Baaghi TV

Tag: ترکیہ زلزلہ

  • پمز اسپتال سے ڈاکٹرز کی 10رکنی ٹیم ادویات کیساتھ ترکیہ روانہ

    ترکیہ میں زلزلہ متاثرین کی مدد کیلئے پمز اسپتال سے ڈاکٹرز کی 10رکنی ٹیم ادویات کیساتھ روانہ ہو گئی-

    باغی ٹی وی: وفاقی وزیرصحت عبدالقادرپٹیل کے مطابق مصیبت کی گھڑی میں ترک بھائیوں کے شانہ بشانہ کھڑے ہیں،ترکیہ اور شام میں زلزلے سے جانی و مالی نقصان پر بہت افسوس ہوا،ترکیہ نے ہر مشکل میں ہمیشہ پاکستان کاساتھ دیا ہے-

    ترکیہ اور شام زلزلہ: اموات 25 ہزار 800 سے متجاوز

    وفاقی وزیر نے کہا کہ پاکستان اپنے برادرملک ترکیہ کے عوام اورحکومت کی ہرممکن مدد کریں گا،10رکنی ٹیم شام میں زلزلےسے متاثرہ کی عوام کی خدمت کے جذبےسے سرشار ہے-

    دوسری جانب پاکستان کی جانب سے ترکیہ میں زلزلے سے متاثرہ علاقوں میں بھیجی گئی UN-INSARAG کی سند یافتہ پاکستان ریسکیو ٹیم نے ترکیہ کے صوبہ ادیامان میں اپنا ریسکیو اور ریلیف آپریشن کامیابی سے مکمل کر لیا ہے جو کہ زلزلے سے سب سے زیادہ متاثر ہونے والے 10 صوبوں میں سے ایک ہے، ریسکیو آپریشن 5 روز تک جاری رہا اور ترک حکومت نے اب ملبہ ہٹانے اور بچ جانے والوں کو ملک کے مختلف حصوں میں منتقل کرنا شروع کر دیا ہے۔

    ابھی تک شامی زلزلہ متاثرین کیلئے بھیجی گئی امداد کافی نہیں. اقوام متحدہ

  • ترکیہ پاکستان کا دوست ملک ہے ،مشکل میں تنہا نہیں چھوڑیں گے،وزیراعظم

    ترکیہ پاکستان کا دوست ملک ہے ،مشکل میں تنہا نہیں چھوڑیں گے،وزیراعظم

    لاہور: وزیراعظم نے نیشنل ڈیزاسٹر مینجمنٹ اتھارٹی (این ڈی ایم اے) کو ہر ضلع میں امداد اکٹھی کرنے کے لیے کلیکشن سینٹر بنانے کا حکم دیا ہے۔

    باغی ٹی وی: وزیراعظم شہبازشریف نے لاہور ائیرپورٹ پر صحافیوں سے گفتگو کرتے ہوئے کہا کہ ترکیہ زلزلہ زدگان کے لیے امدادی سامان بھجوائیں گے- ترکیہ زلزلے سے بہت جانی و مالی نقصان ہواہے ،خواہش ہے ترکیہ زلزلہ زدگان کی بہترین امداد کریں ،ترکیہ پاکستان کا دوست ملک ہے ،مشکل میں تنہا نہیں چھوڑیں گے-

    تعلیمی اداروں میں ترکیہ اور شام کے زلزلہ متاثرین کیلئے فنڈ ریزنگ مہم شروع

    وزیراعظم نے اپیل کی کہ سول سوسائٹی اور مخیر حضرات ترکیہ زلزلہ متاثرین کی مدد کرنے میں حصہ لیں ،وزیر اعظم کی جانب سے متاثرین کے لیے معیاری کمبل،گرم کپڑے،بچوں کی خوراک اورخیموں کا فوری بندوبست کرنے پر زور دیا گیا ہے۔

    یقین ہے ترکیہ اور شام جلد اس مشکل وقت سے نکل جائیں گے،ترکیہ میں 100سالہ تاریخ میں بدترین زلزلہ آیا ،ترکیہ شام زلزلے میں ہزاروں لوگ جاں بحق اور لاکھو ں بےگھرہوگئے-

    وزیراعظم شہبازشریف نے کہا کہ زلزلہ زدگان کی مدد کے لیے پاکستان کی ریسکیو ٹیم ترکیے پہنچ گئی ہے، ترکیہ آتے ہی ریسکیو آپریشن شروع کردیا تھا،ترکیہ شام زلزلے میں ہزاروں زخمی ہوگئے ہیں،ترکیہ میں ملبے سے بچی نکالی گئی اور ایک خاتون نے بچے کو جنم دیا یہ قدرت کی شان ہے،ترکیہ اور شام زلزلے کے جو مناظرسامنے آرہے ہیں وہ دل ہلادینے والے ہیں،پاکستان کے عوام ترکیہ اور شام زلزلہ متاثرین کے ساتھ ہیں-

