Tag: بھول بھلیاں ٹو

گزشتہ روز کارتک آریان کی برتھ ڈے تھی ان کے مداحوں نے سوشل میڈیا پر اداکار کو دیں مبارکبادیں. کارتک آریان بالی وڈ کے وہ فنکار ہیں جنہوں نے کم عرصے میں اپنی پہچان بنائی ہے. کارتک آریان کی سالگرہ کے موقع ہم آپ کو ان کی 5 سپر ہٹ فلمیں یاد کروارہے ہیں. پہلے نمبر پر ہے بھول بھلیاں ٹو یہ فلم 2007 کی فلم بھول بھولیا کا سیکوئل ہے یہ ایک کامیڈی ہارر فلم ہے جس میں کارتک آریان نے بہترین اداکاری کی ہے، ان کی اس فلم کو شائقین کے ساتھ ساتھ ناقدین نے بھی بے حد سراہا، انیس بزمی کی ہدایت کاری میں بننے والی اس فلم میں تبو اور کیارا ایڈوانی بھی ہیں۔ دوسرے نمبر پر ہے فلم دھماکا، یہ کارتک آریان کی بہترین فلموں میں سے ایک ہے۔ نیٹ فلکس پر 2021 میں ریلیز ہونے والی یہ فلم رام مادھوانی

نے لکھی اور انہوں نے ہی اس ہدایت کاری بھی کی. تیسرے نمبر پر ہے فلم سونو کے ٹیٹو کی سویٹی، کارتک آریان کے ساتھ اس فلم میں سنی سنگھ، اور نصرت بھروچا نے کام کیا اور یہ ایک بلاک بسٹر تھی اور 2018 میں اس فلم نے کمال بزنس کیا تھا . چوتھے نمبر پر ہے فلم لوکا چھپی.اس فلم میں کارتک نے گڈو کا کردار کیا تھا اس فلم نے بھی باکس آفس پر دھوم مچائی اور کارتک کی اداکاری کو بہت سراہا گیا. پانچویںنمبر پے فلم پیار کا پنچنامہ، یہ کارتک کی مقبول ترین فلموں میں سے ایک ہے ، یہ فلم ان کو لائم لائٹ میں‌لائی.

بالی وڈ کے باصلاحیت اداکار کارتک آریان جیسے ہی پہنچے احمد آباد شہر میں، ان کے مداحوں کی تو جیسے عید ہو گئی ہو، کارتک آریان کا اس شہر میں ایک بہت بڑے ہجوم نے استقبال کیا.اداکار کے مداح اداکار انکی ایک جھلک پا کر دیوانے ہو گئے۔ اس حوالے سے ایک وڈیو سوشل میڈیا پر سرکولیٹ کررہی ہے جس میں دیکھا جا سکتا ہے کہ کارتک آریان آگے آگے چل رہے ہیں اور خود ہی وڈیو بنا رہے ہیں اس وڈیو میں ان کے پیچھے ان کے مداحوں کی ایک بڑی تعداد دیکھی جا سکتی ہے جو ان کے پیچھے نہ صرف بھاگ رہے ہیں بلکہ کارتک کارتک کے نعرے بھی لگا رہے ہیں. کارتک آریان مداحوں کا ریسپانس دیکھ کر وڈیو میں کافی خوش دکھائی دے رہے ہیں اور وہ مسلسل

مسکرا رہے ہیں خوشی ان کے چہرے سے جھلک رہی ہے.اس ہجوم کو دیکھ کر ایسا لگ رہا ہے کہ ان کے مداح تو جیسے ان کے آنے کے منتظر تھے جیسے ہی وہ آئے مداح دیوانہ وار کارتک پر پیار جتانے لگے. یاد رہے کہ کارتک آریان اپنی آنے والی فلم ستیہ پریم کی کتھا کی شوٹنگ کے لیے احمد آباد شہر پہنچے ہیں۔ فلم میں کارتک اور اداکار کیارا اڈوانی مرکزی کرداروں میں ہیں۔ سمیر ودوان کی ہدایت کاری میں بننے والی یہ فلم اگلے سال جون میں سینما گھروں کی زینت بنے گی۔

