وزیر دفاع خواجہ آصف نے کہا ہے کہ میرے دل میں بہت کچھ چھپا ہوا ہے، اور جب میرا مزاج خراب ہوتا ہے تو میں جنرل قمر جاوید باجوہ کے خلاف باتیں کر دیتا ہوں۔ جب میں کچھ کہتا ہوں تو باجوہ میرے بڑوں سے رابطہ کرکے شکایات کرتے ہیں۔
نجی ٹی وی کے ایک پروگرام میں گفتگو کرتے ہوئے خواجہ آصف نے کہا کہ بھارت کے خلاف سفارتی محاذ پر بھی سخت کارروائی ہونی چاہیے۔ انہوں نے کہا کہ کلبھوشن یادیو ہمارے پاس بھارتی دہشت گردی کا واضح ثبوت ہے اور بھارت کو اس بات کی تکلیف ہے کہ امریکی سابق صدر ڈونلڈ ٹرمپ کشمیر کے مسئلے پر بات کر رہے ہیں۔
ان کا کہنا تھا کہ بھارت کو سب سے بڑا دھچکا یہ لگا ہے کہ کشمیر کا معاملہ عالمی سطح پر توجہ کا مرکز بن گیا ہے۔ انہوں نے کہا کہ ہماری دو نسلوں نے اتنی سیاست نہیں کی جتنی جنرل باجوہ نے اپنے پانچ سالہ دور میں کی ہے۔ نومبر کے دس دنوں میں جب نئے چیف آف آرمی اسٹاف کی تقرری ہونی تھی، اس دوران جنرل باجوہ روزانہ مختلف منصوبے لے کر آتے تھے جن میں ان کی تصویر بھی شامل ہوتی تھی۔ وزیر دفاع نے بتایا کہ اگر میں زیادہ بولوں تو پھر شکایات بڑھ جائیں گی۔
انہوں نے کہا کہ موجودہ آرمی چیف اور جنرل باجوہ میں بہت فرق ہے، اسی وجہ سے باجوہ انہیں روکنے کے لیے سخت کوششیں کر رہے تھے۔ انہوں نے دعویٰ کیا کہ باجوہ کی شرط تھی کہ یا تو ان کی خدمات جاری رکھی جائیں یا ان کے منتخب کیے گئے فرد کو ہی آرمی چیف بنایا جائے۔
ملک بھر میں سونے کی قیمت میں اضافہ، فی تولہ 5 ہزار 900 روپے مہنگا
اسلام آباد میں ٹک ٹاکر ثنا یوسف کو فائرنگ کر کے قتل کر دیا گیا
ملک کے بالائی علاقوں میں بارش کا امکان، میدانی علاقوں میں شدید گرمی
جنرل اوپندر دیویدی کا مذہبی آشرم کا دورہ ،بھارتی فوج کی سیکولر روایت پر سوالیہ نشان