Tag: تائیوان

امریکی ایوان نمائندگان کی اسپیکر نینسی پلوسی کے دورہ تائیوان پر چین نے احتجاج کرتے ہوئے امریکی سفیر کو طلب کرلیا۔

باغی ٹی وی : گزشتہ روز امریکی ایوان نمائندگان کی اسپیکر نینسی پلوسی چین کی جانب سے سخت انتباہ کے باوجود تائیوان پہنچیں اس کے بعد وہ جنوبی کوریا اور جاپان بھی جائیں گی۔

چین نے متعدد بار خبردار کیا تھا کہ امریکی اسپیکرکا دورہ تائیوان چین کےاندرونی معاملات میں مداخلت ہوگا نینسی پلوسی نے تائیوان کا دورہ کیا تو چینی فوج ہاتھ پر ہاتھ رکھ کر نہیں بیٹھےگی، چین اپنی خود مختاری، علاقائی سالمیت کےدفاع کے لیے سخت جوابی اقدامات کرے گا، امریکی اسپیکر کا دورہ تائیوان خوفناک سیاسی اثرات کا باعث بنےگا۔

بعد ازاں امریکی حکومت نے چین کو خبردار کیا تھا کہ امریکی ایوان نمائندگان کی سپیکر نینسی پیلوسی کے متوقع دورہ تائیوان کے دوران کسی اشتعال انگیز کارروائی سے باز رہے۔

امریکا کے ایک سینیئر عہدیدار کا کہنا تھا کہ چین کی دھمکیوں کا امریکا پر کوئی اثر نہیں پڑے گا۔ امریکا نے اب تک نینسی پیلوسی کے دورہ امریکا کی باضابطہ تصدیق نہیں کی ہے مگر میڈیا کے مطابق وہ منگل کے روز تائیوان جائیں گی۔

امریکی صدر جوبائیڈن نے نینسی پیلوسی کو تائیوان جانے کا مشورہ دیا ہے اور وائٹ ہائوس کے مطابق یہ سپیکر کا اپنا ذاتی فیصلہ ہے کہ وہ تائیوان جاتی ہیں یا نہیں۔

وائٹ ہاؤس نے پیر کے روز ایک بیان میں بتایا تھا کہ پیلوسی کو تائیوان جانے کا حق حاصل ہے۔چین کی حکومت نے عندیہ دیا تھا کہ اگر نینسی پیلوسی نے تائیوان کا رخ کیا تو ان کے جہاز کے خلاف فوجی ایکشن لیا جاسکتا ہے۔

امریکا کی نیشنل سیکیورٹی کونسل کے ترجمان جان کربی کا کہنا تھا کہ متوقع دورے کو وجہ بنا کر کسی بحران یا تنازعے کو کھڑا کرنے کی کوئی ضرورت نہیں۔

تاہم اب نینسی پلوسی کے تائیون پہنچنے کے بعد چین کی وزارت خارجہ کا سخت ردعمل سامنے آیا ہے۔

غیر ملکی میڈیا رپورٹس کے مطابق انتباہ کے باوجود نینسی پلوسی کے دورہ تائیوان کے بعد چینی وزارت خارجہ نے امریکی سفیر نکولس برنز کو طلب کرلیا۔

چینی سرکاری میڈیا کا کہنا ہے کہ چینی نائب وزیرخارجہ نے پلوسی کے دورے پر سخت احتجاج کیا اور کہا کہ امریکی اقدام جارحانہ نوعیت کا ہےجس کےانتہائی سنجیدہ نتائج ہوں گےامریکی اقدام پر چین خاموش نہیں رہے گا۔

نینسی پلوسی نے تائیوان کا دورہ کیا تو فوج کو متحرک کردیں گے،چین

بیجنگ:چینی وزارت خارجہ کی ترجمان ہوا چھون اینگ نے یومیہ نیوز بریفنگ میں امریکی ایوان نمائندگان کی اسپیکر نینسی پیلوسی کے ممکنہ دورہ تائیوان کے حوالے سے کہا کہ پوری دنیا واضح طور پر دیکھ سکتی ہے کہ امریکہ کی اشتعال انگیز کارروائیوں سے آبنائے تائیوان کی صورتحال میں کشیدگی میں اضافہ ہوا ہے ، جس کی پوری ذمہ داری امریکہ پر عائد ہوتی ہے ۔

منگل کے روز چینی میڈ یا کے مطا بق حال ہی میں، چین نے بیجنگ اور واشنگٹن میں مختلف فورمز پر اپنے پختہ مؤقف کو بارہا واضح کیا ہے کہ چین امریکی ایوان نمائندگان کی سپیکر کے دورہ تائیوان کی سختی سے مخالفت کرتا ہے۔ انہوں نے پانچ نکاتی موقف پر روشنی ڈالتے ہوئے کہا کہ اول تو ، امریکی حکومت کی تمام ایجنسیوں بشمول انتظامی اداروں ، قانون سازی اور عدالتی شاخوں کو، امریکی حکومت کی تسلیم شدہ خارجہ پالیسی کو نافذ کرنا چاہیے۔

