وزیرِاعظم محمد شہباز شریف نے بھارت کے جھوٹے پروپیگنڈے اور مزموم سازشوں کو عالمی سطح پر بے نقاب کرنے کے لیے اعلیٰ سطحی سفارتی وفد تشکیل دینے کا فیصلہ کیا ہے۔ اس وفد کی قیادت پاکستان پیپلز پارٹی کے چیئرمین اور سابق وزیرِ خارجہ بلاول بھٹو زرداری کریں گے۔
وزیرِاعظم آفس سے جاری کردہ اعلامیے کے مطابق، شہباز شریف نے بلاول بھٹو کو ٹیلیفون کرکے اس اہم مشن کی قیادت کی باضابطہ درخواست کی، جسے بلاول بھٹو نے قبول کر لیا۔ اعلامیے میں کہا گیا ہے کہ وفد یورپ اور امریکہ کے مختلف ممالک بشمول لندن، واشنگٹن، پیرس اور برسلز کا دورہ کرے گا، جہاں وہ بھارت کے منفی پراپیگنڈے کا توڑ کرے گا اور پاکستان کے امن کے بیانیے کو اجاگر کرے گا۔
وفد میں بلاول بھٹو کے علاوہ اہم سیاسی و سفارتی شخصیات شامل ہوں گی، جن میں ڈاکٹر مصدق ملک، انجینئر خرم دستگیر، سینیٹر شیری رحمان، حنا ربانی کھر، فیصل سبزواری، تحمینہ جنجوعہ اور جلیل عباس جیلانی شامل ہیں۔پیپلز پارٹی کے چیئرمین بلاول بھٹو زرداری نے اس فیصلے کی تصدیق سوشل میڈیا پلیٹ فارم "ایکس” (سابقہ ٹوئٹر) پر ایک پیغام کے ذریعے کی۔ اپنے بیان میں انہوں نے کہا کہ زیرِاعظم شہباز شریف نے مجھ سے رابطہ کیا اور عالمی سطح پر پاکستان کی نمائندگی کی درخواست کی ہے، جسے میں نے قبول کر لیا ہے۔ مجھے فخر ہے کہ میں ان نازک حالات میں پاکستان کی آواز بنوں گا۔”
بلاول بھٹو کا مزید کہنا تھا کہ پاکستان ایک پرامن ملک ہے جو جنگ نہیں چاہتا، لیکن اپنے دفاع کی صلاحیت رکھتا ہے۔ انہوں نے بھارت کو خبردار کرتے ہوئے کہا اگر بھارت نے پانی روکا تو اس کے اثرات صرف پاکستان تک محدود نہیں رہیں گے، ایران کو بھی شدید مسائل کا سامنا کرنا پڑے گا۔”
یہ سفارتی مشن نہ صرف بھارت کے منفی پراپیگنڈے کو عالمی سطح پر چیلنج کرے گا بلکہ پاکستان کی امن پسندی، خودمختاری کے تحفظ، اور خطے میں استحکام کے لیے کوششوں کو بھی مؤثر انداز میں اجاگر کرے گا۔
امریکہ، بھارتی شہریوں کو ملک بدری اور سفری پابندی کا سامنا
پی ایس ایل 10، پاک فوج کو شاندار خراجِ تحسین، آرمی چیف اسٹیڈیم میں موجود
کانگریس کا وزیر خارجہ ایس جے شنکر سے استعفے کا مطالبہ، سوشل میڈیا پر تنقید
شہباز شریف اور ایرانی صدر کے درمیان ٹیلیفونک رابطہ، دوطرفہ تعاون بڑھانے پر اتفاق
تنگوانی: تیز رفتار کار نے لوٹ مار کی کوشش کرنے والے دو ڈاکو کچل دیے، دو فرار