    انہوں نے کہا کہ جہاں بھی انسانی زندگی کے آثار ہوتے ہیں وہاں پاکستانی ٹیم جدید آلات استعمال کرکے امدادی آپریشن کرتی ہے ترکیہ میں موجود پاکستانی شہری بھی امدادی کاموں میں پیش پیش ہیں جب کہ زلزلے کے مصیبت زدہ لوگوں کو مشکل وقت میں سہارا دینے کے لیے پاکستانی ریسکیو ٹیم دن رات کام کر رہی ہے۔

    ترکیہ میں پاکستانی ریسکیو ٹیم نے 16سالہ لڑکے کو 4 روز بعد زندہ نکال لیا

    جس دن زلزلہ ہوا ترکیہ صدر سے ٹیلی فون پر اظہارافسوس،تعزیت اور ہمدردی کی،ترکیہ صدرکو مدد کی پیشکش اور مشکل میں ساتھ دینے کی یقین دہانی کرائی،پاکستان میں جب ہولناک زلزلہ آیا تو ترکیہ صدر خود آئے تھے،ترکیہ صدر نے پاکستانی زلزلہ زدگان کو مکانات کی تعمیر ،اشیاخورونوش اور ہر طرح کی مدد کی تھی-

    واضح رہے کہ امدادی سامان بھجوانے کے لیے ائیر کوریڈور بھی قائم کیے گئے ہیں جب کہ 30 بستروں پر مشتمل موبائل اسپتال کے لیے ٹیم اور سامان بھی ترکیہ پہنچ رہا ہےعلاوہ ازیں سندھ حکومت نے بھی متاثرین کے لیے ریلیف کیمپ قائم کرنے کا فیصلہ کیا ہے اس کے علاوہ بلوچستان کے سرکاری ملازمین ایک سے 10 روزکی تنخواہ ریلیف فنڈ میں دیں گے۔

    ترکیہ اور شام میں تباہ کن زلزلے سے اموات کی تعداد 20 ہزار سے تجاوز کرگئی

    وزیراعظم نے کہا کہ ترکیہ حکومت اور نمائندوں کو یقین دلاتے ہیں جہاں تک ممکن ہوسکا اپنی مدد سے دریغ نہیں کریں گے،ترکیہ شام میں سردی ہے اور خیموں کی اشد ضرورت ہے ،ترکی ائیرفورس کا جہاز آیا ہے انداز ہ ہے کہ وہاں پر کتنی مشکل ہوگی ،پاکستان کی جانب سے امداد کا سلسلہ روزانہ جاری رہے گا،آج 100ٹن کاسامان ایران پاکستان بارڈر کے راستے سے ترکیہ لے جایا جائے گا-

    شہباز شریف نے کہا کہ یہ وہی ترکیہ ہے جو ہرمشکل میں پاکستان کے لیے حاضر ہوتا ہے ،وزیراعلیٰ سندھ مراد علی شاہ کا مشکور ہوں انہوں نے مدد کی یقین دہانی کرائی ،چاروں وزرائےاعلیٰ سے درخواست کی کہ اپنے سینٹر یا این ڈی ایم اے میں سامان جمع کرائیں، وزیر مذہبی امور کو درخواست کی کہ آج جمعہ کو مساجد میں عطیات کے لیے اپیل کریں-

    وزیراعظم نےاپیل کی کہ ترکیہ زلزلہ زدگان کی مدد کے لیےنقد رقم وزیراعظم اکاونٹ اوراشیا خورونوش این ڈی ایم اے کوجمع کرائیں، ترکیہ نے پاکستان کی مشکل میں مدد کے لیے ائیر برج بنایاتھا جو دن رات سامان لا رہاتھا،ترکیہ زلزلہ زدگان کی مدد کے لیے پرانے کے بجائے نئے کپڑے عطیہ کریں-

  • ترکیہ میں تباہ کن زلزلہ،گرتے اسپتال سےنرسوں نےمریضوں کو تنہا چھوڑکرجانےسےانکارکردیا

    ترکیہ میں تباہ کن زلزلہ،گرتے اسپتال سےنرسوں نےمریضوں کو تنہا چھوڑکرجانےسےانکارکردیا