برٹش ایئر ویزکا پاکستان کے لیے فضائی آپریشن بحال،چین بھی فضائی راستوں کی بحالی کا…

دوسرا ، ماضی میں انفرادی امریکی سیاست دانوں کے غلط اقدامات کی کسی نظیر کو آگے نہیں بڑھانا چاہیے اور نہ ہی انھیں تائیوان کے معاملے پر بطور آڑ استعمال کیا جانا چاہیے۔تیسرا ، ون چائنا اصول بین الاقوامی تعلقات میں ایک تسلیم شدہ بنیادی اصول اور بین الاقوامی برادری کا عمومی اتفاق رائے ہے۔چوتھا ، امریکہ کی چین کو کنٹرول کرنے کی حکمت عملی نے تائیوان کی علیحدگی پسند قوتوں کو تائیوان کے معاملے پر اکسا یا ہے اور چین کی ریڈ لائن اور باٹم لائن کو عبور کرنے کی کوشش کی ہے ۔

چینی احتجاج نظر انداز،امریکی ایوان نمائندگان کی اسپیکر نینسی پلوسی تائیوان پہنچ…

پانچواں ، تائیوان کے مسئلے کی تاریخ واضح ہے۔ آبنائے تائیوان کے دونوں کنارے ایک چین سے تعلق رکھتے ہیں ،یہ حقیقت بالکل واضح ہے۔ ہم تائیوان کی علیحدگی پسند اور بیرونی طاقتوں کی مداخلت کی سختی سے مخالفت کرتے ہیں، اور تائیوان کی علیحدگی پسند قوتوں کو کسی بھی شکل میں کوئی گنجائش نہیں دیں گے ۔ اگر امریکہ اسی غلط راہ پر گامزن رہتا تو بعد کے تمام سنگین نتائج کی ذمہ داری امریکہ پر عائد ہوگی۔

بیجنگ :چین نےجنوبی چین میں فوجی مشقیں شروع کردیں،اطلاعات کے مطابق چائنا میری ٹائم سیفٹی ایڈمنسٹریشن نے رپورٹ کیا کہ امریکی ایوان نمائندگان کی اسپیکر نینسی پیلوسی کے ممکنہ دورہ تائیوان کے درمیان چین کی پیپلز لبریشن آرمی (PLA) نے منگل کو بحیرہ جنوبی چین میں مشقیں شروع کر دیں۔

آگ سے مت کھیلو!چین کا امریکہ کوایک بارپھرانتباہ

جینی وزارت دفاع کے مطابق بحیرہ جنوبی چین کے ایک حصے میں فوجی مشقیں کی جائیں گی۔” TASS کی رپورٹ کے مطابق، مخصوص علاقے میں داخل ہونا، جس کے نقاط ویب سائٹ پر درج ہیں،

یہ بھی بتایا جارہا ہے کہ پیپلز لبریشن آرمی بھی بوہائی بے کے شمالی حصے میں دالیان (صوبہ لیاؤننگ، شمال مشرقی چین) میں براہ راست فائرنگ کے ساتھ مشقیں کر رہی ہے۔ مخصوص علاقے میں داخلہ ممنوع ہے۔

یہ واحد مشقیں نہیں ہیں جو چین ان دنوں سمندر میں کر رہا ہے۔گزشتہ ہفتے جمعہ کو چین نے گوانگ ڈونگ اور ہینان صوبوں کے پانیوں میں بحیرہ جنوبی چین کے چار علاقوں میں مشقیں شروع کیں۔ ہفتے کے روز، مشرقی فوجیان صوبے کے پانیوں میں لائیو فائر کی مشقیں کی گئیں، جو تائیوان سے آبنائے کے ذریعے الگ ہے۔

امریکی کانگریس کے ایوان زیریں کے سپیکر کا تائیوان کا دورہ 25 سالوں میں اس درجہ کے کسی امریکی سیاستدان کا پہلا دورہ ہو سکتا ہے۔گلوبل ٹائمز کے ایک رپورٹر نے منگل کو ٹویٹر پر لکھا کہ چینی حکومت پیلوسی کے سپیکر کے تائیوان کے ممکنہ دورے کے خلاف متعدد اقدامات کی منصوبہ بندی کر رہی ہے،

نینسی پلوسی نے تائیوان کا دورہ کیا تو فوج کو متحرک کردیں گے،چین

چینی اخبار کے سابق چیف ایڈیٹر ہو ژیجن نے لکھا۔”جہاں تک میں جانتا ہوں، بیجنگ نے پیلوسی کے تائیوان کے ممکنہ دورے کے خلاف متعدد جوابی اقدامات کیے ہیں، جس میں فوجی اقدامات بھی شامل ہیں،”

بیجنگ نے بارہا امریکی فریق کو متنبہ کیا ہے کہ اگر دورہ ہوا تو اس کے نتائج برآمد نہیں ہوں گے اور چین سخت اقدامات اٹھائے گا۔ واشنگٹن کا خیال ہے کہ بیجنگ، ممکنہ دورے کی روشنی میں، ایسے اقدامات کر سکتا ہے جس سے بحران پیدا ہو

