Tag: تجارتی جنگ شدت اختیار کر گئی

امریکا نے چینی درآمدات پر ٹیر ف میں مزید 20 اضافہ کرتے ہوئے 145 فیصد کردیا۔

عرب میڈیا کی رپورٹ کے مطابق وائٹ ہاؤس نےبتایا ہے کہ چینی اشیا پر ٹیرف اب 145 فیصد ہوگیا ہے، یہ 125 فیصد نیا ٹیرف پہلے سے موجود 20 فیصد ٹیرف کے علاوہ ہے جس کے بعد مجموعی شرح 145 فیصد بن جاتی ہے۔امریکی صدر نے اس اقدام کے بعد کہا ہے کہ کل ایک مشکل دن تھاہمیشہ چیزوں کی منتقلی کا عمل خاصا مشکل ہوتا ہے، کل مارکیٹ میں تاریخ کا ایک بڑا دن تھا،جس طریقے سے ملک چل رہا ہے ہم اس سے بہت خوش ہیں۔ ہم کوشش کررہے ہیں دنیا ہمارے ساتھ منصفانہ سلوک کرے، ہمیں لگتا ہے ہم بہت اچھی حالت میں ہیں اور بہت اچھا کررہے ہیں۔

دوسری جانب چین پر ٹیرف میں مزید اضافے کے بعد امریکی اسٹاک مارکیٹ میں پھر مندی کا راج ہے جبکہ گزشتہ روز مارکیٹ سنبھلنے پر سرمایہ کاروں نے سکھ کا سانس لیا تھا۔یاد رہے کہ گذشتہ روز ہی صدر ٹرمپ نے چین کے علاوہ باقی ممالک کے لیے نئے ٹیرف کو 90 روز کے لیے معطل کرنے کا اعلان کرتے ہوئے ساتھ ہی چینی مصنوعات پر عائد ٹیرف میں مزید21 فیصد اضافہ کرکے 125 فیصد کردیا تھا۔

صدربیلا روس کا نوازشریف اور وزیراعظم کے اعزاز میں عشائیہ

کراچی میں ترقیاتی کام کرانا اولین ترجیح ہے، بیرسٹرمرتضیٰ وہاب

کراچی میں ترقیاتی کام کرانا اولین ترجیح ہے، بیرسٹرمرتضیٰ وہاب

منشیات فروشوں کیساتھ رابطے ، لیڈی سب انسپکٹر معطل

امریکی اعلان کے بعد یورپی یونین نے ٹیرف موخر کردیا

یورپی یونین کی جانب سے امریکی مصنوعات پر 25 فیصد ٹیرف عائد کردیا گیا ہے۔

غیر ملکی خبر ایجنسی کے مطابق چین کے بعد یورپی یونین نے بھی امریکا پر 25 فیصد محصولات کی منظوری دے دی۔ یورپی یونین نے20 ارب یورو سے زائد مالیت کی امریکی مصنوعات پر جوابی ٹیرف کی منظوری دے دی۔اس حوالے سے یورپی کمیشن کا کہنا ہے کہ یورپی یونین امریکی محصولات کو غیرمنصفانہ اور نقصان دہ سمجھتی ہے۔ امریکی محصولات دوطرفہ اقتصادی نقصان اور عالمی معیشت کو نقصان پہنچانے کا سبب بن رہے ہیں۔ میڈیا رپورٹس کے مطابق یورپی محصولات میں امریکی ذراعت اور صنعتی پیدوار والی اشیا شامل ہیں ۔

رپورٹ کے مطابق یورپی یونین کے 27 میں سے 26 ممالک نے اس اقدام کی منظوری دی جبکہ صرف ہنگری نے اس کے خلاف ووٹ دیا۔ جن امریکی مصنوعات پر ٹیرف عائد کیا جائے گا ان میں مرغی، چاول، مکئی، پھل اور میوے، لکڑی، موٹرسائیکلیں، پلاسٹک، ٹیکسٹائل، پینٹنگز اور برقی آلات شامل ہیں۔ جن مصنوعات پر ٹیرف عائد کیا گیا ہے ان میں سے زیادہ تر ری پبلکن اکثریت رکھنے والی امریکی ریاستوں میں تیار کی جاتی ہیں۔واضح رہے کہ امریکا نے یورپی ممالک سے آنے والے اسٹیل اور ایلومینیم پر 25 فیصد محصولات عائد کیے ہیں۔

