لاہور: حکومت پنجاب نے 49 انتظامی افسران کے تبادلے کردئیے جن میں 7 لاہور کے کمشنر سمیت 7 ڈپٹی کمشنر اور دو انتظامی سیکریٹریز بھی شامل ہیں۔
باغی ٹی وی : پنجاب حکومت کی جانب سے چئیر مین پنجاب سروس کمیشن، کمشنر لاہور، دو انتظامی سیکریٹریز، 7 ڈپٹی کمشنر سمیت مجموعی طور پر 49 افسروں کے تقرر و تبادلوں کے احکامات جاری کردئیے گئے،جن میں اسسٹنٹ کمشنز ، ڈپٹی سیکریٹریز ایڈیشنل ڈپٹی کمشنرز ، ڈائریکٹر اور سب رجسٹرار بھی شامل ہیں جبکہ ان میں سے 11افسروں کو اسٹیبلشمنٹ ڈویژن کے احکامات پر عمل درآمد کرتے ہوئے ریگولر بنیادوں پر گریڈ 18 میں ترقی بھی دی گئی ہے۔
نوٹیفکیشن کے مطابق لیفٹینیٹ جنرل ( ریٹائرڈ) محمد عبدا لعزیز کو تین سال کیلئے کنٹریکٹ پر چئیرمین پنجاب پبلک سروس کمیشن تعینات کیا گیا ہے جبکہ محمد تنویر جبار کو چیف ایگزیکٹیو آفیسر، فیڈمک کو تبدیل کر کے او ایس ڈی بنا دیا گیا، کمشنر لاہور محمد علی رندھاوا کو تبدیل کر کے اسٹبلشمنٹ ڈویژن رپورٹ کرنے کی ہدا یت اور انہیں پنجاب سے ریلیز کر دیا گیا ہے جبکہ سیکرٹری سروسز اینڈ جنرل ایڈمنسٹریشن زید بن مقصود کو تبدیل کر کے کمشنر لاہور ڈویژن تعینات کیا گیا ہے۔
سیکریٹری محکمہ ٹورازم پنجاب راجہ جہانگیرانور کو تبدیل کر کے سیکرٹری محکمہ ماحولیا ت تعینات کیا گیا جبکہ اُن کے پاس سیکریٹری سیاحت کا اضافی چارج بھی ہوگا، ڈپٹی کمشنر سرگودھا کیپٹن (ر) شعیب علی کو تبدیل کر کے او ایس ڈی بنا دیا یا جبکہ ایڈیشنل سیکرٹری
وزیرر اعلی سیکرٹریٹ کیپٹن (ر) اورنگز یب حیدر خان کو تبدیل کر کے ڈپٹی کمشنر سرگودھا لگا دیا گیا ہے۔
اسی طرح ڈپٹی کمشنر بھکر ڈاکٹر نور محمد اعوان کو تبدیل کر کے او ایس ڈی جبکہ ڈپٹی سیکرٹری وزیراعلی سیکرٹریٹ علی اکبر کو تبدیل کر کے ڈپٹی کمشنر بھکر، چیف آف سیکشن پلاننگ اینڈ ڈویلپمنٹ بورڈ مس صائمہ علی کو تبدیل کر کے ڈپٹی کمشنر ساہیوال تعینات کیا گیا ہے۔
نوٹی فکیشن کے مطابق ایڈیشنل ڈپٹی کمشنراعتزاز اسلم مارتھ سے ڈپٹی کمشنر ساہیوال کے عہدہ کا اضافی چارج واپس لے لیا گیا ہے جبکہ ڈپٹی کمشنر جہلم کیپٹن (ر) سمیع اللہ فاروق کو تبدیل کر کے او ایس ڈی اور ایڈیشنل سیکرٹری گورنر سیکریٹریٹ کو تبدیل کر کے ڈپٹی کمشنر جہلم بنادیا گیا ہے۔
ڈپٹی کمشنر لیہ خالد پرویز کو تبدیل کر کے او ایس ڈی جبکہ وزیر اعلی آفس میں تقرری کی منتظر امیرہ بیدار کو ڈپٹی کمشنر لیہ، ڈپٹی کمشنر میانوالی سجاد احمد خان کو تبدیل کر کے او ایس ڈی اور ڈائریکٹر جنرل لاہور ڈویلپمنٹ اتھارٹی میں تقرری کے منتظر خالد پرویز گورائیہ کو ڈپٹی کمشنر میانوالی تعینات کیا گیا ہے۔
ڈپٹی کمشنر اوکاڑہ محمد ذیشان حنیف کو تبدیل کر کے او ایس ڈی اور ایڈیشنل سیکرٹری (کوآرڈینیشن ) چیف سیکرٹری پنجاب کیپٹن (ر) فرخ عتیق خان کو تبدیل کر کے ڈپٹی کمشنر اوکاڑہ جبکہ ایڈیشنل سیکریٹری وزیراعلی آفس محمد عمر شیر کوایڈیشنل سیکریٹری (کوآرڈینیشن ) چیف سیکرٹری پنجاب تعینات کر دیا گیا ہے۔
لائبہ اسلم ڈپٹی کمشنر شیخوپورہ کو گریڈ 18میں ترقی دے کر تبدیل کر کے ڈپٹی سیکرٹری خزانہ، وقاص صفدر سکندری اسسٹنٹ کمشنر گوجرانو الہ سٹی کو گریڈ18میں ترقی دے کر اسٹاف آفیسربرائے ایڈیشنل چیف سیکرٹری پنجاب، قندیل فاطمہ اسسٹنٹ کمشنر راولپنڈی کینٹ کو گریڈ 18 میں ترقی دے کر تبدیل ایڈیشنل ڈپٹی کمشنر (جنرل) رحیم یار خان، شبیراحمد اسسٹنٹ کمشنر خانپور کو گریڈ 18 میں ترقی دے کر ڈپٹی سیکرٹری خوراک، محمد عثمان اکرم سب رجسٹرار گلبرگ ٹاؤن لاہور کو گریڈ 18 میں ترقی دے کر ڈپٹی سیکرٹری جنگلات، رمیزظفر اسسٹنٹ کمشنر میاں چنوں کو گریڈ 18 میں تر قی دے کر ایڈیشنل ڈپٹی کمشنر (جنرل ) لیہ تعینات کیا گیا ہے۔
محمد رضوان الحق اسسٹنٹ کمشنر قصور کو گریڈ 18 میں ترقی دے کر ڈپٹی سیکریٹری ہایئر ایجوکیشن ،نیاز احمد اسسٹنٹ کمشنر شور کوٹ کو گریڈ 18 میں ترقی دے کر ڈائریکٹر (ایڈمن) پی ایچ اے ساہیوال، احمد سلیم اسسٹنٹ کمشنر حاصل پور کو گر یڈ18میں ترقی دے کر ایڈیشنل ڈپٹی کمشنر (فنانس اینڈ پلاننگ ) فیصل آباد، اورغلام سرور اسسٹنٹ کمشنر سیا لکوٹ کو گریڈ 18 میں ترقی دے کر ڈپٹی سیکرٹری لیبر اینڈ ہیومن ریسو رس پنجاب تعینات كر دیا ہے۔
اس کے علاوہ ڈی آئی جی سیکورٹی ڈوویژن کامران عادل کو تبدیل کر کے سٹی پولیس آفیسر فیصل آباد جبکہ ایس ایس پی آپریشن حسن جاوید بھٹہ سے سٹی پولیس آفیسر کے عہدہ کا اضافی چارج واپس لے لیا گیا ہے۔