چین:دوسری کنزیومر ایکسپو میں چینی اور غیر ملکی کاروباری اداروں کی زبردست شرکت

یاد رہے کہ اس سے پہلے چین نے امریکہ کو وارننگ دی تھی کہ اگر امریکی کانگریس کے ایوان زیریں کی سپیکر نینسی نے تائیوان کا دورہ کیا تو فوج کو متحرک کردیں گے ،چین کے اس اعلان کے ایک دن بعد چین نے اپنی افواج کو الرٹ رہنے کا حکم دیا ہے اور ساتھ ہی خطے میں جدید جنگی مشقیں شروع کردی ہیں جن میں فضائیہ ، بحریہ اور پیدل افواج کے دستے شامل ہیں

چین کے صدر سے ایرانی صدر کی ٹیلیفونک گفتگو،باہمی اورعالمی معاملات پرگفتگو،مشاورت

بیجنگ: چینی دفتر خارجہ کا کہنا ہے کہ نینسی پلوسی کے دورے تائیوان کے موقع پر چینی افواج خاموش نہں بیٹھیں گی-

باغی ٹی وی : غیرملکی میڈیا کےمطابق چینی دفترخارجہ کی طرف سے جاری بیان میں کہا گیا ہے کہ امریکی ایوان نمائند گان کی اسپیکر نینسی پلوسی نے تائیوان کا دورہ کیا تو فوج کو متحرک کردیں گے۔

روسی صدر نے امریکا کو بڑا دشمن قرار دے دیا

ترجمان چینی دفتر خارجہ زو لی جین کا کہنا ہے کہ نینسی پلوسی کا دورہ تائیوان چین کی خودمختاری اور آزادی کو چیلنج کرنا ہے، ایسی صورت میں چین کی طرف سے سخت ردعمل کا سامنا کرنا پڑے گا۔

ایک سوال کے جواب میں ان کا کہنا تھا انتباہ کے باوجود کسی بھی ایسے اقدام کی صورت چین کی طرف سے آنے والے ردعمل کا انتظار کرنا ہوگا دوسری جانب چائنا لبریشن آرمی نے نینسی پلوسی کے متوقع دورے کے پیش نظرسرحد پراپنی سرگرمیوں کو تیز کردیا ہے۔

امریکی اسپیکر نینسی پلوسی کے دورہ تائیوان پر چین کی جانب سے سخت ردعمل کے بعد امریکہ کا کہنا ہے کہ کشیدگی میں اضافہ کسی کے مفاد میں نہیں چین ذمہ داری کا مظاہرہ کرے۔

روسی بحری بیڑے پر ڈرون حملہ، فوجیوں سمیت پانچ افراد زخمی

امریکی قومی سلامتی کے مشیر جان کربی کا کہنا ہے کہ اسپیکر نینسی پلوسی کو دیگر امریکی اراکین کانگریس کی طرح تائیوان جانے کا حق ہے چین آبنائے تائیوان کے بین الاقوامی گزرگاہ نہ ہونے کا دعویٰ بھی کرسکتا ہے کشیدگی میں اضافہ کسی کے مفاد میں نہیں بیجنگ کے اقدامات کے غیر ارادی نتائج ہوسکتے ہیں۔

دوسری جانب امریکی سیکریٹری آف اسٹیٹ انٹونی بلنکن کا کہنا ہے کہ تائیوان کا دورہ اسپیکر کی اپنی صوابدید ہے ان کی حفاظت کے حوالے سے تمام ضروری اقدامات کو یقینی بنایا گیا ہے چین ذمہ داری کا مظاہرہ کرے۔

واضح رہے کے امریکی اسپیکر برائے ایوان نمائندگان نینی پلوسی اس وقت چار ایشیا ئی ممالک کے دورے پر ہیں اور تائیوان جانے کا ارادہ بھی رکھتی ہیں تائیوانی حکام کے مطابق نینسی پلوسی ایک روزہ دورے پر تائیوان پہنچیں گی تاہم اس حوالے سے وقت اور دن کا تعین حتمی نہیں۔

جنگی قیدیوں کی ہلاکت کا الزام ، روس کی اقوام متحدہ کو تحقیقات کی دعوت

بیجنگ:امریکا کے صدر جو بائیڈن اور چین کے صدر شی جن پنگ نے ہونے والی ٹیلی فونی گفتگو میں تائیوان سمیت دو طرفہ امور پر تفصیلی گفتگو کی۔دونوں رہنماؤں کی گفتگو 2 گھنٹے سے زائد وقت تک جاری رہی اور باہمی تجارت سمیت متعدد حل طلب امور زیر بحث آئے۔

چین میانمار کے خلاف اپنا اثر و رسوخ استعمال کرے، امریکا

چینی میڈیا کے مطابق صدر شی جن پنگ نے اپنے امریکی ہم منصب کو متنبہ کیا ہے کہ امریکا تائیوان میں مداخلت کرکے آگ سے کھیل رہا ہے، امریکی قیادت کو معلوم ہوگا کہ آگ سے کھیلنے کا انجام کیا ہوتا ہے یعنی سب کچھ جل جاتا ہے۔

