Tag: بنگلا دیش

بھارتی کمپنی اڈانی گروپ کے ذیلی ادارے اڈانی پاور جھاڑ کھنڈ لمٹیڈ نے بنگلا دیش کو فراہم کی جانے والی بجلی میں 50 فیصد کٹوتی کردی ہے۔

باغی ٹی وی : بنگلا دیش کے اخبار دی ڈیلی اسٹار کے مطابق اڈانی گروپ کے ذیلی ادارے اڈانی پاور جھاڑ کھنڈ لمٹیڈ نے بنگلا دیش کو فراہم کی جانے والی بجلی میں 50 فیصد کٹوتی کردی ہے،اڈانی گروپ کی طرف سے بجلی کی رسد میں کمی کے بعد اب بنگلا دیش کو 1600 میگا واٹ کے شارٹ فال کا سامنا ہے گروپ نے اپنے 1496 میگا واٹ بجلی پیدا کرنے والے ادارے کا ایک یونٹ بند کردیا ہے،اڈانی گروپ نے بنگلا دیش کو فراہم کی جانے والی بجلی میں جو کٹوتی کی ہے اُس کے بعد اب بنگلا دیش کو فراہم کی جانے والی بجلی 700 میگا واٹ ہے۔

اڈانی گروپ نے ایک بیان میں کہا ہے کہ بنگلا دیش کو بجلی کی رسد میں کمی کا بنیادی سبب یہ ہے کہ واجبات زیادہ ہوچکے ہیں اور بنگلا دیش کی طرف سے ادائیگی میں اضافہ نہیں کیا جارہا ہے، بنگلا دیش کو اڈانی گروپ کے 84 کروڑ 60 لاکھ ڈالر ادا کرنے ہیں-

اڈانی پاور نے بنگلا دیش پاور ڈیویلپمنٹ بورڈ کو 27 اکتوبر کو ایک خط بھیجا تھا جس میں واجبات ادا کرنے کا مطالبہ کیا گیا تھا اور یہ بھی کہا گیا تھا کہ واجبات ادا نہ کیے جانے کی صورت میں 30 اکتوبر سے بجلی کی رسد گھٹادی جائے گی۔

واضح رہے کہ اڈانی پاور کی جانب سے بھارتی ریاست جھارکھنڈ میں موجود کوئلے سے چلنے والے 1600 میگاواٹ کے پاور پلانٹ سے بنگلادیش کو بجلی فراہم کی جارہی ہے اس حوالے سے فوری طور پر بنگلادیشی حکام کا ردعمل سامنے نہیں آیا ہے تاہم بنگلادیش ان دنوں بجلی کی لوڈشیڈنگ سے شدید متاثر ہے۔

بنگلادیشی میڈیا کے مطابق جھارکھنڈ کے اڈانی پاور پلانٹ کو واجب الادا رقم میں اضافے کے باعث کوئلے کی درآمدات متاثر ہوئی ہیں جس سے کوئلے سے چلنے والے پلانٹ میں بجلی کی روزانہ کی پیداوار بھی 500 میگاواٹ کم ہوئی ہے۔

تقریباً دو دہائیوں کا طاقت ور ترین سمندری طوفان ’موچا‘ بنگلادیش کے ساحل سے ٹکرانے کیلئے تیار ہے-

باغی ٹی وی:بنگلادیش کے جنوب مشرقی ساحلی علاقے کاکس بازار میں قائم دنیا کے سب سے بڑے مہاجر کیمپ میں مقیم 10 لاکھ افراد میں سے تقریباً پانچ لاکھ افراد کو محفوظ مقام پر منتقل کردیا گیا ہے۔

پی ڈی ایم کا دھرنا کا فیصلہ،سپریم کورٹ بار کا سپریم کورٹ سے بھرپور یکجہتی …

محکمہ موسمیات نے پیش گوئی کی ہے کہ طوفان موچا اتوار کو کاکس بازار کے ساحل سے ٹکرائے گا اور اس کےنتیجے میں 170 کلو میٹر فی گھنٹہ کی رفتار سے ہوائیں چل سکتی ہیں اور سمندری لہریں 12 فٹ تک بلند ہوسکتی ہیں ساحلی علاقوں میں بارش کا سلسلہ شروع ہوچکا ہے اور خطرے کی علامت سرخ جھنڈےان علاقوں میں بلند کردیئے گئے ہیں امکان ظاہرکیا جا رہا ہے کہ موچا دو دہائیوں میں بنگلادیش میں آنے والا طاقتور ترین طوفان ہوگا۔

طوفان کے میانمار بنگلادیش ساحلی علاقوں کی طرف بڑھتے ہی اطراف میں موجود ائیرپورٹس بند کردیئے گئے تھے اور ماہی گیروں کو سمندر سے واپس آنے اور محفوظ مقام پر منتقل ہونے کے احکامات جاری کردیے گئے تھے۔

