Tag: بھارتی وزیراعظم نریندر مودی

بھارتی وزیراعظم نریندر مودی نے لوک سبھا میں اپنے حالیہ خطاب کے دوران ایک بار پھر پاکستان پر بے بنیاد الزامات عائد کرتے ہوئے دعویٰ کیا کہ ان کی حکومت نے دہشتگردی کے خلاف فوج کو مکمل آزادی دی، لیکن عالمی سطح پر ان دعوؤں کو کسی بھی غیر جانبدار ذریعے سے تسلیم نہیں کیا گیا۔

مودی نے دعویٰ کیا کہ 22 اپریل کو پہلگام حملے کے جواب میں بھارت نے 6 مئی کو "آپریشن سندور” کے تحت کارروائی کی، تاہم نہ تو کسی بین الاقوامی ادارے نے اس کی تصدیق کی اور نہ ہی کوئی قابلِ اعتبار شواہد پیش کیے گئے۔ مودی کا کہنا تھا کہ بھارت نے دہشتگردی کے مراکز کو نشانہ بنایا، مگر دنیا نے اسے سراہنے سے گریز کیا۔خطاب کے دوران مودی نے اپوزیشن جماعت کانگریس کو شدید تنقید کا نشانہ بنایا، اور الزام لگایا کہ کانگریس نے فوجی آپریشن کی حمایت کے بجائے حکومت کو تنقید کا نشانہ بنایا، جس سے فوجی حوصلہ پست ہوا۔

ان کا کہنا تھا کہ کانگریس کے رہنماؤں نے انہیں ’ناکام‘ اور ’غائب‘ قرار دے کر قومی مفاد کو نقصان پہنچایا۔نریندر مودی نے اپنے خطاب میں اپنے ہی سابق رہنما جواہر لعل نہرو کو بھی ہدف بنایا اور کہا کہ نہرو کی پالیسیوں نے بھارت کے مفادات کو نقصان پہنچایا، جس کے اثرات آج تک دیکھے جا رہے ہیں۔دلچسپ بات یہ ہے کہ مودی نے خود تسلیم کیا کہ صرف تین ممالک نے پاکستان کے مؤقف کی مخالفت کی، جو اس بات کا ثبوت ہے کہ بھارت کو عالمی سطح پر شدید سفارتی تنہائی کا سامنا ہے۔ انہوں نے رافیل طیارے کی تباہی اور ٹرمپ انتظامیہ کے کردار کا ذکر تک نہیں کیا، جو ان کے دعوؤں کو مزید مشکوک بناتا ہے۔

مودی کی تقریر زیادہ تر سیاسی نکتہ چینی اور بڑھک بازی تک محدود رہی، اور وہ بین الاقوامی حمایت، ثبوت، یا شفافیت پر بات کرنے سے گریزاں دکھائی دیے۔ خطاب کے دوران انہوں نے اپوزیشن کو "چھچھورا”، "بے شرم” اور "ناکام” قرار دیا، مگر عوامی سوالات کا کوئی واضح جواب نہ دے سکے۔

واضح رہے کہ بھارت کی اپوزیشن جماعتوں نے بھی مودی کے دعوؤں کو جھوٹ پر مبنی قرار دیتے ہوئے کہا ہے کہ حکومت صرف اپنی ناکامیوں سے توجہ ہٹانے کے لیے پاکستان پر الزامات لگا رہی ہے۔ عالمی برادری کی اکثریت نے بھی بھارتی دعوؤں کو تسلیم نہیں کیا اور پاکستان کے مؤقف کی حمایت کی ہے۔

متحدہ عرب امارات میں خاتون نے طلاق کیلئے 1 ارب درہم کا دعویٰ دائر کر دیا

ورلڈ چیمپئن شپ آف لیجنڈز میں پاکستان کی مسلسل چوتھی کامیابی

ایشیا کپ 2025 ، بھارت میں ہنگامہ، بائیکاٹ کی صدائیں بلند

روسی عدالت کا زوم پر قوانین کی خلاف ورزی پر 10 لاکھ ڈالر کا جرمانہ

بھارتی وزیراعظم نریندر مودی نے بھارتی فوج کو پہلگام واقعے پر ردعمل کی اجازت دے دی۔

نریندر مودی کی زیر صدارت سیکیورٹی اجلاس ہوا، جس میں وزیر دفاع راج ناتھ سنگھ، نیشنل سیکیورٹی ایڈوائزر اجیت دیول اور تینوں افواج کے سربراہان شریک ہوئے۔رپورٹس کے مطابق نریندر مودی نےکہا کہ ردعمل کا طریقہ کار، وقت، مقام اور اہداف خود فوج طے کرے گی۔بھارتی میڈیا رپورٹس کے مطابق بھارتی وزیراعظم نے اجلاس کے دوران اپنی فوج کو پہلگام واقعے پر ردعمل دینے کی اجازت دے دی ہے۔مودی نے دعویٰ کیا کہ دہشتگردی سے نمٹنے کے لیے قوم متحد ہے اور انھیں مسلح افواج کی پیشہ ورانہ قابلیت پر مکمل اعتماد ہے۔

