اسلام آباد: آئی جی اسلام آباد قاضی جمیل الرحمان کا اسلام آباد پولیس سے ریٹائرڈ افسران کے اعزاز میں پولیس لائن ہیڈکواٹرز تقریب کا انعقاد کیا گیا ۔ تقریب میں اسلام آباد پولیس سے ریٹائرڈ ہونے ڈی ایس پیز اور ایس پیز نے شرکت کی، تقریب میں ڈی آئی جی ہیڈکوارٹرز نے بھی شرکت کی. آئی جی اسلام آباد نے ریٹائرڈ ہونے والے پولیس افسران کی گراں قدر خدمات کو سراہا. ریٹائرڈ پولیس افسران نے اپنے ادوار میں اچھی کارکردگی کا مظاہرہ کیا.ریٹائرڈ پولیس افسران نے دعوت دینے پر آئی جی اسلام آباد کا شکریہ ادا کیا.
Tag: تقریب
اے۔ایس پی ہیڈ کوارٹرز عمران احمد ملک کی زیر نگرانی شہداء کی فیملیزکیلئے تقریب کا انعقاد
لاہور پولیس اپنے شہداء کے ورثاء کی ویلفیئر کیلئے کوشاں ہے۔ شہداء کے ورثاء میں رقوم، راشن بیگ اور تحائف تقسیم کئے۔ایس پی ہیڈ کوارٹرز عمران احمد ملک کی زیر نگرانی شہداء کی فیملیزکیلئے تقریب کا انعقاد کیا گیا۔پولیس لائنزقلعہ گجر سنگھ میں منعقدہ تقریب کے دوران "LETS DO IT” فاؤنڈیشن کے تعاون سے شہداء کے ورثاء میں تحائف تقسیم کئے گئے۔ڈی ایس پی ہیڈ کوارٹرز فرحت عباس، آر آئی لائن محمد نعمان اور انچارج شہداء برانچ انسپکٹر امیر علی اس موقع پر موجود تھے۔تقریب میں ” لیٹس ڈُو اِٹ ” فاؤنڈیشن کے عاطف ملک اور فرخ انور نے شرکت کی۔عمران احمد ملک نے شہداء کے ورثاء میں نقدرقم، راشن بیگ اور تحائف تقسیم کئے۔اس موقع پر ایس پی ہیڈ کوارٹرز عمران احمد ملک کا کہنا تھا کہ شہداء کے ورثاء کی ویلفیئر اور فلاح و بہبود اولین ترجیحات میں شامل ہیں۔ لاہور پولیس کی تاریخ فرائض کی خاطر جان قربان کرنے والے سپوتوں سے بھری پڑی ہے۔عمران احمد ملک نے شہداء کے ورثاء سے درپیش مسائل بارے دریافت کیا اور انکے حل کیلئے فوری احکامات جاری کئے۔
ڈی ایم سی سینٹرل کے رٹائرڈ ملازمین میں بقایاجات کے چیک تقسیم کرنے کی تقریب!!!
ڈی ایم سی سینٹرل کے رٹائرڈ ملازمین میں بقایاجات کے چیک تقسیم کرنے کی تقریب کا آغاز ہوا جس میں صوبائی وزیر بلدیات سندھ سید ناصر حسین شاہ تقریب میں بطور مہمان خصوصی، صوبائی وزیر ترقی نسواں شہلا رضا، وزیر اعلیٰ سندھ کے کوآرڈینیٹر شہزاد میمن بھی تقریب میں موجود تھے۔ ڈی ایم سی کے 594 ملازمین میں بقایاجات کے چیک تقسیم کئے جو بقایاجات 2016 سے رکے ہوئے تھے۔ صوبائی وزیر بلدیات سید ناصر حسین شاہ کی خصوصی احکامات پر رٹائرڈ ملازمین کا دیرینہ مسئلہ حل ہونے جارہا ہے۔
شادی کے تقریب میں ہوائی فائرنگ کرنے والے ملزمان گرفتار
روات پولیس کی اہم کاروائی،شادی کے تقریب میں ہوائی فائرنگ کرنے والے 04ملزمان گرفتار، اسلحہ معہ ایمونیشن برآمد ہوا۔روات پولیس فائرنگ کی آواز سن کر مانکیالہ گاؤں پہنچی جہاں شادی کی تقریب میں 04 افراد ہوائی فائرنگ کر رہے تھے،
گرفتار ملزمان میں محمد نجیب، عبد اللہ، منصور احمد اور ثاقب اقبال شامل ہیں، ملزمان کے خلاف کاروائی ایس ایچ او روات کی سربراہی میں امتیاز احمد ایس آئی اور پولیس ٹیم نے کی۔