امریکی اسپیکر کے دورہ تائیوان سے چین کے اقتدار اعلی کو شدید نقصان پہنچے گا:چین

ڈیڑھ سال قبل صدر بننے کے بعد سے جو بائیڈن اور شی جن پنگ کے درمیان ہونے والی یہ پانچویں بات چیت تھی، تجارتی جنگ اور تائیوان کے معاملے پر کشیدگی کے دوران دونوں ممالک کے درمیان بڑھتے ہوئے عدم اعتماد کو چھپانا مشکل ہو رہا ہے۔

دونوں ممالک کے درمیان کشیدگی اور تناؤ کی تازہ ترین وجہ جو بائیڈن کی اتحادی اور ایوان نمائندگان کی اسپیکر نینسی پیلوسی کا جزیرہ نما ریاست تائیوان کا ممکنہ دورہ ہے جس کی اپنی الگ جمہوری حکومت ہے۔

امریکہ اسپیکر نینسی پیلوسی کے دورہ تائیوان کےانتظامات بند کرے:چینی وزارت خارجہ

اگرچہ امریکی عہدیداران اکثر تائیوان کا دورہ کرتے ہیں، بیجنگ، نینسی پیلوسی کے دورے کو بڑی اشتعال انگیزی سمجھتا ہے کیوں کہ وہ امریکی صدارت کے بعد دوسرے نمبر پر اہم ترین عہدیدار ہیں۔تائیوان اور چینی سرزمین کے درمیان مختصر سمندری فاصلہ ہے۔

چین نے خبردار کیا کہ اگر یہ دورہ انجام پاتا ہے تو واشنگٹن کو اس کے نتائج بھگتنے پڑیں گے۔ تاہم بتایا جاتا ہے نینسی پیلوسی نے ابھی اس تصدیق نہیں کی ہے۔

بیجنگ:چین کے ریاستی کونسلر اور وزیر خارجہ وانگ ای نے کہا ہے کہ موجودہ بین الاقوامی صورتحال کے باوجود، چین اور روس نے دونوں سربراہان مملکت کی اسٹریٹجک رہنمائی میں معمول کے تبادلوں کو برقرار رکھا ہے اور مختلف شعبوں میں تعاون کو منظم انداز میں فروغ دیا ہے، جس سے دو طرفہ تعلقات کے مضبوط لچک کا مظاہرہ کیا گیا ہے۔ چین برکس سمٹ میں روس کی فعال شرکت اور عالمی ترقی کو فروغ دینے میں اس کی خدمات کو سراہتا ہے۔ ہم سمٹ کے اہم نتائج کو نافذ کرنے، پائیدار ترقی کے 2030 ایجنڈے کے فروغ کو تیز کرنے، ترقی پذیر ممالک کے مشترکہ مفادات کے تحفظ اور بین الاقوامی انصاف کے تحفظ کے لیے روس سمیت تمام فریقوں کے ساتھ کام کرنے کے لیے تیار ہیں۔جمعہ کے روز چینی میڈ یا کے مطا بق ان خیا لا ت کا اظہار چینی وزیر خا رجہ نے روسی وزیر خارجہ سرگئی لاوروف سے ملاقات میں کیا۔

لاوروف نے چین کو برکس سمٹ کے کامیاب انعقاد پر مبارکباد دی اور کہا کہ روس دونوں ممالک کے عوام کو بہتر طور پر فائدہ پہنچانے کے لیے دوطرفہ تعاون کے شعبوں اور پیمانے کو وسعت دینا چاہتا ہے۔ روس گلوبل ڈویلپمنٹ انیشیٹو اور گلوبل سیکورٹی انیشیٹو سمیت اہم تصورات کی حمایت کرتا ہے اور چین کے ساتھ ہم آہنگی اور تعاون کو مضبوط بنائے گا۔

چین کے ریاستی کونسلر اور وزیر خارجہ وانگ ای نے کہا ہے کہ چین سب سے پہلے سرد جنگ کے تصور کو بھڑکانے، کیمپ کے تصادم کو بڑھا چڑھا کر پیش کرنے، اور “نئی سرد جنگ” پیدا کرنے کی مخالفت کرتا ہے۔

جمعہ کے روز چینی میڈ یا کے مطا بق ان خیا لات کا اظہار چینی وزیر خا رجہ نےبھارتی وزیر خارجہ جے شنکر کے ساتھ گفتگو میں کیا ۔ اس مو قع پر وانگ ای نے یوکرین کی موجودہ صورتحال کے بارے میں تین نکات نظر پر روشنی ڈالی ۔

انہوں نے کہا کہ چین دوہرے معیارات کی مخالفت کرتا ہے جو چین کی خودمختاری اور علاقائی سالمیت کو نقصان پہنچاتے ہیں۔ چین یوکرینی بحران کا تائیوان کے مسئلے سے موازنہ کرنے کی کسی بھی کوشش کو مسترد کرتا ہے اور اپنے بنیادی مفادات کا مضبوطی سے دفاع کرے گا۔

