اوکاڑہ(علی حسین) صدر گوگیرہ میں تھانہ کے سامنے نامعلوم چوروں نے ایک دکان کا شٹر توڑ کر 15000 روپے چرا کرفرار ہوگئے. موقع پر موجود پہرے دار کو آتا دیکھ کر چور فرار ہوگئے. شہریوں نے عدم اطمینان کا اظہار کرتے ہوئے کہا ہے کہ اگر تھانہ کے سامنے عوام الناس کو تحفظ میسر نہیں تو دوسری جگہوں پر کیا حال ہوتا ہوگا. شہریوں نے عدم تحفظ کا اظہار کیا ہے.
Tag: تھانہ
بچے کیساتھ زیادتی کرنیوالادرندہ صفت شخص مقدمہ درج ہونے کے تین ماہ بعد بھی گرفتار نہ ہوسکا۔ متاثرین کی دہائی
اوکاڑہ(علی حسین) معصوم بچے کیساتھ زیادتی کرنیوالادرندہ صفت شخص مقدمہ درج ہونیکے تین ماہ بعد بھی گرفتار نہ ہوسکا۔ بچے کے والدین سراپا احتجاج ۔ تفصیلات کے مطابق صدر گوگیرہ بستی مصطفیٰ آباد کے رہائشی مبارک علی کا9 سالہ بیٹا محمد حسنین رمضان المبارک میں مورخہ 1 جولائی2020روزے کی حالت میں قریبی مسجد میں نماز ادا کرنے کرنے جارہا تھا ۔ راستے میں مٹھو ولد یعقوب سکنہ بستی مصطفیٰ آباد نے محمد حسنین کو زبردستی پکڑ لیا اور ایک ویران کمرے میں لے گیا جہاں اس نے نو سالہ محمد حسنین کیساتھ نازیبا حرکات و سکنات شروع کردیں اور حرامکاری کی کوشش کرنے لگا۔ بچے کے مزاحمت کرنے پر اسکو مارنے پیٹنے لگا۔ جس کی وجہ سے بچہ زخمی ہوگیا۔ اطلاع ملنے پر بچے کے ورثاء جب جائے واقعہ پر پہنچے تو مٹھو ولد محمد یعقوب کو بچے کیساتھ زیادتی کرتے پایا۔ ملزم سنگین نتائج کی دھکیاں دیتے ہوئے فرار ہوگیا۔ پولیس نے بچے کے والد مبارک علی کی مدعیت میں تھانہ گوگیرہ میں ملزم مٹھو کے خلاف مقدمہ درج کرلیا۔ مقدمہ کو درج ہوئے تین ماہ بیت چکے ہیں لیکن مقامی پولیس نے اب تک ملزم مٹھو کو گرفتار نہیں کیا۔ بچے کے والدین کے بقول ملزم مٹھو علاقہ میں موجود ہے جبکہ پولیس اسکو گرفتار کرنے سے قاصر ہے۔ بچے کے والدین نے ڈی پی او اوکاڑہ ، آر پی او ساہیوال ، انسپکٹر جنرل لاہور اور وزیر اعلیٰ پنجاب کو بھی درخواستیں دی ہیں لیکن کوئی عمل درآمد نہیں کیا گیا۔ بچے کے والدین نے حکام سے مطالبہ کیا ہے کہ ملزم کو فی الفور گرفتار کرکے قانونی کاروائی کی جائے۔
اوکاڑہ: تھانہ چوچک کی حدود میں بچوں کی لڑائی میں چچی کو فائر مارکر زخمی کردیا۔
اوکاڑہ(علی حسین) اوکاڑہ کے نواحی علاقے چوچک میں بچوں کی لڑائی پر چچی کو فائر لگ گیا جس سے وہ شدید زخمی ہوگئی۔ تفصیلات کے مطابق تھانہ چوچک کی حدود میں بچوں کی لڑائی کے دوران عباس نامی شخص نے اپنی چچی نسرین بی بی کو مداخلت کرنیکی بنا پر طیش میں آکر فائر ماردیا۔ جس سے نسرین بی بی شدید زخمی ہوگئی۔ مضروبہ کو ڈی ایچ کیو اوکاڑہ ریفر کردیا گیا ہے. ملزم موقع سے فرار ہوگیا۔ پولیس نے میڈیکل کی بنیاد پر ملزم کے خلاف مقدمہ درج کرلیا ہے۔
دیپالپور میں 8 روز قبل اغوا ہونیوالی خاتون وکیل بازیاب، اغواکاروں کے خلاف مقدمہ درج
