محکمہ ریلویز کا کہنا ہے کہ بلوچستان سے اندرون ملک ٹرین سروس کو بحال کر دیا ہے،جبکہ کراچی سے کوئٹہ کیلئے بولان میل 12 فروری تک منسوخ رہے گی۔
ریلوے حکام کے مطابق سکیورٹی خدشات کے باعث 31 جنوری کو ہونے والے حملوں کے بعد گزشتہ پانچ روز سے معطل ٹرین سروس کو بحال کر دیا گیا ہے، کوئٹہ سے اندرونِ صوبہ بلوچستان اور دیگر صوبوں کیلئے ٹرین آپریشن مرحلہ وار دوبارہ شروع کیا جا رہا ہے۔
حکام کا کہنا ہے کہ کوئٹہ سے چمن جانے والی چمن پسنجر ٹرین اپنے مقررہ وقت پر روانہ ہوگئی، جس کے بعد مسافروں نے سکھ کا سانس لیا، اسی طرح کوئٹہ سے پشاور جانے والی جعفر ایکسپریس کی سروس بھی آج سے بحال کر دی گئی ہے۔
چینی شہریوں کو ہرممکن سکیورٹی فراہم کرنا ہماری اولین ترجیح ہے،محسن نقوی
ریلوے انتظامیہ کے مطابق کراچی اور کوئٹہ کے درمیان چلنے والی بولان میل ٹرین سروس آئندہ چند روز میں بحال کر دی جائے گی بلوچستان میں بد امنی کے واقعات کی وجہ سے اندورن ملک کے لئے ٹرین سروس 31 جنوری کو معطل کی گئی تھی۔
بلوچستان میں آپریشن رد الفتنہ ون کامیابی سے مکمل ،216 دہشتگرد جہنم واصل