کاکس بازار کے ایڈیشنل ڈپٹی کمشنر ویبھوشن کانتی داس کا کہنا ہے کہ ہم حالات کا سامنا کرنے کیلئے تیار ہیں، ہم نہیں چاہتے کہ ایک بھی انسانی جان ضائع ہو۔

سرکاری عمارتیں جلانےکی عدالتی تحقیقات کروائی جائیں،عمران خان

پاکستان کے محکمہ موسمیات کی جانب سے طوفان موچا کے حوالے سے کوئی الرٹ نہیں جاری کیا گیا اور اس طوفان سے پاکستان کے ساحلی علاقوں کو فی الحال کوئی خطرہ درپیش نہیں ہے۔

بنگلہ دیشی حکام نے روہنگیا پر مستقل کنکریٹ کے مکانات تعمیر کرنے پر پابندی عائد کر دی ہے، اس خدشے سے کہ یہ انہیں میانمار واپس جانے کے بجائے مستقل طور پر آباد ہونے کی ترغیب دے گا۔

بنگلہ دیش کے ڈپٹی ریفیوجی کمشنر شمسود دوزا نے ایجنسی فرانس پریس کو بتایا کہ "کیمپوں میں موجود تمام روہنگیا افراد خطرے میں ہیں بنگلہ دیش میں حکام نے پناہ گزینوں کو "خطرناک علاقوں” سے کمیونٹی مراکز میں منتقل کرنا شروع کر دیا، جب کہ سینکڑوں لوگ قریبی جزیرے سے فرار ہو گئے۔

بچپن میں لارڈ آف دی رنگزاورہوبٹ فلموں سے متاثرچار بہنوں نے ایک گاؤں تعمیر کر …

پناہ گزینوں کے لیے ذمہ دار بنگلہ دیش حکومت کے ایک اہلکار محمد شمسود دوزا نے کہا، "ہم جان بچانے پر توجہ دے رہے ہیں۔” "جن لوگوں کو لینڈ سلائیڈنگ کا خطرہ ہے ان کو نکالا جائے گا۔”

اقوام متحدہ کے مطابق صرف میانمار میں طوفان کے راستے میں ساٹھ لاکھ سے زائد افراد کو انسانی امداد کی ضرورت ہے۔

ورلڈ فوڈ پروگرام نے کہا کہ وہ خوراک اور امدادی سامان تیار کر رہا ہے جو ایک ماہ تک ریاست رخائن اور آس پاس کے علاقوں میں 400,000 سے زیادہ لوگوں کی مدد کر سکتا ہے۔

ایک رہائشی نے بتایا کہ راکھین کے دارالحکومت سیٹوے میں کچھ لوگ یا تو اپنے گھر چھوڑ کر اونچی زمین پر پناہ حاصل کر رہے ہیں یا مزید اندرون ملک جا رہے ہیں۔

دو سال قبل فوج کے اقتدار پر قبضے کے بعد سے میانمار افراتفری کا شکار ہے۔ ایک مزاحمتی تحریک مظاہروں پر خونریز کریک ڈاؤن کے بعد متعدد محاذوں پر جنتا سے لڑ رہی ہیں-

پاک افواج تنصیبات کے تقدس کی خلاف ورزی کی مزیدکسی کوشش کوبرداشت نہیں کریں گی،آرمی …

بنگلادیش میں ایندھن کی قیمتوں اور بجلی کے شٹ ڈاؤن کے خلاف مظاہرے جاری، اپوزیشن نے حکومت سے مستعفی ہوکر نئے انتخابات کرانے کا مطالبہ کردیا-

باغی ٹی وی : بنگلادیش نیشنلسٹ پارٹی (بی این پی) نے آج وزیراعظم شیخ حسینہ کے خلاف ریلی نکالنے کا اعلان کر رکھا ہے، بی این پی وزیراعظم سے مستعفی ہو کر نئے انتخابات کرانے کا مطالبہ کر رہی ہے۔

کسی بھی ملک نے روس پر ایٹمی حملہ کیا تو اسے دنیا کےنقشے سے مٹا دیا جائے گا:ولادی میرپیوٹن

ڈھاکا پولیس نے آج کی ریلی روکنے کیلئے جگہ جگہ چیک پوائنٹس بنا لیے، وزیراعظم شیخ حسینہ کے خلاف آج نکالی جانے والی ریلی کو روکنے کیلئے اپوزیشن پارٹی بی این پی کے دو اہم رہنماؤں کو بھی گرفتار کرلیا گیا۔

بی این پی کے پارٹی ترجمان کے مطابق کل کی ریلی روکنے کیلئے پارٹی کے دو اہم رہنماؤں سمیت تقریباً دو ہزار کارکنان بھی گرفتار کئے جا چکے ہیں۔

ڈھاکہ میٹروپولیٹن پولیس کے ترجمان فاروق احمد کے مطابق بی این پی کے سیکرٹری جنرل مرزا فخرالاسلا م عالمگیر اور سابق وزیر مرزا عباس کو تشدد پر اکسانے اور سرکاری کام میں رکاوٹ ڈالنے کے شبہ میں گرفتار کیا گیا ہے۔

