بھارت کے بحری جنگی جہاز میں آگ لگ گئی، آگ لگنے سے جہاز تباہ ہوگیا، بھارتی بحریہ کے مطابق جہاز ٹھیک نہیں ہو سکتا،
بھارتی بحریہ کے جنگی جہاز کو آگ ڈاکیارڈ میں لگی،بھارتی بحریہ کے جنگی جہاز آئی این ایس برہم پترا میں اچانک آگ بھڑک اٹھی ، واقعہ کی ویڈیو سوشل میڈیا پر وائرل ہو رہی ہیں جس میں جہاز میں آگ کے شعلوںکو بلند ہوتا دیکھا جا سکتا ہے، آگ کی اطلاع ملنے پر حکام کی دوڑیں لگ گئیں،آگ لگنے سے جہاز تباہ ہو گیا ہے، اس دوران ایک شخص لاپتہ ہو گیا ہے جس کی تلاش جاری ہے.
بھارتی بحریہ کے سربراہ ایڈمرل دنیش ترپاٹھی نے بھارتی وزیر دفاع راج ناتھ سنگھ کو جنگی جہاز میں آگ لگنے کے واقعہ اور نقصانات کے بارے میں آگاہ کیا، بھارتی بحریہ کے مطابق آگ پر قابو پا لیا گیاہے، جہاز بندرگاہ کی طرف جھک گیا ہے، تمام تر کوششوں کے باوجود جہاز کو ٹھیک نہیں کیا جا سکا،بحری جہاز کے عملے نے، نیول ڈاکیارڈ، ممبئی اور بندرگاہ میں موجود دیگر جہازوں کے فائر فائٹنگ اہلکاروں کی مدد سے آگ بجھائی،
بھارت کےمرکزی وزیر دفاع راج ناتھ سنگھ نے بحریہ کے سربراہ دنیش کے سے ملاقات کی اور جہاز میں آگ لگنے کے واقعہ کی تحقیقات کا حکم دیا،
بھارتی نیوی نے بحیرۂ عرب میں گائیڈڈ میزائل ڈسٹرائرز تعینات کر دیئے ہیں
غیر ملکی خبرایجنسی کے مطابق بحیرۂ عرب میں بھارتی جہاز پر ڈرون حملے کے واقعے کے بعد گائیڈڈ میزائل ڈسٹرائرز تعینات کیے گئے ہیں،بھارتی بحریہ نے اس امر کی تصدیق کی ہے کہ بحیرۂ عرب کے مختلف علاقوں میں گائیڈڈ میزائل ڈسٹرائر تعینات کیے ہیں،
کچھ دن قبل بھارتی گجرات کے ساحلی علاقے میں جہاز پر ڈرون حملہ ہوا تھا، جس کے بعد بھارتی نیوی نے یہ اقدام اٹھایا،اس حوالے سے پینٹاگون نے الزام عائد کیا تھا کہ بھارتی ساحل پر جاپان کے ملکیتی کیمیکل بردار تجارتی جہاز کو ایران سے فائر کیے گئے ڈرون نے نشانہ بنایا ہے،
بھارتی نیوی کے مطابق بحیرہ عرب میں تین جنگی جہاز اور جاسوس طیارے تعینات کیے گئے ہیں،” تین گائیڈڈ میزائل ڈسٹرائر اور P8I طویل فاصلے تک مار کرنے والے میری ٹائم جاسوسی طیارے تعینات کیے جا رہے ہیں۔
7 اکتوبر سے ایران کے حمایت یافتہ حوثی باغیوں نے بحیرہ احمر میں 10 تجارتی جہازوں کو نشانہ بناتے ہوئے 100 سے زیادہ ڈرون اور میزائل حملے کیے ہیں۔ اس کے جواب میں، امریکہ نے بحیرہ احمر کی عالمی شپنگ لین کی حفاظت کے لیے ایک بحری اتحاد قائم کیا ہے۔
قطر میں بھارتی نیوی کے آٹھ سابق افسران کو سزائے موت دینے کے فیصلے کے خلاف اپیل منظور کر لی گئی
قطر میں سزائے موت کے خلاف اپیل کی درخواست جلد ہو گی،اپیل بھارتی حکومت نے دائر کی تھی، قطری عدالت نے بھارتی حکومت کی دستاویزات قبول کر لی ہیں، کیس کی جلد سماعت متوقع ہے، بھارتی وزارت خارجہ کے ترجمان ارندم باگچی کا کہنا ہے کہ بھارت نے قطری عدالت میں سزائے موت کے فیصلے کے خلاف اپیل دائر کی تھی
بھارتی نیوی کے جن سابق افسران کو سزائے موت سنائی گئی ان پر اسرائیل کے لیے جاسوسی کا الزام ہے۔ قطر کی نیوز ویب سائٹ الجزیرہ کی رپورٹ کے مطابق ان افسران پر قطر کی آبدوز کے منصوبے سے متعلق معلومات اسرائیل کو دینے کا الزام ہے،تاہم قطری حکومت نے الزامات بارے کوئی معلومات بھارتی حکومت کو نہیں دیں،
بھارتی وزارت خارجہ کے ترجمان نے کہا کہ ہماری حکومت اس معاملے میں قطری حکومت کے ساتھ مسلسل رابطے میں ہے اور سات نومبر کو قطر میں واقع انڈین سفارتحانے کو سزا پانے والے آٹھ شہریوں تک قونصلر رسائی دی گئی ہے گزشتہ ہفتے وزیر خارجہ جے ایس شنکر نے سزائے موت پانے والے افراد کے اہلخانہ سے ملاقات کی تھی-
بھارتی وزارت خارجہ کا کہنا ہے کہ جن افراد کو قطری عدالت نے سزا سنائی وہ قطر میں الدہرہ کمپنی میں ملازمت کرتے تھے، جنہیں جاسوسی کے الزام میں گرفتار کیا گیا تھا،آٹھوں بھارتی نیوی کے سابق افسران ہیں،وہ بڑے بھارتی جنگی جہازوں کی کمان سنبھالتے تھے، وہ قطر کی مسلح افواج کو تربیت اور متعلقہ خدمات فراہم کرنے والی ایک نجی فرم دہرہ گلوبل ٹیکنالوجیز اینڈ کنسلٹنسی سروسز کے لیے کام کر رہے تھے،
قطر کی عدالت نے بھارتی نیوی کے آٹھ اہلکاروں کو جاسوسی کے الزام میں سزائے موت سنا دی
قطری عدالت کی جانب سے سزائے موت سنائے جانے پر بھارتی وزارت خارجہ کا کہنا ہے کہ سزائے موت کا فیصلہ ہمارے لئے حیران کن ہے، ہم تفصیلی فیصلے کا انتظار کر رہے ہیں، ہم قانونی ٹیم کے ساتھ رابطے میں اور تمام قانونی آپشنز پر غور کر رہے ہیں،ہم اس معاملے کو اہم سمجھ رہے ہیں، قونصلر اور قانونی مدد فراہم کرنے کے علاوہ معاملہ قطری حکام کے ساتھ بھی اٹھائیں گے
بھارتی وزارت خارجہ کا کہنا ہے کہ جن افراد کو قطری عدالت نے سزا سنائی وہ قطر میں الدہرہ کمپنی میں ملازمت کرتے تھے، جنہیں جاسوسی کے الزام میں گرفتار کیا گیا تھا،آٹھوں بھارتی نیوی کے سابق افسران ہیں،وہ بڑے بھارتی جنگی جہازوں کی کمان سنبھالتے تھے، وہ قطر کی مسلح افواج کو تربیت اور متعلقہ خدمات فراہم کرنے والی ایک نجی فرم دہرہ گلوبل ٹیکنالوجیز اینڈ کنسلٹنسی سروسز کے لیے کام کر رہے تھے،
