Baaghi TV

Tag: بھارتی پنجاب

  • بھارتی پنجاب کے وزیراعلیٰ دریا کا آلودہ پانی پی کربیمار،اسپتال پہنچ گئے

    بھارتی پنجاب کے وزیراعلیٰ دریا کا آلودہ پانی پی کربیمار،اسپتال پہنچ گئے

    نئی دہلی: بھارتی پنجاب کے وزیراعلیٰ بھگوانت مان دریا کا آلودہ پانی پی کربیمار ہوگئے جس پر انہیں اسپتال منتقل کیا گیا-

    باغی ٹی وی : بھارتی میڈیا کے مطابق بھارتی پنجاب کے وزیراعلیٰ بھگوانت مان نے دریا کا آلودہ پانی پیا تھا اوراسے اپنی خوش قسمتی قرار دیا تھا انہوں نے دریا کی صفائی کے سلسلے میں منعقد تقریب میں آلودہ پانی پیا تھا جس کے بعد بھگوانت مان آلودہ پانی پینے سے پیٹ کی شدید تکلیف کا شکار ہوگئے۔ انہیں دلی کے اسپتال میں داخل کردیا گیا ہے۔

    بھوپال میں بارشوں کیلئے مینڈکوں کی شادی


    وزیراعلیٰ پنجاب کی دریا کے پانی سے گلاس بھرکر پینے کی ویڈیو سوشل میڈیا پر وائرل ہوگئی تھی ویڈیو میں وزیراعلیٰ کے آلودہ پانی کے دوران لوگوں کوخوشی سے نعرے لگاتے بھی سنا جا سکتا ہے ویڈیو گزشتہ اتوار کی ہے۔

    مشہور ماہر ماحولیات اور راجیہ سبھا کے رکن بابا بلبیر سنگھ سیچیوال نے وزیر اعلیٰ کو کالی بین ندی کی صفائی کی 22 ویں سالگرہ میں شرکت کی دعوت دی تھی اور انہیں پنجاب کے سلطان پور لودھی میں مقدس ندی کے آلودہ پانی کا گلاس پیش کیا تھا۔

    ناسا ایک بار پھر چاند پرمشن روانہ کیلئے تیار

    پنجاب کے وزیراعلیٰ نے یہ پانی بغیر کسی ہچکچاہٹ کے پی لیا جو کہ شہروں اور دیہاتوں کا سیوریج ہے۔ کچھ دنوں سے سی ایم کو علاج کے لیے دہلی کے اپولو اسپتال میں داخل کروایا گیا-

    بھارتی میڈیا کے مطابق اس دن پنجاب حکومت نے ریاست کے دریاؤں اور ندی نالوں کی صفائی کے لیے ریاست گیر مہم شروع کرنے کا اعلان کیا تھا۔ اس میں کہا گیا کہ سی ایم بھگونت مان نے بھی بین ندی کا پانی پیا اور کہا کہ وہ یہ موقع پا کر خود کو خوش قسمت محسوس کر رہے ہیں۔

    انہیں علاج کے لیے اپولو اسپتال میں داخل کرایا گیا تھا۔ پیٹ میں درد کے لیے وزیر اعلیٰ کا معائنہ کیا گیا، جس کے بعد ڈاکٹروں نے بتایا کہ انہیں انفیکشن ہے۔

    دنیا کا سب سے زیادہ عمر پانے والا پانڈا انتقال کر گیا

  • بھارتی پنجاب میں خالصتان تحریک کی بڑھتی مقبولیت سے مودی سرکار شدید خائف

    بھارتی پنجاب میں خالصتان تحریک کی بڑھتی مقبولیت سے مودی سرکار شدید خائف

    بھارتی پنجاب میں خالصتان تحریک کی بڑھتی مقبولیت سے مودی سرکار کی راتوں کی نیند حرام ہو گئی-

    باغی ٹی وی : بھارتی پنجاب سے عام آدمی پارٹی کے وزیر اعلی کی خالی کردہ لوک سبھا کی نشست پر خالصتان تحریک کے سرگرم رہنما سمرن جیت سنگھ کامیاب ہو گئے

