بھارتی کامیڈین اور ٹی وی میزبان بھارتی سنگھ نے اپنا وزن 15 کلوکم کر لیا-
بھارتی سنگھ نے اپنے وزن میں کمی تقریباً 10 ماہ میں کی، جس میں انہوں نے اپنے طرز زندگی میں سادہ اور مؤثر تبدیلیاں کیں،بھارتی سنگھ نے اپنے وزن کم کر نے کا راز وقفے وقفے سے روزہ رکھنے کو قرار دیا انہوں نے بتایا کہ وہ ہر دن شام 7 بجے سے لے کر دوپہر 12 بجے تک کچھ نہیں کھاتیں اور پھر دوپہر میں کھانا شروع کرتی ہیں، اس طریقہ کار کو ”وقفے وقفے سے روزہ“ یا انٹرمیٹنٹ فاسٹنگ کہا جاتا ہے، جو وزن کم کرنے کے لیے ایک مؤثر طریقہ سمجھا جاتا ہے۔
بھارتی سنگھ کے مطابق اس عمل نے نہ صرف ان کے وزن میں کمی کی بلکہ ان کی مجموعی صحت میں بھی بہتری لائی اور وہ اب خود کو زیادہ توانائی سے بھرپور اور صحت مند محسوس کرتی ہیں،وزن کم کرنے کے دوران انہوں نےاپنی کسی بھی پسندیدہ خوراک کو ترک نہیں کیا، بلکہ اعتدال میں رہ کر کھانے کا اہتمام کیا پور شن کنٹرول یعنی کھانے کی مقدار پر قابو پانے کی مشق بھی ان کی کامیابی میں اہم ثابت ہوئی اس کے علاوہ، بھارتی سنگھ نے کھانے کے اوقات کی پابندی کرنے کو بھی اہم قرار دیا، جو ان کی وزن کم کرنے کی کوششوں میں مددگار ثابت ہوا۔
ماں اور دو بچے تالاب میں ڈوب کر جاں بحق
انہوں نے ایک انٹرویو میں کہا کہ میں نے اپنا وزن 91 کلو سے کم کر کے 76 کلوگرام کر لیا ہے میں اس بات پر بھی حیران ہوں کہ میں نے اتنا وزن کم کر لیا ہے لیکن میں خوش ہوں کہ میں اب صحت مند اور فٹ محسوس کر رہی ہوں مجھے اب سانس لینے میں کوئی مشکل نہیں ہوتی اور مجھے ہلکا سر محسوس ہوتا ہے میری ذیابیطس اور دمہ بھی کنٹرول میں ہے–
انہوں نے انکشاف کیا کہ میں بہت خوش ہوں کہ اب پتلی ہو گئی ہوں کراپ ٹاپس اپنے سائز میں ملنا بہت مزہ دیتا ہے اب مجھے اچھے کپڑے مل جاتے ہیں، جو پہلے نہیں ملتے تھے وزن کم کرنا صرف خوشی کا وعدہ نہیں کرتا، بلکہ یہ آپ کی صحت کو بہتر بنا سکتا ہے، جس کے نتیجے میں آپ اپنے بارے میں اچھا محسوس کر سکتے ہیں۔
مہاراشٹرا سیکیورٹی بل مودی سرکار کی جمہوریت کو دبانے کی ایک اور سازش
تاہم وزن کم کرنے کا ہر فرد کا سفر مختلف ہوتا ہے اور ہو سکتا ہے کہ آپ کو وہی نتائج نظر نہ آئیں جو بھارتی سنگھ نے کیا ہے وزن کم کرنے کے عمل میں احتیاط ضروری ہے اور ہر شخص کے جسم کی ضروریات مختلف ہوتی ہیں، اس لیے ڈاکٹر سے مشورہ کرنا بہت ضروری ہے۔