میڈیا رپورٹس کے مطابق بھارتی نیوی کے سابق اہلکاروں کی ضمانت کی درخواست کئی بار مسترد ہوئی، آج عدالت نے فیصلہ سناتے ہوئے آٹھوں اہلکاروں کو سزائے موت سنا دی،
اسلام آباد:جھپٹنا،پلٹنا،پلٹ کرجھپٹنا لہوگرم رکھنےکاہےاک بہانہ:کوئی بھی پاکستان کیطرف میلی آنکھ سےنہیں دیکھ سکتا:اطلاعات کے مطابق وفاقی وزیر داخلہ شیخ رشید احمد نے کہا ہے کہ کوئی پاکستان کے بری، بحری، اور فضائی حدود کی طرف میلی آنکھ سے نہیں دیکھ سکتا۔
اپنے ایک بیان میں انہوں نے کہا کہ 3 مارچ پاکستان کے گہرے پانیوں میں پانچویں دفعہ مداخلت کرنے کی کوشش کی ہے، ایک سال پہلے بھی ہم نے ان کی سب میرین کو پکڑا تھا لیکن مارا نہیں، ہم ایک پر امن ملک ہیں ہم نے ان کو مارا نہیں وارننگ دی تاکہ وہ واپس چلی جائے۔ کل بھی ہم نے ان کو متنبہ کیا کہ “انف ازانف “۔
وفاقی وزیر داخلہ کا کہنا تھا کہ ہم نے کل بھارت کو آخری بار وارننگ دی ہے، اب ہمارے پانیوں میں آئے تو ہم سے گلہ نہ کرنا، ہماری عظیم فوج ہے اور ہماری پاکستان بحریہ کا عظیم جذبہ ہے، کوئی پاکستان کے بری، بحری، اور فضائی حدود کی طرف میلی آنکھ سے نہیں دیکھ سکتا، ہم عظیم فوج کا عظیم ملک ؛ پاکستان ہیں۔
#PakistanNavy Anti-Submarine Warfare Unit intercepted & tracked latest Kalvari class Indian submarine on March, 1. The recent incident being the fourth detection in last 5 years is reflection of Pakistan Navy’s competence & resolve to defend maritime frontiers of Pakistan. pic.twitter.com/6sn1WvpUVj
یاد رہے کہ پاک بحریہ نے آبدوز شکن وار فیئر یونٹ نے بڑی کارروائی کرتے ہوئے بھارتی آبدوز کا سراغ لگا لیا۔
ڈی جی آئی ایس پی آر کے مطابق بھارتی آبدوز کا یکم مارچ کو سراغ لگایا گیا۔ گزشتہ پانچ سال میں چوتھی بار بھارتی آبدوز پاکستانی سمندری حدود میں ملی ہے، بھارتی آبدوز کو تلاش کرنا پاک بحریہ کی پیشہ وارانہ مہارت کا ثبوت ہے، پاک بحریہ پاکستان کی سمندری سرحدوں کی حفاظت کے لیے پرعزم ہے۔
نئی دہلی :پاکستان نیوی کے پاس ایسے ہتھیار آچکے کہ اب بھارتی نیوی کی تباہی یقینی ہے:بھارتی دفاعی حکام سخت پریشان ،بھارتی وزارت دفاع اس وقت بہت پریشان ہے اور بھارتی فوجی حکام کے ذہنوں پر ایک چیز سوار ہوچکی ہے کہ پاکستان نیوی نے چین سے ایسے جنگی ہیلی کاپٹر اورمیزائل حاصل کرلیے ہیں کہ جن کے استعمال کی صورت میں بھارتی بحریہ کی تباہی کے واضح آثار ہیں
