بھارتی فضائیہ کی اسکواڈرن لیڈر آرچیشا 15 جولائی 2023 کو ایک فضائیہ کی پارٹی میں مبینہ طور پر اجتماعی زیادتی کا نشانہ بننے کے بعد 6 روز بعد دم توڑ گئیں۔ ذرائع کے مطابق ان کے سر پر شدید چوٹ آئی تھی جو موت کی وجہ بنی۔
باغی ٹی وی کے مطابق بھارتی میڈیا رپورٹس میں بتایا گیا کہ یہ واقعہ بھارتی مسلح افواج میں جنسی تشدد اور خاموشی کے بڑھتے ہوئے رجحان کی ایک اور کڑی کے طور پر سامنے آیا ہے۔ ماہرین کا کہنا ہے کہ اس طرح کے واقعات میں مسلسل اضافہ ہو رہا ہے لیکن ادارہ جاتی دباؤ، داخلی تفتیش کے مبہم طریقہ کار اور متاثرین کی آواز کو دبانے کے رجحان نے انصاف کے عمل کو شدید متاثر کیا ہے۔ میڈیکل رپورٹ میں تصدیق ہوئی ہے کہ آرچیشا کے ساتھ نہ صرف جنسی زیادتی کی گئی بلکہ ان پر تشدد بھی کیا گیا، جس کے نتیجے میں ان کے دماغ کی ہڈی ٹوٹ گئی۔ واقعہ کے بعد انہیں اسپتال منتقل کیا گیا تاہم وہ جانبر نہ ہو سکیں۔
سوشل میڈیا پر عوامی غصے کی لہر دوڑ گئی ہے، جب کہ انسانی حقوق کے کارکنان اور خواتین کے تحفظ کے لیے سرگرم تنظیموں نے شفاف تحقیقات اور ملزمان کو سخت سزا دینے کا مطالبہ کیا ہے۔ اب تک بھارتی حکومت یا افواج کی اعلیٰ قیادت کی جانب سے کوئی باضابطہ بیان سامنے نہیں آیا۔ذرائع کے مطابق، آرچیشا نہ صرف ایک قابل افسر تھیں بلکہ انہوں نے کئی آپریشنز میں بھی حصہ لیا تھا۔ ان کی موت نے بھارتی فضائیہ کے اندر خواتین کی سلامتی پر سنگین سوالات اٹھا دیے ہیں۔
امریکی یونیورسٹی ٹرمپ انتظامیہ کے سامنے ڈٹ گئی، مطالبات مسترد
ن لیگ کا عوامی رابطے بڑھانے کے لیے کیلیے لاہور سیکریٹریٹ کا فیصلہ
پی ایس ایل 10 اسلام آباد کے ہاتھوں پشاور کو شکست