Baaghi TV

Tag: تشدد

  • بنوں،امن مارچ کو انتشاری ٹولے نے پرتشدد بنایا،عوام شرپسندوں سے رہیں ہوشیار

    بنوں،امن مارچ کو انتشاری ٹولے نے پرتشدد بنایا،عوام شرپسندوں سے رہیں ہوشیار

    بنوں کے عوام نے دہشتگردی کے حالیہ واقعات کے تدراک کے لیئے 19 جولائی کو امن مارچ کی کال دی جس میں شہریوں سے اپیل کی گئی کہ وہ اپنے ساتھ صرف سفید جھنڈے لائیں اور اس مارچ کو سیاسی اور لسانی رنگ نہ دیا جائے

    ضلعی انتظامیہ نے امن مارچ کے لیئے سپورٹس کمپلیکس میں جلسہ کی اجازت دی تاہم پی ٹی ایم کا مفاد پرست اور شر پسند سیاسی ٹولہ جو امن مارچ کی آڑ میں انتشار چاہتا تھا، کچھ مظاہرین کو بنوں کینٹ کے سامنے لے گئے اور زبردستی اندر داخل ہونے کی کوشش کی،حالات کی نزاکت کو سمجھتے ہوئے مارچ کے منتظمین موقع پر پہنچے اور مظاہرین کو منتشر ہونے کا کہا جس پر تلخ کلامی اور ہاتھا پائی کے بعد فائرنگ کے نتیجہ میں 2 سے 3 افراد ہلاک ہو گئے

    پی ٹی ایم یہی چاہتی تھی کہ چند لاشیں گریں تاکہ ان کی مردہ سیاست میں جان پڑے، اپنے سیاسی مقاصد کے لیئے پی ٹی ایم نے مذموم ہتھکنڈا اپنایا اور معصوموں کی جان کی قربانی دی،عوام سے درخواست ہے کہ اپنی صفوں میں موجود ایسے شر پسندوں کو پہچانیں اور ایسے لوگوں سے ہوشیار رہیں جو آپ کی جان و مال کو اپنے ذاتی سیاسی فائدہ کے لیئے استعمال کرنتے ہوئے اپنے ریاست دشمن ایجنڈا کو فروغ دینا چاہتے ہیں

    بنوں واقعہ،تحقیقات کر کے ذمہ داران کو سز ا دی جائیگی،بیرسٹر سیف

    بنوں واقعہ میں سیکورٹی اداروں پر فائرنگ کا الزام عائد کیا جا رہا ہے جبکہ حقیقت اس کے برعکس ہے، سوال یہ پیدا ہوتا ہے کہ جب امن مارچ کے شرکا کو احتجاج کے لئے مخصوص جگہ دی گئی تھی تو وہ کینٹ کی طرف کیوں گئے؟ کینٹ میں پتھراؤ کس کے کہنے پر کیا؟ امن مارچ میں مسلح افراد کون لے کر آیا؟ ویڈیوز اور تصاویر سے سب واضح ہو رہا ہے کہ کس نے احتجاج کو پرتشدد بنایا،دوسری جانب اس احتجاج کے بعد اداروں کے خلاف پروپیگنڈہ کرنے والی سیاسی جماعت نے بھی کوئی کسر نہ چھوڑی، حالانکہ خیبر پختونخوا میں حکومت ان کی ہے، یہ بھی سوال ہے کہ جب مظاہرین کینٹ کی طرف گئے تو صوبائی حکومت کہاں تھی؟ پولیس کہاں تھی، پولیس نے مظاہرین کو کیوں نہیں روکا،کینٹ کی طرف کیوں جانے دیا؟

    بنوں میں چند دن قبل دہشت گردوں نے کینٹ پر حملہ جس میں پاک فوج کے آٹھ جوان شہید ہوئے، آج دن بھر جو کچھ ہوا، ان دہشت گردوں اور آج کینٹ پر پتھراؤ کرنے والوں میں کیا فرق رہ گیا؟

    بنوں حملہ،ایک اور دہشت گرد کی شناخت،افغان شہری نکلا

    دہشت گرد عثمان اللہ عرف کامران کا تعلق افغانستان کے صوبہ لوگر سے تھا۔

     بنوں میں دہشت گردی کی گھناؤنی کارروائی حافظ گل بہادر گروپ نے کی ہے،

    بونیر،سیکورٹی فورسز کا آپریشن،دہشتگردوں کا سرغنہ جہنم واصل،دو جوان شہید

    ڈی آئی خان، سیکورٹی فورسز کا آپریشن، 8 دہشتگرد جہنم واصل

    ڈی آئی خان ،دھماکے میں دو جوان شہید،پنجگور،ایک دہشتگرد جہنم واصل

    شمالی وزیرستان، دہشتگردوں کیخلاف آپریشن،کمانڈر سمیت 8 جہنم واصل

    شمالی وزیرستان ، چوکی پر حملہ، لیفٹیننٹ کرنل اور کیپٹن سمیت 7 جوان شہید

  • بنوں واقعہ،تحقیقات کر کے ذمہ داران کو سز ا دی جائیگی،بیرسٹر سیف

    بنوں واقعہ،تحقیقات کر کے ذمہ داران کو سز ا دی جائیگی،بیرسٹر سیف

    بنوں واقعے پر مشیر اطلاعات خیبرپختونخوا بیرسٹر سیف کا بیان سامنے آیا ہے
    بیرسٹر سیف کا کہنا ہے کہ وزیراعلیٰ تمام صورتحال کی خود نگرانی کر رہے ہیں،وزیر اعلی کی ہدایت پر کمشنر اور ڈپٹی کمشنر مظاہرین کیساتھ مذاکرات کر رہے ہیں تاکہ امن و امان کی صورتحال برقرار رکھی جائے،واقعے کی مکمل آزادانہ تحقیقات کر کے ذمہ داران کو قرار واقعی سزا دی جائیگی،وزیراعلیٰ نے انتظامیہ سے واقعے کی رپورٹ طلب کی ہے، عمائدین کے ساتھ مذاکرات کے بعد صورتحال بہتر ہو رہی ہے -وزیر اعلی نے زخمیوں کو ایمرجنسی بنیادوں پر بہترین طبی سہولیات کی فراہمی کی ہدایت کی ہے،: پر امن احتجاج کرنا ہر شہری کابنیادی آئینی اور قانونی حق ہے، تمام شہریوں سے پرامن رہنے کی اپیل ہے-عوام کو امن کے مطالبے کے لئے حق حاصل ہے کہ وہ اجتماعات کریں،تاہم قانون ہاتھ میں نہ لیں، ناخوشگوار واقعہ کی وجہ سے فائرنگ ہوئی ہے، اور حالات خراب ہوئے ہیں،