امریکی اور بھارتی خفیہ ایجنسیوں نے یہ دعویٰ کیا ہے کہ پاک بحریہ کے 054 A/P فریگیٹس چین تیار کر رہے ہیں۔بھارتی دفاع حکام کا یہ بھی کہنا ہے کہ ایسے ہی جیسے مثال کے طور پر پی این ایس طغرل گزشتہ سال فراہم کیا گیا تھا۔بھارتی فوجی قیادت کے درمیان ہونے والی گفتگو سے پتہ چلتا ہےکہ بھارت کو یہ اطلاعات مل چکی ہیں کہ پاکستان چین سے ایک نہیں بلکہ تین قسم کے جدید خطرناک ہتھیاراپنی نیوی میں شامل کرنے کےلیے لے رہا ہے ،۔ اطلاعات کے مطابق ان میزائلوں کا ہدف بظاہر بھارتی جنگی جہاز جیسے کولکتہ اور ویزاگ کلاس ڈسٹرائرز اور اسٹیلتھ فریگیٹس ہیں۔
بھارتی اورامریکی دفاعی حکام کا یہ بھی دعویٰ ہے کہ پاکستان اپنے جنگی جہازوں کے لیے LY-70 ایئر ڈیفنس میزائل سسٹم خریدنے کے لیے بھی چین سے بات چیت کر رہا ہے۔ اس نے پہلے ہی مینوفیکچرر ALIT سے تکنیکی اور بجٹ تجویز کی درخواست کی ہے۔ پاکستان نیوی نے دو دہائیاں قبل اپنے طارق کلاس فریگیٹس کے لیے پچھلی قسم، LY-60N خریدی تھی۔
اس رپورٹ میں یہ بھی انکشاف کیا گیا ہے کہ پاکسان کےلیے چینی ہاربن ایئر کرافٹ انڈسٹری گروپ ہاربن Z-9 حملہ ہیلی کاپٹر تیار کرتا ہے۔ Z-9EC ایک اینٹی سب میرین وار فیئر ویرینٹ ہے جو پاکستان نیول ایئر آرم کے لیے تیار کیا گیا ہے۔ دشمن کی آبدوزوں کی شناخت، ٹریک کرنے اور انہیں ختم کرنے کے لیے، ہیلی کاپٹر ASW ٹارپیڈو اور سینسر اور ریڈار کے ساتھ ایک ہی وقت میں کئی خوبیوں سے مزین ہے
پاک بحریہ نے چین کی طرف سے چار قسم کے 054A/P فریگیٹس کی فراہمی کا آرڈر دیا ہے۔اس رپورٹ میں یہ بھی دعویٰ کیا گیا ہے کہ چینی اسلحہ سازکمپنیون نے نومبر 2021 میں چینی ساختہ پہلی قسم 054A/P گائیڈڈ میزائل فریگیٹ PNS Tughril کو شروع کیا۔
بھارتی دفاعی ماہرین کا کہنا ہے کہ نیا طغرل الیکٹرونک جنگی نظام، جدید ترین سطح، زیر زمین، اور اینٹی ایئر ہتھیاروں کے ساتھ ساتھ جنگی انتظامی نظام سے لیس ہے، اور اسے F-22P فریگیٹ کے لیے چینی فراہم کردہ جانشین کے طور پر دیکھا جاتا ہے۔ جنگی جہاز بنیادی طور پر اینٹی ایئر وارفیئر کے لیے بنایا گیا ہے، حالانکہ یہ اینٹی سرفیس اور اینٹی سب میرین کاموں کو بھی انجام دے سکتا ہے۔
انڈین اور امریکن ڈیفنس ماہرین کا کہنا ہے کہ CM-501GA زمین پر حملہ کرنے والے CM-501G میزائل کا ہلکا قسم ہے۔ چائنا ایرو اسپیس سائنس اینڈ انڈسٹری کارپوریشن یہ میزائل تیار کرتی ہے، جن کی رینج تقریباً 40 کلومیٹر ہے۔ لائٹر ویریئنٹ کو چینی ساختہ ہاربن Z-9 ہیلی کاپٹر سے لانچ کیا جا سکتا ہے، جسے پاکستان کی بحریہ بھی استعمال کرتی ہے۔