    سمرن جیت سنگھ نے کامیابی کے بعد سکھوں کے حقوق کی جنگ لڑنے پر بھنڈرانوالہ سے لیکر سدھوموسے والا تک تمام سکھ شہدا کو خراج تحسین پیش کیا اور اپنی کامیابی کو شہدا کی قُربانیوں کا ثمر قرار دیا۔

    انہوں نے واضح کیا کہ سکھ تحریک اب جس مرحلے پر داخل ہو چکی ہے بھارتی حکومت ان کے ساتھ کشمیریوں، ماؤنواز یا نکسلائیٹ کارکنوں والا سلوک نہیں کر سکتی جن کو بھارتی فوج نے سیدھی گولیاں کا نشانہ بنایا اور کوئی انکوائری کروانا بھی گوارہ نہیں کیا ۔

    انہوں نے اس عزم کا اظہار کیا کہ وہ لوک سبھا میں ان مظلوموں کی بھی آواز بنیں گے۔

    اُدھر بھارتی حکومت تحریک میں شدت آنے پر شدید خائف ہے-

    بھارتی حکومت نے نے حال ہی میں قتل ہونے والے سکھ گلوکار سدھو موسے والا کا گانا یوٹیوب سے ہٹوا دیا ہے جس میں پنجاب کے سکھ کسانوں کو دریائی پانی کا حصہ نہ دینے کا مسئلہ اجاگر کیا تھا۔

    کورونا وائرس سے 2 مریض جاں بحق،384 نئےکیسز رپورٹ

    بھارتی حکومت نے پاکستان کا دورہ کرنے والے سکھ زائرین پر بھی پابندی لگا دی ہے کہ وہ پاکستان میں کسی میزبان کے گھر میں قیام نہیں کر سکتے بصورتِ دیگر اُنکو بلیک لسٹ میں ڈال کر مقدمات چلاۓ جایئں گے پاکستان کا دورہ کرنے والے سکھ زائرین صرف گردواروں میں ہی قیام کرسکتے ھیں۔

    تمام ریاستی حکومتوں کو کہا گیا ہے کہ وہ اپنے صوبے میں متعلقہ سکھ اور ہندو تنظیموں کو اس بارے آگاہ کریں ، خلاف ورزی کرنیوالے یاتریوں کو آئندہ کے لئے بلیک لسٹ قراردے دیا جائے گا۔

    ادھرپاکستان سکھ گورودوارہ پر بندھک کمیٹی نے بھارتی حکومت کے اس اقدام کی مذمت کرتے ہوئے کہا ہے کہ پاکستانی قوم مہمان نواز ہے، اپنے گھر آنیوالوں کو عزت اور احترام دینا ہمارے خون میں شامل ہے۔

    پی ٹی آئی لانگ مارچ کے دوران تھوڑ پھوڑ کیس: شیخ رشید کی ضمانت قبل ازگرفتاری منظور

    کمیٹی کا کہنا تھا کہ بھارتی حکومتی ایسے ہتھکنڈوں سے نفرتوں کے بیج بوناچاہتی ہے ،پاکستان بھارتی کی طرف سے کرتارپور راہداری کے راستے گورودوارہ دربارصاحب آنیوالے بھارتی اورپاکستانی یاتریوں کے میل ملاپ کے خلاف بے بنیاد پراپیگنڈے کوبھی مسترد کرچکا ہے.

