پشاور: آئی جی خیبرپختونخوا کا کہنا ہےکہ کرم میں فریقین کے تمام بنکرز گرا دیئے گئے ہیں۔
انسپکٹر جنرل خیبرپختونخوا پولیس ذوالفقار حمید نے کہا ہے کہ کرم میں جاری کشیدگی کو کم کرنے اور امن قائم کرنے کے لیے فریقین کے تمام بنکرز مکمل طور پر مسمار کر دیے گئے ہیں امن کے اگلے مرحلے میں عوام سے رضاکارانہ طور پر اسلحہ جمع کروایا جائے گا جبکہ اسلحہ نہ دینے والوں کے خلاف سخت کارروائی عمل میں لائی جائے گی، ٹل تا پاراچنار روڈ کو محفوظ بنانے کے لیے 10 سیکیورٹی چوکیاں قائم کی جائیں گی تاکہ عوام کے لیے آمد و رفت محفوظ بنائی جا سکے۔
واضح رہے کہ اس سے قبل بھی کرم میں فریقین کے درمیان کشیدگی کم کرنے کے لیے بنکرز گرائے گئے تھے، تاہم موجودہ کارروائی کو مکمل اور حتمی اقدام قرار دیا جا رہا ہے۔ پولیس اور دیگر ادارے علاقے میں قیام امن کے لیے مربوط کوششیں جاری رکھے ہوئے ہیں۔
سندھ طاس معاہدے کی معطلی بھارت کی جنگی ذہنیت کا کھلا ثبوت ہے،شرجیل میمن
پہلگام حملہ، اینکر پرسن مبشر لقمان نے انڈین میڈیا او رحکومت کا جھو ٹ بے نقاب کر دیا
ملک کی سالمیت اور قومی مفاد کے لئے ہم سب متحد ہیں،وزیر اعلیٰ خیبر پختونخوا