بھارتی گلوکار کمار سانو بھی عالمگیر وبا کورونا وائرس کا شکار ہو گئے-
باغی ٹی وی : بھارتی میڈیا رپورٹ کے مطابق نوے کی دہائی میں شہرت کی بلندی کو چھونے والے پلے بیک گلوکار کمار سانو کورونا وائرس کا شکار ہو گئے ہیں- گلوکار کی ٹیم اپنے فیس بک پیج پر شائقین اورمداحوں کو COVID-19 کی تشخیص سے آگاہ کیا ہے۔
فیس نُک پر دی گئی پوسٹ میں لکھا گیا ہے ، "بدقسمتی سے سانو دا نے کورونا کا مثبت تجربہ کیا ہے براہ کرم ان کی صحت کے لئے دعا کریں۔ آپ کا شکریہ۔
بمبئی ٹائمز کے ساتھ گفتگو میں سانو نے حال ہی میں انکشاف کیا تھا کہ وہ اپنی اہلیہ سلونی اور بچوں کے ساتھ وقت گزارنے کے لئے امریکہ لاس اینجلس جانے کا ارادہ کر رہے ہیں۔ انہوں نے کہا تھا ، "میں کافی دن سے اپنی اہلیہ سلونی ، بیٹی شینن اور انابیل کے ساتھ رہنے کا بے صبری سے انتظار کر رہا تھا اور اب آخر کار ، میں اپنی سالگرہ ، 20 اکتوبر ، ان کے ساتھ گزاروں گا۔”
تاہم 62 سالہ کمار سانو پرواز سے پہلے کورونا ٹیسٹ کی شرط کی وجہ سے علامتیں نہ ہونے کے باوجود ٹیسٹ کرایا جو حیران کن طور پر مثبت آگیا۔
بھارتی میڈیا کے مطابق سنگر کمارسانو میں بھی کورونا وائرس کی تصدیق ہوئی ہے تاہم ان کی طبیعت بالکل ٹھیک ہے اور ان میں کسی قسم کی علامت ظاہر نہیں ہوئی ہے۔ ٹیسٹ مثبت آنے کے بعد گلوکار نے خود کو گھر میں قرنطینہ کرلیا ہے۔
کمار سانو کی اہلیہ سلونی نے بتایا کہ اگر وہ تب تک ٹھیک محسوس کرتے ہیں تو وہ 8 نومبر کو امریکہ آئیں گے اور اگر وہ نہ آسکے تو ہم سب ان کے ساتھ تہوار منانے ممبئی جائیں گے۔
کمار سانو کے بیٹے جان کمار سانو فی الحال بگ باس 14 پر نظر آ رہے ہیں۔ ان کے بیٹا ریئلٹی شو میں داخل ہونے سے پہلے ، گلوکار نے انسٹاگرام پر ایک ویڈیو شیئر کی جس میں اپنے مداحوں سے اپنے بیٹے کی حمایت کرنے کی درخواست کی گئی۔
https://www.instagram.com/tv/CFoCd9qpFa0/?igshid=1fognan54zdre
ویڈیو میں ، انہوں نے کہا ، “آج مجھے بہت خوشی ہے کہ میرا بیٹا جان بگ باس کے گھر جارہا ہے۔ اس کے ساتھ میری تمام نیک تمنائیں ، اس کے ساتھ ہیں۔ میری آپ سب سے گزارش ہے کہ اس کا ساتھ دیں تاکہ وہ کامیابی حاصل کرے اور گیم شو جیت سکے۔ میں چاہتا ہوں کہ آپ سب بھی اسے نیک خواہشات بھیجیں۔ برائے مہربانی اس کی حمایت کریں۔ ”
واضح رہے کہ اس سے قبل ارجن کپور اور ملائکہ اروڑا بھی کورونا وئارس کا شکار ہوئے تھے جنہوں نے بعد میں اپنی سوشل میڈیا پوسٹ کے ذریعے بتایا تھا کہ وہ اب صحتیاب ہو چُکے ہیں –
کورونا کی وجہ سے سینیئر اداکار دلیپ کمار کے دو بھائی بھی چل بسے ہیں، تاہم وہ خود وبا سے محفوظ رہے با لی وڈ کے متعدد اداکار کورونا کا شکار ہوئے تھے جو کئی دن تک ہسپتال میں رہنے کے بعد صحت مند ہوئے۔کورونا وائرس سے متاثر ہونے والی بولی وڈ شخصیات میں امیتابھ بچن، ابھیشیک بچن، ایشوریا رائے اور کرن کمار سمیت دیگر شامل ہیں جو کم از کم 10 دن تک ہسپتال میں رہنے کے بعد صحت یاب ہوئے۔
علاوہ ازیں چند روز قبل بالی وڈ اداکارہ جینیلیا ڈی سوزا نے عالمی وبا کا باعث بننے والے کورونا وائرس سے صحت یاب ہونے کا اعلان کیا تھا اور ساتھ ہی آئسولیشن میں گزارے گئے دنوں کو چیلنجنگ قرار دیا تھا بعد ازاں اداکار آفتاب شیو داسانی نے بھی کورونا وائرس میں مبتلا ہونے کی9 تصدیق کی تھی-
اداکارہ میں 3 ہفتے قبل کورونا وائرس کی تصدیق ہوئی تھی تاہم ان میں بیماری کی کوئی علامت ظاہر نہیں ہوئی تھی اور وہ 21 روز تک آئسولیشن میں رہیں۔
بھارت میں کورونا وائرس کی صورتحال دن بہ دن سنگین ہوتی جارہی ہے بھارت اس وقت دنیا سے متاثرہ دنیا کا دوسرا بدترین ملک ہے۔