اضافی نفری تعینات کر دی گئی ہے۔ موٹروے پولیس کی جانب سے شہریوں کو دھند کے دوران غیر ضروری سفر سے گریز کرنے کی تلقین کی گئی ہے۔
ترجمان موٹر وے کا کہنا ہے کہ ڈرائیور حضرات گاڑیوں پر فوگ لائٹس استعمال کریں، رفتار کم اور اگلی گاڑی سے فاصلہ زیادہ رکھیں، کسی مشکل کی صورت میں ہیلپ لائن 130 پر رابطہ کریں
ثاقب نثار کی لیک آڈیو اصلی یاجعلی؟امریکی فرانزک کمپنی نے سچ سچ بول دیا
محکمہ موسمیات کے مطابق پنجاب کے میدانی علاقوں میں آج صبح کے وقت اسموگ اور دھند میں اضافہ کا امکان ہے۔
رپورٹس کے مطابق دنیا کے آلودہ ترین شہروں میں لاہور کا آج بھی پہلا نمبر ہے۔
فواد چوہدری کا کڑوا سچ سن کر شہروں والے گاوں جانے کےلیے تیارہوگئے
دسمبر 15, 2021
بجلی غائب،مریضوں کی زندگیاں داؤ پر
قصور
کھڈیاں خاص قصور نول فیڈر کی بجلی گزشتہ کئی گھنٹوں سے بند ،مریضوں کی زندگیاں داؤ پر
تفصیلات کے مطابق کھڈیاں خاص قصور و گردونواح میں بجلی کی غیر اعلانیہ بندش سے درجنوں دیہات کے ھزاروں لوگ پانی سے محروم ہو چکے ہیں
جبکہ نول فیڈر بند ہونے سے رورل ہیلتھ سنٹر کھڈیاں خاص میں داخل مریضوں کی زندگیاں بھی داؤ پر لگ گئیں ہیں
لوگ پانی کی بوند بوند کو ترس گئے ہیں
شہریوں نے واپڈا حکام سے فوری بجلی کی بحالی کا مطالبہ کیا ہے
اپریل 7, 2021
دکانیں بند شادی بیاہ جاری
قصور اور گردونواح میں دکانیں بند میڈیکل سٹور و کھانے پینے کی اشیاء کی دکانیں کھلی لوگ شادی بیاہ میں دفعہ 144 کی خلاف ورزی کرنے سے باز نا آئے
تفصیلات کے مطابق پنجاب گورنمنٹ کی ہدایت کی روشنی میں ضلعی انتظامیہ اور پولیس نے زبردستی دکانیں بند کروائی ہیں مگر میڈیکل سٹور،کلینک،نان بائی،بیکری اور موٹر سائیکل مرمت کی دکانیں کھلی ہیں گورنمنٹ کی طرف سے دفعہ 144 کے باوجود لوگ شادیوں سے باز نا آئے جن میں سے کافی لوگوں کے قصور پولیس نے پرچے بھی کئے ہیں اس کیساتھ سڑکوں پر پبلک ٹرانسپورٹ کم اور موٹر سائیکلوں و گاڑیوں کا رش ہے لوگ چھٹیوں کے باعث ایک دوسرے کو ملنے جا رہے ہیں جو کہ انتہائی خطرناک اور تشویشناک صورتحال ہے
مارچ 23, 2020