پرووینشل ڈیزاسٹر مینجمنٹ اتھارٹی (پی ڈی ایم اے) پنجاب نے بھارتی ڈیمز میں پانی کی بڑھتی ہوئی سطح سے متعلق تفصیلات جاری کرتے ہوئے خبردار کیا ہے کہ اس صورتحال کے باعث دریائے ستلج میں مزید پانی داخل ہو سکتا ہے۔
ڈی جی پی ڈی ایم اے عرفان علی کاٹھیا کے مطابق پونگ ڈیم (بیاس) پر پانی کی سطح 1394.51 فٹ تک پہنچ چکی ہے اور مسلسل بلند ہو رہی ہے۔ ڈیم میں پانی کی آمد 132,595 کیوسک جبکہ اخراج 100,000 کیوسک ریکارڈ کیا جا رہا ہے۔اسی طرح دریائے ستلج پر واقع بھاکرا ڈیم میں پانی کی سطح 1679 فٹ ہے، جو زیادہ سے زیادہ گنجائش کے قریب ہے۔ بھاکرا ڈیم میں پانی کی آمد 95,400 کیوسک اور اخراج 73,459 کیوسک ہے۔
ہریکے ہیڈ ورکس (ستلج و بیاس سنگم) پر پانی کی آمد 347,500 کیوسک ریکارڈ کی گئی ہے اور بہاؤ میں مسلسل اضافہ جاری ہے۔ ہریکے سے پانی کا اخراج 330,677 کیوسک ہے، جس کے باعث پاکستان میں دریائے ستلج میں پانی کی مقدار مزید بڑھنے کا خدشہ ہے۔پی ڈی ایم اے نے کہا ہے کہ صورتحال پر لمحہ بہ لمحہ نظر رکھی جا رہی ہے اور تمام متعلقہ اداروں کو الرٹ رہنے کی ہدایت کر دی گئی ہے۔
اندرونی اختلافات،سنی اتحاد کونسل کے 26 اراکین نے استعفیٰ نہیں دیا، فہرست منظرعام پر
حماس کی جامع جنگ بندی کی پیشکش، اسرائیل نے مسترد کر دی
پنجاب کے دریاؤں میں طغیانی، پی ڈی ایم اے نے شہریوں کو خبردار کر دیا