    واضع رہے کہ پاکستان آنیوالے سکھ اور ہندویاتری اپنے مذہبی اور مقدس مقامات کی یاترا کے علاوہ پاکستان میں اپنے دوستوں اور رشتہ داروں کے مہمان بھی بنتے ہیں، جب کہ کئی یاتریوں کی یہ خواہش ہوتی ہے کہ وہ یہاں پاکستان میں اپنے آباواجداد کے آبائی گاؤں، علاقے کو دیکھ سکیں پاکستانی حکام سے اجازت لیکر وہ لوگ اپنے آبائی علاقوں کو بھی دیکھ لیتے ہیں جہاں ان کی مہمان نوازی کی جاتی ہے۔

    واضح رہے کہ بھارتی اداروں کی طرف سے یہ ایڈوائزری ایسے وقت میں جاری کی گئی جب بھارت سے 495 سکھ یاتریوں کا جتھہ مہاراجہ رنجیت سنگھ کی برسی منانے آج 21 جون کو پاکستان آرہا تھا۔

    تمام رکاوٹوں کے باوجود سمرن جیت سنگھ کی کامیابی سکھوں کی اپنے آزاد وطن خالصتان کے لئے جمہوری جدوجہد کا آئینہ دار ہے۔

    کولمبیا:بل فائٹنگ کے دوران اسٹینڈ گرنے سے 5 افراد ہلاک ،500 زخمی

  • بھارتی پنجاب میں انٹیلی جنس دفتر کی عمارت پر حملے کے بعد ہائی الرٹ جاری

    بھارتی پنجاب میں انٹیلی جنس دفتر کی عمارت پر حملے کے بعد ہائی الرٹ جاری

    بھارتی پنجاب میں انٹیلی جنس دفتر کی عمارت پر حملے کے بعد ہائی الرٹ جاری
    باغی ٹی وی کی رپورٹ کے مطابق بھارتی پنجاب میں انٹیلی جنس کے ہیڈ کوارٹر پر حملے کے بعد سیکورٹی سخت کرنے کے احکامات جاری کر دیئے گئے ہیں،

    سیکورٹی اداروں کی جانب سے ہائی الرٹ بھی جاری کر دیا گیا ہے، پنجاب پولیس کے انٹیلی جنس یونٹ کے ہیڈ کوارٹر پر گزشتہ شام دستی بم سے حملہ کیا گیا تھا اس حملے کے بعد وزیراعلیٰ بھگونت مان نے ہنگامی اجلاس طلب کیا اور حکام سے صورتحال پر بریفنگ لی، وزیراعلیٰ نے ہدایت کی کہ سیکورٹی سخت کی جائے اور کسی قسم کی کوئی کوتاہی نہ برتی جائے،

    موہالی کی ایس پی ہیڈ کوارٹر رویندر پال سنگھ نے صحافیوں سے بات چیت کرتے ہوئے حملے کے بارے میں تفصیلات سے آگاہ کرتے ہوئے کہا کہ کہ واقعہ کی تحقیقات جاری ہیں حملہ کم شدت کا تھا اس وجہ سے کوئی زخمی نہیں ہوا اور نہ ہی کوئی مالی نقصان ہوا،

    پنجاب کے سابق وزیراعلیٰ کیپٹن امریندر سنگھ نے حملے کے بارے میں ٹویٹ کرتے ہوئے کہا کہ ،موہالی میں انٹیلی جنس ہیڈ کوارٹر میں دھماکے کے بارے میں سن کر صدمہ ہوا۔ شکر ہے کوئی جانی نقصان نہیں ہوا، پولیس فورس پر حملہ انتہائی تشویشناک ہے اور میں وزیراعلی بھگونت مان سے اپیل کرتا ہوں کہ مجرموں کو جلد از جلد انصاف کے کٹہرے میں لایا جائے

    دہلی کے وزیر اعلی اروند کیجریوال نے دھماکے کو بزدلانہ کارروائی قرار دیا اور کہا کہ موہالی دھماکہ ان لوگوں کی بزدلانہ کارروائی ہے جو پنجاب کے امن ومان کو خراب کرنا چاہتے ہیں۔

    واضح رہے کہ گزشتہ روز بھی پنجاب پولیس نے 1.5 کلو گرام بارود سے بھری ہوئی دھماکہ خیز ڈیوائس کو تحویل میں لے کر ناکارہ بنایا تھا اور ساتھ ہی دو افراد کو گرفتار کرنے کا دعویٰ کیا تھا