اوکاڑہ(علی حسین) دیپالپور میں آٹھ روز قبل اغواء ہونے والی خاتون ایڈووکیٹ بازیاب ہوگئی۔ تفصیلات کے مطابق معروف وکیل ارشاد نسرین ایڈوکیٹ کو 15 اگست دیپالپور سے اغواء کیا گیا تھا۔ ارشاد نسرین ایڈوکیٹ کے بقول انکے مختلف لوگوں سے پیشہ وارانہ تنازعات چل رہے تھے۔ اغواکار 8 روز بعد مغویہ کو میلسی وہاڑی کی حدود میں چھوڑ کرفرار ہوگئے۔ مغویہ اپنے گھر واپس پہنچ چکی ہیں۔ پولیس نے مغویہ کے بیٹے کی مدعیت میں نامعلوم اغواکاروں کے خلاف مقدمہ درج کرلیا ہے۔ پولیس اصل حقائق تک پہنچنے کے لیے مصروف تفتیش ہے۔
ڈاکوؤں اور پولیس کے مابین فائرنگ۔ ایک ڈاکو ہلاک ، پانچ ڈاکو فرار
اوکاڑہ(علی حسین ) اوکاڑہ کے نواحی علاقے صدر گوگیرہ میں ڈاکوؤں اور پولیس کی کراس فائرنگ کے نیتجے میں ایک ڈاکو ہلاک ہوگیا جبکہ اس کے پانچ ساتھی فرار ہو گئے۔ ہلاک ہونیوالے ڈاکو کی شناخت کرنیکی کوشش کی جارہی ہے۔ پولیس نے علاقہ کے خارجی و داخلی راستوں کی ناکہ بندی کے ذریعے فرار ہونیوالے ڈاکوؤ ں کی تلاش شروع کردی ہے۔ تفصیلات کے مطابق تھانہ گوگیرہ کی پولیس پارٹی ریڈ کے لیے جارہی تھی کہ 40جیڈی کے قریب چھ ڈاکوؤں نے سڑک پر درخت گرا کر راستہ بند کررکھا تھا اور راہگیروں کو لوٹ رہے تھے۔ پولیس کے آنے پر ڈاکوؤں نے اندھا دھند فائرنگ شروع کردی۔ پولیس نے جوابی کاروائی کرتے ہوئے ایک ڈاکو کو ہلاک کردیا جبکہ پانچ ڈاکو موقع سے فرار ہوگئے۔ پولیس نے پورے علاقے کی گھیرا بندی کرکے ڈاکوؤں کی تلاش شروع کردی ہے۔ مزید تفصیلات کا انتظار ہے۔
(مزید تفصیلات فالو اپ کی شکل میں باغی ٹی وی کی ویب سائیٹ پر اپلوڈ کی جائیں گی.)
منڈی احمد آباد میں توہین صحابہ کرنیوالے شخص کے خلاف مذہبی منافرت پھیلانے کا مقدمہ درج ۔ علماء اور شہریوں میں بے چینی پھیل گئی۔
اوکاڑہ(علی حسین) گزشتہ دنوں منڈی احمد آباد میں توہین صحابہ کرنیوالے ایک شخص کے خلاف پولیس نے مذہبی منافرت پھیلانے کا مقدمہ درج کرلیا۔ مقدمہ کو لیکر علماء اور شہریوں میں بے چینی پھیل گئی ہے۔ تفصیلات کے مطابق منڈی احمد آباد کے نواحی علاقے قلعی پھاٹک کے رہائشی محمد احمد عرف شبو بھٹی کو پیر بابا احمد علی شاہ عرف آمے شاہ نے بخار اتارنے والاایک تعویذ بنا کردیا اور کہا کہ گھر جاکر تعویذ کو سات مرتبہ جوتے مارنا ، جس کے نتیجے میں بخار رفو ہوجائیگا۔ سادہ لوح شخص محمد احمد تعویذ کو جوتے ماررہا تھا کہ اس دوران محمد احمد کے بھائی نے تعویذ پکڑ لیا۔ تعویذ کھولنے پر مقدس ہستیوں حضرت صدیق اکبر، حضرت عمر اور حضرت عثمان رضی اللہ عنھم کے نام لکھے پائے گئے۔ پولیس کو اطلاع دی گئی اور ملزم کے خلاف توہین صحابہ کی دفعات کے تحت مقدمہ درج کرنیکی درخواست کی گئی ۔ تاہم پولیس نے ملزم کے خلاف مذہبی منافرت پھیلانے کا مقدمہ درج کرلیا۔ جس پر علماء اور شہری مشتعل ہوگئےاور احتجاج کی کال دیدی۔ علماء اور شہری مطالبہ کررہے ہیں کہ صحابہ کرام کی توہین کرنیوالے کے خلاف توہین صحابہ کی دفعات کے تحت مقدمہ درج کیا جائے۔
تھانہ گوگیرہ پولیس کی نااہلی دو ملزمان حوالات سے فرار، ایس ایچ او سمیت پانچ افراد معطل
