تاجکستان کےصدر امام علی رحمان کل 2 روزہ دورے پر پاکستان پہنچیں گے-
باغی ٹی وی : تفصیلات کے مطابق تاجکستان کےصدر امام علی رحمان کل 2 روزہ دورے پر پاکستان پہنچیں گے ، تاجک صدر وزیر اعظم عمران خان کی دعوت پر پاکستان کا دورہ کریں گے-
ترجمان دفتر خارجہ کے مطابق تاجکستان کے صدر کے ہمراہ ایک اعلیٰ سطح کا وفد بھی آئے گا ، وزیر اعظم عمران خان اور تاجکستان کے صدر کی ملاقات ہوگی-
زاہدحفیظ کے مطابق صدر مملکت عارف علوی اور تاجک ہم منصب میں ملاقات ہوگی ، وفود کی سطح کی ملاقاتیں بھی ہوں گی، متعدد معاہدوں پر دستخط کیے جائیں گے-
ترجمان دفتر خارجہ کے مطابق پاکستان اور تاجکستان میں قریبی برادرانہ تعلقات ہیں،تاجکستان کے صدر 1994 سے اب تک7 بار پاکستان کا دورہ کر چکے ہیں-
تجارت ، سرمایہ کاری ، توانائی ، دفاع ، ثقافت ، تعلیم اورباہمی تعاون کےفروغ پر تبادلہ خیال ہوگا-