    بھائی کے ہاتھوں قتل ہونے والی ماڈل سدرہ قتل کیس میں اہم پیشرفت

    کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

    لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

    سابق شوہر نے شراب کی بوتل کے ساتھ جنسی زیادتی کی،ہالی ووڈ اداکارہ پھوٹ پھوٹ کر رو پڑیں

    بیوی نے بیٹی اورساتھیوں سے ملکر اپنے شوہر کو بیدردی سے قتل کردیا

  • انٹیلیجنس ہیڈ کوارٹر کے باہر زور دار دھماکہ

    انٹیلیجنس ہیڈ کوارٹر کے باہر زور دار دھماکہ

    موہالی: بھارتی پنجاب میں انٹیلیجنس ہیڈ کوارٹر کے باہر زور دار دھماکہ ہوا ہے –

    باغی ٹی وی : بھارتی نشریاتی ادارے این ڈی ٹی وی کے مطابق بھارتی پنجاب پولیس کے اینٹیلیجنس ہیڈ کوارٹر کے باہر زور دار دھماکہ ہوا ہے انٹیلیجنس ہیڈ کوارٹر موہالی میں واقع ہے –

    ہندو انتہاپسند رہنماؤں کا دباؤ:مساجد کے لاؤڈ اسپیکرز کی آواز کم کردی گئی

    بھارتی نشریاتی ادارے کے مطابق موہالی میں پنجاب پولیس کے انٹیلی جنس ہیڈکوارٹر میں رکھا گیا دھماکہ خیز مواد پھٹ گیا، جس سے پیر کی شام ایک دھماکہ ہوا-

    رپورٹ کے مطابق دھماکہ کوئی دہشت گردانہ حملہ نہیں ہےتاحال کسی بھی قسم کے جانی نقصان کی کوئی اطلاع نہیں ملی ہے جب کہ پولیس سمیت دیگر متعلقہ ادارے جائے وقوع پر پہنچ گئے ہیں وزیر اعلی بھگونت مان اعلیٰ پولیس حکام سے رابطے میں ہیں۔

    بھارت: قانون ساز اسمبلی کے مین گیٹ پر خالصتان کا جھنڈا لہرا دیا گیا


    واضح رہے کہ گزشتہ روز بھی پنجاب پولیس نے 1.5 کلو گرام بارود سے بھری ہوئی دھماکہ خیز ڈیوائس کو تحویل میں لے کر ناکارہ بنایا تھا اور ساتھ ہی دو افراد کو گرفتار کرنے کا دعویٰ کیا تھا۔

    اٹلی میں خالصتان ریفرنڈم کا انعقاد ، ووٹنگ کیلئے ہزاروں افراد کی شرکت

  • عمران خان کی بھارت میں پاکستان نوازافراد کووزیربنوانے کے لیے لابنگ:مودی اورمودی نوازغصے میں آگئے

    عمران خان کی بھارت میں پاکستان نوازافراد کووزیربنوانے کے لیے لابنگ:مودی اورمودی نوازغصے میں آگئے

    امرتسر:عمران خان کی بھارت میں پاکستان نوازافراد کووزیربنوانے کے لیے لابنگ کا انکشاف،اطلاعات کے مطابق بھارتی پنجاب کے سابق وزیر اعلیٰ امریندر سنگھ نے پیر کو دعویٰ کیا کہ انہیں وزیر اعظم پاکستان عمران خان کی جانب سے کانگریس رہنما نوجوت سنگھ سدھو کو اپنی کابینہ میں شامل کرنے کی درخواست موصول ہوئی تھی۔

    امریندر سنگھ نے کہا کہ درخواست ایک انتباہ کے ساتھ آئی تھی کہ “اگر وہ کارکردگی دکھانے میں ناکام رہے تو بھلے انہیں دوبارہ ہٹا دیں”۔سابق وزیراعلٰی نے کہا کہ عمران خان کی درخواست اس کے فوراً بعد آئی جب انہوں نے “سدھو کو عہدے سے ہٹا دیا تھا۔”

