بنوں کے علاقے ہوید میں نامعلوم افراد نے گیس پائپ لائن کو بارودی مواد سے دھماکے کے ذریعے اڑا دیا، جس کے نتیجے میں پائپ لائن میں آگ بھڑک اٹھی۔
پولیس کے مطابق دھماکا ٹوچی پل کے قریب گیس پائپ لائن کے پاس نصب بارودی مواد کے ذریعے کیا گیا۔ واقعے کے بعد علاقے میں زور دار دھماکے کی آواز سنائی دی جس سے شہریوں میں خوف و ہراس پھیل گیا۔دھماکے کے بعد گیس پائپ لائن میں لگی آگ تیزی سے پھیلنے لگی جسے قابو پانے کے لیے فائر بریگیڈ کو طلب کر لیا گیا ہے۔ پولیس اور امدادی اداروں نے علاقے کو گھیرے میں لے کر کارروائی شروع کر دی ہے۔
پولیس کا کہنا ہے کہ واقعے کی تحقیقات جاری ہیں اور دھماکے میں ملوث عناصر کی تلاش کے لیے سرچ آپریشن کیا جا رہا ہے۔
پاکستان اور چین کے درمیان تعاون اور سرمایہ کاری کیلئے 21 یادداشتوں پر دستخط
ٹرائی نیشن سیریز: پاکستان نے یو اے ای کو 172 رنز کا ہدف دیا
ٹرمپ کا یورپ کو روسی ایندھن کی خریداری روکنے اور چین پر دباؤ ڈالنے کا مشورہ