لاہور: معروف پاکستانی اداکارہ بینا چوہدری نے انکشاف کیا ہے کہ انہیں قتل کرنے کی دھمکیاں دی جا رہی ہیں۔
باغی ٹی وی : اداکارہ بینا نے سماجی رابطے کی ویب سائٹ انسٹا گرام پر شیئر کئے گئے ویڈیو پیغام میں کہا ہے کہ “دھمکیوں میں کہا جارہا ہے کہ اگر میں نے اپنی زبان بند نہیں رکھی تو مجھے مار دیا جائے گا انہوں نے قتل کی دھمکیاں موصول ہونے پر ممکنہ قاتلوں کےنام ویڈیو میں ریکارڈ کر کے رکھ دیئے ہیں انہیں کچھ ہوا تو ان کی ریکارڈ کردہ ویڈیو سوشل میڈیاپر نشر کر دی جائے گی-
واضح رہے کہ یہ امر قابل ذکر ہے کہ اداکارہ بینا چوہدری مختلف سماجی مسائل پر اپنی رائے کا کھل کر اظہار کرتی ہیں، تین درجن سے زائد ڈراموں میں اداکاری کر چکی ہیں، وہ ڈراموں میں زیادہ تر معاون اور منفی کردار ادا کرتی ہیں اور اُن کے منفی کرداروں کی وجہ سے اکثر اُنہیں تنقید کا سامنا بھی رہتا ہے۔