Tag: ترین گروپ

لاہور: جہانگیر ترین گروپ کے مرکزی رہنما عون چوہدری کو وزیراعظم شہباز شریف کا مشیر بنانے کا فیصلہ کرلیا گیا ہے عون چودھری کی بطور مشیر تقرری کا نوٹیفکیشن بھی جاری کر دیا گیا ہے۔

باغی ٹی وی : ذرائع کے مطابق وزیر اعظم کے مشیر کی حیثیت سے عون چوہدری اپنی ذمہ داریاں سرانجام دیں گے، جس کی سمری کابینہ ڈویژن نے تیار کرلی ہے۔

وزیراعظم شہباز شریف کی 34 رکنی وفاقی کابینہ نے حلف اٹھا لیا

کابینہ ڈویژن کی جانب سے جاری سمری کے مطابق وزیراعظم آئین کے آرٹیکل 93 (1) کے تحت 5 مشیر تعینات کرنے کے مجاز ہیں عون چوہدری کو بحیثیت مشیر تعینات کی سمری منظوری کیلئے صدرِ مملکت ڈاکٹر عارف علوی کو بھیجی جائے گی۔

یا د ریے کہ اس سے قبل، عون چوہدری سابق وزیراعلیٰ پنجاب عثمان بزدار کے خصوصی مشیر رہ چکے ہیں جبکہ وہ ماضی میں عمران خان کے قریبی ساتھی تصور کیے جاتے تھے۔

عون چوہدری پاکستان تحریک انصاف کے اہم رکن اور عمران خان کے قریبی ساتھیوں میں سے ایک تھے جنہوں نے اپنے پولیٹیکل کیریئر کا آغاز چئیرمین پی ٹی آئی عمران خان کے پولیٹیکل سیکٹری کے بطور کیا تھا عون چوہدری ایک سیاسی منحرف ہیں جنہوں نے صرف ایک سال تک سابق وزیراعلیٰ پنجاب عثمان بزدار کے غیر معمولی مشیر کے طور پر کام کیا تھا اس سے قبل وہ سابق وزیراعظم پاکستان عمران خان کے پرسنل سیکرٹری تھے، وہ کافی دیر تک بنی گالہ میں چیئرمین سیکرٹریٹ کے سربراہ بھی رہے تھے-

13 ستمبر 2019 کو سابق وزیراعلیٰ عثمان بزدار نے انہیں ہر معاملے میں غیر ضروری طور پر ملوث ہونے پر ان کے عہدے سے ہٹا دیا تھا جس کے بعد انہوں نے جہانگیر خان ترین کے لائے گئے تمام ایم این ایز اور ایم پی ایز کو ایک گروپ میں اکٹھا کیا اور گروپ میں مرکزی رکن کے طور پر تمام تر ذمہ داریاں پوری کی۔

دوسری جانب آج نئی وفاقی کابینہ کی حلف برادری کی تقریب ایوان صدر میں منعقد ہوئی جس میں 30 وفاقی وزراءاور 4 وزرائے مملکت شامل تھے جب کہ قائم مقام صدر صادق سنجرانی نے کابینہ سے حلف لیا-

اگر ججز کے خلاف منفی مہم ختم نہ ہوئی تو بار ایکشن لے گی،پاکستان بارایسوسی ایشنز

پاکستان مسلم لیگ (ن) کے رہنما جاوید لطیف نے کہا ہے کہ پرویز الٰہی کیسے وزیراعلیٰ نامزد ہو گئے؟ آپ کیاسمجھتےہیں ہم خاموشی سے یہ سب ہونےدیں گے؟