چین دوسرے ممالک کے جائز ترقیاتی حقوق اور مفادات کو نقصان پہنچانے کی مخالفت کرتا ہے۔ کچھ ممالک نے یوکرین کے بحران کے بہانے کے طور پر چین اور دیگر ممالک پر اندھا دھند یکطرفہ پابندیاں عائد کیں۔ جو غیر قانونی ہیں، جس سے ملکوں کے درمیان معمول کے تبادلے کو نقصان پہنچایا گیا، بین الاقوامی تجارت کے قوانین کی خلاف ورزی کی گئی، اور یوکرین کے بحران کو پیچیدہ بنایا گیا۔

چین کے بارے میں ایف بی آئی کے ڈائریکٹر کے نامناسب بیان کے جواب میں، چینی وزارت خارجہ کے ترجمان چاؤ لی جیان نے پریس کانفرنس میں کہا ہےکہ متعلقہ امریکی سیاست دانوں نے ہمیشہ "چین کے خطرے” کو ہوا دی ہے اور چین کو بدنام کیا ہے ۔ درحقیقت، اپنی بالادستی اور مفادات کے تحفظ کے لیے، امریکہ نے بارہا اقوام متحدہ کے چارٹر کے مقاصد اور اصولوں اور بین الاقوامی تعلقات کے بنیادی اصولوں کی خلاف ورزی کی، مختلف ممالک میں جنگیں شروع کیں، اور غیر معقول طور پر دیگر ممالک کی کمپنیوں کو دبایا، یہ ثابت کرتا ہے کہ امریکہ عالمی امن اور ترقی کے لیے سب سے بڑا خطرہ ہے۔ ہم اس امریکی اہلکار کو کہتے ہیں کہ وہ چین کی ترقی کو دیکھیں، جھوٹ اور افواہیں پھیلانا اور غیر ذمہ دارانہ بیانات دینا بند کریں۔

جمعہ کے روز چینی میڈیا کےمطا بق ”برطانوی اہلکار کے بیان کے حوالے سے چاؤ لی جیان نے کہا کہ سب کو معلوم ہے کہ برطانوی انٹیلی جنس سروسز خاص طور پر "جاسوسی کرنے” میں اچھی ہیں۔ برطانیہ نے خطرناک رپورٹیں شائع کیں جن کا مقصد "چین کے خطرے کے نظریہ” کو بڑھا چڑھا کر پیش کرنا اور تصادم کو ہوا دینا ہے۔ چین نے کئی بار اس بات کا اعادہ کیا ہے کہ چین کی ترقی کا مقصد کسی کو نشانہ بنانا یا کسی کی جگہ لینا نہیں، بلکہ چینی عوام کو خوشحال اور خوبصورت زندگی دینا ہے۔

دوسری طرف چین نے خبردارکرتے ہوئے کہا ہے کہ تائیوان کی علیحدگی کی کسی بھی کوشش کو ناکام بنا یا جا ئے گا: چین کی فوجی مشق کا مقصد تائیوان کی علیحدگی پسند قوتوں کا مقابلہ کرنا ہے،کسی دوسرے ملک کے خلاف کوئی جارحانہ عزائم نہیں ہیں

چائنیز پیپلز لبریشن آرمی کی ایسٹرن تھیٹر کمانڈ نے تائیوان جزیرے کے ارد گرد فضائی اور سمندری علاقوں میں کثیر خدماتی مشترکہ جنگی تیاری کے گشت اور حقیقی جنگی مشقیں کیں ۔

جمعہ کے روز چینی میڈ یا کے مطا بق اس حوالے سے منعقدہ پریس کانفرنس میں چینی وزارت خارجہ کے ترجمان چیاؤ لی جیان نے کہا کہ آبنائے تائیوان کی مرکزی لائن پر چین کا موقف واضح اور مستقل ہے اور اس حوالے سے تائیوان حکام کی طرف سے سیاسی جوڑ توڑ کامیاب نہیں ہو گا۔

چیاؤ لی جیان نے کہا کہ چین کی فوجی مشق کا مقصد بیرونی مداخلت اور تائیوان کی علیحدگی پسند قوتوں کا مقابلہ کرنا ہے۔چین مضبوطی کے ساتھ ملک کے اقتدار اعلی اور علاقائی سالمیت کا تحفظ کرے گا اور "تائیوان کی علیحدگی کی کسی بھی کوشش کو ناکام بنائے گا۔

بیجنگ:چینی وزارت خارجہ کے یورپی ڈویژن کے ڈائریکٹر وانگ لو تھونگ نے جی سیون اور نیٹو سمٹ میں چین سے متعلقہ امور کے حوالے سے چائنا میڈیا گروپ کو خصوصی انٹرویو دیتے ہوئے کہا کہ چین کے خلاف نیٹو کا” اقتصادی ورژن بنانا بہت خطرناک ہوگا۔

اتوار کے روز چینی میڈ یا کے مطا بق ” دی بیلٹ اینڈ روڈ انیشیٹیو” سے مقابلہ کرنے کے لیے جی 7 کے پیش کردہ ” عالمی انفراسٹرکچر انویسٹمنٹ پارٹنرشپ” منصوبے کے حوالے سے انہوں نے کہا کہ مختلف قسم کے منصوبے ایک دوسرے کے مقابل یا الگ نہیں ہوتے بلکہ انہیں ہم آہنگ بنایا جانا چاہیے۔ چین کا ماننا ہے کہ بنیادی ڈھانچے کی تعمیر کو جغرافیائی سیاسی مفادات کے حصول کے بہانے کے طور پر استعمال نہیں کیا جانا چاہیے بلکہ لوگوں کو حقیقی فائدہ پہنچانے کے لیے استعمال کیا جانا چاہیے۔