میزائل کا ڈیزائن CM-501G پر مبنی ہے، ایک زمینی حملہ کرنے والا میزائل جسے ابتدائی طور پر نومبر 2012 میں 9ویں Zhuhai Air شو میں دکھایا گیا تھا۔ سی ایم 501 جی میزائل کی رینج 70 کلومیٹر ہے۔ یہ میزائل امریکی NLOS-LS Netfires میزائل یا اسرائیلی JUMPER میزائل کے چینی مساوی سمجھا جاتا ہے۔
اس رپورٹ میں یہ بھی کہا گیا ہے کہ CM-501G سسٹم دو گاڑیوں پر مشتمل ہے، دونوں گاڑیاں شانکسی آٹوموبائل گروپ SX2190 6 x 6 کراس کنٹری ہیوی ڈیوٹی ٹرک پر مبنی ہیں۔ دو لانچرز/کنٹینرز، جن میں سے ہر ایک تین بائی تھری لے آؤٹ میں نو میزائلوں کے ساتھ، لانچنگ گاڑی کے پچھلے حصے میں نصب ہیں، جن کی کل تعداد 18 ہے۔ یہ Netfires کے 15 سے زیادہ ہے لیکن JUMPER کے 24 سے کم ہے۔
ماہرین کے مطابق اوپن آرکیٹیکچر اور ماڈیولر ڈیزائن کے تصور نے CM-501G سسٹم کو اتنا ورسٹائل بنا دیا ہے کہ وہ مختلف گائیڈنس سسٹمز کا انتخاب کر کے صارفین کے مختلف مطالبات کو پورا کر سکے: جب فنڈنگ محدود ہو تو دو طرفہ ڈیٹا لنک اور امیجنگ انفرا ریڈ۔ (IIR) کو سستے سیمی ایکٹیو لیزر (SAL) کے ساتھ تبدیل کیا جا سکتا ہے، اور سیٹلائٹ رہنمائی GPS، GLONASS، یا BeiDou میں سے کوئی بھی ہو سکتی ہے۔
فائر کنٹرول ماڈیول، ایمونیشن اڈاپٹر، اور خود مختار پاور کیبلز فائر کنٹرول سسٹم کو تشکیل دیتے ہیں۔ نیٹ ورک کے جنگی نیٹ ورک میں ضم ہونے کے بعد آپریٹرز ریموٹ کنٹرول استعمال کر سکتے ہیں۔ چونکہ یہ بارود کے اڈاپٹر سے ڈیٹا پر کارروائی کر سکتا ہے اور ہدف کو پوزیشن میں رکھ سکتا ہے، اس لیے فائرنگ کا نظام خود مختار طور پر کام کر سکتا ہے۔
ایک کمپیکٹ C41SR سسٹم جسے جنگی نیٹ ورک سے منسلک کیا جا سکتا ہے کمانڈ سسٹم کے طور پر کام کرتا ہے۔ یہ فائرنگ سسٹم کی رہنمائی کرنے، ڈیٹا کو پروسیسنگ اور اسٹور کرنے، ہدایات جاری کرنے، نقصان کا اندازہ لگانے اور سسٹم کی حالت کی نگرانی کرنے کے قابل ہے۔ پراجیکٹائل کی بہترین جنگی تاثیر ہوتی ہے کیونکہ جاسوسی اور فائر پاور یونٹ مؤثر طریقے سے کمانڈ سسٹم سے منسلک ہوتے ہیں۔
اس کی لانچنگ اور آپریشنل کنٹرول گاڑیاں خود مختار طور پر نیویگیٹ کر سکتی ہیں اور نامعلوم ماحول میں تیز رفتار ہتھکنڈے اور جدید ترین فائرنگ کے مشن کو انجام دے سکتی ہیں۔ لانچ گاڑی کو فائر کرنے کے لیے تیار ہونے میں تقریباً پانچ منٹ لگتے ہیں۔ شوٹنگ کے بعد موبائل موڈ پر واپس آنے میں ایک منٹ لگتا ہے۔
CM-501GA ٹی وی/انفراریڈ امیجری کے امتزاج کا استعمال کرتے ہوئے سیر کرتا ہے۔ CM-501GA میزائل 2 میٹر لمبا ہے جس کا قطر 180 ملی میٹر ہے۔
