Tag: تازہ وی لاگ

ڈھاکا کے ایک فائیو اسٹار ہوٹل میں امریکی فوجی افسر کرنل ٹیرینس اوریول جیکسن مردہ حالت میں پائے گئے۔ بھارتی میڈیا نے دعویٰ کیا ہے کہ کرنل کو زہر دے کر قتل کیا گیا۔

سینئر صحافی مبشر لقمان نے اپنے حالیہ وی لاگ میں انکشاف کیا ہے کہ اس قتل کے پیچھے بھارتی خفیہ ایجنسی "را” اور نیشنل سکیورٹی ایڈوائزر اجیت دوول کا ہاتھ ہے۔ ان کے مطابق بھارت کی یہ "آبی دہشت گردی” اور خفیہ کارروائیاں اب اسی کے لیے وبالِ جان بنتی جا رہی ہیں۔مبشر لقمان کے مطابق بھارتی پنجاب سمیت مختلف ریاستیں بدترین سیلاب کا شکار ہیں۔ کسان اپنی فصلوں اور مال مویشیوں کے ضائع ہونے پر سخت احتجاج کر رہے ہیں اور نریندر مودی حکومت کو آبی پالیسیوں کا ذمہ دار ٹھہرا رہے ہیں۔

وی لاگ میں کہا گیا کہ شنگھائی تعاون تنظیم (ایس سی او) کے اجلاس میں مودی کو نظر انداز کیا گیا جبکہ روسی صدر ولادیمیر پیوٹن نے وزیراعظم پاکستان شہباز شریف سے ملاقات کر کے پاکستان کو تجارتی شراکت دار قرار دیا۔ یہ پیش رفت بھارت کی خارجہ پالیسی کے لیے بڑا دھچکا قرار دی جا رہی ہے۔مبشر لقمان نے مزید بتایا کہ امریکی کانگریس کی رپورٹ کے مطابق بھارتی تیل کمپنیوں نے عالمی دباؤ کے باعث روس سے تیل کی خریداری میں کمی کا فیصلہ کیا ہے۔ امریکی صدر ڈونلڈ ٹرمپ نے بھی بھارت کے ساتھ مذاکرات سے صاف انکار کرتے ہوئے کہا کہ اب بات صرف امریکی شرائط پر ہی ہوگی۔

مبشر لقمان کے مطابق بھارت کی حالیہ پالیسیوں نے نہ صرف اندرونی طور پر عوامی ناراضی بڑھا دی ہے بلکہ عالمی سطح پر بھی مودی حکومت کو شدید تنہائی کا سامنا ہے۔ پاکستان مخالف اقدامات اور "آبی جارحیت” پر مبنی حکمت عملی اب بھارت کے لیے خود ایک بڑا خطرہ بن چکی ہے۔

شی جن پنگ اور پیوٹن کے درمیان 150 سال تک زندہ رہنے کا امکان زیر بحث

پاک فضائیہ اور ترک فضائیہ کی قیادت کی ملاقات، دفاعی تعاون مزید بڑھانے پر اتفاق

نیشنل سائبر کرائم ایجنسی کی کارروائی، آن لائن جوئے میں ملوث یوٹیوبر مدثر حسن گرفتار

پاکستان میں سرمایہ کاری ،وزیراعظم کی چینی کاروباری شخصیات سے ملاقات

سینئر صحافی و تجزیہ کار مبشر لقمان نے اپنے تازہ وی لاگ میں ملک کے اندر بڑھتے جرائم، کھیل کے شعبے میں جاری تنازعات اور عالمی سطح پر اہم پیش رفتوں پر کھل کر گفتگو کی۔

مبشر لقمان نے کہا کہ ملک میں فرسٹریشن اور غصہ اس قدر بڑھ چکا ہے کہ روزانہ افسوسناک واقعات رونما ہورہے ہیں۔ انہوں نے لاہور میں ایک پھل فروش کے ہاتھوں دو افراد کے قتل، گجرات میں کرکٹ میچ کے دوران ہونے والے تصادم اور تیزاب گردی کے واقعات کو نمایاں کرتے ہوئے کہا کہ "یہ سب عوامی مسائل، مہنگائی اور انصاف کے فقدان کا نتیجہ ہے۔”انہوں نے پولیس مقابلوں پر بات کرتے ہوئے کہا کہ اگرچہ یہ ایکسٹرّا جوڈیشل کلنگ کہلاتی ہیں مگر حقیقت یہ ہے کہ ایسے بیشتر مجرم قانون سے بچ نکلتے ہیں اور ان کا حل صرف سخت ایکشن ہے۔