وانگ لو تھونگ نے مزید کہا کہ حالیہ دنوں سننے میں آیا ہے کہ چین کے خلاف نیٹو کا ایک “اقتصادی ورژن” بنایا جائے گا ۔ یہ عالمی اقتصادی نظام اور بین الاقوامی تجارتی قوانین کو شدید نقصان پہنچائے گا، اور بہت خطرناک بھی ہو گا

امریکی جوائنٹ چیفس آف اسٹاف کے چیئرمین جنرل مارک ملے نے کہا ہے کہ تائیوان تنازعے سے متعلق امریکا نے چین پر گہری نظر رکھی ہوئی ہے، مستقبل میں چین تائیوان پر حملہ کر سکتا ہے۔

برطانوی نشریاتی ادارے سےگفتگو کرتے ہوئے جنرل مارک ملے کا کہنا تھا کہ تائیوان پر چین کے فوری حملے کا تو کوئی امکان نہیں ہے لیکن امریکا نے صورتحال پر گہری نظر رکھی ہوئی ہے۔

جنرل مارک ملے کا کہنا تھا کہ چین، تائیوان پر حملے کے لیے اپنے دفاع کو مضبوط بنا رہا ہے اور مستقبل میں چین کی جانب سے تائیوان پر حملہ کیا جا سکتا ہے۔ان کا کہنا تھا کہ چین کا تائیوان پر حملہ کرنا ایک سیاسی نوعیت کا فیصلہ ہوگا۔

خیال رہے کہ چین تائیوان کو اپنا حصہ تصور کرتا ہے جبکہ تائیوان خود کو ایک علیحدہ ریاست مانتا ہے اور اس معاملے پر دونوں ممالک کے درمیان طویل عرصے سے تنازع چلا آ رہا ہے۔

ادھرہانگ کانگ کے قریب سمندری طوفان چابا کی زد میں آکر ایک بحری جہاز کے 2 ٹکڑے ہوگئے جس کے بعد سے عملے کے افراد کی تلاش کا کام جاری ہے۔

یہ واقعہ 2 جولائی کو پیش آیا تھا اور ہانگ کانگ انتظامیہ کا کہنا ہے کہ طوفانی لہروں کی وجہ سے عملے کے لاپتہ27 افراد کے بچنے کا امکان بہت کم رہ گیا ہے۔

سمندری طوفان کے دوران 144 کلومیٹر فی گھنٹہ کی رفتار سے چلنے والی ہواؤں اور طوفانی لہروں کے نتیجے میں فوجنگ 001 نامی جہاز کے 2 ٹکڑے ہوگئے تھے۔واقعے کے بعد عملے کے 3 افراد کو بچا لیا گیا تھا مگر 27 افراد اب بھی گمشدہ ہیں۔

ہانگ کانگ حکومت کی جانب سے عملے کو بچانے کے لیے 4 طیارے، 6 ہیلی کاپٹرز بھیجے گئے جبکہ 36 رکنی ریسکیو ٹیم سرچ آپریشن پر کام کر رہی ہے۔حکام نے بتایا کہ ان 27 افراد کی زندگی کا امکان نہ ہونے کے برابر رہ گیا ہے کیونکہ وقت بہت زیادہ ہوچکا ہے۔

انہوں نے مزید کہا کہ ہماری جانب سے لاپتہ افراد کی تلاش کے لیے ہر ممکن کوششیں کی جارہی ہیں مگر خراب موسم کی وجہ سے امدادی کام متاثر ہورہا ہے۔

واشنگٹن :چین جو مرضی کرلےتائیوان کی مدد جاری رکھی جائے:امریکی کانگریس کا حکومت کوپیغآم،اطلاعات کے مطابق امریکی سینیٹ کی خارجہ تعلقات کی کمیٹی کے ڈیموکریٹک اور ریپبلکن سربراہوں نے جمعے کو قانون سازی متعارف کرائی جو تائیوان کے حوالے سے امریکی پالیسی میں بڑے پیمانے پر تبدیلی کی تجویز کرے گی۔

اس سلسلے میں بتایا گیا ہے کہ سینس باب مینینڈیز اور لنڈسے گراہم کی طرف سے متعارف کرایا گیا یہ قانون تائیوان کو اگلے چار سالوں میں تقریباً 4.5 بلین ڈالر کی سکیورٹی امداد فراہم کرے گا اور تائیوان کو ایک بڑے غیر نیٹو اتحادی کے طور پر قبول کرے گا۔اس سے پہلے تائیوان کو پہلے ہی امریکی قانون کے تحت ایک بڑے غیر نیٹو اتحادی کے طور پر سمجھا جاتا ہے، لیکن اسے باضابطہ طور پر نامزد نہیں کیا گیا ہے۔

