پاکستان ایل این جی لمیٹڈ (پی ایل ایل) کو ایل این جی اسپاٹ کارگوز کی خریداری کیلئے مختلف کمپنیوں کی جانب سے بولیاں موصول ہوگئی ہیں۔
ذرائع کے مطابق پی ایل ایل کو 16.98 ڈالر فی ایم ایم بی ٹی یو تک کی کم ترین بولی موصول ہوئی، جو ٹوٹل انرجیز گیس اینڈ پاور کی جانب سے 24 سے 26 مئی کی ڈیلیوری کیلئے جمع کرائی گئی مجموعی طور پر 6 کمپنیوں نے اسپاٹ کارگوز کیلئے بولیاں جمع کرائیں اس کے علاوہ 12 سے 14 مئی کے عرصے کیلئے بھی پی ایل ایل کو 17.28 ڈالر فی ایم ایم بی ٹی یو کی بولی موصول ہوئی ہے اور ٹوٹل انرجیزگیس اینڈ پاور نے 24 سے 26 مئی کے لیے سب سے کم بولی جمع کرائی ہے موصول ہونے والی بولیوں کا جائزہ لینے کے بعد حتمی فیصلہ پی ایل ایل بورڈ کی جا نب سے کیا جا ئے گا۔
قبل ازیں پاکستان ایل این جی لمیٹڈ بورڈ نے اسپاٹ ایل این جی کارگو خریدنے کی منظوری دی تھی اور 27 اپریل سے 14 مئی کے دوران تین ایل این جی کارگوز کے لیے بولیاں طلب کی تھی جبکہ یکم سے 7 مئی اور 8 سے 14 مئی کے لیے آنے والی بولیوں کو منظور نہیں کیا گیا تھا پی ایل این جی کو یکم تا 7 مئی کے لیے کارگو کی بولی 18.5 ڈالر ایم ایم بی ٹی یو اور 8 تا 14 مئی کے لیے 17.99 ڈالر ایم ایم بی ٹی یو کی پیش کش کی گئی تھی۔
یاد رہے کہ چند روز قبل وفاقی وزیر برائے توانائی اویس احمد لغاری نے کہا تھا کہ ہمیں ایل این جی گیس موصول ہو چکی جس کے بعد اب بجلی کی لوڈ مینجمنٹ کا خاتمہ ہو چکا ہے کچھ روز سے عوام کو لوڈ مینجمنٹ کا سامنا کرنا پڑ رہا تھا،ہمیں ایل این جی گیس موصول ہو چکی ہے، گیس موصول ہوتے ہی اب بجلی کی لوڈ مینجمنٹ کا خاتمہ ہو چکا ہے۔