واضح رہے کہ بھارتی فوج کو اس وقت شدید بغاوت اور بد انتظامی صورتحال کا سامنا ہے، مودی کی یہ نام نہاد "مکمل آزادی” خود بھارتی پارلیمنٹ کی منظوری کے بغیر دی گئی ہے جس کے پیچھے مودی کے سوا انڈین قوم کا کوئی لیڈر ہے نہ عوام ہیں اور نریندر مودی نے یہ بیان دہلی کی مرکزی حکومت مین اپنے چمچے سمجھے جانے والے وزیروں کے اجلاس کے موقع پر دیا۔ اس اجلاس میں وزیر دفاع راجناتھ سنگھ، قومی سلامتی کے مشیر اجیت دووال اور فوج کی تینوں سروسز کے سربراہان شریک تھے۔

سندھ تو دور ، عمر ایوب عمران خان سے ہی سچے نہیں، شرجیل میمن

احتساب عدالت سے سابق وزیر اعظم کو بڑا ریلیف، نیب کے مقدمات ختم

سونے کی فی تولہ قیمت میں ایک بار پھر اضافہ

وزیراعظم کا اقوام متحدہ سیکرٹری جنرل سے بھارتی اشتعال انگیزی پر رابطہ

سابق بھارتی بیوروکریٹ نے پہلگام حملے کا پروپیگنڈا بے نقاب کر دیا

بھارتی وزیر اعظم نریندر مودی اگلے ہفتے دورہ امریکا میں صدر ڈونلڈ ٹرمپ سے ملاقات کریں گے۔

غیر ملکی خبررساں اداروں کے مطابق بھارتی وزیراعظم نریندر مودی 12 تا 13 فروری واشنگٹن کا دورہ کریں گے، یہ ڈونلڈ ٹرمپ کے حلف اٹھانے کے بعد امریکا کا دورہ کرنے والے پہلے چند عالمی رہنماؤں میں سے ایک ہوں گے۔ رہنماؤں کے درمیان ’بہت قریبی تعلق‘ رہا ہے، حالانکہ ان کے تعلقات باوجود طویل عرصے سے امریکا-بھارت تجارتی معاہدے پر کوئی پیش رفت لانے میں ناکام رہے ہیں۔ان کا کہنا تھا کہ یہ دورہ باہمی دلچسپی کے تمام شعبہ جات کے حوالے سے نئی انتظامیہ کے ساتھ قریبی تعلق کے لیے ایک اہم موقع ہوگا، مزید بتایا کہ نریندر مودی امریکی صدر ٹرمپ کے ساتھ ملاقاتیں کریں گے۔

واضح رہے کہ نریندر مودی اپنے ’دوست‘ ڈونلڈ ٹرمپ کو گزشتہ ماہ ان کے حلف برداری کے بعد سب سے پہلے مبارکباد دینے والوں میں شامل تھے، انہوں نے کہا کہ وہ چاہتے ہیں کہ نئی دہلی اور واشنگٹن مل کر کام کریں۔بھارتی وزیراعظم نے جنوری میں ٹوئٹ کیا تھاکہ میں ایک بار پھر ایک ساتھ مل کر کام کرنے، دونوں ملکوں کو فائدہ پہنچانے اور دنیا کے لیے ایک بہتر مستقبل کی تشکیل کا منتظر ہوں۔27 جنوری کو امریکی صدر ڈونلڈ ٹرمپ اور بھارتی وزیر اعظم نریندر مودی کے درمیان ٹیلی فونک رابطہ ہوا تھا، جس کے بعد دونوں رہنماؤں کے درمیان پہلی بات چیت ہوئی تھی، ٹرمپ نے بھارت پر زور دیا تھا کہ وہ امریکی ہتھیاروں کی خریداری میں اضافہ کرے۔

امریکہ:غیر قانونی بھارتیوں کو ملک بدر کرنے کا سلسلہ جاری

ٹک ٹاک کا پاکستان کری ایٹر ایوارڈز 2024 کی نامزدگیوں کا اعلان

محبت میں کراچی آنے والی امریکی خاتون اپنے وطن روانہ

پنجاب بھر میں جلسے اور جلوسوں پر پابندی، دفعہ 144 نافذ

اگلے سال شہر میں مزید300 اسکیمیں مکمل کریں گے، میئر کراچی

امریکا اور بھارت کے سفارتکار اگلے ماہ نومنتخب امریکی صدر ڈونلڈ ٹرمپ اور بھارتی وزیراعظم نریندر مودی کی ملاقات کروانے کی کوشش کر رہے ہیں۔