یوکرینی افواج کو روس سے لڑنے کےلیے برطانیہ فوجی تربیت دے گا

یہ ایکٹ بین الاقوامی تنظیموں اور تجارتی بلاکس میں تائیوان کی شمولیت کے لیے اضافی امریکی حمایت میں مزید اضافہ کرے گا۔

"تائیوان پالیسی ایکٹ 2022، بیجنگ کے فوجی، اقتصادی اور سفارتی خطرات کے پیش نظر تائیوان اور ان تمام لوگوں کے ساتھ کھڑے ہونے کے لیے ریاست ہائے متحدہ امریکہ کے مکمل عزم کا ایک بنیادی بیان پیش کرتا ہے جو ہند بحر الکاہل میں ہمارے مفادات اور ہماری اقدار کا اشتراک کرتے ہیں۔

روس یوکرین میں جنگ ہارچکا:برطانوی آرمی چیف کا اعلان

انہوں نے مزید کہا کہ "جیسا کہ بیجنگ تائیوان کو مجبور کرنے اور الگ تھلگ کرنے کی کوشش کر رہا ہے، تائیوان کے عوام اور ان کی جمہوریت کے ساتھ کھڑے ہونے کے ہمارے عزم کی گہرائی اور طاقت کے بارے میں کوئی شک یا ابہام نہیں ہونا چاہیے۔”

روس کےخلاف یورپی اتحادی سربراہوں کا یوکرین میں اہم اجلاس

سینیٹرز نے آخری بار اپریل 2022 میں ایشیا پیسیفک کے علاقائی دورے کے ایک حصے کے طور پر تائیوان کا دورہ کیا تھا جس میں وہ تائیوان کے صدر تسائی انگ وین اور تائیوان کے دیگر سینئر حکام کے ساتھ بیٹھے تھے۔

یاد رہے کہ چین تائیوان کو ایک "تقسیم شدہ صوبہ” سمجھتا ہے، لیکن تائی پے نے 1949 سے اپنی آزادی برقرار رکھی ہے۔

جنیوا:چین کے اندورنی معاملات میں مداخلت نہ کی جائے:69 ممالک کا اقوام متحدہ سے مطالبہ ،اطلاعات کے مطابق کل یعنی منگل کو جنیوا میں اقوام متحدہ کی انسانی حقوق کونسل کے جاری 50ویں اجلاس میں 69 ممالک کے ایک گروپ نے چین کے اندرونی معاملات میں مداخلت کے لیے انسانی حقوق کا کارڈ استعمال کرنے کی مذمت کی

اس اہم اجلاس میں ان ممالک کی جانب سے کیوبا نے کونسل کو بتایا کہ سنکیانگ، ہانگ کانگ اور تبت کے معاملات چین کے اندرونی معاملات ہیں۔انسانی حقوق کی کونسل نے اس موقع پریہ بھی مطالبہ کیا کہ وہ انسانی حقوق کے مسائل کی سیاست کرنے، دوہرے معیار اور انسانی حقوق کے بہانے چین کے اندرونی معاملات میں مداخلت کو مسترد کرتے ہیں۔

روس اور چین کے خلاف بھارت امریکہ مزاکرات

جنیوا میں اقوام متحدہ کے دفتر میں کیوبا کے مستقل مشن کی کونسلر لیزنڈرا اسٹیاسارن آریاس نے علاقائی ممالک کے گروپ کی طرف سے دستخط کیے گئے ایک مشترکہ بیان کو پیش کرتے ہوئے کہا کہ تمام ممالک کی خودمختاری، آزادی اور علاقائی سالمیت کا احترام اور عدم مداخلت۔ خودمختار ریاستوں کے اندرونی معاملات بین الاقوامی تعلقات کو کنٹرول کرنے والے بنیادی اصول ہیں۔

گستاخانہ بیانات،چین کا ردعمل بھی سامنے آگیا

آستیاسرن آریاس نے کہا کہ تمام فریقوں کو اقوام متحدہ کے چارٹر کے مقاصد اور اصولوں کی پابندی کرنی چاہیے، اور آفاقیت، غیر جانبداری، معروضیت اور غیر انتخابی اصولوں کو برقرار رکھنا چاہیے۔انہوں نے مزید کہا کہ تمام فریقین کو چاہیے کہ وہ مختلف ممالک کے لوگوں کے اپنے قومی حالات کی روشنی میں اپنی ترقی کی راہوں کا انتخاب کرنے کے حق کا بھی احترام کریں اور ہر قسم کے انسانی حقوق بالخصوص معاشی، سماجی اور ثقافتی حقوق کو یکساں اہمیت دیں۔

امریکہ سُن لےتائیوان کوچین سے الگ کرنےکامطلب چین سے جنگ ہوگی

کیوبا کی طرف سے پڑھا جانے والا مشترکہ بیان ہالینڈ، امریکہ اور دیگر ممالک کے اس بیان کا ردعمل تھا جس میں انہوں نے چین کے سنکیانگ ایغور خود مختار علاقے میں انسانی حقوق کی صورتحال کے بارے میں اپنے "سنگین تحفظات” کا اظہار کیا تھا۔جنیوا میں اقوام متحدہ کے دفتر میں چین کے مستقل نمائندے چن سو نے کہا کہ انسانی حقوق کونسل "زیادہ سے زیادہ سیاسی اور تصادم کا شکار ہو گئی ہے” اور "غلط معلومات پھیلی ہوئی ہیں”۔ انہوں نے مزید تعاون اور بات چیت پر زور دیا۔