کارتک آریان بالی وڈ کے اس وقت سب سے زیادہ کامیاب اداکار ہیں ان کی فلم بھول بھلیاں ٹو نے اس سال ریکارڈ توڑ بزنس کیا. کارتک آریان اس وقت بالی وڈ کے ہر فلم میکر کی اولین چوائس ہیں. کارتک آریان کو جتنی کامیابی ملی ہے اتنے ہی وہ عاجز انسان ثابت ہوئے ہیں. کارتک آج بھی اکانومی کلاس میں سفر کرتے ہیں.انٹرنیٹ پر ایک وڈیو وائرل ہو رہی ہے جس میں دیکھا جا سکتا ہے کہ کارتک آریان عام لوگوں کے ساتھ بیٹھے ہوئے ہیں اور جب جہاز میں بیٹھے مسافروں کو پتہ چلا کہ کارتک ان کے ساتھ بیٹھے ہیں تو سب نے بہت سراہا ، اس دوران کارتک نے اپنی سیٹ سے اٹھ کر جہاز میں بیٹھے مسافروں کو ہاتھ ہلایا. کارتک کی اس موقع پر کافی وڈیوز اور تصاویر بنائی گئیں. کارتک سے جب سوال کیا گیا کہ

انہوں نے بزنس کلاس میں سفر کیوں نہیں کیا تو کارتک نے مذاق میں جواب دیا کہ ٹکٹ بہت مہنگے ہیں۔ کارتک آریان سے جہاز میں بیٹھے مسافروں نے سیلفیاں لینے کی درخواست بھی کی آریان نے ان کے ساتھ سیلفیاں بنوائیں اور کچھ لوگوں نے ان کی فلم بھول بھلیاں ٹو کی کی جم کر تعریف. کارتک اس موقع پر کافی خوش دکھائی دے رہے تھے. سوشل میڈیا پر کارتک کی یہ وڈیوز کافی وائرل ہو رہی ہیں اور اداکار کی عاجزی کو بھی بہت زیادہ سراہا جا رہا ہے.

کارتک آریان اس وقت بالی وڈ کے مصروف ترین اداکاروں میں سے ایک ہیں جن کے متعدد پروجیکٹ پائپ لائن میں ہیں۔ غیر فلمی پس منظر سے تعلق رکھنے والے اس اداکار نے 2011 کی فلم پیار کا پنچنامہ سے اپنی اداکاری کا آغاز کیا اس کے بعد بھی یہ کام کرتے رہے لیکن کامیابی کیا ہوتی ہے اس کا مزہ انہوں نے اب آکر صحیح معنوں میں چکھا ہے. فلم بھول بھلیاں 2 کی کامیابی نے تو ان کی زندگی کی ڈگر ہی بدل ڈالی ہے. حال ہی میں انہوں نے ایک انٹرویو دیا ہے اس میں انہوں نے کہا ہے کہ میں‌پیچھے مڑ کر دیکھوں تو محسوس کر سکتا ہوں کہ میرا سفر آسان نہیں تھا کافی مشکل تھا اور مجھے اپنا آپ منوانے میں وقت لگا کئی سال تک تو لوگ میرا نام ہی نہیں جانتے تھے. شکر ہے کہ میں نے 20 سال کی عمر میں

کیرئیر کی شروعات کی،اتار چڑھائو والے اس سفر میں میں نے کامیاب اور ناکام فلموں کا سامنا کیا لیکن میں‌ بہت زیادہ خوش ہوں کہ بھول بھلیاں ٹو نے میری زندگی بدل ڈالی اور میں محسوس کرتا ہوں کہ آج میں ایک بہتر جگہ پر ہوں .واضح رہے کہ کارتک آریان عاشقی 3 میں بھی نظر آئیں گے کارتک کے پاس ابھی کافی اچھے پراجیکٹس ہیں جن میں‌فلم شہزادہ ہے جو کہ سائوتھ کی فلم کا ری میک ہے س میں ان کے ساتھ کیرتی سینن نظر آئیں گی. اس کے علاوہ ستیا پریم کی کتھا میں وہ کائرہ ایڈوانی کے ساتھ سکرین شئیر کریں گے.