غیر ملکی خبررساں ادارے کے مطابق چین کا مقابلہ کرنے کی کوششوں میں امریکا کا اسٹرٹیجیک شراکت دار بھارت واشنگٹن کے ساتھ اپنے تجارتی تعلقات بڑھانے اور اپنے ہنرمند شہریوں کے لیے ویزا کا حصول مزید آسان بنانے کا خواہاں ہے۔ نومنتخب امریکی صدر کی بھارتی وزیراعظم سے ملاقات طے ہوجاتی ہے تو یہ دونوں ایجنڈے اس میں شامل ہوں گے۔ڈونلڈ ٹرمپ کی وائٹ ہاؤس میں واپسی نے نئی دلی میں حکام کے درمیان بھارت پر ٹیرف عائد کرنے کے بارے میں تشویش پیدا کردی ہے کیوں کہ امریکا نے بھارت کو بھی امریکی مصنوعات پر زیادہ ٹیرف والے ممالک کی فہرست میں شامل کیا ہے اور اشارہ دیا ہے کہ وہ بھی ایسا کرنے کا حق رکھتے ہیں۔

ذرائع نے بتایا کہ نئی دلی اس حوالے سے واشنگٹن کو رعایت دینے کے لیے تیار ہے، حالانکہ امریکا نے اب تک بھارت مصنوعات پر ٹیرف عائد کرنے کے کسی منصوبے کے بارے میں باضابطہ طور پر آگاہ نہیں کیا، جب کہ بھارت امریکی سرمایہ کاری کو راغب کرنے کے لیے مراعات کی پیش کش کے لیے بھی تیار ہے۔

ذرائع نے اپنا نام نہ ظاہر کرنے کی شرط پر بتایا کہ اعلیٰ حکام کو امید ہے کہ دونوں سربراہان کی ملاقات سے ڈونلڈ ٹرمپ کی نئی مدت میں دونوں ممالک کے تعلقات کا مثبت آغاز ہوگا۔ٹرمپ نے اپنے پچھلے دور صدارت کے دوران فروری 2020 میں بھارت کا دورہ کیا تھا، جہاں انہوں نے نریندر مودی کے سیاسی گھر احمد آباد کے کرکٹ اسٹیڈیم میں ایک لاکھ سے زائد لوگوں کے مجمع سے خطاب کے دوران بھارت سے ناقابل یقین تجارتی معاہدہ کرنے کا وعدہ کیا تھا۔اسی طرح، 2019 میں ٹرمپ نے ہیوسٹن میں ’ہاؤڈی مودی‘ ریلی کا اہتمام کیا تھا جس میں 50 ہزار افراد نے شرکت کی تھی، جن میں زیادہ تر ہندوستانی نژاد امریکی شامل تھے۔

بھارتی وزیر خارجہ جے شنکر کے حالیہ دورہ امریکا کے دوران بھی ٹرمپ اور مودی ملاقات ان کے ایجنڈے میں شامل تھی، انہوں نے نومنتخب امریکی صدر کی حلف برداری کی تقریب میں شرکت کے موقع پر امریکی وزیر خارجہ مارکو روبیو سے ملاقات کی۔امریکی محکمہ خارجہ کے مطابق مارکو روبیو نے جے شنکر سے ’غیرقانونی مائیگریشن‘ سے متعلق خدشات کا اظہار کیا، اس کے علاوہ دونوں رہنماؤں کے درمیان ٹیکنالوجی اور دفاعی شعبوں میں شراکت داری کو مزید مستحکم کرنے پر بات ہوئی۔دونوں سربراہان مملکت کے درمیان غیر قانونی تارکین وطن پر بھی بات ہوسکتی ہے کیوں کہ ٹرمپ نے غیر قانونی تارکین وطن کے خلاف سخت کریک ڈاؤن کا وعدہ کررکھا ہے تاہم ساتھ انہوں نے یہ بھی کہا ہے کہ وہ ہنرمند شہریوں کو قانونی حیثیت دینے کے لیے تیار ہیں۔

واضح رہے کہ بھارت بڑے پیمانے پر انفارمیشن ٹیکنالوجی کے پیشہ ور افراد کے حوالے سے جانا جاتا ہے جن میں بیشتر دنیا بھر میں اس وقت کام کررہے ہیں جب کہ امریکا کی جانب سے جاری کردہ ہنرمند کارکن ایچ-1 بی ویزا کا بڑا حصہ ان کے پاس ہے۔