عالمی امورپرچین کی تجاویزکوبین الاقوامی برادری کی بھرپورحمایت حاصل

بی این پی کے میڈیا ونگ کے سربراہ ظہیر الدین سواپن نے اے ایف پی کو بتایا کہ بنگلہ دیش نیشنلسٹ پارٹی کے جنرل سیکرٹری مرزا فخر الاسلام عالمگیر اور سابق وزیر اور پارٹی کے اعلیٰ فیصلہ ساز ادارے کے رکن مرزا عباس کو جمعہ کی صبح تقریباً 3 بجے ان کے گھروں سے لے جایا گیا۔

وہ سادہ لباس پولیس اہلکار تھے عالمگیر کو ان کی شناخت معلوم تھی۔ انہوں نے اسے بتایا کہ انہیں ہائی کمان کے حکم پر لے جایا جا رہا ہے،” ظہیر الدین سواپن نے کہا، پارٹی کو نہیں معلوم کہ دونوں کو کہاں لے جایا گیا ہے۔

مظاہرین نگراں حکومت کے تحت نئے انتخابات کے حق میں وزیر اعظم حسینہ واجد سے مستعفی ہونے کا مطالبہ کر رہے ہیں۔ عام انتخابات اگلے سال کے آخر تک نہیں ہونے والے ہیں۔

واضح رہے کہ بنگلادیش میں ایندھن کی بڑھتی قیمتوں اور بجلی کے شٹ ڈاؤن کے خلاف مظاہرے جاری ہیں، بدھ کو ہونے والے حکومت مخالف مظاہرے میں 1 شخص ہلاک جبکہ درجنوں زخمی ہوئے تھے۔

نیویارک ٹائمز کے 1100 سے زائد صحافیوں نے ہڑتال کا اعلان کردیا

ڈھاکہ:برصغیر میں مون سون کی بارشوں کا سلسلہ شروع ہوچکا ہے ، پاکستان کی طرح دیگرملکوں میں بھی تیزاور طوفانی بارشیں ہورہی ہیں ،اطلاعات ہیں کہ برادراسلامی ملک بنگلا دیش میں مون سون بارشوں نے تباہی مچادی جس کے نتیجے میں 25 افراد ہلاک ہوگئے۔

بنگلا دیشی حکام کا کہنا ہے کہ بہت زیادہ جانی ومالی نقصان ہوا ہے ، ایسے ہی غیرملکی میڈیا کی رپورٹ کے مطابق بنگلا دیش میں مون سون بارشوں کے بعد آنے والے سیلاب سے 40 لاکھ ‏افراد متاثر ہوئے، آسمانی بجلی گرنے اور دیگر حادثات میں 25 افراد ہلاک ہوگئے۔

ملک کے بیشترعلاقوں میں بارش اور گرد آلود ہوائیں چلنے کا امکان

ڈھاکہ سے ملنے والی اطلاعات میں بتایا گیا ہے کہ بنگلا دیشی پولیس کا کہنا ہے کہ مختلف علاقوں میں جمعے کی دوپہر سے اب تک آسمانی بجلی گرنے سے 25 افراد ہلاک ‏ہوئے ہیں جب کہ 4 افراد لینڈ سلائیڈنگ اور دیگر واقعات میں بھی جان سے گئے مرنے والوں میں بچے بھی شامل ہیں۔

بارش میں نہانے سے پہلے حضورﷺ کا یہ فرمان ضرور سن لیں،مزید جانیں اس آرٹیکل میں

مقامی میڈیا کے مطابق بارشوں کے بعد دریاؤں میں پانی کی سطح تیزی سے بلند ہو رہی ہے اور بھارتی سرحد سے ملحقہ ‏علاقوں میں شدید سیلاب کا خطرہ ہے۔ریسکیو ٹیم کے ترجمان کے مطابق درجنوں افراد لاپتا ہیں جب کہ ہلاکتوں میں اضافے کا خدشہ ظاہر کیا جا رہا ہے۔

پنجاب میں بارشیں معمول سے زیادہ ہونے کا امکان ہے،محکمہ موسمیات

مسلسل ہونے والی بارشوں کے بعد دریاؤں میں طغیانی آئی اور سیلابی ریلا رہائشی علاقوں میں داخل ہوگیا، امدادی کاموں کے دوران ریسکیو ادارے کو مشکلات کا سامنا ہے۔محکمہ موسمیات نے آئندہ چند روز تک بارشوں کا سلسلہ جاری رہنے کی امکان ظاہر کرتے ہوئے شہریوں کو بلا ضرورت گھر سے باہر نہ نکلنے کی ہدایت کی ہے۔یہ بھی معلوم ہوا ہے کہ ریسکیوٹیمیں بھی فعال ہیں اور کسی بھی ہنگامی صورت میں وہ مدد دینے کے لیے حاضر ہیں