نوجوان نسل کے نمائندہ فنکار کارتک آریان جنہیں بالی وڈ کا نیا کنگ کہا جا رہا ہے انہوں نے حال ہی میں ایک انٹرویو دیا اور کہا کہ میں اپنے کیرئیر کے بہت ہی عجیب سے فیز سے گزرا ۔یہاں تک کہ جب میری پہلی فلم پیار کا پنچنامہ ریلیز ہوئی تب بھی لوگ میرے نام سے واقف نہیں تھے حالانکہ یہ فلم ایک کامیاب فلم تھی۔ عموما یوں ہوتا ہے کہ جب بھی کوئی ہیرو انڈسٹری میں آتا ہے اور اسکی پہلی فلم ہٹ ہوجائے تو اس کے نام کی دھوم مچ جاتی ہے لیکن میرے ساتھ ایسا
کچھ بھی نہیں ہوا۔ میں نے کامیابی کا مزہ بہت سالوں کے بعد چکھا ہے۔ کارتک آریان نے کہا

کہ میں اپنے کیرئیر کے چھ سات سال تک تو لوگوں کے کے لئے ایسے ہی تھا جیسے ہے ہی نہیں کوئی مجھے پہچانتا ہی نہیں تھا۔ یاد رہے کہ کارتک آریان کی فلم بھول بھلیاں ٹو نے کامیابی کے نئے ریکارڈز قائم ہیں ان کی فلم اس سال کی سپر ہٹ فلم ہے اس فلم کی کامیابی کے بعد ان کا شمار بالی وڈ کے کامیاب ترین اداکاروں میں ہورہا ہے ہر فلمساز کی کوشش ہے کہ ان کو اپنی فلم میں کاسٹ کرے۔ شاہ رخ خان تک کارتک آریان کے کام کو سراہتے ہیں۔

بالی وڈ کے کنگ کہلائے جانے والے شاہ رخ خان اور نوجوان نسل کے نمائندہ فنکار کارتیک آریان کی حال ہی میں ملاقات ہوئی ہے دونوں کی ملاقات کے حوالے سے بہت ساری باتیں کی گئیں. یہ ملاقات اس لئے بھی چرچے میں ہے کیونکہ اس میں شاہ رخ خان نے کارتیک آریان کے کان میں کچھ کہا.اس ملاقات کے بعد کافی چہ مگوئیاں ہو رہی تھیں سب کو بے چینی تھی یہ جاننے کی کہ آخر کار کنگ خان نے کارتیک آریان کے کان میں کہا کیا ہے. کارتیک آریان نے بھی آخر کار خاموشی توڑ دی اور بتا دیا

کہ شاہ رخ خان نے ان کے کان میں کیا کہا. کارتیک آریان نے کہا کہ جب مجھ سے شاہ رخ ملے تھے تو انہوں نے میرے کان میں میرے کام کی تعریف کی میں نے ان سے پوچھا کہ آپ ن میری فلم بھول بھلیاں ٹو دیکھی ہے تو انہوں نے کہا کہ دیکھی ہے ” بیٹا تم نے بہت اچھا کام کیا ہے اس میں” کارتیک آریان نے کہا کہ مجھے جب حالیہ دور کا کنگ کہا جاتا ہے تو کہتا ہوں مجھے پرنس کہہ لیں لیکن کنگ نہ کہیں ایک تو یہ شاہ رخ خان کے لئے استعمال ہوتا ہے وہ اس کے حقدار ہیں دوسرا یہ کہ مجھے ابھی بہت دور تک جانا ہے لمبا سفر طے کرنا ہے. یاد رہے کہ کارتیک آریان کی فلم بھول بھلیا ٹو نے اس سال کامیابی کے ریکارڈز قائم کئے ہیں.

بالی وڈ کے حالیہ وقتوں کے مقبول ترین اداکار کارتیک آریان نے حال ہی میں ایک انٹرویو دیتے ہوئے کہا ہے کہ میں نے جو پہلی کار خریدی تھی وہ تھرڈ ہینڈ تھی اور اسکا ڈرائیونگ سیٹ کا دروزاہ بھی ٹھیک طرح سے نہیں کھلتا تھا تو جب کہیں اترنا ہوتا تھا تو بہت پریشانی ہوتی تھی ڈرائیونگ سیٹ سے اترنے کے بجائے دوسری سیٹ کے زریعے باہر نکلنا پڑتا تھا.اس کار کو خریدنے سے پہلے جتنے بھی ایوارڈ شوز ہوتے تھے یا فلمی تقریبات ہوتی تھیں ان میں ، میں یا تو رکشہ کے زریعے یا پھر کسی دوست سے لفٹ لیکر پہنچا کرتاتھا.یاد رہے کہ کارتیک آریان کی فلم بھول بھلیاں ٹو نے اس سال ریکارڈ توڑ کامیابی حاصل کی ہے اسی خوشی میں ٹی سیریز کے پرڈیوسر بھوشن کمار نے حال ہی میں انہیں ایک مہنگی اسپورٹس کار تحفے میں دی ہے.