    واضح رہے کہ بنوں میں امن مارچ کے دوران فائرنگ ہوئی ہے جس کے نتیجے میں دو افراد کی موت ہوئی ہے جبکہ 20 سے زائد زخمی ہیں، بنوں میں ہزاروں افراد امن کا مطالبہ لے کر سڑکوں پر نکلے تھے، اس دوران امن مارچ کے شرکا نے کینٹ کے قریب جا کر پتھراؤ کیا اور جلاؤ گھیراؤ کیا، اس دوران کچھ افراد نے جلاؤ گھیراؤ کرنے والوں کو روکا تو مارچ کے شرکا مزید مشتعل ہو گئے، اسی دوران مبینہ طور پر آپسی فائرنگ ہوئی جس کے نتیجے میں ہلاکتیں ہوئی ہیں، زخمیوں کو طبی امداد کے لئے ہسپتال منتقل کر دیا گیا ہے

    کچھ تصاویر سامنے آئی ہیں جس میں دیکھا جا سکتا ہے کہ بنوں امن مارچ کے شرکا مسلح تھے اور فائرنگ کرتے بھی دکھائی دیے،

    لاہور سے صحافی سید امجد حسین بخاری نے سماجی رابطے کی ویب سائٹ ایکس پر لکھا کہ بنوں میں فائرنگ اور شہریوں کی ہلاکتیں کیسے ہوئیں؟
    آج بنوں کے عوام نے تاریخ ساز امن مارچ کیا۔ جس میں مختلف سیاسی جماعتوں کے چالیس سے پچاس ہزار افراد شریک ہوئے۔ اس واقعے کے دوران پی ٹی ایم کے ورکرز نے کینٹ کی طرف جانے کا اعلان کیا، جسکی مخالفت جے یو آئی نے کی۔ اس دوران دونوں گروپوں کی جھگڑا ہوا اور فائرنگ ہوئی، اس واقعے کو سیکورٹی فورسز سے جوڑا جارہا ہے جو کہ خود دہشتگردی سے متاثر ہے، جو روزانہ اپنے جوانوں کی قربانیاں دے رہے ۔ جے یو آئی اور پی ٹی ایم کارکنان میں جھڑپ کا واقعہ کینٹ سے تقریباً ہزار میٹر دور پیش آیا۔ اب کینٹ سے اتنی دوری پر ہونے والے واقعے کو فورسز سے جوڑنا سمجھ سے بالا ہے۔

    ایک صارف قاسم نے ایکس پر پوسٹ کرتے ہوئے لکھا کہ یہ آج بنوں امن مارچ کی وڈیو ہے. سیکیورٹی اہلکار کینٹ کے اندر کھڑے ہیں، اور باہر سے انٹری صرف کپڑے کی کناتوں کے ذریعے سے بند کی ہوئی ہے. یہ بالکل وہی جگہ ہے جہاں تین دن پہلے خود کش دھماکہ اور حملہ ہوا تھا، اسی لئے اس جگہ کو گیریژن کی سیکیورٹی نے بند کیا ہوا ہے، باہر سے امن مارچ کے شرکا گزر رہے ہیں سیکیورٹی اندر تعینات ہے. پھر یہ ہوا کہ پشتون تحفظ موومنٹ کے کچھ لوگوں نے گیریژن میں داخل ہونے کی کوشش کی جنہیں جے یو آئی اور جماعت اسلامی کے لوگوں نے روکا لیکن پی ٹی ایم وہ گدھ ہے جو ایک لاش کے لیے پورے شہر کے مرنے کی دعا کرتا ہے. جب کینٹ میں داخلے کی کوشش کی پھر گیریژن سیکورٹی نے وہی کام کیا جو ان کا کرنے کا تھا، یعنی mob کو کینٹ میں داخل ہونے سے روکنا. وہ لوگ جو پوچھتے تھے کہ نو مئی کو سیکیورٹی کہاں تھی وہ آج کہہ رہے ہیں کہ سیکیورٹی نے بنو کینٹ میں لوگوں کو داخل ہونے کیوں نہیں دیا.

    https://twitter.com/QaimKhanisays/status/1814232163333841387

    ضلع بنوں کے تمام اسپتالوں میں ایمرجنسی نافذ
    محکمہ صحت خیبر پختونخوا نے ضلع بنوں کے تمام اسپتالوں میں ایمرجنسی نافذ کردی، محکمہ صحت خیبر پختونخوا نے اعلامیہ جاری کردیا ،اسپتالوں میں ایمرجنسی بنوں میں امن و امان کی صورتحال کے پیش نظر نافذ کی گئی م ڈاکٹروں اور پیرا میڈیکلس سمیت تمام ہیلتھ سٹاف کو الرٹ رکھا گیا ہے، ڈی ایچ او بنوں کو ضلعی انتظامیہ، ریسکیو،ریلیف ٹیموں سے رابطے میں رہنے کی ہدایت کی گئی.

