انٹرنیشنل کرکٹ کونسل (آئی سی سی) نے جولائی 2025 کے لیے بھارت کے ٹیسٹ کپتان شبمن گل کو پلیئر آف دی منتھ قرار دے دیا۔ 25 سالہ بلے باز یہ اعزاز چوتھی بار جیتنے والے دنیا کے واحد کھلاڑی بن گئے ہیں۔
شبمن گل اس سے قبل جنوری 2023، ستمبر 2023 اور فروری 2025 میں بھی یہ ٹائٹل حاصل کر چکے ہیں۔ جولائی میں انگلینڈ کے خلاف تین ٹیسٹ میچز میں انہوں نے 94.50 کی اوسط سے 567 رنز اسکور کیے، جس میں ایجبسٹن ٹیسٹ میں 269 اور 161 رنز کی شاندار اننگز شامل ہیں، جس کی بدولت بھارت نے 336 رنز سے تاریخی کامیابی حاصل کی۔
مجموعی طور پر سیریز میں گل نے پانچ ٹیسٹ میچز میں 75.40 کی اوسط سے 754 رنز بنائے اور چار سنچریاں اسکور کیں۔ پلیئر آف دی منتھ کی دوڑ میں ان کے ساتھ انگلینڈ کے کپتان بین اسٹوکس اور جنوبی افریقہ کے ویان ملڈر بھی شامل تھے۔
برطانیہ: ناٹنگھم شائر جیل میں ڈرون پہنچانے کی کوشش، 3 افراد گرفتار
کوئٹہ میں ریموٹ کنٹرول بم دھماکا، پولیس موبائل محفوظ
ملاقات نہ ہو تو پی ٹی آئی توہینِ عدالت کی درخواست دائر کرے،رانا ثناء اللّٰہ