بھول بھولیا 2 نے گزشتہ ہفتے سینما گھروں میں 50 دن کا جشن منایا۔ یہ فی الحال اس سال کی دوسری سب سے زیادہ کمائی کرنے والی ہندی فلم ہے اور دیکھنا یہ ہے کہ سال کے آخر میں یہ کس پوزیشن پر آتی ہے۔بھول بھلیاں ٹو بھول بھلیاں کا سیکوئل ہے بھول بھلیاں میں مرکزی کردار اکشے کمار اور ودیا بالن نے ادا کئے تھے یہ فلم بھی سپر ہٹ تھی لیکن بھول بھلیاں ٹو نے زیادہ بزنس کیا ہے. تھی، جو ریلیز کے وقت بھی ایک کامیاب فلم تھی۔

کارتک آریان بالی ووڈ کے نوجوان نسل کے نمائندہ فنکار ہیں انہوں نے اپنے کیرئیر کا آغاز 2011 میں فلم پیار کا پنچنامہ سے کیا اور اس کے بعد سے اب تک انہوں‌ نے پیچھے مڑ کر نہیں دیکھا۔ کارتک نے لو آج کل 2، پتی پتنی اور وہ، لوکا چھپی، سونو کے ٹیٹو کی سویٹی، دھماکا جیسی فلموں میں اپنی اداکاری کے جوہر دکھائے۔ اداکار کارتیک آریان کی حالیہ فلم بھول بھولیا 2 نے باکس آفس پر اس سال کے تمام ریکارڈز توڑ ڈالے ہیں۔ اپنے حالیہ انٹرویو میں کارتیک آریان نے کہا کہ فلم بھول بھولیا 2 کی زبردست کامیابی کے بعدمجھے میرے پروڈیوسرز نے کہا کہ تم ایسے اداکار ہو جو 25 دن میں پیسہ ڈبل کر دیتا ہے .

اور انہوں‌نے ایسا بہت ہی مضحکہ خیرز انداز میں کہا تھا. کارتیک آریان نے کہا کہ کہ میں جس قسم کے پراجیکٹس کا انتخاب کررہا ہوں میرے پرڈیوسرز بہت خوش ہیں کیونکہ انہیں اچھا پیسہ واپس مل رہا ہے.کارتیک نے اس انٹرویو میں مزید کہا کہ بھول بھولیا 2 کی کامیابی غیر حقیقی ہے اور کسی کو بھی فلم سے اس قسم کے بزنس کی توقع نہیں تھی۔ میں‌اپنی پوری ٹیم کو اس فلم کی ریکارڈ توڑ کامیابی کا کریڈٹ دوں گا. یاد رہے کہ بھول بھلیاں ٹو صرف باکس آفس پر دنیا بھر میں 230 کروڑ سے زیادہ کلیکشن کے ساتھ OTT پر نمبر 1 پر ٹرینڈ کر رہی ہے اور اسے سال کا عالمی بلاک بسٹر قرار دیا جا رہا ہے۔ اس فلم میں کیارا اڈوانی، تبو، راجپال یادیو اور دیگر نے بھی اہم کردار ادا کیے ہیں جبکہ فلم کے ہدایت کار انیس بزمی ہیں۔