خیبرپختونخوا ،ملزمان انٹرویو اور پولیس کے سوشل میڈیا استعمال پر پابندی

نادرا کی شناختی کارڈ کی تجدید کیلئے ڈاکخانوں سے سہولت ختم

کراچی میں قبرستان سے مارٹر گولے برآمد، الرٹ جاری

چین کا جوابی وار ، امریکہ کی مصنوعات پر 84 فیصد ٹیرف لگا دیا

ٹرمپ ٹیرف،دنیا کی اسٹاک مارکیٹوں میں اتار چڑھاؤ کا سلسلہ جاری

امریکا اور چین کے درمیان جاری تجارتی جنگ شدت اختیار کر گئی، چین نے ڈونلڈ ٹرمپ کے 104 فیصد ٹیرف کے جواب میں امریکی مصنوعات پر 84 فیصد اضافی ٹیرف عائد کرنے کا اعلان کیا ہے۔

غیر ملکی خبر رساں ادارے کے مطابق چین کی وزارتِ خزانہ نے کہا ہے کہ یہ اضافی ٹیرف امریکی مصنوعات پر 10 اپریل سے نافذ ہوگا۔ چین کی وزارتِ تجارت نے یہ بھی اعلان کیا کہ اس نے 12 امریکی کمپنیوں کو اپنے برآمدی کنٹرول کی فہرست میں شامل کر لیا ہے، جبکہ 6 امریکی کمپنیوں کو اپنی "غیر قابل اعتماد کمپنیوں” کی فہرست میں شامل کیا ہے۔خیال رہے کہ اس سے قبل چین نے امریکی مصنوعات پر 34 فیصد ٹیرف عائد کیا تھا۔

دوسری جانب چین کے اعلان کے فوراً بعد، امریکی سٹاک مارکیٹس میں مزید مندی دیکھنے میں آئی۔یاد رہپے کہ گزشتہ روز ٹرمپ نے چین پر 104 فیصد اضافی ٹیرف عائد کیا تھا۔اس حوالے سے وائٹ ہاؤس کی ترجمان کا کہنا تھا کہ یہ اضافی ٹیرف بدھ، 9 اپریل سے وصول کیا جائے گا۔

امریکا کا ردعمل
امریکی وزیر خزانہ نے چین کے 84 فیصد جوابی محصولات کے اقدام پراظہار افسوس کیا ہے۔ امریکی وزیر خزانہ سکاٹ بیسنٹ کا کہنا ہے کہ بدقسمتی ہے کہ چینی بات چیت نہیں کرنا چاہتا، چین بین الاقوامی تجارتی نظام میں بدترین مجرم ہے۔ چین نئے محصولات کا جواب دینے کے لیے اپنی کرنسی کی قدر میں کمی کی کوشش سے باز رہے، چین نے کرنسی کی قدر میں کمی کی تو یہ باقی دنیا پر ٹیکس ہے، ہر کسی کو قدر میں کمی کو دور کرنے کے لیے اپنے ٹیرف میں اضافہ کرتے رہنا پڑے گا۔امریکی وزیر خزانہ نے کہا کہ چین کرنسی کی قدر میں کمی کی بجائے مذاکرات کی میز پر آئے۔

اماراتی سفیر کا ایک لاکھ پاکستانیوں کو ویزہ دینے کا اعلان

ٹرمپ ٹیرف،دنیا کی اسٹاک مارکیٹوں میں اتار چڑھاؤ کا سلسلہ جاری

پاکستانیوں کی فلسطینیوں سے یکجہتی، پی ایس ایل کا بائیکاٹ کرنے کی اپیل

ملک بھر سےغیر قانونی، غیر ملکی شہریوں کا انخلا ءتیزی سے جاری