    ترکیہ اور شام میں 7.8 شدت کے زلزلے نے تباہی مچادی ہے، رات گئے آنے والے زلزلے نے لوگوں کو بچنے کا موقع ہی نہ دیا، بلند و بالا عمارتیں لمحوں میں ملبے کا ڈھیر بن گئیں، 50 سے زائد آفٹر شاکس کا سلسلہ بھی کئی گھنٹوں تک جاری رہا، دونوں ممالک میں اموات کی مجموعی تعداد 5 ہزار سے تجاوز کر گئی،شام اور ترکیہ میں زلزلے میں مزید ہلاکتوں کا خدشہ ،امدادی سرگرمیاں جاری ہیں-

    باغی ٹی وی: ریسکیو ٹیمیں ترکیہ کے شہر اسکندرون کے ایک سرکاری اسپتال کے کھنڈرات کی تلاش جاری رکھے ہوئے ہیں، جس کا کچھ حصہ پیر کو آنے والے تباہ کن زلزلے سے زمیں بوس ہوگیا تھا جس میں تقریباً 4,000 افراد ہلاک ہوئے تھے۔

    ترکیہ وشام میں زلزلہ: ہلاکتوں کی تعداد 2600 سے تجاوز،ترکیہ میں متاثرین سخت مشکلات کا شکار

    اندھیرا ہوتے ہی ایک زخمی کو ملبے سے نکال کراسٹریچر پر لے جایا گیا۔ امدادی کارکن ملبے کے اس بڑے ڈھیرسےزخمیوں اور جاں بحق ہونے والوں کو نکالنے کے لیے گئےتو پتا چلا کہ اسکندرون اسپتال تباہ ہوچکا ہےاسپتال کا انتہائی نگہداشت کا سیکشن تباہ ہوچکا ہے۔ امدادی کارکن اس مقام پر بارش اورسرد موسم کےباوجود جہاں روشنی کے لیےجنریٹراستعمال کیے گئے تھے، مزید زندہ بچ جانے کی امید کر رہے تھے۔

    "العربیہ” کے مطابق اسپتال کے اس حصے میں جو اب بھی کھڑا ہے، صحت کے کارکنان افراتفری کے ماحول میں زخمیوں کی دیکھ بھال کررہےہیں ایمبولینسز نہ ہونے کی وجہ سے زخمی پرائیویٹ کاروں میں لائےجاتےرہے اوردرجنوں لوگ اسپتال کے داخلی دروازے پر فرش پر چٹائیوں پر لیٹائے گئے۔

    انتہائی نگہداشت کےیونٹ میں میرف نامی نرس نےکہا کہ وہ رات کی شفٹ پر تھیں جب صبح سےپہلے زلزلہ آیا۔ اچانک، عمارت لرزنے لگی اور زلزلے کے جھٹکے آہستہ آہستہ بڑھنے لگےمیں اور میرے دوستوں نے عمارت سے نکلنے کی کوشش نہیں کی اور نہ ہی ہم نے اپنے مریضوں کواکیلا چھوڑا۔ پھر ہم نے ایک خوفناک شور سنا اور عمارت گررہی تھی۔

    ترکیہ اور شام میں زلزلے سے 10ہزار سے زائد اموات کا خدشہ

    اس نے مزید کہا کہ سیڑھیوں کو نقصان پہنچ چکا تھا، ہم عمارت سے باہر نہیں نکل سکتے تھے ہمیں پہلے تو معلوم نہیں تھا کہ عمارت کا بڑا حصہ گر گیا ہے لیکن جب ہم اپنے کمرے سے باہر نکلے تو راہداری ٹوٹ پھوٹ کا شکار تھی۔

    میرف نے مزید کہا کہ بالآخر اسے بچا لیا گیا، لیکن عمارت کے دوسرے حصے میں اس کے ساتھی اور مریض اتنے خوش قسمت نہیں تھے۔ وہ ملبے تلے دب چکے ہیں۔15 گھنٹے گزر چکے ہیں، میں اپنے کسی ساتھی سے رابطہ نہیں کر سکتی اور ان میں سے کسی کو بھی ملبے کے نیچے سے نہیں نکالا گیا۔ میرے ساتھیوں نے اپنے مریضوں کو نہیں چھوڑا اور مجھے نہیں معلوم کہ ان کا انجام کیا ہوا ہے۔”

    زلزلے سے صرف خطائی صوبے میں 1,200 سے زیادہ عمارتیں تباہ ہوئی ہیں۔ اسکندرون شہر بھی اسی میں واقع ہے۔ ترک وزیر صحت فخر الدین قوجہ نے کہا کہ خطائی میں کم از کم 520 افراد ہلاک ہوئے ہیں۔