کونسل سے اپنے الگ الگ خطابات میں 20 سے زائد ممالک نے چین کے موقف کو سمجھنے اور اس کی حمایت پرعزم مصمم کیا

بیجنگ :امریکہ سُن لےتائیوان کوچین سے الگ کرنےکامطلب چین سے جنگ ہوگی.اطلاعات کے مطابق چین نے امریکہ کو خبردار کیا ہے کہ تائیوان کو چین سے آزاد کرانے کی کوئی بھی کوشش بیجنگ کی افواج کی طرف سے فوجی کارروائی کو متحرک کرے گی۔

چین کے وزیر دفاع وی فینگے نے سنگاپور میں ایشیائی سیکورٹی سربراہی اجلاس کے موقع پر اپنے امریکی ہم منصب لائیڈ آسٹن سے ملاقات کی۔مسٹر وی فینگے نے اپنے ہم منصب امریکی وزیردفاع لائیڈ اسٹن پرواضح کرتے ہوئے کہا کہ تائیوان کو چین سے الگ کرنے سے چینی فوج کے پاس "کسی بھی قیمت پر لڑنے” کے سوا کوئی چارہ نہیں بچے گا۔

چین کی طرف سے امریکہ کو سخت پیغام کے بعد امریکی وزیردفاع مسٹر آسٹن نے بعد میں چینی فوجی سرگرمی کو "اشتعال انگیز، عدم استحکام کا باعث” قرار دیا۔انہوں نے کہا کہ جزیرے کے قریب روزانہ کی بنیاد پر ریکارڈ تعداد میں چینی طیارے پرواز کر رہے ہیں، جو "خطے میں امن اور استحکام کو نقصان پہنچاتے ہیں”۔

امریکہ اورچینی دفاعی حکام کے درمیان سنگاپورمیں اہم ملاقات جاری

چینی وزیردفاع نے کہا کہ چین تائیوان کواپنا اٹوٹ انگ سمجھتا ہے اس کے بعد بھی امریکہ اگرتائیوان کو اسلحے کی فراہمی جاری رکھتا ہے تو اس پھرمذمت کرنا ہی بنتا ہے

چینی ترجمان نے ان کا حوالہ دیتے ہوئے کہا: "اگر کوئی تائیوان کو چین سے الگ کرنے کی جرات کرتا ہے تو چینی پیپلز لبریشن آرمی کے پاس کسی بھی قیمت پر لڑنے اور ‘تائیوان کی آزادی’ کی کسی بھی کوشش کو کچلنے اور قومی خودمختاری اور علاقائی سالمیت کے تحفظ کے علاوہ کوئی چارہ نہیں ہوگا۔ ”

چینی وزیردفاع کے سخت لہجے پرجواب دیتے ہوئے امریکی وزیردفاع مسٹر آسٹن نے کہا کہ امریکہ جمود کو برقرار رکھنے کے لیے پرعزم ہے – انہوں نے زور دے کر کہا کہ کشیدگی کو طاقت کے ذریعے حل کرنے کی کوئی کوشش نہیں ہونی چاہیے۔

چین امریکہ پر برس پڑا،تائیوان کو ہتھیاروں کی فروخت بند کرنے کا مطالبہ

یاد رہے کہ سنگا پور میں امریکی وزیر دفاع لائیڈ آسٹن (بائیں) نے چین کے وی فینگے کے ساتھ اپنی پہلی آمنے سامنے ملاقات کی۔یہ امریکہ اور چین کے دفاعی سربراہوں کی پہلی ملاقات تھی اور تقریباً ایک گھنٹہ جاری رہی

اس موقع پر چینی وزیردفاع وی فینگے نے کہا کہ بات چیت "آسان طریقے سے ہوئی” اور دونوں فریقوں نے انہیں خوشگوار قرار دیا۔

جس کے جواب میں امریکی وزیردفاع آسٹن نے کسی بھی غلط فہمی سے بچنے کے لیے چین کی فوج کے ساتھ مکمل طور پر کھلے رابطوں کو برقرار رکھنے کی اہمیت پر بات کی۔

چین امریکہ ٹیکنالوجی کی جنگ میں شدت،ٹرمپ نے حکمنامے پر دستخط کر دیئے

یاد رہ کہ مئی کے آخر میں تائیوان نے کہا کہ اس نے اپنے فضائی دفاعی زون میں چین کی طرف سے بھیجے گئے 30 جنگی طیاروں کو خبردار کرنے کے لیے لڑاکا طیارے تعینات کیے ہیں تائیوان کی وزارت دفاع نے کہا کہ اس واقعے میں 22 تائیوان کے جنگجوؤں کے ساتھ ساتھ الیکٹرانک وارفیئر، قبل از وقت وارننگ اور اینٹی سب میرین طیارے شامل تھے۔