Tag: تازہ ترن

دفتر خارجہ کا کہنا ہے کہ سیلاب زدگان کیلئے 133 پروازیں امدادی سامان لیکر پاکستان پہنچ گئیں.

دفتر خارجہ کے ترجمان کی طرف سےجاری اعداد و شمار کے مطابق سیلاب زدگان کے لئے متحدہ عرب امارات سے اب تک مجموعی طور پر 41 ، ترکیہ سے 14 ، چین سے 4 ، ازبکستان سے ایک، قطر سے 4 ، فرانس سے ایک، یونیسیف کی 3، اقوام متحدہ کے پناہ گزینوں کے ادارہ ( یو این ایچ سی آر) کی 14پروازیں، ترکمانستان کی ایک ، اردن کی ایک ، عالمی ادارہ خوراک کی تین ، امریکا کی 21، برطانیہ کی ایک، نیپال کی ایک، اومان کی 8 ، روس، یونان اور اٹلی کی ایک ایک اور سعودی عرب کی 10 پروازیں امدادی سامان لیکر پاکستان پہنچی ہیں۔

انڈونیشیا سے بھی 2 پروازیں سیلاب زدگان کے لئے امدادی سامان لیکر اب تک پاکستان آئی ہیں ۔ امدادی پروازوں کے علاوہ ایران سے 100 ٹن امدادی سامان ٹرکوں کے ذریعے پاکستان پہنچا ہے۔ سیلاب زدگان کے لئے ترکیہ کی جانب سے تین ریل گاڑیوں اور دو ٹرکوں پر مشتمل امدادی سامان پاکستان بھیجا گیا ہے. پاکستان کے سیلاب متاثرین کے لئے تاجکستان سے 87 ٹرکوں کے ذریعے امدادی سامان بھیجا گیا ہے ۔ متحدہ عرب امارات اور اومان سے امدادی سامان لے کر ایک ایک بحری جہاز بھی پاکستان پہنچے ہیں ۔

جبکہ گزشتہ دنوں پاکستانی سیلاب زدگان کی مدد کے لیے سعودی عرب کی طرف سے دسواں طیارہ کراچی پہنچا تھا. سبق ویب سائٹ کے مطابق طیارے میں 30 ٹن امدادی سامان ہے جس میں خیمے، کمبل، تیار کھانے کے پیکٹ اور دیگر غذائی سامان شامل ہےتھی اور کنگ سلمان سینٹر برائے انسانی امداد کی انتظامیہ نے کہا تھا کہ ’طیارے میں 4212 افراد کے لیے امدادی سامان موجود ہے تھی. جبکہ
انتظامیہ نے کہا تھا کہ ’خادم حرمین شریفین شاہ سلمان بن عبد العزیز کی ہدایت پر فضائی پل قائم ہے جس کے تحت سیلاب زدگان کی مدد کی جائے گی‘۔
انتظامیہ نے مزید کہا کہ ’اب تک ارسال کئے جانے والے امدادی سامان کا کل حجم 420 ٹن ہے جو 52705 متاثرین کے لیے کافی ہے‘۔

پاکستانی نوبیل انعام یافتہ ملالہ یوسف زئی نے فلم جگت میں قدم رکھ دئے ہیں.

ہالی وڈ کی شوبز ویب سائٹ کے مطابق ملالہ یوسف زئی کی پروڈکشن کمپنی ’ایکسٹرا کریکلر‘ بھارتی اسٹوڈیو کے ساتھ مل کر اپیل ٹی وی پلس کے لئے دستاویزی فلم تیارکرے گی۔ ملالہ کی فلم کمپنی کی جانب سے تیار کی جانے والی دستاویزی فلم جنوبی کوریا کے ایک جزیرے کی ماہی گیرخواتین سے متعلق ہے۔ ابتدائی طورپر ملالہ یوسف زئی کی پروڈکشن کمپنی اپیل کے لئے تین فلمیں بنائے گی۔

واضح رہے کہ اس سے قبل 2020 میں اے ایف پی کی رپورٹ میں بتایا گیا تھا نوبل انعام یافتہ تعلیمی و سماجی رہنما ملالہ یوسف زئی اب عالمی امور پر مبنی فلم میں نظر آئیں گی۔ اقوام متحدہ نے عالمی امور پر مبنی اپنی اس فلم کے لیے ملالہ یوسف زئی اور گلوکارہ بیونس سمیت دیگر مشہور شخصیت کو منتخب کیا ہے۔ اقوام متحدہ نے بتایا تھا کہ اس فلم میں ایک بہتر اور ترقی یافتہ دُنیا کی تعمیر کے لیے درکار اقدامات کا تعین کیا گیا ہے کیونکہ عالمی وبا کرونا وائرس کی وجہ سے دُنیا بھر میں کافی مسائل پیدا ہوگئے ہیں۔

