اسلام آباد ہائیکورٹ نے ڈی سی اسلام آباد و دیگر کو توہین عدالت کیس میں سزا کا فیصلہ آ ئندہ سماعت تک معطل کردیا۔

باغی ٹی وی : اسلام آباد ہائیکورٹ میں ڈی سی اسلام آباد و دیگر کی سنگل بنچ کے توہین عدالت سے متعلق فیصلے کے خلاف اپیل پر سماعت ہوئی ،جسٹس میاں گل حسن اورنگزیب نے کیس کی سماعت کی، دوران سماعت وکیل نے بتایا کہ ڈی سی راولپنڈی نے بانی پی ٹی آئی کی گرفتاری کے بعد شہریار آفریدی کے لیے ایم پی او آرڈر جاری کیا تھا۔

جسٹس میاں گل حسن اورنگزیب نے کہا کہ اسلام آباد ہائیکورٹ آرڈر کرتی ہے کہ گرفتار نہیں کرنا تو پھر بھی گرفتار کرلیا جاتا ہے، ہمارے آرڈر کو نظر انداز کردیا جاتا ہے، جب توہینِ عدالت کی کارروائی ہوتی ہے تو معافیاں مانگتے ہیں،بعد ازاں ہائیکورٹ نے ڈی سی اسلام آباد و دیگر کی سزاؤں کو عارضی طور پر معطل کرتے ہوئے کیس کی سماعت ملتوی کردی اور ریمارکس دیئے کہ آئندہ سماعت تک سزائیں معطل رہیں گی۔

پاکستان تحریک انصاف کی سابق رہنما شیریں مزاری کی گرفتاری پر توہین عدالت کیس میں آئی جی اسلام آباد نے جواب اسلام آباد ہائی کورٹ میں جمع کرا دیا۔

باغی ٹی وی: اسلام آباد ہائی کورٹ میں عدالتی حکم کے باوجود شیریں مزاری کی گرفتاری پر توہین عدالت کیس کی سماعت ہوئی،عدالتی حکم کے باوجود پاکستان تحریک انصاف کی سابق رہنما شیریں مزاری کی گرفتاری پر توہین عدالت کیس میں آئی جی اسلام آباد ناصر اکبر نے اسلام آباد ہائی کورٹ سے معذرت کر لی۔

اسلام آباد ہائیکورٹ میں جمع کرائے گئے اپنے جواب میں آئی جی اسلام آباد نے کہا کہ عدالتی حکم کی خلاف ورزی کا جو تاثر بنا اس پر شرمندہ ہوں اور معذرت کرتا ہوں مستقبل میں ایسی صورتحال سے بچنے کے لیے آفس آرڈر جاری کیا ہے، پولیس افسران کو آرڈر کیا ہے کہ عدالتی احکامات پر مکمل عملدرآمد یقینی بنائیں۔

خدیجہ شاہ نے لاہور ہائی کورٹ میں درخواست ضمانت دائر کر دی

آئی جی اسلام آباد ناصر اکبر نے کہا کہ سب انسپکٹر حیدر علی، کانسٹیبلز سہیل، فیصل اور وقاص گرفتاری میں شامل تھے، شیریں مزاری کی گرفتاری میں لیڈی کانسٹیبل سندس اور ماروی بھی شامل تھیں پولیس کو گرفتاری سے قبل عدالتی حکم امتناع کا علم نہیں تھا، متعلقہ پولیس اہلکاروں کو شوکاز کر کے انضباطی کارروائی شروع کر دی گئی ہے تھانہ کوہسار کے آفیشلز راولپنڈی پولیس کے ساتھ شیریں مزاری کے گھر کے باہر گئے، ایڈووکیٹ ایمان مزاری نے گرفتاری سے روکنے کے عدالتی حکم سے پولیس کو آگاہ نہیں کیا تھا۔

ابھی تک کسی سویلین کا فوجی عدالتوں میں ٹرائل شروع نہیں ہوا،اٹارنی جنرل

اسلام آباد ہائی کورٹ نے چیئرمین پاکستان تحریک انصاف (پی ٹی آئی) عمران خان کے خلاف اقدام قتل اور بغاوت کے دو مقدمات میں عبوری ضمانت میں 8 جون تک توسیع کردی۔

باغی ٹی وی :چیف جسٹس اسلام آباد ہائی کورٹ جسٹس عامرفاروق نےعمران خان کے 2 مقدمات میں عبوری ضمانت میں توسیع کی درخواستوں پر سماعت کی عمران خان کے وکیل گوہر علی کی جانب سےآج حاضری سے استثنیٰ کی درخواست دی گئی جسے عدالت نے منظور کرلیا وکیل نے اسلام آباد ہائیکورٹ کے حکم امتناع کی کاپی سیشن کورٹ میں جمع کرادی۔

عمران خان کی گرفتاری پر توہین عدالت کیس کی سماعت ملتوی

چیف جسٹس عامر فاروق نے ریمارکس دیئے کہ بتادیں کہ عمران خان نے مزید کیسز میں کس دن آنا ہے؟ اسی دن کی تاریخ رکھ دیتے ہیں عدالت نے عسکری اداروں کے خلاف بیان بازی کے مقدمے اور مسلم لیگ ن کے رہنما محسن شاہنواز رانجھا کی مدعیت میں درج اقدام قتل کے مقدمے میں عمران خان کی عبوری ضمانت میں توسیع کردی۔

پاکستانی خاتون کوہ پیما نائلہ کیانی نےایک اور چوٹی سرکر لی

دونوں مقدمات میں 8 جون تک چیئرمین پی ٹی آئی کی عبوری ضمانت میں توسیع کردی گئی۔