لاہور میں بھارتی جاسوس ڈرون کی پاکستانی فضائی حدود میں دراندازی کی کوشش کو بروقت کارروائی کرتے ہوئے ناکام بنا دیا گیا۔ رینجرز اور مقامی شہریوں نے فوری فائرنگ کر کے ڈرون کو واپس بھاگنے پر مجبور کر دیا، واقعے کی ویڈیو بھی سامنے آ گئی ہے۔
باغی ٹی وی کے مطابق کے مطابق، بھارتی سرویلنس ڈرون بیدیاں روڈ کے قریب پاکستانی حدود میں داخل ہونے کی کوشش کر رہا تھا۔ جیسے ہی ڈرون فضا میں نظر آیا، رینجرز کے اہلکاروں اور مقامی شہریوں نے مشترکہ طور پر فائرنگ کی، جس کے باعث ڈرون کو فوری طور پر واپسی کا راستہ اختیار کرنا پڑا۔ذرائع کا کہنا ہے کہ ڈرون کی فوٹیج منظر عام پر آ گئی ہے، جس میں واضح طور پر اس کو نشانہ بناتے ہوئے دیکھا جا سکتا ہے۔
واقعے کے بعد علاقے کے شہریوں نے افواجِ پاکستان اور رینجرز کے ساتھ بھرپور یکجہتی کا اظہار کیا۔ ان کا کہنا تھا کہ ہم دشمن کے کسی بھی ناپاک ارادے کو کامیاب نہیں ہونے دیں گے اور افواجِ پاکستان کے شانہ بشانہ کھڑے ہیں۔عوامی ردعمل میں کہا گیا ہے کہ پاکستان کے خلاف ہر سازش کا بھرپور جواب دیا جائے گا، اور مادرِ وطن کے تحفظ کے لیے کوئی کسر نہیں چھوڑی جائے گی۔
بھارتی میڈیا کے پاکستان پر حملے کا دعویٰ، سیکیورٹی ذرائع نے مسترد کر دیا
پاکستان کا خوف،بھارت نے 28 ایئرپورٹس کی بندش 15 مئی تک بڑھا دی