اس کے پاس 20 کلو گرام ہائی ایکسپوزیو وار ہیڈ ہے جس کی رینج 5-40 کلومیٹر ہے اور اس کا وزن 100 کلو ہے۔ مینوفیکچرر کے مطابق، ہٹ کی درستگی کو 1 میٹر کے اندر ریگولیٹ کیا جا سکتا ہے اور ہٹ کی شرح 90% ہے۔
ویسے تو بھارت خطے میں ایشین ٹائیگر بن کر نہ صرف پاکستان بلکہ چین کو بھی ناکوں چنے چبوانے کا خواہشمند ہے مگر زمینی حقیقت پر غور کیا جائے تو حقائق اس کے بلکل برعکس ہیں۔ بھارتی الیکشن ہوں یا پاکستان کسی سیاسی بحران کا شکار۔ بھارت نے ہمیشہ بمبئی حملے، سمجھوتہ ایکسپریس اور پلوامہ جیسے گھناونے کھیل کھیلے اور اس کے فورا بعد بھارتی میڈیا اپنے ٹوپی ڈرامے شروع کر دیتا ہے۔ بھارتی میڈیا بھارت کو دنیا کی ہیبت ناک جنگی طاقت اور تیسری بڑی فوجی قوت قرار دیتا ہے۔ مگر حقائق اس کے برعکس ہیں۔
1948 کی کشمیر جنگ ہو ۔ 1965 کی جنگ ہو۔ کارگل ہو۔ سرحدی جھڑپیں ہوں یا حالیہ فلاپ ایئر سڑائکس بھارتی فوج کو ہمیشہ منہ کی کھانا پڑی ہے ۔ یہاں تک کہ جنگ کے محاذ پر بھی مار کھائی اور انفارمیشن وار فیر میں بھی مار کھائی۔ بھارتی فوج کے پاس موجود اسلحہ نہ صرف میوزیم میں رکھنے کے قابل ہے بلکہ بھارتی فوجی خود بھی بدحالی کا شکار ہے. یہی وجہ ہے کہ بھارتی فوج میں اوسطا سالانہ 113 اور ماہانہ 9 اہلکاراپنی زندگی کا خاتمہ کررہے ہیں ۔ جس کی وجہ ان کی کسمپرسی اور مورال کا فقدان ہے۔ اکثر بھارتی فوجیوں کو جنگی محاذ پر کھانے کے لیے دو وقت کی روٹی تک نہیں مل پاتی ۔ بھارتی ہواباز پاکستانی ایف 16 اور جے ایف 17 تھنڈر کا سامنا کرنے سے ایسے گھبراتے ہیں جیسے کوا غلیل سے ۔ کبھی انکا سربجیت پکڑا جاتا ہے تو کبھی ابھی نندن چائے پینے یہاں چلا آتاہے۔کیونکہ
The tea is fantastic
بھارت کے زیر قبضہ کشمیر سے روز اطلاعات آتی رہتی ہیں کہ اتنے فوجی فلاں نہتے نوجوان نے مار دیے ۔ توکبھی فوج کے کمیپوں میں گھس کر مجاہدین نے قیامت برپا کر دی۔ جوکہ بزدل بھارتی فوج کی پیشہ ورانہ مہارت کے حوالے سے ذلت آمیز سوالیہ نشان ہے۔ بھارت کے چالیس فیصد میزائل تجربات کی ناکامیاں ان کی نا اہلیوں کا واضح ثبوت ہیں۔
کاش ۔۔۔ پاکستان کو عبرتناک سبق کی دھمکیاں دینے والا بھارتی میڈیا خواب خرگوش سے باہر آ کر پاکستان کی میزائل ٹیکنالوجی کے کرشمات دیکھے تو ان کے ہوش ٹھکانے آجائیں گےاور یہی میزائل ایٹمی وارہیڈ لے جانے کی صلاحیت بھی رکھتے ہیں۔دہلی،کولکتہ ، مدراس ، ممبئی سمیت شاید ہی بھارت کا کوئی شہر۔ قصبہ ۔ ٹکڑا یا جزیرہ ہو جو پاکستانی میزائلوں کی زد میں نہ ہو۔ بھارت کی