کرکٹ کے میدان میں ہونے والے جھگڑوں پر تبصرہ کرتے ہوئے مبشر لقمان نے کہا کہ "پاکستان میں کرکٹ جوا کے بغیر نہیں ہوتی۔” ان کا کہنا تھا کہ پی سی بی خود جوا کمپنیوں کو پروموٹ کرتا رہا ہے جبکہ کئی کھلاڑی بھی اس دھندے میں ملوث ہیں۔ انہوں نے واضح کیا کہ اگر بیٹنگ مافیا پر قابو نہ پایا گیا تو اس قسم کے سانحات جاری رہیں گے۔پی سی بی کے فیصلوں پر تنقید کرتے ہوئے مبشر لقمان نے کہا کہ "کتنے ہی کپتان بدل لیں، اصل مسئلہ چیئرمین پی سی بی ہے۔” ان کے مطابق محسن نقوی کے پاس نہ کھیل کی سمجھ ہے اور نہ ایڈمنسٹریشن کا تجربہ۔ اگر پاکستان کو نئی مضبوط ٹیم تیار کرنی ہے تو تجربہ کار کرکٹرز کو قیادت سونپنی ہوگی۔

بین الاقوامی امور پر بات کرتے ہوئے مبشر لقمان نے کہا کہ پینٹاگون کا یوکرین کو روس پر حملوں سے روکنا بڑی پیش رفت ہے، جس سے ظاہر ہوتا ہے کہ یورپ اور امریکا خود اپنے مفادات کو ترجیح دے رہے ہیں۔ایران کے حوالے سے انہوں نے کہا کہ "ایران نے دوٹوک مؤقف اختیار کیا ہے کہ وہ امریکا کے مطالبات نہیں مانے گا۔” ان کے مطابق غزہ میں جاری مظالم کے تناظر میں ایران کا مؤقف بالکل واضح ہے۔

پاکستان تحریک انصاف (پی ٹی آئی) کے بارے میں مبشر لقمان کا کہنا تھا کہ پارٹی کو اس کے غرور نے نقصان پہنچایا۔ شریر افزل مروت کے مؤقف سے اتفاق کرتے ہوئے انہوں نے کہا کہ "عمران خان کا غرور صرف انہیں نہیں بلکہ پوری پارٹی کو لے ڈوبا۔”انہوں نے مزید کہا کہ آنے والے انتخابات میں بھی اگر پارٹی کے پاس سنجیدہ قیادت نہ ہوئی تو کارکردگی نہیں دکھا سکے گی۔

معروف یوٹیوبر رجب بھٹ کی ویڈیوز پر تبصرہ کرتے ہوئے مبشر لقمان نے کہا کہ "یہ صرف یوٹیوبرز کو الزام دینے کا معاملہ نہیں، والدین اور اساتذہ کی بھی ذمہ داری ہے کہ بچوں کی تربیت کریں۔” تاہم انہوں نے تسلیم کیا کہ کسی بھی مذہب یا عقیدے کا مذاق اڑانا ناقابلِ برداشت عمل ہے۔کراچی کی بارشوں پر تبصرہ کرتے ہوئے انہوں نے کہا کہ "کراچی کے شہری ہمیشہ حکمرانوں کی ناکامی برداشت کرتے ہیں۔” ان کے مطابق شہر جو ملک کی سب سے بڑی انکم پیدا کرتا ہے، وہاں پینے کا پانی تک دستیاب نہیں۔

اداکارہ سمرانا کی گھریلو ملازمہ پر تشدد کے واقعے پر بات کرتے ہوئے مبشر لقمان نے کہا کہ یہ ظلم ہماری معاشرتی روایت بن چکا ہے۔ ایوارڈز کے حوالے سے اداکارہ اریبہ حبیب کے بیان کی حمایت کرتے ہوئے انہوں نے کہا کہ اصل کامیابی بینک بیلنس ہے، نہ کہ خریدے گئے ایوارڈز۔

بازی پلٹ گئی،ڈھاکہ دلی کے تسلط سے آزاد،مودی پاکستان سے خوفزدہ