باغی ٹی وی: تفصیلات کے مطابق جاوید لطیف نے اپنے ایک بیان میں کہا کہ ابھی تو پنجاب میں گیم شروع ہوا ہے، پرویز الٰہی کیسے وزیراعلیٰ بن گئے؟ پنجاب اسمبلی میں اکثریت ہمارے پاس ہے، آپ کیاسمجھتےہیں ہم خاموشی سے یہ سب ہونے دیں گے؟علیم خان ہمارے امیدوار کیوں نہیں ہوسکتے؟ پنجاب میں مسلم لیگ ن کا اکیلے سے کوئی فیصلہ نہیں ہوگا۔

جاوید لطیف کا کہنا تھاکہ چارلوگ ایک طرف ہوں اور اکیلے ووٹ کو ق لیگ کہہ دیں یہ نہیں ہوسکتا، چوہدری شجاعت کے ہوتے ہوئے حتمی فیصلہ ان کا ہوگا۔

خیال رہے کہ وزیراعظم عمران خان نے ق لیگ کے رہنما و اسپیکر پنجاب اسمبلی پرویز الٰہی کو وزیراعلیٰ پنجاب نامزد کیا ہے۔

دوسری جانب ، لیگی ر معاملے پر غور کے لیےکل لاہور میں اجلاس طلب کرلیا ہے اجلاس کل 3 بجےجہانگیر ترین کی رہائش گاہ پر ہوگا۔

‏چئیرمین سینیٹ کے خلاف بھی تحریک عدم اعتماد تیار

وزیراعلیٰ پنجاب کے خلاف تحریک عدم اعتماد آنےکے بعد عون چوہدری نے جہانگیر ترین سے ٹیلی فون پر رابطہ کیا اور عثمان بزدار کے خلاف عدم اعتماد کی تحریک جمع ہونے سے آگاہ کیا جہانگیر ترین نے ہدایت کی کہ ساتھیوں سے مشاورت کے بعد حتمی پالیسی مرتب کی جائے۔

عون چوہدری کا کہنا تھا کہ ہمارے ساتھی متحد اور رابطے میں ہیں، ہمارے مطالبے کی وجہ سے عدم اعتماد کی تحریک آئی ہے عدم اعتماد کی تحریک پرلائحہ عمل مرتب کیاجائےگا، ترین گروپ مشاورت کے بعد آئندہ حکمت عملی کا اعلان کرےگا۔

ذرائع کے مطابق عدم اعتماد کی تحریک پر ترین گروپ نے 48 گھنٹے میں حتمی پالیسی سامنے لانے پر اتفاق کیا ہے-

لاہور: ترین گروپ کی وزیراعظم عمران خان سے صلح کے امکانات روشن ہوگئے،اطلاعات کے مطابق جہانگیر ترین گروپ کی پنجاب کے صوبائی وزرا سے ملاقات میں کوئی پیش رفت نہ ہوسکی جس کے بعد انہوں نے مزید بات چیت سے انکار کردیا ہے۔

ادھر اس حوالے سے ذرائع کے مطابق ترین گروپ مانئس عثمان بزدار پر ڈٹ گیا اور مطالبے سے دستبردار ہونے سے صاف انکار کردیا ہے۔

ترین گروپ کے سرکردہ رہنما عون چوہدری کا کہنا ہے کہ ہم نے صوبائی سطح پر مزید بات چیت سے انکار کردیا ہے، عثمان بزدار کو ہٹانےکے بعد ہی مذاکرات نتیجہ خیز ہوسکتے ہیں۔

عون چوہدری نے کہا کہ عثمان بزدار کو ہٹائے بغیر معاملات آگےنہیں بڑھ سکتے، پہلےبزدار کی تبدیلی پھر دیگر ایجنڈے پر بات چیت ہوگی،ہم مائنس عثمان بزدار کے مطالبے پر کھڑے ہیں، مراد راس کی عزت کرتےہیں، اب بات صرف عمران خان یا وفاقی وزرا سے ہونگی۔

ترین گروپ کے رہنما کا کہنا تھا کہ ہم مائنس عثمان بزدار کے مطالبے پر کھڑے ہیں، ہماری حکومت کیساتھ کسی قسم کا کوئی ورکنگ ریلیشن شپ نہیں، ترین گروپ کی وزیراعلیٰ سے ملاقاتوں میں کوئی حقیقت نہیں، سوشل میڈیا پر وزرا اور ارکان اسمبلی کی ملاقاتوں کی پرانی تصاویر نکالی جارہی ہیں۔
عون چوہدری نے واضح کیا کہ ترین گروپ جہانگیر ترین کی قیادت میں متحد اور مشترکہ فیصلےکررہاہے۔

ادھر ذرائع کا کہنا ہے کہ ایم این ایز کے بعد ترین گروپ کے ایم پی ایز میں بھی ٹوٹ پھوٹ کا عمل شروع ہو گیا، گروپ کے 5 ایم پی ایز نے وزیر اعلیٰ پنجاب عثمان بزدار سے ملاقاتیں کی ہیں۔

یہ ملاقاتیں گزشتہ ہفتے لاہور ہی میں ہوئی تھیں، ملاقات کرنے والوں میں تیمور لالی، بلال اصغر، افتخار گوندل، فیصل حیات اور اسلم بھروانہ شامل تھے۔

تحریک انصاف نے تحریک عدم اعتماد سے پہلے ناراض اراکین کو منانے کے لیے کوششیں تیز کر دیں-

باغی ٹی وی : اطلاعات کے مطابق وزیردفاع پرویز خٹک نے ترین گروپ کے عون چودھری سے رابطہ کیا ہےوزیر دفاع پرویز خٹک نے ترین گروپ کے عون چودھری سے رابطہ کر کے کوئی بھی انتہائی قدم نہ اٹھانے کی درخواست کی ہے۔

حکومت نے سندھ میں گورنر راج لگانے کے امکان کو مسترد کردیا

ذرائع کے مطابق ٹیلی فونک رابطے میں ترین گروپ اراکین کی ناراضی سے متعلق بات چیت ہوئی پرویز خٹک نے ترین گروپ کے تحفظات کے بارے میں آگاہی لی۔

عون چودھری نے بھی وزیردفاع پرویز خٹک کی جانب سے رابطے کی تصدیق کر دی ہے۔

یاد رہے کہ وزیراعظم عمران خان نے ناراض اراکین قومی اسمبلی کو منانے کا ٹاسک وزیر دفاع پرویز خٹک اور وزیر خارجہ شاہ محمود قریشی کو دیا ہے۔

واضح رہے کہ ترین گروپ کے اہم رہنما راجہ ریاض نے ایک روز قبل نجی ٹی وی کے سینئر صحافی حامد میر کو انٹرویو دیا جس میں انہوں نے انکشاف کیا کہ سندھ ہاﺅس میں اس وقت پی ٹی آئی کے دو درجن سے زائد اراکین اسمبلی موجود ہیں مذکورہ انٹرویو نشر ہونے کے بعد خبریں آئی کہ اپوزیشن نے سندھ ہاؤس میں موجود پی ٹی آئی اراکین اسمبلی کو راتوں رات صوبہ سندھ منتقل کر دیا ہے راجہ ریاض اور دیگر رہنماﺅں کی جانب سے پی ٹی آئی کے پیسے لینے کے الزامات کی تردید کی گئی۔

ترین گروپ بھی تقسیم کچھ حکومت تو کچھ اپوزیشن کا ساتھ دینے کے خواہاں

خیال رہے کہ وزیراعظم عمران خان کے خلاف پیش کی جانے والی تحریک عدم اعتماد کے بعد ملکی سیاسی صورتحال میں ہلچل مچی ہوئی ہے اور دونوں جانب سے سیاسی جوڑ توڑ کا سلسلہ جاری ہے، اسی تناظر میں ترین گروپ میں بھی تقسیم دکھائی دیتی ہے اور یہ بھی اطلاعات ہیں کہ کچھ حکومت تو کچھ اپوزیشن کے ساتھ رہنا چاہتے ہیں-

