نئی دہلی: آئی سی سی ٹی20 ورلڈکپ سے قبل بھارتی ٹیم کو بڑا دھچکا لگا گیا۔بھارتی میڈیا کی رپورٹس کے مطابق فاسٹ بولر جسپریت بہمرا کمر کی تکلیف کے سبب آئی سی سی ٹی20 ورلڈکپ سے باہر ہوگئے ہیں، ڈاکٹرز نے انہیں مزید 4 ہفتوں تک آرام کا مشورہ دیا ہے۔
رپورٹس میں بتایا گیا ہے فاسٹ بولر کو کمر کی انجری کے آپریشن کی ضرورت نہیں تاہم انجری سے نجات کیلئے انہیں ریسٹ کرنا پڑے گا۔
دوسری جانب جسپریت پہمرا کی انجری کے باعث بھارتی ٹیم میں فاسٹ بولر محمد شامی یا محمد سراج کو اسکواڈ کا حصہ بنائے جانے کا امکان ہے۔واضح رہے کہ بھارتی ٹیم ایشیاکپ میں بھی پیسر کی خدمات سے محروم تھی جبکہ سپر فور راؤنڈ میں پاکستان کے ہاتھوں شکست کے بعد ایونٹ سے باہر ہوگئی تھی۔
ادھر پاکستان کرکٹ ٹیم کے فاسٹ بولر نسیم شاہ کرونا وائرس کا شکار ہوگئے۔لاہور میں دو روز قبل فاسٹ بولر نسیم شاہ کو سینے میں انفیکشن کے باعث اسپتال لے جایا گیا تھا۔ان کے ٹیسٹ کرانے پررپورٹ میں نمونیا کی تشخیص ہوئی۔ کرونا ٹیسٹ کرانے پر نسیم شاہ کا کرونا ٹیسٹ بھی مثبت آگیا ہے۔
نسیم شاہ لاہورمیں نجی اسپتال میں ہی زیرِعلاج رہے اور جمعرات کو ان کو ڈسچارج کردیا گیا۔نسیم شاہ اسپتال سےڈسچارج ہوکر واپس ہوٹل پہنچ گئے ہیں۔ ٹیم انتظامیہ کا کہنا ہے کہ نسیم شاہ پہلے سے قدرے بہتر محسوس کررہے ہیں اور وہ ہوٹل میں قرنطینہ مکمل کرینگے۔
عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔
القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف