اسلام آباد میں ایوانِ صدر میں بےنظیر ہنرمند پروگرام کا باضابطہ افتتاح کر دیا گیا۔
افتتاحی تقریب سے خطاب کرتے ہوئے صدرِ مملکت آصف علی زرداری نے کہا کہ اس پروگرام کا مقصد نوجوان نسل کو بااختیار بنانا اور انہیں جدید ہنر سکھا کر خود کفیل بنانا ہے۔صدر زرداری نے کہا کہ بینظیر انکم سپورٹ پروگرام (بی آئی ایس پی) کے تحت بچوں کو تعلیم سمیت تمام بنیادی حقوق فراہم کیے جا رہے ہیں، اور اس ضمن میں وفاقی وزیر نوید قمر کی خدمات قابلِ تحسین ہیں۔
انہوں نے مزید بتایا کہ ’’بےنظیر ہنرمند پروگرام‘‘ کے تحت نوجوانوں اور خاص طور پر بچیوں کو کمپیوٹر، جدید تعلیم، ٹیکنیکل ہنر، اور نرسنگ جیسے شعبوں میں تربیت دی جائے گی تاکہ وہ ملک و بیرون ملک بہتر روزگار کے مواقع حاصل کر سکیں۔ ان کا کہنا تھا کہ نرسنگ کے شعبے میں عالمی سطح پر طلب موجود ہے اور پاکستانی خواتین اس خلا کو پُر کر سکتی ہیں۔
صدر زرداری نے اعلان کیا کہ 21 جون کو ’’بینظیر ہنرمند پورٹل‘‘ کا اجراء بھی کیا جائے گا، جس کے ذریعے نوجوان آسانی سے تربیتی پروگرامز میں داخلہ لے سکیں گے۔انہوں نے بتایا کہ ہنر مند پروگرام میں نوجوانوں کو جرمن اور چینی زبان کی تعلیم بھی دی جائے گی تاکہ عالمی مارکیٹ میں ان کی پیشہ ورانہ اہلیت میں اضافہ ہو۔
صدر مملکت نے اس عزم کا اظہار کیا کہ پاکستان پیپلز پارٹی عام آدمی کو بااختیار بنانے کے مشن پر گامزن ہے اور جدید ٹیکنالوجی عوام تک پہنچانے کے لیے ہر ممکن کوشش کرے گی۔
کاروباری ہفتے کے اختتام پر سونے کی قیمت میں بڑا اضافہ
ایران کشیدگی: دو سے زائد امریکی بی ٹو بمبار طیارے میزوری سے روانہ، گوام کی جانب پرواز
ایران کے تازہ میزائل حملے، بین گورین ایئرپورٹ، حیفا اور دیمونا سمیت اسرائیل کے کئی اہم اہداف نشانہ
اسحاق ڈار اور آرمی چیف کی ترک صدر سے ملاقات، ایران پر اسرائیلی حملوں کی مذمت