ایس پی صدرنے کہا کہ ہوائی فائرنگ جان لیوا فعل اور قانوناً جرم ہے۔ ایسے فعل کے مرتکب ملزمان کے خلاف کاروائیاں جاری رکھی جائیں۔
سی پی او محمد احسن یونس کی طرف سے ایس پی صدر اور روات پولیس کو شاباش دی۔
صوابی سپیکر اسد قیصر کا ہنڈ میں تقریب سے خطاب
اس موقع پر ڈپٹی اسپیکر قومی اسمبلی قاسم خان سوری بھی موجود۔
صوابی ; ہنڈ کی تاریخی حیثیت ہے۔ آج ہنڈ کے عوام کو بڑا تحفہ دیا ہیں، ھم ھنڈ کی تاریخی اہمیت کو بحال کرنا چاہتے, یہاں پر سیاحت کو فروغ دینگے تاکہ روزگار کے موقع میسر ہوں، طورخم باڈر کو کھول دیا ہے۔ بارڈر کھولنے سے روزگار کے مواقع پیدا ہونگے، رشکئی اکنامک زون پاکستان کا سب سے بڑا اکنامک زون بنے گا، اس منصوبے کی تکمیل سے روزگار کے نئے مواقع میسر ہونگے، ڈی آئی خان پشاور موٹر وے جے سی سی کے ایجنڈے پر ہیں، اسپیکر قومی اسمبلی. چکدرہ سے چترال تک موٹر و طورخم تک ریلوے لائن بھی جے سی سے کے ایجنڈے میں ہیں، یہ تینوں کام خیبرپختونخوا کے ہو رہے ہیں سابقہ حکومتوں نے پختونخوا کو نذر انداز کیا. اسد قیصر
مسلئہ کشمیرکو کشمیریوں کی امنگوں کی روشنی میں حل کرنا ضروری، میاں اسلم اقبال
میاں اسلم اقبال کی ڈسٹرکٹ کیمپ جیل میں یوم یکجہتی کشمیر کے حوالے سے منعقدہ تقریب میں شرکت
یورپی معاشرے میں اگر جانور پر بھی ظلم ہوجائے تو کہرام مچ جاتا ہے، مقبوضہ وادی میں گزشتہ 7عشروں سے انسانیت کی تذلیل ہورہی ہے- میاں اسلم اقبال کا کہنا تھا کہ نہتے کشمیریوں پر بھارتی مظالم پر عالمی برادری کی بے حسی قابل افسوس ہے، خطے میں پائیدار امن کیلئے کشمیر کے تنازع کا حل نکالنا ہوگا-صوبائی وزیر نے کیمپ جیل میں قیدی بچوں کی تعلیم و تربیت کے عمل بھی جائزہ لیا
صوبائی وزیر صنعت و تجارت میاں اسلم اقبال نے آج ڈسٹرکٹ کیمپ جیل میں یوم یکجہتی کشمیر کے حوالے سے منعقدہ تقریب میں بطور مہمان خصوصی شرکت کی.آئی جی جیل خانہ جات مرزا شاہد سلیم بیگ نے کیمپ جیل آمد پر صوبائی وزیر کا استقبال کیا۔تقریب میں لوک فنکار سائیں ظہور، احمدنوازگلوکاراور دیگر فنکاروں نے ملی نغمے گا کر شرکاء کا لہو گرمایہ۔
صوبائی وزیر صنعت و تجارت میاں اسلم اقبال نے تقریب سے خطاب کرتے ہوئے کہا کہ بھارت نے 5 اگست کو مقبوضہ وادی کی خصوصی حیثیت ختم کرکے بین الاقوامی قوانین کی خلاف ورزی کی ہے۔قائداعظم نے کشمیر کو پاکستان کی شہ رگ قرار دیا ہے اور کشمیریوں کے ساتھ ہمارا دینی اور قلبی رشتہ ہے۔پوری پاکستانی قوم آج کشمیریوں کے ساتھ اظہار یکجہتی کادن منارہی ہے۔ صوبائی وزیر نے کہا کہ یورپی معاشرے میں اگر کسی جانور پر ظلم ہو جائے تو کہرام مچ جاتا ہے۔مقبوضہ وادی میں گزشتہ 7عشروں سے انسانیت کی تذلیل ہو رہی ہے۔والدین کے سامنے بچوں اور بچوں کے سامنے والدین کو شہید کیا جارہا ہے۔ماؤں، بیٹیوں اور بہنوں کی عصمت دری ہو رہی ہے۔نہتے کشمیریوں پر بھارتی مظالم پر عالمی برادری کی بیحسی قابل افسوس ہے۔
صوبائی وزیر نے کہا کہ عالمی برادری اور اقوام متحدہ کو کشمیریوں پر بھارتی جبرو ستم رکوانے کیلئے اپنا کردار ادا کر نا ہوگا اور خطے میں پائیدار امن کیلئے کشمیر کے تنازعہ کوکشمیریوں کی امنگوں اور سلامتی کونسل کی قراردادوں کی روشنی میں حل کرنا ضروری ہے، انہوں نے کہا کہ وزیر اعظم عمران خان نے دنیا کے ہر فورم پر کشمیر کا مقدمہ لڑا ہے اور پاکستان کے 22 کروڑ عوام اپنے کشمیری بہن بھائیوں کے ساتھ کھڑے ہیں۔ صوبائی وزیر نے کہا کہ قوم کے نونہالوں کو جیلوں میں دیکھ کر دلی دکھ ہوتا ہے۔جیلوں میں اصلاحات کے ذریعے انہیں جرائم کی آماجگاہ کی بجائے اصلاحی مراکز بنانا ہو گا۔قیدیوں کو مختلف فنون کی تربیت کے لئے ٹیوٹا کے ساتھ اشتراک بڑھایا جائے گا۔ آئی جی جیل خانہ جات مرزا شاہد سلیم بیگ نے تقریب سے خطاب کرتے ہوئے کہا کہ پنجاب بھر کی جیلوں میں اصلاحات کا عمل جاری ہے۔پنجاب کی مختلف جیلوں میں ٹیوٹا کے اشتراک 15 مختلف کورسز کرائے جارہے ہیں جبکہ 12 ہزار قیدیوں کو ٹیوٹا کے اشتراک سے فنی تر بیت فراہم کی گئی ہے۔صوبائی وزیر صنعت و تجارت نے قیدی بچوں کی تعلیم و تربیت کے مراکز کادورہ کیا اور قیدی بچوں کو دی جانے والی تعلیم و تربیت کے عمل کا جائزہ لیا۔آئی جی جیل خانہ جات مرزا شاہد سلیم بیگ،سپرنٹنڈنٹ جییل نورحسن اور دیگر پولیس افسران بھی ہمراہ تھے-
٭
ریجنل پولیس آفیسر ملتان وسیم احمد خان کے اعزاز میں الوداعی تقریب کا اہتمام
ملتان: ریجنل پولیس آفیسر ملتان وسیم احمد خان کے اعزاز میں آر پی او آفس میں الوداعی تقریب کا اہتمام کیا گیا ۔ جس میں ایس ایس پی آر آئی بی محمد معصوم، ایس ایس پی (ر) سیف للہ خٹک، اے ڈی آئی جی حسن رضا کھاکھی، اسسٹنٹ ڈائریکٹر عبد الرحیم، ڈی ایس پی سیکیورٹی سعدیہ سعید، پرائیوٹ سیکرٹری عبدالقادر، ریڈر محمد نعیم،انچارج سیکیورٹی رفاقت علی، انچارج آئی ٹی برانچ محمد حنیف،انچارج ویلفئیر برانچ محمد عثما ن، نائب ترجمان ریجنل پولیس آفس محمد اقبال اور دیگر افسران شریک تھے۔
ریجنل پولیس آفیسر وسیم احمد خان نے کہا کہ تبادلہ سرکاری ملازمت کا لازمی جزو ہے ان کی تعیناتی کے دوران ان کی ٹیم نے محنت اور جانفشانی سے محکمہ پولیس کے ہر شعبہ میں اپنی مہارت کا بہترین مظاہرہ کیا اور کئی ایک اہم اور اندھے کیس ٹریس کئے اس دوران ملتان ریجن میں قبضہ مافیا کو لگام ڈالی گئی۔ انہوں نے کہا کہ میری ملتان ریجن میں تعیناتی اپنی پیشہ ورانہ فرائض کی ادائیگی کے حوالہ سے یادگار ہے انہوں نے اپنی ٹیم ممبران کی کارکردگی کو سراہا۔ اس موقع پر ایس ایس پی آر آئی بی محمد معصوم نے وسیم احمد خان کو یادگاری شیلڈ پیش کی اور ان کے لیے نیک تمناؤں کا اظہار کیا۔
وسیم احمد خان الوداعی ملاقات میں فردا فردا تمام افسران اور سٹاف سے ملے اور اپنے عہدے کا چارج چھوڑ کر نئی ذمہ داریاں سنبھالنے کے لیے روانہ ہو گئے۔