    واضح رہے کہ پیر کی صبح جنوبی ترکی میں تباہ کن زلزلہ آیا جس کی شدت 7.7 تھی۔ ترک صدر رجب طیب ایردوان نے ملک میں قیامت خیز زلزلے کے بعد سات روزہ قومی سوگ کا اعلان کیا ہے۔

    انہوں نے ملک میں آنے والے ہولناک زلزلے کے بارے میں بات کرتے ہوئے کہا کہ ترک قوم اس وقت مشکل لمحے سے گذر رہی ہے۔ اب تک ترکیہ میں 3000اور شام میں 1,445 افراد ہلاک ہو چکے ہیں۔

    ترک حکومت کی طرف سے جاری کردہ ایک حکم نامے کے مطابق 12 فروری بہ روز اتوار شام تک ترکیہ میں قومی پرچم سرنگوں رہے گا-

    پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی زلزلہ متاثرین…

  • وزیراعظم کی ہدایت پر ریسکیو ٹیم اور امدادی سامان خصوصی طیارے سے ترکیہ روانہ

    وزیراعظم شہباز شریف کی ہدایت پر امدادی سامان لے کر خصوصی طیارہ ترکیہ روانہ ہوگیا۔

    باغی ٹی وی: سی 130 طیارہ آرمی کی سرچ اینڈ ریسکیو ٹیم لے کر زلزلے سے متاثرہ علاقوں میں پہنچے گا۔ آج صبح پی آئی اے کی ایک پرواز سے 50 افراد اور 15 ٹن سامان ترکیہ روانہ کیا گیا امدادی ٹیم میں ریسکیو 1122 کے اہلکار شامل ہوں گے۔

    وزیراعظم شہبازشریف ترکیہ کا دورہ کریں گے

    ترجمان پی آئی اے کے مطابق آج ہی لاہور سے سی 130 طیارہ 7 ٹن امدادی سامان لے کر استنبول روانہ ہوگا۔ امدادی سامان میں خیمے، کمبل اور دیگر اشیائے ضروریہ شامل ہیںمپی آئی اےکاطیارہ 51رکنی ریسکیوٹیم کولے کرآج دوپہراستنبول پہنچےگا،پروازپرامدادی سامان کی ترسیل کیلئےبھی اقدامات مکمل ہیں پی آئی اے کی استنبول کیلئےپروازیں ہمہ وقت دستیاب ہوں گی-

    8 فروری سے روزانہ پی آئی اے کی پروازوں کے ذریعے اسلام آباد اور لاہور سے امدادی سامان ترکیہ اور شام بھیجا جائے گا۔ وزارت صحت اور آرمی میڈیکل کی ٹیمیں ترکیہ اور شام بھجوائی جائیں گی۔

    ترکیہ اور شام میں تباہ کن زلزلہ : ماہرین نے پاکستان اوربھارت کو بھی خبردار کر دیا

    وزیرخارجہ بلاول بھٹو نےبھی ترکیہ میں زلزلے کےدوران ہلاکتوں پرافسوس کا اظہار کیا،بلاول کی ترک ہم منصب سے بات ہوئی ہے،ترک ہم منصب سے زلزلے کے دوران ہلاکتوں پر اظہار افسوس اور یکجہتی کا اظہار کیا،پاکستان مشکل کی اس گھڑی میں ترکیہ کے ساتھ بھرپور تعاون کرے گا-

    وزیراعظم شہباز شریف نے ترکیہ کے صدر رجب طیب اردوان سے رابطہ کیا ،زلزلے کے باعث ہونے والے جانی و مالی نقصان پر گہرے افسوس کا اظہار کیا کہا کہ مشکل وقت میں پاکستان اپنے ترکیہ بہن بھائیوں کی ہر طرح کی مدد کریگا،ڈاکٹر، پیرا میڈکس اور ریسکیو ورکرز پر مشتمل ٹیمیں ترکی کیلئے روانہ ہو رہی ہیں،دوائیوں اور دیگر اشیا ضروریہ بھی جلد طیارے کے ذریعے ترکیہ روانہ کر دی جائیں گی-

    خیال رہے کہ گزشتہ شب ترکیہ اور شام شدید زلزلہ آیا ہے اور 7.9 شدت کے زلزلے سے متعدد عمارتیں زمین بوس ہوگئیں جس کے باعث مجموعی طور پر ہلاکتیں 2700 سے تجاوز کرگئیں اور سیکڑوں افراد زخمی ہیں ترکیہ میں زلزلے سے اب تک جاں بحق افراد کی تعداد 3000 سےزائدہوگئ اور 9733 افراد زخمی ہی جبکہ 3471 عمارتیں تباہ ہوگئیں۔

    پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی…