امریکا نے خبردار کیا ہے کہ اگر امریکی صدر ڈونلڈ ٹرمپ اور روسی صدر ولادیمیر پوٹن کے درمیان متوقع مذاکرات ناکام ہوئے تو بھارت کو مزید تجارتی پابندیوں کا سامنا کرنا پڑ سکتا ہے۔
امریکی وزیر خزانہ اسکاٹ بیسنٹ کے مطابق بھارت پر پہلے ہی 25 فیصد ٹیرف نافذ ہے، جبکہ روس سے تیل کی خریداری کے باعث مزید 25 فیصد ٹیرف آئندہ دنوں میں عائد کیا جائے گا، جس کے بعد مجموعی شرح 50 فیصد ہو جائے گی۔ انہوں نے کہا کہ اگر ٹرمپ اور پوٹن کی ملاقات مثبت نتائج نہ دے سکی تو یہ ٹیرف 50 فیصد سے بھی تجاوز کر سکتا ہے۔وزیر خزانہ نے وضاحت کی کہ بھارت پر مزید معاشی دباؤ کا انحصار مذاکرات کے نتائج پر ہوگا۔
واضح رہے کہ ٹرمپ اور پوٹن کی ملاقات جمعہ کو امریکی ریاست الاسکا میں متوقع ہے، جو 2021 کے بعد دونوں ممالک کے صدور کے درمیان پہلی براہِ راست سربراہی ملاقات ہوگی۔ ٹرمپ نے امکان ظاہر کیا ہے کہ ملاقات کے بعد یوکرین کے صدر ولادیمیر زیلنسکی کو بھی مذاکرات میں شامل کیا جا سکتا ہے، اگر تمام فریق اس پر متفق ہوں۔
مقبوضہ جموں و کشمیر میں کلاؤڈ برسٹ سے 42 ہندو یاتری ہلاک، 220 لاپتا
وزیرِ اعظم کی ایس 400 سسٹم تباہ کرنے والے پائلٹ کی خصوصی پذیرائی
مقبوضہ کشمیر میں 15 اگست کو یومِ سیاہ منایا جائے گا
پاکستان، چین اور افغانستان کے سہ فریقی مذاکرات 20 اگست کو ہوں گے