کارتیک آریان جنہوں نے اپنا کیرئیر 2011میں فلم پیار کا پنچنامہ سے شروع کیا تھا تب سے لیکر آج تک انہوں نے پیچھے مڑ کر نہیں دیکھا ہر نئے سال اور نئی فلم نے ان کو شہرت کی مزید بلندیوں پر پہنچایا ہے ۔حال ہی میں ریلیز ہوئی فلم ”بھول بھلیاں ٹو“ نے کامیابی کے نئے ریکارڈز قائم کر دئیے ہیں ۔کارتیک کے بے شمار پرستار ہیں جو ان سے بہت کچھ پوچھنا چاہتے ہیں ان کے ایک پرستار نے ان سے ٹویٹر پر پوچھا کہ ان کی زندگی میںکوئی ایسی چیز ہوئی ہو جس پر انکو فخر ہو ،کارتیک نے اس پر کہا کہ مجھے اتنا پیار ملا ہے لیکن اس کے باوجود میں اپنے کام پر فوکس رکھتا ہوں اور مجھے خوشی ہے کہ اس چیز کی وجہ سے مجھے اور میرے کام بہت سراہا جا رہا ہے ۔

ایک صارف نے کارتیک سے پوچھا کہ آپ کے بھول بھلیاں ٹو کے فیورٹ سینز کونسے ہیں تو انہوں نے کہا کہ امی جی ٹومار ٹنڈو اور روح بابا کی اینٹری والے سینز میرے پسندیدہ ہیں ۔یاد رہے کہ بھول بھلیاں ٹوں میں کارتیک آریان کے ساتھ تبو ،کیارہ ایڈوانی اور راج پال یادیو بھی اہم کردار کرتے نظر آرہے ہیں ۔فلم کو لکھا آکاش کوشک اور فرہاد سمی جی نے ہے ۔یہ فلم پریا درشن کی بھول بھلیاں کا سیکوئل ہے،بھول بھلیاں میں اکشے کمار نے ایک سائیکائٹرسٹ کا کردار ادا کیا تھا کارتیک آریان بھی بھول بھلیاں ٹو میں اکشے کمار جیسا کردار کرتے ہی نظر آرہے ہیں ۔کورونا کی وجہ سے فلم کی ریلیز تاخیر کا شکار رہی ہے۔

بھول بھلئیاں ٹواور کئی سپر ہٹ فلموں کے ڈائریکٹر انیس بزمی کہتے ہیں کہ میں عام لوگوں میں رہتا ہوں ،رکشہ میں گھومتا ہوں ،دل میں کچھ نہیں رکھتا کسی سے کتنی بھی ناراضگی ہو دوسرے تیسرے دن وہ ناراضگی ختم کر دیتا ہوں۔انہوں نے حال ہی میں اپنے ایک انٹرویو میں کہا ہے کہ میرے ساتھ جنہوں نے اچھا کیا ہے ان کو بھی اچھا سمجھتا ہوں جنہوں نے نہیں کیا ان کے بارے میں سوچتا ہوں کہ ان کی کوئی مجبوری رہی ہوگی ۔میرا ماننا ہے کہ جب ہم عام لوگوں سے دور ہوتے ہیں تو ہماری سوچ بھی بدل جاتی ہے جن لوگوں نے ایسا کیا انکو نقصان بھی ہوا ۔میں جب فلم بناتا ہوں تو دیکھتا ہوں کہ عام آدمی کیا دیکھنا چاہتا ہے اب اگر میرا ڈرائیور جس کو میں تنخواہ دیتا ہوں وہ میری بنائی فلم نہ دیکھے اور دوسروں کی بنائی فلمیں دیکھے تو اس کا مطلب یہی ہوا کہ میں ان لوگوں کے مزاج اور ان کے رہن سہن ان کی سوچ کی نمائندگی کرنے والی فلمیں
نہیں بناتا ۔انیس بزمی نے مزید یہ بھی کہا کہ جو لوگ عام لوگوں سے دور ہوئے اپنی سوچ کا سٹینڈرڈ اونچا کیا تو ان کی فلموں میں بھی اس بات کی جھلک دکھائی دی لوگوں نے نہیں دیکھیں ان کی فلمیں جب ان کے ساتھ مسلسل ایسا ہوا تو ان کو سمجھ آئی کہ وہ کہاں غلطی کررہے ہیں ۔انیس بزمی جنہوں نے نانا پاٹیکر کے ساتھ تین فلمیں بنائیں ہیں ان کا ان کے بارے میں کہنا ہے کہ نانا بہترین اداکار ہونے کے ساتھ بہترین انسان بھی ہیں ۔وہ بہت اچھے سے چلتے ہیں لیکن جب ان کو کوئی دھوکہ دے تو یہ چیز ان سے برداشت نہیں ہوتی ۔