  • معاف کیا،اینکر عائشہ جہانزیب کا اپنے شوہر کے ساتھ راضی نامہ

    معاف کیا،اینکر عائشہ جہانزیب کا اپنے شوہر کے ساتھ راضی نامہ

    اینکر عائشہ جہانزیب کا اپنے شوہر کے ساتھ راضی نامہ ہوگیا،
    عائشہ جہانزیب نے سیشن عدالت لاہور میں بیان قلمبند کروا دیا، دوران سماعت عدالت نے ریمارکس دیتے ہوئے کہا کہ چہرہ دیکھ کر لگ رہا ہے یہ تو بہت ظلم ہوا ہے، عائشہ جہانزیب نے کہا،جو بھی ہوا بہت ظلم ہے،کسی عورت کیساتھ نہیں ہونا چاہیے،لیکن جو بھی معززین نے فیصلہ کیا ہےاس کو مانتی ہوں ، عائشہ جہانزیب نے وکیل عاصم ممتاز کے ہمراہ پیش ہو کر بیان قلمبند کروا دیا

    عدالت نے عائشہ جہانزیب سے استفسار کیا کہ کیا آپ اپنی مرضی سے صلح کررہی ہیں ، عائشہ جہانزیب نے عدالت میں کہا کہ میں کیس کی پیروی نہیں کرنا چاہتی ہوں گواہان کی موجودگی میں یہ فیصلہ ہوا ہے عدالت نے ملزم حارث کی ضمانت منظور کرلی ،ملزم کے خلاف تھانہ سرور روڑ پولیس نے مقدمہ درج کر رکھا ہے

    واضح رہے کہ عائشہ جہانزیب نے الزام لگایا تھا کہ ان کے شوہر نے انہیں جسمانی تشدد کا نشانہ بنایا۔ خاتون اینکر کے مطابق، یہ واقعہ ایک گھریلو جھگڑے کے بعد پیش آیا۔عائشہ نے طبی معائنے کے بعد اپنے شوہر کے خلاف سنگین نوعیت کا مقدمہ درج کروایا تھا، جس میں جان سے مارنے کی کوشش کی دفعات شامل تھیں۔ اس کے بعدپولیس نے فوری کارروائی کرتے ہوئے حارث کو حراست میں لے لیا۔

    واہ جی واہ : ٹک ٹاکر عائشہ اکرم توبڑی شئے نکلی ؟ حقیقت کھل کرسامنے آگئی

    ہجوم والے میراجسم نوچتے رہے:سیلفی کے بہانے،چھیڑتے رہے:ٹک ٹاکرعائشہ اکرم

    مردہ حالت میں لائی جانے والی لڑکی ٹک ٹاکر نکلی

    مینار پاکستان، لڑکی سے دست درازی،میڈیکل مکمل،سینے، کمر پر خراشوں کے ملے نشانات

    مینار پاکستان، لڑکی سے دست درازی، ایک اور ملزم کی ضمانت،شناخت پریڈ کب ہو گی؟

    مینار پاکستان، لڑکی سے دست درازی کیس ، پولیس نے سب کی دوڑیں لگوا دیں

    مینار پاکستان، لڑکی سے دست درازی، ملزم کی درخواست ضمانت پر عدالت نے سنایا فیصلہ

    مینار پاکستان، لڑکی سے دست درازی، عائشہ اکرم نے کتنے ملزمان کی شناخت کر لی؟

    مینار پاکستان، دست درازی،عائشہ اکرم نے کن ملزمان کی شناخت کی، نام سامنے آ گئے

    کس نے بلایا، کس نے چھیڑا، کس نے نازیبا حرکات کیں، سب سامنے آ گئے

  • پولیس جلاد بن گئی،تشدد سے ملزم مار دیا، لواحقین کو خاموش رہنے کیلئے 7 لاکھ کی پیشکش

    پولیس جلاد بن گئی،تشدد سے ملزم مار دیا، لواحقین کو خاموش رہنے کیلئے 7 لاکھ کی پیشکش

    وردی بدل گئی مگر عادتیں نہ بدلیں،چور ی کے الزام میں گرفتار ملزم کے اہلخانہ سے رشوت نہ ملنے پر پولیس اہلکاروں نے تشدد کر کے نوجوان کی جان لے لی

    واقعہ تھانہ گوجر خان میں پیش آیا،چوکی قاضیاں میں مبینہ پولیس تشدد کے بعد نوجوان جان کی بازی ہار گیا،ذیشان نامی ملزم کو تھانہ سول لائنز پولیس نے چوری کے مقدمے میں گرفتار کیا،جس کے بعد اہل خانہ سے پولیس نے مبینہ طور پر بھاری رشوت طلب کی،رشوت نہ ملنے پر نوجوان ذیشان کو بہیمانہ تشدد کا نشانہ بنایا گیا، اس دوران پولیس نے ایک اور مقدمے میں ذیشان کو گوجر خان پولیس کے حوالے کر دیا، پولیس تشدد سے ملزم کی حالت غیر ہوئی اسکے بعد ذیشان کی موت ہو گئی،

    واقعہ کا مقدمہ تھانہ گوجر خان میں سب انسپکٹر کاشف ملک کی مدعیت میں درج کیا گیا ہے،درج مقدمہ کے مطابق مدعی خادم حسین نے ایک مقدمہ میں ذیشان صدیقی کو ملزم نامز د کیا تھا،جس کی گرفتاری کے لئے ریڈ کیا گیا مگر ملزم گرفتار نہ ہو سکا، بعد ازاں تھانہ سول لائن نے اطلاع دی کہ ملزم کو گرفتار کیا ہے،اسکو لے جائیں جس کے بعد پولیس اہلکاروں ساجد ثقلین،بابر علی، حسنین حسن،کو راولپنڈی بھجوایا تا کہ ملزم کو لے کر آئیں، پولیس اہلکار جب ملزم کو لے کر آئے تو اسکی طبیعت خراب تھی،میں نے پرائیویٹ کلینک رابطہ کیا، مسمی شعیب کو بلا کر ملزم کاچوکی میں چیک اپ کروایا،شعیب نے بتایا کہ اسے سانس کی تکلیف ہے، بعد ازاں ملزم نے خود بھی بتایا کہ اسے کافی عرصے سے سانس کی تکلیف ہے،ہم ملزم کو لے کر ہسپتال پہنچے تو ڈاکٹر نے بتایا کہ ملزم کی موت ہو چکی ہے،ملزم کے وارثان کو اطلاع دینے کی کوشش کی لیکن محرم کی وجہ سے موبائل سروس بند ہونے کی وجہ سے اطلاع نہ دے سکا،بعدازاں ذیشان کا ماموں شعبان،و دیگر تھانہ آئے، ان سے قانونی کاروائی کے لئے درخواست طلب کی گئی،تو ذیشان صدیقی کی ہمشیرہ نے گواہوں کی موجودگی میں تحریری بیان میں کہا کہ ہم کوئی کاروائی نہیں کرنا چاہتے نہ ہی پوسٹ مارٹم کروانا چاہتے ہیں،جس کے بعد افسران کو بتا کر لاش ورثا کے سپرد کر دی گئی