    سدھو نے 14 جولائی 2019 کو کابینہ سے استعفیٰ دے کر مقامی حکومت کے قلمدان سے دستبردار ہو گئے تھے۔ سدھو اس وقت پنجاب کانگریس کے صدر ہیں۔

    امریندر سنگھ نے کہا کہ “اگر مجھے صحیح طریقے سے یاد ہے، تو یہ 20 جولائی کا دن تھا۔ سب سے پہلے، میں آپ کو بتاتا چلوں کہ میں نے مسٹر سدھو کو نوکری سے اس لیے ہٹایا کہ وہ آدمی اپنی ملازمت میں مکمل طور پر نااہل اور بالکل بیکار تھا۔ وہ لوکل گورنمنٹ کی دیکھ بھال کر رہا تھا اور 70 دنوں سے اس نے ایک فائل بھی مکمل نہیں کی۔”

    انہوں نے بتایا کہ “دو یا تین ہفتوں بعد، مجھے کسی ایسے شخص کی طرف سے پیغام ملا جسے ہم دونوں (سدھو اور امریندر) جانتے تھے، جس میں کہا گیا کہ انہوں نے (پاکستان کے وزیر اعظم) مجھ سے درخواست کی کہ سدھو کو میری حکومت میں شامل کیا جائے اور اگر وہ کام نہیں کرتے ہیں تو انہیں ہٹا دیں۔”

    تاہم، چندی گڑھ میں پریس کانفرنس کے دوران سدھو سے اس معاملے پر تبصرہ کرنے کو کہا گیا تو انہوں نے تبصرہ کرنے سے انکار کردیا۔خیال رہے کہ سدھو اور عمران خان کرکٹ کے سابق ساتھی ہیں۔اور مودی اور مودی کے یاروں کے دشمن سمجھے جاتے ہیں‌

    جب سدھو نے 2018 میں عمران خان کی تقریب حلف برداری کے لیے پاکستان کا دورہ کیا اور پاکستانی آرمی چیف کو گلے لگاتے ہوئے تصویر سامنے آنے پر امریندر بھی ناقدین میں شامل تھے۔

    مبینہ پیغام کے بارے میں مزید تفصیلات بتاتے ہوئے، سنگھ نے کہا، “پیغام یہ تھا کہ پاکستانی وزیر اعظم نے ایک درخواست بھیجی ہے کہ اگر آپ سدھو کو اپنی کابینہ میں لے سکتے ہیں تو وہ ان کے مشکور ہوں گے۔ وہ (سدھو) میرے (پاکستانی وزیر اعظم) پرانے دوست ہیں اور اگر وہ کام نہیں کرتے ہیں تو آپ انہیں ہٹا سکتے ہیں۔”

    سنگھ نے یہ تبصرے نئی دہلی میں بی جے پی ہیڈ کوارٹر میں بی جے پی کے سربراہ جے پی نڈا اور شرومنی اکالی دل (سنیکت) کے سکھ دیو سنگھ ڈھنڈسا کے ساتھ مشترکہ پریس کانفرنس سے خطاب کرتے ہوئے کہے۔

    یہ پریس کانفرنس بی جے پی، ایس اے ڈی (سنیکت) اور سنگھ کی پنجاب لوک کانگریس کے درمیان سیٹوں کی تقسیم کے معاہدے کا اعلان کرنے کے لیے بلائی گئی تھی، جو اس نے گزشتہ سال کانگریس چھوڑنے کے بعد تشکیل دی تھی۔

  • بھارت: سکھوں کے مقدس مقامات کی بے حرمتی کا الزام،چوبیس گھنٹوں میں دو افراد قتل

    بھارت: سکھوں کے مقدس مقامات کی بے حرمتی کا الزام،چوبیس گھنٹوں میں دو افراد قتل

    بھارتی پنجاب میں 24 گھنٹوں کے دوران ایک اور شخص کو مبینہ طور پر سکھوں کے مقدس مقام کی بے حرمتی کے الزام میں ہلاک کردیا گیا۔

