خواتین کو ہراساں کرنے کے خلاف ترمیمی بل،شیریں مزاری کی ہوئی کس سے لڑائی؟
سینیٹر ولید اقبال کی زیر صدارت قائمہ کمیٹی انسانی حقوق کا اجلاس ہوا
کام کی جگہوں پر خواتین کو ہراساں کرنے کے خلاف ترمیمی بل پر غور کیا گیا چیئرمین کمیٹی اور اپوزیشن ارکان نےترمیمی بل فوری پاس کرنے کی مخالفت کی ،عینی مری فلک ناز اور دیگر نے مؤقف اپنایا کہ بل سے متعلق تمام شراکت داروں کا موقف سنیں گے ،چیئرمین کمیٹی نے بل پر عوامی سماعت کا فیصلہ کر لیا،کمیٹی کے اجلاس میں شیریں مزاری اور اپوزیشن اراکین میں تلخ کلامی بھی ہوئی ،وزیر انسانی حقوق شیری مزاری کا کہنا تھا کہ اپوزیشن ارکان انسانی حقوق بل کو جان بوجھ کر التوا میں ڈال رہے ہیں قرت العین مری کا کہنا تھا کہ بل کو بغیر پڑھے دیکھے بل ڈوز نہیں کرا سکتے،بل میں گھروں میں کام کرنے والی خواتین کی ہراسمنٹ کاذکر نہیں ہے ، شیریں مزاری کا کہنا تھا کہ بل میں تمام جگہوں پر ہونے والی ہراسمنٹ کا ذکر ہے
شیریں مزاری کا کہنا تھا کہ بل میں ترمیم کا مقصد ہراسمنٹ کے کیسز کے غلط استعمال سے روکنا ہے، خواتین نے بل میں ترامیم کے لیے رابطہ کیا سپریم کورٹ نے بھی تشریح کے لیے کہا تھا، بل کو بہترین بنانے کے لیے ہم نے کوشش کی معاملے پر لگ رہا ہے سیاسی جماعتیں پوائنٹ ا سکورنگ کر رہی ہیں،کنول شوزب کے جوائنٹ سیشن سے متعلق کل کے بیان کو غلط چلایا گیا ، شیریں مزاری نے بھی اپنے نام موبائل سم کی ٹھٹھہ میں استعمال ہونے کی تصدیق کر لی ،شیریں مزاری کا کہنا تھا کہ کہا تھا کہ میرے نام سے ایک سم ٹھٹھہ میں استعمال ہورہی ہے، اس کو چیک کیا جائے
کمیٹی نے اسلام آباد چائلڈ پروٹیکشن ایکٹ ترمیمی بل منظور کرلیا
دوسری جانب وزیر توانائی حماد اظہر کی غیر حاضری پر کمیٹی ارکان نے اظہار برہمی کیا،سینیٹر سعدیہ عباسی نے کہا کہ وزیر توانائی آج تک کمیٹی اجلاس میں نہیں آئے، اتنی اہم وزارت ہے اور حماد اظہر اجلاس میں آتے ہی نہیں، سیکرٹری پٹرولیم نے کہا کہ رات دیر تک ڈیلرز ایسوسی ایشن کیساتھ مذاکرات ہوتے رہے، رات دیر تک جاگنے کی وجہ سے حماد اظہر کی طبیعت ناساز ہے،سینیٹر افنان اللہ نے کہا کہ حماد اظہر جس وزارت میں بھی گئے ان کی کارکردگی خراب رہی،چیئرمین کمیٹی نے ارکان سے درخواست کی کہ ڈیڑھ ماہ بعد اجلاس ہو رہا ہے ایسے نہ کریں،سینیٹر قرت العین مری نے کہا کہ یہ بات تو وزرر توانائی کو سوچنی چاہیے چیئرمین اس معاملے پر وزیر اعظم کو خط لکھیں،ہم بھی صبح 7 بجے کراچی سے یہاں آئے ہیں،ہم حماد اظہر کو کھانے پر نہیں بلا رہے یہ ان کا کام ہے،
خاتون سے زیادتی اور زبردستی شادی کی کوشش کرنے والا ملزم گرفتار
واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار
کرونا میں مرد کو ہمبستری سے روکنا گناہ یا ثواب
غیرت کے نام پر سنگدل باپ نے 15 سالہ بیٹی کو قتل کر دیا
ایم بی اے کی طالبہ کو ہراساں کرنا ساتھی طالب علم کو مہنگا پڑ گیا
یہ ہے لاہور، ایک ہفتے میں 51 فحاشی کے اڈوں پر چھاپہ،273 ملزمان گرفتار
طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی
راہ چلتی طالبات کو ہراساں اور آوازیں کسنے والا اوباش گرفتار
