وزیراعظم شہباز شریف نے برطانوی وزیر خارجہ ڈیوڈ لیمی سے ملاقات میں پاکستان کے جنگ بندی کے لیے پرعزم موقف کو دہراتے ہوئے کہا کہ پاکستان نے بھارتی جارحیت کے باوجود صبر و تحمل کا مظاہرہ کیا ہے۔
باغی ٹی وی کے مطابق، ملاقات اسلام آباد میں ہوئی جہاں دوطرفہ تعلقات، علاقائی صورتحال اور پاک-بھارت سیز فائر پر تبادلہ خیال کیا گیا۔
وزیراعظم شہباز شریف نے کہا کہ پاکستان امن کا خواہاں ہے اور خطے میں استحکام کے لیے پرامن حل کا حامی ہے۔ بھارت کی بلااشتعال جارحیت کے باوجود پاکستان نے ذمہ داری کا مظاہرہ کیا۔”انہوں نے برطانیہ کے تعمیری کردار کو سراہتے ہوئے کہا کہ عالمی برادری کو امن کی بحالی میں اپنا فعال کردار ادا کرنا چاہیے۔
اس سے قبل اسحٰق ڈار سے ملاقات
اس ملاقات سے قبل ڈیوڈ لیمی نے وزارت خارجہ پاکستان کا دورہ کیا، جہاں ان کی ملاقات وفاقی وزیر خارجہ اسحاق ڈار سے ہوئی۔ اسحاق ڈار نے پاک بھارت جنگ بندی میں کردار ادا کرنے پر برطانیہ کی کوششوں کو سراہا۔انہوں نے کہا کہ بھارت نے پاکستان کی خودمختاری کے خلاف بلااشتعال اور جارحانہ اقدام اُٹھایا، جو نہ صرف بین الاقوامی قانون بلکہ اقوام متحدہ کے چارٹر اور بین المُلکی تعلقات کے بنیادی اصولوں کے بھی خلاف ہے۔”
وزیر خارجہ نے مزید کہا کہ پاکستان نے اقوام متحدہ کے چارٹر کی شق 51 کے تحت دفاع میں ایک محدود اور نپا تُلا جواب دیا، جس میں سویلین آبادیوں کے تحفظ کو اولین ترجیح دی گئی۔
بھارت میں ترک کمپنی سیکیورٹی کلیئرنس منسوخ کرنے پر عدالت پہنچ گئی
ملک بھر میں مون سون بارشوں کی تباہ کاریاں، اموات کی تعداد 820 تک جا پہنچی
پیٹرولیم مصنوعات کی قیمتوں کی اندرونی کہانی منظر عام پرآگئی
بلاول بھٹو کی برطانوی سیکریٹری خارجہ سے ملاقات، پاک بھارت کشیدگی پر تبادلہ خیال