Cold start doctrine کو پہلے ہی پاکستانیtactical nuclear arms کی بدولت
old start doctrine بن چکی ہے ۔ جس کا اعتراف بھارتی فوج کے چیف وی کے سنگھ پہلے ہی کر چکے ہیں ۔ پاکستانی مسلح افواج کو جن چیلنجز کا سامنا ہے وہ کوئی راز نہیں ۔ پاکستانی فوج کے اخراجات بھارتی فوج کے مقابلے میں تقریباً ایک چوتھائی سے بھی کم ہیں۔ مگر دہشتگردی کے خلاف جنگ ہو یا روایتی دشمن بھارت کی جانب سے جارحیت کا مظاہرہ پاک فوج ہمیشہ سرخرو ہوئی ہے۔ جس طرح پاک فوج نے سوات۔ شمالی اور جنوبی وزیر ستان سے دہشتگردوں کا خاتمہ کیا ہے پوری دنیا اس بات کو تسلیم کرتی ہے کہ پاک افواج ایک battle hardened فوج ہے۔
ماہرین کے مطابق اگر بڑی جنگ چھڑ جائے تو بھارت جنگ میں مصروف اپنی فوج کو زیادہ سے زیادہ 10 روز تک اسلحہ اور گولہ بارود فراہم کرسکتا ہے۔ بھارتی فوج کے پاس موجود 68 فیصد اسلحہ اور آلات بہت پرانے ہیں۔ بھارتی ایئر فورس کے جہاز اڑتے تابوت ہیں جواکثر اپنے وزن سے آپ ہی گرتے رہتے ہیں . یہ جہاز کسی بھی لحاظ سے ایف سولہ تو ایک طرف جے ایف 17تھنڈر کا ہی مقابلہ نہیں کر سکتے جبکہ پاکستان کے پاس دنیا کے بہترین پائیلٹ موجود ہیں۔ ہیومن ریسورس اور ٹریننگ کے لحاظ سے پاکستان اور بھارت کی فوج کا کوئی مقابلہ بنتا ہی نہیں ہے۔
اگر بھارتی نیوی پر نظر ڈالی جائے تو آپ کو آئے روز خبریں ملیں گی کہ وہ اپنے ہی جہاز اور آبدوزوں کو اُڑانے میں مصروف ہیں۔ کبھی بھارتی نیوی کے شرمناک اسکینڈل سامنے آتے ہیں تو کبھی انکی کھڑی نیوکلیئر آبدوز چھوٹی سی غلطی کے سبب سمندر برد ہو جاتی ہے ۔ مگر اس سب کے باوجود بھارت اپنی ہٹ دھرمی سے باز نہیں آتااور پاکستان کو نقصان پہنچانے کا کوئی موقع ہاتھ سے نہیں جانے دیتا ۔ بلوچستان میں دہشتگردی ہو یا عالمی سطح پر پاکستان کو بدنام کروانے کی سازش ہر معاملے کے پیچھے بھارت ہی نظر آتا ہے ۔ ان تمام محاذوں پر بھی بھارت کے مقدر میں سبکی ہی ہے ۔ اس سال کے آغاز میں بھارتی دھمکیوں کے جواب میں ڈی جی آئی ایس پی آر میجر جنرل آصف غفور نے کہا تھا کہ
” انڈیا کو جو چیز روک رہی ہے وہ ہماری قابل بھروسہ جوہری صلاحیت ہے تاہم وہ ہمارا عزم آزمانا چاہتا ہے تو آزما لے لیکن اس کا نتیجہ وہ خود دیکھے گا”
بے شک اس فوج کی وجہ سے ہی یہ ملک محفوظ اور قائم ودائم ہے ۔
پاک فوج زندہ باد
پاکستان پائندہ باد
اپنی رائے دینے کے لیے ای میل کریں
naveedsheikh123@hotmail.com
