پاک فوج کے شعبہ تعلقات عامہ (آئی ایس پی آر) نے بتایا ہے کہ لیفٹیننٹ کرنل جنید طارق اور میجر طیب راحت کی نمازِ جنازہ چکلالہ گیریژن میں ادا کر دی گئی۔
یہ دونوں افسران اورکزئی میں بھارتی ایجنٹ خوارج کے خلاف جاری آپریشن کے دوران جامِ شہادت نوش کر گئے تھے۔آئی ایس پی آر کے مطابق نمازِ جنازہ میں وزیراعظم شہباز شریف، فیلڈ مارشل عاصم منیر اور دیگر اعلیٰ حکام نے شرکت کی۔ شہداء کو ان کے آبائی علاقوں میں فوجی اعزاز کے ساتھ سپردِ خاک کیا جائے گا۔ترجمان نے بتایا کہ اورکزئی آپریشن میں مجموعی طور پر 11 بہادر جوان شہید ہوئے۔
اس موقع پر وزیراعظم نے شہداء کو خراجِ عقیدت پیش کرتے ہوئے کہا کہ قوم دہشتگردی کے خلاف پختہ عزم رکھتی ہے اور شہداء کی قربانیاں مادرِ وطن کے دفاع کے عزم کی یاددہانی ہیں۔ انہوں نے عزم ظاہر کیا کہ دہشتگردی کے فتنے کو جڑ سے اکھاڑ کر پھینکا جائے گا۔
سیاسی بیانات پر تعلقات خراب نہیں ہونے چاہئیں: وزیرِ اعظم
غزہ جنگ: ٹرمپ نے ترکیہ سے حماس کو امن منصوبے پر قائل کرنےکا کہا
شکاگو میں کشیدگی: ٹرمپ کا میئر اور گورنر کی گرفتاری کا مطالبہ، فوجی دستے تعینات