Tag: بھارت میں پانی کا بحران

نئی دہلی :پاکستان کو پانیوں سے محروم کرنے والا بھارت ان دنوں خود پانی کے بحران کا شکار ہو گیا ہے اور ملک میں پانی کی قلت کی وجہ سے مشکلات میں بھی اضافہ ہوگیا ہے. پانی بحران سے نبٹنے کےلیے حکومت نے سکولوں میں‌آگہی مہم شروع کرنے کا اعلان کردیا ہے .بھارتی حکام کا کہنا ہے کہ پانی کی قلت دور کرنے کے لئے پانی بچانے اور اس کی ذخیرہ اندوزی کرنے کے سلسلے میں عوامی بیداری لانے کی کوششیں سرکاری سطح پر بھی ہورہی ہیں. اور 2019کو ’جل ورش‘ (پانی کا سال) طور پر منانے کا منصوبہ بنایاگیا ہے۔

پانی کی قدر وقیمت اور پانی ذخیروں کی حفاظت کرنے کے تعلق سے اسکولوں میں پروگرام منعقد کیے جائیں گے اور طلبہ کے اندر شعور بیدار کرنے کی مہم چلائی جائے گی۔اس کے دوران طلبا اوروالدین کو پانی کے نئے ذرائع تلاش کرنے، پانی کو محفوظ کرنے اور استعمال کیے گئے پانی کوضائع کرنے کے بجائے اسے صاف کرکے دوبارہ استعمال کرنے کے سلسلے میں معلومات دی جائیں گی۔مختلف اسباب سے پانی کے جو ذرائع اور ذخیرے خشک ہوگئے ہیں انہیں دوبارہ پانی فراہم کرنے لائق بنانے کے منصوبے پر بھی عمل ہوگا۔گاؤں اور قصبہ جات میں پنچایتوں اور سماجی تنظیموں کے تعاون سے برسات کے پانی کو محفوظ کرنے کی اسکیم پر بھی عمل درآمد ہوگا۔

لاہور:پاکستان کے پانیوں پر قبضہ کرنے اور پاکستان کو پانیوں سے محروم کرنے والا بھارت خود بحران کا شکار ہو گیا .بھارتی ریاست تامل ناڈو سے ذرائع کے مطابق پانی کی قلت اس قدربڑھ چکی ہے کہ ریاست میں سکولوں میں بچوں کو چھٹیاں کردی گئی ہیں اور ہنگامی کیفیت برپا ہے. خواتین اپنے بچوں کے لیے دور دور سے مٹکوں اور پلاسٹک کی بوتلوں میں پانی بھر کر لارہی ہیں.

بھارت سے آمدہ اطلاعات کے مطابق چینائی کا علاقہ اس بحران سے بہت زیادہ متاثر ہے. یاد رہے کہ پاکستان کو محروم کرنے والا بھارت خود اس بحران کا شکار ہو گیا اور اس وقت کئی ریاستوں میں پانی کی شدید قلت ہے. دوسری طرف تامل ناڈو کی عوام کی طرف سے حکومت کے خلاف سخت ردعمل سامنے آرہا ہے اور عوام ریاستی مشنری کو اس بحران کا ذمہ دار قرار دے رہے ہیں. ماہرین کے مطابق دنیا اس وقت مجموعی طور پر پانی کے بحران کی طرف جارہی ہے اور اگر پانی کا ضیا نہ روکا گیا تو پھر آنے والے وقتوں میں یہ صورت شدت اختیار کرجائے گی