    باغی ٹی وی : بھارتی میڈیا کے مطابق پنجاب کی ریاست کپورتھلہ میں ایک شخص کو سکھوں کے مذہبی جھنڈے نشان صاحب کو ہٹانے کی کوشش کی، مقامی پولیس نے ملزم کو گرفتار کرلیا تاہم مشتعل افراد نے پولیس تحویل میں ہونے کے باوجود اس شخص کو ہلاک کردیا۔

    ایک سالہ بچہ اکیلا بحیرہ روم عبور کر کے اٹلی پہنچ گیا

    واضح رہے کہ یہ اتوار کو چوبیس گھنٹوں کے دوران یہ دوسرا واقعہ تھا جس میں سکھوں کے مقدس مقام کی بے حرمتی پر کسی شخص کو ماورائے عدالت قتل کیا گیا قبل ازیں ہفتے کی شام گولڈن ٹمپل میں شری سچکھنڈ صاحب اور مقدس تلوار کی بے حرمتی کرنے والے شخص کو مار دیا گیا تھا۔

    رپورٹس کے مطابق ان واقعات کے سبب بھارتی پنجاب میں حالات کشیدہ ہوتے نظر آرہے ہیں بھارتی پنجاب کے وزیر اعلی چرن جیت سنگھ چنی نے کہا ہے انہوں نے پولیس کو ہدایت کی ہے کہ ان واقعات کے پیچھے کیا محرمات ہیں انہیں سامنے لایا جائے۔

    سکھوں کے مقدس مقامات گولڈن ٹمپل کی بے حرمتی کرنے والا نوجوان ہلاک کر دیا گیا

    سکھوں کے سپریم لیڈر شری اکال تخت صاحب کے جتھہ دار گیانی ہرپریت سنگھ نے کہا ہے کہ شری سچ کھنڈ صاحب سکھوں کا دل ہے، اگر کوئی یہ سمجھتا ہے کہ سکھوں کے دل پر پاؤں رکھ کر وہ آسانی سے جی لے گا تو یہ اس کی بھول ہے چند روز پہلے بھی ایک چھوٹی مقدس کتاب کے اوراق کی بے حرمتی کی گئی تھی، ان واقعات کو بھارتی سیاسی جماعتوں کی طرف سے پنجاب میں آنے والے الیکشنز کے حوالے سے ایک سازش قرار دیا جارہا ہے۔

    سکھ رہنماؤں کا کہنا ہے اگر ماضی میں سکھوں کے مقدس مقامات کی بے حرمتی کرنے والے ملزموں کو سزا دے دی جاتی تو شاید آج لوگ قانون اپنے ہاتھ میں نہ لیتے۔

    دادا کی صحت یابی کیلئے 6 ماہ کی بچی کی بلی چڑھا دی گئی

    دوسری جانب بھارتی پنجاب کی پولیس کے سربراہ نے ان واقعات پر افسوس کا اظہار کرتے ہوئے کہا ہے کہ اب کسی کو قانون ہاتھ میں لینے کی اجازت نہیں دی جائے گی اور ایسے لوگوں سے سختی کے ساتھ نمٹا جائے گا دونوں واقعات کے مقدمات درج تو کر لئے گئے ہیں تاہم پولیس کی طرف مارے گئے دونوں افراد کی شناخت ظاہر نہیں کی گئی –

    ادھر پاکستان سکھ گوردوارہ پربندھک کمیٹی نے بھی بھارت میں سکھوں کے مقدس مقامات کی بے حرمتی کے واقعات کی مذمت کرتے ہوئے بھارتی حکومت سے مطالبہ کیا ہے کہ ان واقعات کے پیچھے جو عناصر ہیں انہیں بے نقاب کیا جائے انہوں ںے دنیا بھر کی سکھ سنگتوں سے بھی اس معاملے پر مشترکہ لائحہ عمل تشکیل دینے کی اپیل کی۔

    نیدر لینڈ اومی کرون کے باعث لاک ڈاؤن لگانے والا پہلا ملک