فلم کا نام ‘ارجنٹ سلوشن فار ارجنٹ ٹائمز’ تھا جس کا پریمیئر 19 ستمبر 2020 کو اقوام متحدہ کے یوٹیوب چینل پر پیش کیا گیا تھا. عالمی امور پر مبنی یہ فلم سیارے کی نشاندہی پر مشتمل ہے جو 10 سالوں میں ہماری دُنیا کو تبدیل کرسکتی ہے۔ اس فلم میں گلوکارہ بیونس، ملالہ یوسف زئی، ڈان چیڈل، مشیل یہو اور وائٹیکر نظر آئیں گے جبکہ عالمی امور پر مبنی اس فلم میں اقوام متحدہ کی ڈپٹی سیکریٹری جنرل آمنہ محمد اور سیکریٹری جنرل انتونیو گٹیرس شامل ہونے کا بتایا گیا تھا.

دوسری جانب اقوام متحدہ نے بتایا تھا کہ آسکر ایوارڈ یافتہ اداکارہ جولیا رابرٹس اس فلم کی ریڈیو نشریات اور پوڈ کاسٹ ورژن کی میزبانی کرنے کا کہا گیا تھا.

پاکستان مسلم لیگ ن کے رہنما عابد شیر علی کے بعد سینئر رہنما حنیف عباسی بھی اپنی ہی حکومت پر برس پڑے۔

راولپنڈی میں تاجر رہنماؤں کے ساتھ پریس کانفرنس کرتے ہوئے حنیف عباسی نے کہا کہ ایک طرف وزیراعظم کی محنت دوسری طرف وزارت خزانہ محنت رائیگاں کررہی ہے، خدا کے لیے وزارت خزانہ لٹ ماربند کرے، جوٹیکس دے رہے ہیں ان پرنئے ٹیکس لگائے جارہے ہیں، انڈسٹری کے بلوں میں11کے قریب ٹیکس لگائے گئے، جتنے ٹیکس لگائے گئے انڈسٹری والے توبھاگ جائیں گے، میرے ڈرائیور کو 16 ہزار بل آیا، عام لوگوں سمیت دکانداربھی بجلی کا بل دینے سے قاصرہیں۔

اپنی بات کو جاری رکھتے ہوئے انہوں نے کہا کہ کوئی سیکٹرایسا نہیں جوبجلی کے بلوں سے متاثرنہ ہوا ہو، کمیٹیوں کے بجائے فوری فیصلے ہونے چاہئیں، انڈسٹریز، دکانداروں پر لگائے گئے ٹیکسوں کوفوری واپس لیا جائے،ملک کی اکانومی ڈکیتی سے نہیں چل سکتی،وزارت خزانہ کی ایک ذمہ دارخاتون لوگوں کوڈرا رہی ہے،وزارت خزانہ ڈرانے کے بجائے مشکلات کا حل ڈھونڈے، جوٹیکس پہلے سے دے رہے ہیں ان پردوبارہ ٹیکس کیوں لگایا جارہا ہے،10ارب ڈالرکی انویسٹمنٹ پاکستان آرہی ہے۔

سابق رکن قومی اسمبلی کا کہنا تھا کہ تمام سیاسی پارٹیاں سیلاب کی وجہ سے 6 ماہ سرگرمیاں معطل کردیں، سیلاب متاثرین کوہماری مدد کی ضرورت ہے، عمران خان کواپنے لیے فنڈ مانگنا اچھا لگتا ہے سیلاب متاثرین کے لیے بھی اپیل کریں۔
انہوں نے کہا کہ ایک تاجر کا بل 7 لاکھ روپے آیا ہے جس میں 4 لاکھ کے ٹیکسز ہیں، عام صارفین میں 100 یونٹ والے صارف کو 4 ہزار کا بجلی کا بل آیا ہے۔تاجر رہنما شرجیل میر نے کہا کہ تاجروں سے متعلق پالیسی پر تاجروں کو ساتھ بٹھایا جائے، ہماری تجاویز سے حکومت زیادہ ریونیو حاصل کرسکتی ہے۔

تاجر رہنما ارشد اعوان نے کہا کہ بجلی کے بلوں میں زائد ٹیکسز سے ملک کی معیشت بیٹھ جائے گی، دنیا میں صنعتوں کو ریلیف دیا جاتا ہے، یہاں مشکل میں ہیں۔انہوں نے کہا کہ آدھی کمپنیاں لائف سیونگ ڈرگز نہیں بنا رہیں کیونکہ لاگت پوری نہیں ہو رہی، وزارت خزانہ میں جو لوگ بیٹھے ہیں انہیں عوام کی مشکلات کا اندازہ نہیں ہے۔