ابوظبی ائیرپورٹ کا چھ سال کی تاخیر کے بعد مکمل ہونے والا نیا ٹرمینل نومبر کے اوائل میں مسافروں اور پروازوں کے لیے کھول دیا جائے گا جبکہ ابوظبی ہوائی اڈے کا یہ نیا ٹرمینل اپنے تعمیراتی مرحلے کے دوران میں مڈفیلڈ ٹرمینل بلڈنگ کے نام سے مشہور ہوا تھا اور یہاں ٹام کروز کی نئی فلم مشن، امپاسیبل کے اہم حصوں کی شوٹنگ کی گئی تھی۔اس کے ذریعے ہر سال ساڑھے چار کروڑ مسافروں کے سفر کی گنجائش ہوگی۔
علاوہ ازیں ابوظبی ائیرپورٹس نے ایک بیان میں کہا کہ ’’اس ٹرمینل کا افتتاح امارت (ابوظبی) کے لیے ایک اہم سنگ میل ثابت ہوگا جو مقامی ہوا بازی کے ماحولیاتی نظام کو تبدیل کرنے کی صلاحیت رکھتی ہے۔یہ مسافروں کے لیے پسندیدہ منزل کے طور پر ابوظبی کی بڑھتی ہوئی ساکھ کو بھی مضبوط کرے گا۔
تاہم عالمی میڈیا کے مطابق مڈفیلڈ ٹرمینل ، جو اصل میں 2017 میں مکمل ہونا تھا،امارت ابوظبی کی ملکیتی اتحادایئرویز کی ترقی کی تکمیل کے لیے ڈیزائن کیا گیا تھا کیونکہ یہ فضائی کمپنی ہمسایہ امارت دبئی کی عالمی کیریئر الامارات اور قطر کی فضائی کمپنی قطرایئرویز کے ساتھ مسابقت کی دوڑ میں ان کے ہم پلہ آناچاہتی ہے۔
مزید یہ بھی پڑھیں؛
توشہ خانہ فیصلہ؛ اپیل واپسی کی درخواست سماعت کیلئے مقرر
چیئرمین سینیٹ سے نگران وفاقی وزیر توانائی کی ملاقات
اوپن مارکیٹ میں ڈالر 325 روپے کی تاریخی سطح پر پہنچ گیا
ہمیشہ ووٹ کے لئے نہیں عوام کی خدمت کے لئے کام کیا،جہانگیر ترین
نوکری کا جھانسہ،تین الگ الگ واقعات میں خواتین عزتیں گنوا بیٹھیں
جبکہ ابوظبی ائیرپورٹس کے سی ای او برائن تھامپسن نے 2019 میں بتایا تھا کہ ٹرمینل کا تعمیراتی اور تزئین وآرائش کا کام اس وقت تک 97.6 فی صد مکمل ہوچکا تھا اور دو ذرائع نے 2021 میں برطانوی خبررساں ایجنسی رائٹرز کو بتایا تھا کہ اس کے بعد ابوظبی ائیرپورٹس اور ٹھیکے داروں کے درمیان ایک سال تک فنڈنگ کا تنازع جاری رہا تھا اور یہ مسئلہ سامنے آیا تھا کہ ٹیسٹنگ کے بل کون ادا کرے گا؟