لاہور: مسلم لیگ ن کے رہنما محسن شاہ نواز رانجھا نے حمزہ شہباز شریف کے وزیر اعلیٰ پنجاب بننے کو دلچسپ مثال دیتے ہوئے خارج از امکان قرار دیا-

باغی ٹی وی : نجی ٹی وی کے پروگرام میں اینکر نےمحسن شاہ نواز رانجھا سے سوال کیا کہ کیا حمزہ شہباز وزیر اعلیٰ پنجاب بن رہے ہیں؟ اس پر محسن شاہ نواز نے پنجابی کی مثال دیتے ہوئے کہا سارا پنڈ مرجائے میراثی کی باری نہیں آنی-

محسن شاہ نواز کا کہنا تھا کہ وزیر اعلیٰ پنجاب کے حوالے سے فیصلہ پارٹی کے سیکریٹری جنرل بتائیں گے۔

واضح رہے کہ قبل ازیں حمزہ شہباز ماڈل ٹاؤن لاہور میں جہانگیرترین کی رہائش گاہ پر وفد کے ہمراہ پہنچے اور ترین گروپ کے اراکین سے سیاسی مستقبل پرگفتگو کی۔

حمزہ شہباز شریف اور جہانگیر خان ترین گروپ کے ایم پی ایزکی ملاقات کے مشترکہ اعلامیے کے مطابق ملاقات میں موجودہ سیاسی صورتحال کا تفصیلی جائزہ لیا اورباہمی مشاورت کی گئی شرکاء نے وزیر اعلیٰ کی کارکردگی کو تنقید کا نشانہ بنایا-

اعلامیے کے مطابق ترین گروپ کے اراکین کا کہنا تھا کہ وہ ذہنی طور پر حکومت سے علیحدگی کے لیے تیار ہیں، ہمیں آئندہ انتخابات میں ٹکٹوں کی یقین دہانی کرائی جائے، جہانگیر ترین جوفیصلہ کریں گے منظور ہوگا، مائنس بزدار میں ہم آپ کے ساتھ ہیں، تعاون طویل ہونا چاہیے۔

اعلامیے کے مطابق ترین گروپ کے اراکین نے پنجاب کے معاملات پر مایوسی کا اظہارکیا اور عثمان بزدار کو وزارت اعلیٰ کے عہدے سے ہٹانے پر اتفاق کیا حمزہ شہباز نے جہانگیر ترین کی صحت کے لئے نیک تمناؤں کا اظہار کیا-

اعلامیے کے مطابق ترین گروپ اور ن لیگ کے وفد کے درمیان ملاقاتوں کا سلسلہ جاری رکھنے پر اتفاق ہوا؛

تحریک انصاف حکومت کے خلاف کوئی بیرونی سازش نہیں ہورہی،مریم اورنگزیب

ذرائع کے مطابق جہانگیر ترین گروپ کی جانب سے حمزہ شہباز اور ان کے وفد کا پرتپاک استقبال کیا وفد میں سردار اویس لغاری، عطاءاللہ تارڑ، خواجہ سلمان رفیق اور ذیشان رفیق شامل تھے-

ماڈل ٹاؤن لاہور میں ترین گروپ سے ملاقات کے بعد میڈیا سےگفتگو میں حمزہ شہباز کے ترجمان عمران گورایہ کا کہنا تھا کہ ترین گروپ سے بڑی اچھی ملاقات رہی ہے، اللہ خیر کرےگا۔

مسلم لیگ ن کے رہنما حمزہ شہباز کے ترجمان کا کہنا تھا کہ حمزہ شہباز ہی اگلے وزیراعلیٰ پنجاب ہوں گے۔

بھارت نے واہگہ بارڈر سے پاکستان جانیوالوں کیلئے اسپیشل اجازت نامہ کی پابندی ختم کردی