    درج مقدمے میں مزید کہا گیا کہ بعد ازاں انکوائری ہوتی رہی تا ہم یہ بات سامنے آئی کہ پولیس اہلکاروں محمد اسحاق،لیاقت علی، عابد علی،پولیس تھانہ سول لائن نے ملزم ذیشان کو گرفتار کیا،اور بغیر اندراج روزنامچہ ،رپٹ کے ملزم کو گوجر خان پولیس کے حوالے کر دیا،ملزم کو ہسپتال لے جانے اور موت کے حوالہ سے چوکی میں بھی کوئی رپٹ درج نہ کی گئی،مذکورہ پولیس افسران و اہلکاران غفلت کے مرتکب ہوئے،مقدمہ درج کر کے قبر کشائی کر کے پوسٹ مارٹم کروایا جائے،

    سی پی او سید خالد ہمدانی نے تھانہ گوجر خان پولیس کی حراست میں شہری کے جاں بحق ہونے کے واقعہ کا نوٹس لیتے ہوئے ایس پی صدر سے رپورٹ طلب کرلی ہے،واقعہ میں ملوث آٹھ اہلکاروں کو چارج شیٹ جاری کر کے معطل کر دیا گیا ہے، پولیس حکام کے مطابق ملزم ذیشان رابری کے مقدمہ میں گوجر خان پولیس کو مطلوب اور سابقہ ریکارڈ یافتہ تھا، تھانہ منتقلی کے دوران ملزم کی طبیعت ناساز ہونے پرہسپتال منتقل کیا گیا جہاں علاج معالجہ کے دوران اس کی موت واقع ہو گئی، ملزم کی موت کے متعلق 174 ضابطہ فوجداری کی کارروائی عمل میں لائی گئی ہے،ایس ایس پی آپریشنز فلائٹ لیفٹیننٹ (ر)حافظ کامران اصغر نے واقعہ میں ملوث تمام 8 اہلکاروں کو معطل کر کے چارج شیٹ جاری کر دی،سی پی او سید خالدہمدانی کے حکم پر ایس ایچ او سول لائنز کو کلوز ٹو لائن کر کے چارج شیٹ جاری کر دی گئی،معاملہ کی انکوائری ایس پی ہیڈکوارٹرز عمل میں لا رہی ہیں جس کو 72 گھنٹے میں مکمل کر لیا جائے گا،انکوائری رپورٹ کی روشنی میں قصورواران کے خلاف سخت محکمانہ کارروائی عمل میں لائی جائے گی۔ سی پی او سید خالد ہمدانی نے کہا کہ راولپنڈی پولیس خوداحتسابی پر عمل پیرا ہے، بدعنوانی اور اختیارات کے ناجائز استعمال کو قطعاً برداشت نہیں کیا جائے گا۔

    ملزم ذیشان صدیقی کی موت ہوئی ہے، سوال یہ ہے کہ اسکی موت کیوں ہوئی؟ یہ سوال حکومت پنجاب، آئی جی پنجاب، پنجاب پولیس کے افسران سے ہونا چاہئے کہ یہ ملزم چور یا ڈاکو تھاکیا تھا؟ تحقیقات کیوں نہیں ہوئی،ملزم پر بہیمانہ تشدد کیوں ہوا، ملزم کی گرفتاری پر اسکے اہلخانہ سے رشوت کیوں طلب کی گئی، ایک تھانے سے دوسرے تھانے میں منتقلی کی رپٹ درج کیوں نہیں کی گئی،

    ملزم کی والدہ نے دہائی دیتے ہوئے کہا کہ میرے بیٹے پر جھوٹا الزام لگایا گیا ہے،میرا بیٹا چور نہیں تھا،پولیس نے ظلم کیا ہے، میرے بیٹے کو اغوا کیا گیا، ہمارے سامنے پولیس نے اٹھایا،پولیس نے گھر سے گرفتار کیا تھا، ہمیں انہوں نے لاش دے دی، یہ کونسا انصاف ہے،کیا پولیس اس لئے بنی ہے کہ بندہ مار دو، جس نے مارا ہے وہ ہمارے سامنے لایا جائے ہو سکتا ہے ہم معافی دے دیں، ملزم ذیشان کی بہن نے انکشاف کیا کہ ذیشان کی موت کے بعد پولیس نے ہمیں سات لاکھ کی آفر کی یہ کونسا طریقہ ہے، ہمیں انصاف چاہئے، انسان کی کوئی قیمت ہے بھلا؟ہمیں انصاف چاہئے پیسے نہیں چاہئے، ہم غریب ہیں لیکن پیسے نہیں لیں گے،

  • سیلز مین کو تشدد کا نشانہ بنانے والی لڑکیاں اداکارہ مریم نفیس کی دوست نکلیں

    سیلز مین کو تشدد کا نشانہ بنانے والی لڑکیاں اداکارہ مریم نفیس کی دوست نکلیں

    پنجاب کے صوبائی دارالحکومت لاہور میں سیلز مین کو تشدد کا نشانہ بنانے والی لڑکیاں اداکارہ مریم نفیس کی دوست نکلیں

