تہران: ایران کے مشہور پاپ گلوکار امیر حسین مقصود لو المعروف ”تاتالو“ کو فحش مواد پھیلانے کے جرم میں قید کی سزا سنادی گئی ۔
باغی ٹی وی : ایران کے سرکاری میڈیا کے مطا 36 سالہ موسیقار 2018 سے استنبول میں مقیم تھے، جس کے بعد ترک پولیس نے انہیں گذشتہ سال دسمبر میں ایران کے حوالے کر دیا تھا، تب سے وہ ایران میں ہی نظر بند ہیں،تاتالو کے وکیل الہام رحیمیفر نے مزید تفصیلات بتائے بغیر کہا کہ تاتالو کو قید کی متعدد مختصر اور طویل مدتی سزائیں سنائی گئیں،سزاؤں کے خلاف اپیل کی جا سکتی ہے۔
واضح رہے کہ ایرانی قانون کے تحت جیل کی ایک سے زیادہ سزائیں ایک ساتھ چلتی ہیں، پاپ گلوکار تاتالو ریپ، پاپ اور آر ایند بی قسم کی موسیقی کے امتزاج کے لیے مشہور ہیں،2015 میں انہوں نے ایران کے جوہری پروگرام کی حمایت میں ایک گانا نشر کیا کیونکہ تہران اور عالمی طاقتوں کے درمیان ایک تاریخی جوہری معاہدہ طے پا رہا تھا۔