اوکاڑہ(علی حسین) تھانہ گوگیرہ پولیس کی نااہلی کیوجہ سے دو ملزمان حوالات توڑ کر فرار ہوگئے۔ فرار ہونیوالے ملزمان میں نثار اور اظہر شامل ہیں جو تاحال گرفتار نہیں ہوسکے۔ پولیس کے مطابق مفرور ملزمان چوری کی کئی وارداتوں میں ملوث ہونیکی وجہ سے گرفتار ہوئے لیکن گزشتہ رات موقع پاکر حوالات سے فرار ہوگئے۔ ڈی پی او اوکاڑہ عمرسعید ملک نے اس واقعے کا نوٹس لیتے ہوئے تھانہ گوگیرہ کے قائم مقام ایس ایچ او ملک ارشد، انویسٹی گیشن انچارج، محرر و نائب محرر اور دو پولیس کانسٹیبل کو معطل کردیا۔
بلدیہ و تھانے کے سامنے کوڑا کرکٹ مچھروں کی افزائش
قصور
بلدیہ کی نااہلی شہر کا وسطی علاقہ سرکلر روڈ نزد تھانہ سٹی اے ڈویژن قصور کو کچرے کا ڈھیر بنا دیا،شہر کے دیگر محلوں سے کوڑا کرکٹ اکھٹا کرکے مین سٹی میں جمع کرنا شروع کر دیا جس سے تعفن و بدبو اٹھنے لگا ،شہری بیماریوں کی بدولت بیمار،مچھروں کی افزائش میں اضافہ
تفصیلات کے مطابق بلدیہ قصور نے انتہائی غیر ذمہ دارانہ رویہ اپناتے ہوئے ماڈل پولیس سٹیشن سٹی اے ڈویژن کے بلکل سامنے لائبریری کیلئے وقف خالی پلاٹ میں شہر بھر کا کوڑا کرکٹ جمع کرنا شروع کر دیا بجائے اس کے کہ شہر کا کوڑا کرکٹ شہر سے دور پھینکا جائے شہر بھر کے دیگر محلوں سے بھی کوڑا کرکٹ اسی علاقے میں جمع کرنا شروع کر رکھا ہے جس سے سخت تعفن و بدبو اٹھتی رہتی ہے جس کے باعث شہری مختلف بیماریوں کا شکار ہو رہے ہیں نیز اس گندگی کی بدولت مچھر کی افزائش بڑی تیزی سے ہوں رہی ہے جس سے ڈینگی مچھر کی افزائش کا بھی خطرہ ہے جو کہ سخت تشویش ناک بات ہے
اہل محلہ نے ڈی سی قصور منظر علی جاوید ،اسسٹنٹ کمشنر قصور انعم زاہد اور ٹی ایم او قصور سے اس واقعے کا نوٹس لے کر متعلقہ ملازمین کے خلاف کاروائی کا مطالبہ کیا ہے اور اس گندگی کے ڈھیر کو شہر سے باہر منتقل کرنے کا پرزور مطالبہ کیا ہےصدر گوگیرہ میں دل دہلا دینے والا واقعہ: شوہر نے بیوی کو قتل کرکے خودکشی کرلی ۔ سالی شدید زخمی
اوکاڑہ( علی حسین ) صدر گوگیرہ میں خاوند نے بیوی کو قتل کرکے خودکشی کرلی، جبکہ سالی شدید زخمی ہوئی۔ ملزم اللہ دتہ نے اپنی بیوی حمیدہ بی بی کا سوتے ہوئے تیزدھار چھری سے گلا کاٹ دیا۔ بعد میں اپنی سالی کو چھری کے وار کرکے شدید زخمی کردیا۔ اس کے بعد ملزم اللہ دتہ نے گلے میں پھندا ڈال کر خود کشی کرلی۔ قتل کی وجہ گھریلو رنجش اور ناچاکی بتائی جارہی ہے۔ پولیس نے لاشوں کو قبضے میں لیکر اوکاڑہ ڈسٹرکٹ ہسپتال میں منتقل کردیا ہے۔
تھانہ راوی اوکاڑہ کی حدود میں 16 سالہ نوجوان قتل، قاتل فرار
اوکاڑہ(علی حسین) اوکاڑہ کے نواحی علاقہ تھانہ راوی کی حدود میں 16 سالہ نوجوان کو 12 جی ڈی کے قریب نامعلوم افراد نے فائرنگ کر کے ن قتل کر ڈالا نوجوان کی شناخت محبوب ولد شہادت کے نام سے ہوئی ہے پولیس تھانہ راوی موقع پر پہنچ گئی پولیس نے نعش کو قبضے میں لے کر مزید کارروائی شروع کردی قتل کی وجہ معلوم نہیں ہو سکی۔ مزید تفصیلات کا انتظار ہے۔