    اس ضمن میں اداکارہ مریم نفیس نے ایک ویڈیو پیغام جاری کیا ہے جس میں اداکارہ مریم نفیس کا کہنا ہے کہ سیلز مین پر تشدد کرنے والی لڑکیوں میں سے ایک میری بہت اچھی دوست ہے،اور ایک جاننے والی ہے، اداکارہ مریم نفیس کا کہنا تھا کہ میں نے پہلے کچھ اس لیے نہیں کہا کہ مجھے لگا لوگ کہانی کا دوسرا رُخ بھی دیکھیں گے لیکن ایسا نہیں ہوا،ان لڑکیوں کو ریپ اور قتل کی دھمکیاں دی جارہی ہیں اسی لیے میں نے سوچا کہ مجھے اس پر بات کرنی چاہیے،لڑکیوں نے اس لڑکے کو حد ختم ہوجانے کے بعد مارنا شروع کیا جب اس نے خواتین کی جسامت اور لباس پر بات کی، ان کو ورکنگ گرل، طوائف کہا اور انتہائی غیر مناسب باتیں کیں،کہا کہ دھندہ کرنے جا رہی ہیں، وہ چھوٹی ہے، یہ بڑی ہے، پہلے ان لڑکیوں نے لڑکے کو کہا تم اس طرح سے بات نہیں کرسکتے جس پر لڑکے نے غلیظ گالیاں دینا شروع کردیں اور گندے الفاظ کہے اور سٹور کو نکلنے کا کہا،جس پر لڑکیوں نے سوال کیا کہ ہم کیوں نکلیں؟ایک انکل آ گئے وہ بھی ویڈیو بنانے لگے،مختلف لوگ ویڈیوز بنانے لگے اور چونکہ انہوں نے مغربی طرز کے کپڑے پہن رکھے تھے لہٰذا سمجھ لیا گیا کہ یہ تو بدنام قسم کی لڑکیاں ہیں، جو بھی سوشل میڈیا پر چل رہا ہے کہ لڑکیوں کے باپ وکیل ہیں ایسا کچھ نہیں ہے،ان میں سے ایک لڑکی دوسرے شہر سے کام کرنے آئی ہوئی ہے، ان کے پاس کسی قسم کی پاور نہیں ہے، بدقسمتی سے ہم اس معاشرے میں رہتے ہیں جہاں ہراساں کرنے کا ثبوت مانگا جاتا ہے اور ثبوت بھی وہ خواتین مانگ رہی ہیں جو خود کئی بار ہراسانی کا شکار ہوچکی ہیں،مریم نفیس نے پٹرول پمپ کے مالک سے درخواست کی کہ اس ویڈیو کی وائس ریکارڈنگ نکالیں تاکہ پتا چلے کہ معاملہ کیا ہے، پتا چلے کہ لڑکا لڑکیوں کو بری بری باتیں بول رہا ہے

    سماجی رابطے کی ویب سائٹ ایکس پر عبداللہ گل نے ویڈیو شیئر کرتے ہوئے کہا کہ دونوں ویڈیو میدان میں
    یہ مریم نفیس ہے اور یہ ان لڑکیوں کو جنہوں نے ایک لڑکے کو مارا پیٹا اور ایک بزرگ کو گندی گالیاں نکالیں ،ایک جھوٹ کے ذریعے ان کا بدترین ،بے تکا دفاع کر رہی ہے۔ کیسے ممکن ہے کہ ایک اسٹور میں جہاں کئی کام کرنے والے اور دیگر گاہک بھی موجود ہوں، ایک سیلز بوائے 3-4 الٹرا موڈرن قسم کی بظاھر بڑے گھر کی لڑکیوں سے ایسی باتیں اور برتاؤ کرے!کیا اسکو نہیں معلوم تھا کہ یہاں cctv لگا ہے اور اس کی ہرحرکت ریکارڈ بھی ہوگی؟ بیکری پر لڑکیوں کے ہاتھوں بیکری ملازم پر تشدد کے موقع پر بزرگ شہری کی بنائی ہوئی ویڈیو سامنے آ گئی ۔بزرگ شہری نے انکو ایکسپوز کرنے کی غرض سے ویڈیو بنائی تو یہ اپنے باپ کی عمر کے سفید داڑھی والے شخص کو بھی ننگی گالیاں دینا شروع ھوگئیں ۔۔ بڑی ٹرینڈ ہیں یہ لڑکیاں۔

    https://twitter.com/MAbdullahGul/status/1811286274797666533/video/1

    لاہور کے علاقے گارڈن ٹاؤن میں لڑکیوں کی جانب سے تشدد کا یہ واقعہ دو دن قبل ہوا تھاجس کی ویڈیو بھی وائرل ہو گئی تھی، ویڈیو میں دیکھا جا سکتا ہے کہ ٹک شاپ میں لڑکیاں کافی کے مگ ہاتھ میں تھامے کیش کاؤنٹر پر کھڑی ہیں، کم عمر سیلزمین کیشیئر کے ساتھ کاؤنٹر پر بیٹھا ہے، لڑکیاں غصے میں بات کرتی ہیں اورپھر کاؤنٹر کے اندر کی طرف آجاتی ہیں،اسی دوران ایک لڑکی نے سیلز مین کا گریبان پکڑا اور تھپڑ مارا،دوسری لڑکیاں بھی آ جاتی ہیں اور سیلز مین کو بالوں سے پکڑ کر تشدد کا نشانہ بناتی ہیں، اس دوران ایک بزرگ گاہک نے لڑکیوں کو منع کیا تو انہوں نے اسے بھی خوب سنائیں اور پھر تھانے چلی گئیں اور مقدمہ درج کروا دیا،

    تحریک انصا ف،یہودی صیہونی لابی کا گٹھ جوڑ،ثبوت سامنے آ گئے

    پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت

    جسٹس ملک شہزاد نے چیف جسٹس سے چھٹیاں مانگ لیں

    اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ

    عمران خان کیخلاف درخواست دینے پر جی ٹی وی نے رپورٹر کو معطل کردیا

    سوال کرنا جرم بن گیا، صحافی محسن بلال کو نوکری سے "فارغ” کروا دیا گیا

    صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی

    توشہ خانہ،نئی پالیسی کے تحت تحائف کون لے سکتا؟قائمہ کمیٹی میں تفصیلات پیش

    باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا

    اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

  • مبینہ نازیبا اشارے،3 لڑکیوں کا سیلز مین پر تشدد، ویڈیو وائرل،صارفین بھڑک اٹھے

    مبینہ نازیبا اشارے،3 لڑکیوں کا سیلز مین پر تشدد، ویڈیو وائرل،صارفین بھڑک اٹھے

    پنجاب کے صوبائی دارلحکومت لاہور میں تین لڑکیوں نے مبینہ طور پر نازیبا اشارے کرنے پر سیلز مین کو تشدد کا نشانہ بنا کر گرفتار کروا دیا

    واقعہ کی ویڈیو فوٹیج سامنے آنے پر پولیس نے لڑکوں کو رہا کر دیا،واقعہ لاہور کے علاقے گارڈن ٹاؤن میں ایک پٹرول پمپ کی ٹک شاپ پر پیش آیا، لڑکیوں نے ٹک شاپ میں سیلز مین پر ہراسانی کا الزام لگا کر اسے تشدد کا نشانہ بنا یا پھر پولیس کے پاس چلی گئیں اور مقدمہ درج کروا دیا،پولیس نے دو سیلز مین کو گرفتار کر لیا تھا، واقعہ کی سی سی ٹی وی فوٹیج سامنے آئی تو پولیس بھی دیکھ کر دنگ رہ گئی کیونکہ لڑکیوں نے ٹک شاپ پر سیلز مین کو بہیمانہ تشدد کا نشانہ بنایا، ویڈیو میں دیکھا جا سکتا ہے کہ ٹک شاپ میں لڑکیاں کافی کے مگ ہاتھ میں تھامے کیش کاؤنٹر پر کھڑی ہیں، کم عمر سیلزمین کیشیئر کے ساتھ کاؤنٹر پر بیٹھا ہے، لڑکیاں غصے میں بات کرتی ہیں اورپھر کاؤنٹر کے اندر کی طرف آجاتی ہیں،اسی دوران ایک لڑکی نے سیلز مین کا گریبان پکڑا اور تھپڑ مارا،دوسری لڑکیاں بھی آ جاتی ہیں اور سیلز مین کو بالوں سے پکڑ کر تشدد کا نشانہ بناتی ہیں، اس دوران ایک بزرگ گاہک نے لڑکیوں کو منع کیا تو انہوں نے اسے بھی خوب سنائیں اور پھر تھانے چلی گئیں اور مقدمہ درج کروا دیا،

    پولیس کے مطابق ایک لڑکی ایمان زہرہ نے ہراسمنٹ کا مقدمہ درج کرواکے دو سیلز مینوں کو گرفتار کروا دیا تھا،مدعیہ ایمان زہرہ کے مطابق دونوں سیلزمین نے نازیبا اشارے کیے تھے، شکایت کی تو کیشیئر کے ساتھ مل کر سیلز مین یوسف نے گالیاں دیں، مقدمے میں پولیس نے ہراسانی کی غلط دفعات لگائیں جس کے عدالت نے مقدمہ خارج کردیا۔

    ویڈیو سوشل میڈیا پر وائرل ہوئی توسوشل میڈیا صارفین بھی بھڑک اٹھے،ایک صارف کا کہنا تھا کہ پاکستان میں وویمن ہراسمنٹ کا قانون خواتین کو مردوں کی ناجائز حرکات سے بچانے کے لیے بنایا گیا تھا۔ لیکن کسطرح اس قانون کو غلط استعمال کیا جارھاھے۔ لاھور میں ایک وکیل کی تین بیٹیاں سر عام بدمعاشی کرتے ھوئے دوکان کے سیلز مین کو مارا پیٹا اور پھر کیونکہ باپ وکیل ھے الٹا اسی پر پرچہ کرا کے تھانے بند کروا دیا اور دوکان کو بھی۔
    یہ ویڈیو موقع کے اوپر ھی بنی ھوئی ھے خواتین دیکھ کر خود فیصلہ کریں کیا یہ لڑکیاں شرفاء گھرانے کی ھیں یا کسی 10 نمبری بدمعاش کی۔

    ایک صارف نےلکھا کہ جس ملک میں وزرائے اعظم پھانسی کے پھندوں پر جھولتے ہوں اور ناحق کیسز میں سزائیں کاٹیں وہاں اس غریب سیلزمین کی کیا اوقات ہے۔ یہ ملک نہیں اب جنگل بن چکا ہے جس کے پاس طاقت ہے وہ کمزور کے ساتھ اس سے بھی برا سلوک کرے گا

    سماجی رابطے کی ویب سائٹ ایکس پر نورین جنجوعہ کہتی ہیں کہ لڑکے پر حملہ کرنے والی لڑکی کا نام ایمان زھرہ ہے جو کہ لاہور کے رہائشی محمد قاسم کی ناہنجار اولاد ہے ۔ اپنی طاقت و امارت کا مظاہرہ اس نے لاہور گارڈن ٹوٹل پیٹرول پمپ پر کام کرنے والے بچے یوسف پر کیا ۔ یوسف ایک teenager ہے ۔ اس عمر میں بچے اپنی انا اور integrity پر ناز کرتے ہیں ۔زندگی کے اصول سیکھ رہے ہوتے ہیں اپنے اردگرد کے معاشرے کو سمجھ رہے ہوتے ہیں ۔ یہ لڑکا تمام عمر اس واقعے کو غربت کو ذلت کو نہیں بھولے گا۔

    ٹک شاپ پر لڑکیوں کا سیلز مین پر تشدد، دوبارہ تحقیقات،فریقین کے بیان ریکارڈ
    دوسری جانب پولیس نے ٹک شاپ پر لڑکیوں کی جانب سے سیلز مین پر تشدد کے واقعہ کی دوبارہ تحقیقات شروع کر دی ہے ، سیلز مین پر تشدد کرنے والی لڑکیوں اور متاثرہ لڑکے نے ایس پی ماڈل ٹاؤن کو بیان ریکارڈ کروا دیا ہے، متاثرہ لڑکے یوسف نے تشدد کرنے والی لڑکیوں کے خلاف درخواست بھی دے دی ہے، یوسف نے بیان میں کہا کہ لڑکیوں کو دیکھ کر کوئی بات نہیں کی،اپنے ساتھی ورکرکےساتھ مذاق پرہنس رہا تھا، لڑکیوں نے ہنسنے پرہراساں کرنےکاالزام لگاکرتشدد کیا،پولیس کا کہنا ہے کہ فریقین کے بیان ریکارڈ کر لئے تحقیقات جاری ہیں، حقائق کی روشنی میں قانونی کارروائی کی جائے گی۔

    ٹک شاپ پر سیلز مین پر تشدد کرنیوالی لڑکی شعیب شاہین کی بیٹی؟
    دوسری جانب سوشل میڈیا پر یہ کہا جا رہا تھا کہ سیلز مین پر تشدد کرنے والی لڑکیاں پی ٹی آئی رہنما شعیب شاہین کی بیٹی ہے،جس پر شعیب شاہین نے وضاحت دی ہے اور میڈیا سے گفتگو کرتے ہوئے کہا ہے کہ میری ایک ہی بیٹی ہے جو کئی سالوں سے بیرون ملک مقیم ہے، پٹواری شرم سے عاری ہوچکے ہیں،یہ حکومت بھی شرم سے عاری ہے،یہ حکومت ڈاکہ زنی کی بنیاد پر وجود میں آئی.

    گارڈن ٹاون واقعہ،سیلز مین پر تشدد کرنے والی لڑکی کون ہے؟
    صحافی امجد حسین بخاری نے سماجی رابطے کی ویب سائٹ ایکس پر پوسٹ کرتے ہوئے کہا کہ گارڈن ٹاون واقعہ، تشدد کرنے والی لڑکی کون ہے؟لاہور گارڈن ٹاون میں مبینہ طور پر ایک وکیل کی بیٹی نے دکان کے ملازم کو تشدد کا نشانہ بنایا ، مسلم لیگ ن سے وابستہ ٹوئٹر صارفین اس لڑکی کو تحریک انصاف کے وکیل رہنما شعیب شاہین کی بیٹی قرار دے رہے ہیں جو کہ جھوٹ ہے ، ایف آئی آر کے مطابق ایمان زہرہ نامی لڑکی کے والد کا نام محمد قاسم ہے ۔ اب وہ وکیل ہیں یا نہیں تاحال آزاد ذرائع سے اسکی تصدیق نہیں ہوسکی۔ براہ مہربانی جھوٹ کو پھیلانے سے گریز کریں

  • خانیوال میں سفاک شخص کا گدھی پر کلہاڑی کے وار سے حملہ

    خانیوال میں سفاک شخص کا گدھی پر کلہاڑی کے وار سے حملہ

    بے زبان جانوروں پر تشدد کاسلسلہ نہ رک سکا، سانگھڑ میں اونٹ کی ٹانگ کاٹی گئی، راولپنڈی میں گدھے کے کان کاٹے گئے تو خانیوال میں کلہاڑی کے وار سے گدھی کو شدید زخمی کر دیا گیا ہے

    خانیوال کے نواحی علاقے پل گھراٹ میں سفاک شخص نے گدھی پر کلہاڑیوں کے وار سے حملہ کر دیا جس سے گدھی شدید زخمی ہو گئی، گدھی کے مالک نے ون فائیو پر کال کی اور پولیس کو اطلاع دی، پولیس موقع پر پہنچ گئی، تاہم ملزم فرار ہو گیا، گدھی کے مالک کے مطابق اسلم نامی ملزم نے گدھی کو کلہاڑی کے وار سے شدید زخمی کردیا۔گدھی کے مالک نے ملزم کے خلاف کاروائی کیلئے تھانہ تلمبہ میں درخواست دے دی ہے

    ایس ایچ او تلمبہ کے مطابق گدھی پر تشدد کی میڈیکل رپورٹ بھی تیار ہو رہی ہے، جس کے بعد مقدمہ درج کیا جائے گا۔

    بااثر وڈیرے کے ظلم کا شکار اونٹ کراچی منتقل،مصنوعی ٹانگ لگائی جائے گی

    گورنر سندھ کا مبینہ بااثر وڈیرے کے ظلم کا شکار شخص کو 2 اونٹ دینے کا اعلان

    سانگھڑ، کھیت میں داخل ہونے پر وڈیرے نے اونٹ کی ٹانگ کاٹ دی

    جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ

    بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

    قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

    جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ

  • سرکاری گاڑی میں بچوں کو سکول لانے پر عوام نے وزیر کی گاڑی روک لی

    سرکاری گاڑی میں بچوں کو سکول لانے پر عوام نے وزیر کی گاڑی روک لی

    سرکاری گاڑی میں بچوں کو سکول لانے پر عوام نے گاڑی روک لی

    واقعہ کی ویڈیو سوشل میڈیا پروائرل ہو گئی، واقعہ آزاد کشمیر کی تحصیل کھوئی رٹہ میں پیش آیا، وزیر صحت آزاد کشمیر کی سرکاری گاڑی پر بچوں کو سکول لے جایا جا رہا تھا کہ عوام مشتعل ہو گئے اور گاڑی کو روکا کہ سرکاری گاڑی ذاتی کام کے لئے کیوں استعمال کی جا رہی ہے.شہریوں نے گاڑی پرپتھراؤ بھی کیا جس سے گاڑی کے شیشے ٹوٹ گئے.

    واقعہ کے بعد ڈرائیور کی درخواست پر تھانہ کھوئی رٹہ میں نامعلوم افراد کے خلاف مقدمہ درج کرلیا گیا ،درج مقدمے کے مطابق وزیرصحت آزادکشمیر کے بچوں کو سرکاری گاڑی میں اسکول سے لایا جارہا تھا کہ عوام نے گاڑی کو روک لیا اور نامعلوم افراد نے گاڑی روک کر بدتمیزی کی.

    چاہت فتح علی خان سے بڑے بڑے سپر اسٹارز خوفزدہ کیوں ؟

    مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان

    مبشر لقمان: ہزاروں چہروں والا اینکر ، دنیا کا پہلا مصنوعی ذہانت سے چلنے والے نیوز اوتار پر ایک نظر

    لندن پلان بارے مبشر لقمان کا انکشاف،نواز شریف نے تصدیق کر دی

    لندن پلان: عمران خان، طاہرالقادری اور چوہدری برادران کو اکٹھا جہانگیر خان ترین نے کیا تھا، مبشر لقمان

  • پشاور تھانے کے باہر خواجہ سراؤں کا احتجاج،لگایا گھناؤنا الزام

    پشاور تھانے کے باہر خواجہ سراؤں کا احتجاج،لگایا گھناؤنا الزام

    خیبر پختونخواہ کے صوبائی دارالحکومت پشاور میں پولیس کے خلاف خواجہ سرا سڑکوں پر آ گئے

    خواجہ سراؤں نے پشتخرہ تھانے کے باہر احتجاج کیا اور پولیس کے خلاف نعرے بازی کی، خواجہ سراؤں اس موقع پر الزام عائد کیا کہ محفل موسیقی چل رہی تھی، پولیس موقع پر گئی اور ہمارے اوپر فائرنگ کی گئی،پولیس میں کالی بھیڑیں ہیں جو ہم پر ظلم کرتی ہیں،فائرنگ کرنے والے اور ہمیں زدوکوب کرنے والے پولیس اہلکاروں پر مقدمہ درج کیا جائے،

    دوسری جانب پولیس کا کہنا ہے کہ محفل موسیقی میں جرائم پیشہ افراد کے ہونے کی اطلاع پر پولیس وہاں گئی تھی، پولیس کو دیکھ کر خواجہ سرا مشعل ہو گئے اور پولیس پر حملے کی کوشش کی، پولیس کی جانب سے مقدمہ درج کرنے کی یقین دہانی پر خواجہ سراؤں نے احتجاج ختم کر دیا

    خیبر پختونخوا میں خواجہ سراؤں کے لئے مفت قانونی اقدامات

    اوچ شریف: جعلی خواجہ سراؤں کا ڈانس پارٹی گروپ کے نام پر مبینہ طورشی میل اور لڑکیاں سپلائی کرنے کا انکشاف

    مس پرتگال مقابلہ حسن،خواجہ سرا نے جیتا مقابلہ

    میک اپ کے بغیر خاتون نے مقابلہ حسن جیت لیا

    خواجہ سراؤں نے بھی خود کو بطور ووٹرز رجسٹرڈ کرالیا

    نوجوان مرد ہم جنس پرست ایڈز کے مریض بننے لگے،اسلام آباد میں شرح بڑھ گئی

    خیبرپختونخوا کے خواجہ سراوں کو بینظیر انکم سپورٹ پروگرام میں شامل

  • دارالامان میں مبینہ طور پر غیر اخلاقی سرگرمیاں، رپورٹ سامنے آ گئی

    دارالامان میں مبینہ طور پر غیر اخلاقی سرگرمیاں، رپورٹ سامنے آ گئی

    راولپنڈی ،شمس آباد میں واقع دارالامان میں مبینہ طور پر غیر اخلاقی سرگرمیوں کے لیے خواتین پر دباو کا معاملہ ،دو رکنی انکوائری کمیٹی نے دارالامان پر تحقیقاتی رپورٹ سیشن جج کو پیش کر دی

    رپورٹ لاہور ہائی کورٹ کے ڈائریکٹوریٹ آف ڈسٹرکٹ جوڈیشری کے ڈی جی کو ارسال کی گئی،دو رکنی تحقیقاتی کمیٹی نے دارالامان کے کمروں میں نصب کیمروں کو ہٹانے کی سفارش کی،دو رکنی ٹیم نے سپرنٹنڈنٹ دارالامان عائشہ لطیف، تانیہ ناصر، 5 مرد ملازمین سمیت 11 ملزمان کی حاضریاں چیک کیں،دارالامان میں 13 خواتین اور لڑکیوں کے بیانات بھی ریکارڈ کئے گئے،مخیر حضرات کی جانب سے عطیہ کی گئی اشیاء خواتین تک نہیں پہنچائی جاتی،بیرک انچارج کی بات نہ ماننے پر خواتین کو گھنٹوں بھوکا رکھا جاتا ہے،خواتین دارالامان کے عملے کی رویے کی وجہ سے جانا چاہتی ہیں،

    راولپنڈی ہائی کورٹ کی ڈائریکشن پر سیشن جج، دلیر ججز وقار گوندل اور سول جج صباءقمر اور انکے عملہ نے دارلامان کا فوری دورہ کیا اور وہاں لڑکیوں کے ساتھ کی جانے والی جنسی ہراسگی اور تشدد پر پناہ گزیر لڑکی کا آزادانہ بیان لیا گیا جس پر وہاں رہنے والی لڑکیوں نے دارلامان عملے کا سارا پردہ فاش کردیا اور ججز کو بتایا کہ ہمارے ساتھ اندر زبردستی تشدد کیا جاتا ہے، کھانے کا معیار درست نہیں. رہائشی کمروں میں کیمرہ جات سے لڑکیوں کی پردہ داری نہیں رہتی، دارالامان میں مرد اسٹاف کا ہونا بھی خطرہ کی علامت قرار دیا گیا ہے.

    تلاشی کے نام پر کپڑے پھاڑتے ہوئے انتہائی غیراخلاقی حرکات کی گئی،خاتون کی شکایت
    مبینہ غیراخلاقی سرگرمیوں سمیت مختلف الزامات عائد کرتے ہوئے دارالامان میں مقیم متاثرہ خاتون نے دارالامان کی انچارج خاتون اور کیمرہ کنٹرول روم انچارج کے علاوہ عملے کی تین خواتین کو فریق بنا کر درخواست دائر کر رکھی ہے جس میں کہا گیا ہے کہ یہ لوگ دارالامان میں رہائش پذیر اکثر خواتین کو ہراساں کرنے اور تشدد سمیت غلط کاموں پر مجبور کرتے ہیں، عدالتی حکم پر سولہ مئی کو یہاں بھیجے جانے کے بعد یہی کچھ میرے ساتھ بھی ہوا، پہلے روز ہی مذکورہ لوگوں نے تلاشی کے نام پر کپڑے پھاڑتے ہوئے انتہائی غیراخلاقی حرکات کیں، گندی زبان استعمال کرتے ہوئے میرا فون اور پیسے لے لئے گئے لہذا ان لوگوں کیخلاف کارروائی کی جائے۔

    بشریٰ بی بی کو زہر دے کر عمران خان کو جھکانے کی کوشش کی جارہی ہے،زرتاج گل

    کھانے میں زہر،کوئی ثبوت ہے؟ صحافی کے سوال پر بشریٰ بی بی "لال” ہو گئیں

    توشہ خانہ کیس میں عمران خان اور بشریٰ بی بی کی سزا معطل 

    زلفی بخاری میری بیٹیوں کو کالز کرتا ہے، خاور مانیکا عدالت میں پھٹ پڑے

    خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

    ریحام خان جب تک عمران خان کی بیوی تھی تو قوم کی ماں تھیں

    عمران خان کا سوشل میڈیا اڈیالہ جیل سے ہی آپریٹ ہو رہا ،شرجیل میمن کا دعویٰ