کراچی میں ملیر کے علاقے ذکریا گوٹھ میں دل دہلا دینے والا واقعہ پیش آیا جہاں مبینہ طور پر دیور نے بھابھی کو ریپ کے بعد گلا دبا کر قتل کردیا، پولیس نے ملزم کو گرفتار کرلیا۔
پولیس کے مطابق 30 سالہ شادی شدہ خاتون سعدیہ کی لاش پیر کو ذکریا گوٹھ سے جناح پوسٹ گریجویٹ میڈیکل سینٹر منتقل کی گئی تھی۔پولیس سرجن ڈاکٹر سمیعہ سید نے بتایا کہ پوسٹ مارٹم رپورٹ میں جنسی تشدد کے شواہد ملے ہیں جبکہ موت دم گھٹنے سے ہوئی، تمام متعلقہ نمونے فرانزک کے لیے حاصل کرلیے گئے ہیں۔ملیر کینٹ تھانے کے ایس ایچ او آغا عبدالرشید کے مطابق گرفتار ملزم اسحٰق مقتولہ کا دیور ہے۔ مقتولہ کا شوہر بھاری گاڑیاں چلانے کے سلسلے میں بلوچستان میں موجود تھا جبکہ دونوں بھائیوں کے اہلخانہ ایک ہی گھر میں رہتے ہیں۔
ایس ایچ او نے بتایا کہ ملزم نے ابتدائی طور پر پولیس کو بیان دیا کہ مقتولہ نے پھندا لگا کر خودکشی کی، تاہم پوسٹ مارٹم رپورٹ کے بعد انکشاف ہوا کہ خاتون کو ریپ کے بعد قتل کیا گیا ہے۔
فلسطین میں اسرائیلی مظالم ،اقوام متحدہ کی تحقیقات فنڈنگ نہ ملنے پر معطل
بھارت کے پاس وقت کم،پی سی بی جوئے کو سپورٹ کرتی ہے
پنجاب میں غیر رجسٹرڈ این جی اوز بند کرنے کا فیصلہ
بازی پلٹ گئی،ڈھاکہ دلی کے تسلط سے آزاد،مودی پاکستان سے خوفزدہ