Tag: ترجمان اے این ایف

اینٹی نارکوٹکس فورس نے کراچی میں ایک کوریئر آفس سے نیوزی لینڈ کے لیے بک کروائے گئے پشاوری چپل کے پارسل میں چھپائی گئی 250 گرام آئس برآمد کرکے اسمگلنگ کی کوشش ناکام بنا دی۔

ترجمان اے این ایف کے مطابق ملک کے مختلف شہروں میں منشیات اسمگلنگ کے خلاف کارروائیوں کا سلسلہ جاری ہے جس کے دوران 6 کروڑ سے زائد مالیت کی 114.450 کلوگرام منشیات برآمد کرلی جس کے دوران ایک ملزم کی گرفتاری بھی عمل میں آئی۔ترجمان کے مطابق کراچی میں ایک کوریئر آفس پر خفیہ اطلاع کے ذریعے کارروائی کی گئی جس کے دوران پارسل کے اندر موجود پشاوری چپل میں چھپائی گئی 250 گرام آئس برآمد کرلی گئی، مذکورہ پارسل نیوزی لینڈ کے لیے بک کروایا گیا تھا۔بلوچستان کے ضلع قلعہ عبداللہ میں اسمگلنگ کی غرض سے چھپائی گئی 80 کلوگرام مارفین اور 30 کلوگرام چرس برآمد کی گئی جبکہ جی ٹی روڈ راولپنڈی پر ملزم کے قبضے سے 4.100 کلو چرس برآمد کی گئی۔گرفتار ملزم کیخلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

اورماڑہ پولیس کی کاروائی، کراچی کےرہائشی سے 50کلو آئس برآمد

اے این ایف نے منشیات فروشوں کیخلاف 15کارروائیوں میں 17 ملزمان کو گرفتار کر کے 97 کلو سے زائد منشیات برآمد کرلی۔

ترجمان کے مطابق اے این ایف نے تعلیمی اداروں کے اطراف میں منشیات فروشی و منشیات سمگلنگ کیخلاف ملک گیر 15 کارروائیوں کے دوران 2کروڑ روپے سے زائد مالیت کی 94.806کلو منشیات برآمد کر کے 17ملزمان گرفتارکر لئے۔ترجمان کے مطابق جوہر ٹاؤن لاہور میں یونیورسٹی کے قریب سے 6کلو گرام چرس برآمدکرکے 3ملزمان کو گرفتارکیا گیا، اسلام آباد میں جاپان روڈ پر یونیورسٹی کے قریب ملزم سے 300گرام آئس اور 25نشہ آور گولیاں برآمدکی گئیں،راولپنڈی میں لالہ زار روڈ پر یونیورسٹی کے قریب دو ملزمان سے 200گرام چرس برآمدکی گئی،اسلام آباد ایئرپورٹ پر دمام جانیوالے مسافر سے 706گرام ہیروئن،لاہور ایئرپورٹ پر جدہ جانیوالے مسافر سے 900گرام آئس جبکہ ملائیشیاء جانیوالے مسافر سے 2کلو گرام ہیروئن برآمدکی گئی،ایم ون اسلام آباد کے قریب تین کارروائیوں میں دو خواتین سمیت ملزم سے 10کلو 800گرام چرس برآمدکی گئی۔موٹر وے ٹول پلازہ پشاور کے قریب گاڑی سے 48کلوگرام چرس اور 14کلو 400گرام افیون،موٹروے ٹول پلازہ پشاور کے قریب دوسری کارروائی میں گاڑی سے 2 کلو گرام ہیروئن برآمد کرکے ایک ملزم کو گرفتارکیا گیا،رنگ روڈ پشاور کے قریب دو کارروائیوں میں دو ملزمان سے 1کلو ہیروئن اور2کلو 400گرام چرس برآمدکی گئی۔جی ٹی روڈ ملتان پر دو ملزمان سے 1کلو گرام آئس،کراچی میں کوریئر آفس سے آسٹریلیا بھیجے جانیوالے پارسل سی20 کتابوں میں جذب شدہ 14کلو 500گرام آئس برآمدکی گئی۔ترجمان کے مطابق گرفتار ملزمان کیخلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

قائداعظم ٹرافی ،کراچی بلوز نے کوئٹہ کو 9 وکٹوں سے ہرادیا

تاریخی جگہوں پر شہریوں کے لئے ثقافتی پروگراموں کا انعقاد کیا جائے گا، میئر کراچی

سندھ ہائی کورٹ کے توہین عدالت کی درخواست پرحکومت سندھ ودیگر کو نوٹس جاری

وزیراعلیٰ سندھ نے 7 روزہ خصوصی انسداد پولیو مہم کا افتتاح کردیا

کراچی:گاڑی ٹکر سے نجی ٹی وی چینل کا کارکن جاں بحق، ڈمپر نے نوجوان کچل دیا

اینٹی نارکوٹکس فورس نے کراچی میں انٹرنیشنل کنسائنمنٹ کے ذریعے بھاری مقدار میں منشیات اسمگلنگ کی کوشش ناکام بنادی ۔

باغٰ ٹی کو موصول اطلاعات کے مطابق ترجمان اے این ایف نے بتایا کہ اے این ایف نے خفیہ اطلاع پر کامیاب کارروائی کرتے ہوئے کراچی میں واقع کورئیر آفس میں برطانیہ ، سری لنکا ،ہانگ کانگ اور نیوزی لینڈ بھیجے جانیوالے حبشی حلوہ کے درجنوں ٹِنوں میں مہارت سے چھپائی گئی منشیات قبضے میں لے لی۔ترجمان نے بتایاکہ یو کے برمنگھم بھیجے جانیوالے 40 میں سے 6 ٹِنوں میں چھپائی گئی 2.1 کلو ہیروئن برآمد کرلی گئی جبکہ سری لنکا کولمبو بھیجے جانیوالے 40 میں سے 4 مٹھائی ٹِنوں میں سے 1.4 کلو ہیروئن برآمد کی گئی۔ہانگ کانگ بھیجے جانیوالے 40 میں سے 10 مٹھائی کے ٹِنوں میں سے 3.6 کلو آئس برآمد ہوئی، چوتھی کنسائنمٹ نیوزی لینڈ کیلئے بک گئی اور 40 مٹھائی ٹِنوں میں 3.6 کلو آئس برآمد کرلی گئی، مجموعی طور پر 9.55 ملین مالیت کی 3.5 کلو ہیروئن اور 7.2 کلو آئس قبضے میں لے لی گئی۔

ترجمان اے این ایف کے مطابق کارروائی کے دوران ملزم بھی گرفتار کرلیا گیا جبکہ دیگر ملزمان کی گرفتاری کیلئے آپریشن جاری ہے ، ملزم نے دوران تفتیش ایک بڑے اور منظم منشیات نیٹ ورک کا بھی انکشاف کیاہے۔ترجمان کے مطابق ملزم کے خلاف انسدادِ منشیات ایکٹ کے تحت مقدمہ درج کر کے مزید تحقیقات آغاز کر دیا گیا ہے۔

جماعت اسلامی نے لیاقت آباد میں پارک و ماڈل اسٹریٹ کا افتتاح کر دیا