پاکستان سمیت دنیا بھر میں مسیحی آج ایسٹر کا تہوار منا رہے ہیں۔
مسیحی آج ایسٹر کا تہوار منا رہے ہیں جس کیلئے گر جا گھروں میں دعا ئیہ تقریبات کا اہتمام کیا گیا ہے اس موقع پر صدر آصف علی زرداری اور وزیراعظم محمد شہباز شریف ،وزیر اعلیٰ پنجاب مریم نواز اور وزیر داخلہ محسن نقویقد نے بھی مسیحی برادری کو مبارک باد پیش کی ہیں۔
صدر مملکت نے کہا کہ یہ دن ہمدردی، امید، تجدید، نجات اور اچھائی کی برائی پر فتح کا واضح پیغام دیتا ہے، مسیحی مرد و خواتین ہمارے اسکولوں، اسپتالوں، سرکاری اداروں اور مسلح افواج میں خدمات انجام دے رہے ہیں، پاکستان میں مسیحی برادری کو قدر اور احترام کی نگاہ سے دیکھا جاتا ہے-
وزیراعظم نے کہاکہ دعاگو ہیں کہ خوشیوں کا یہ دن مسیحی برادری، ہمارے ملک اور دنیا بھر کے لیے امن و استحکام اور خوشحالی کی نوید لے کر آئے، موجودہ کشیدہ حالات میں تمام مذاہب کی امن کی تعلیم و ترغیب اور بھی اہمیت اختیار کر گئی ہے، تمام شہریوں بالخصوص اقلیتوں کے مذہبی، معاشی، تعلیمی حقوق کا یقینی تخفظ حکومت کی ترجیحات میں شامل ہے۔
کیا ٹرمپ کاپاگل پن روکنےکے لیےکچھ نہیں کیاجاسکتا؟سابق سربراہ آئی اے ای اے کا عالمی برادری سے سوال
وزیراعلیٰ پنجاب مریم نواز شریف نے اپنے پیغام میں کہا کہ مسیحی برادری کی خوشیوں میں ہم برابر کے شریک ہیں اور پاکستان میں بسنے والی یہ برادری امن پسند اور قابل احترام ہےمسیحی برادری نے نہ صرف تحریک پاکستان میں اہم کردار ادا کیا بلکہ آج بھی ملک کی ترقی اور خوشحالی میں بھرپور حصہ ڈال رہی ہے۔
انہوں نے محمد علی جناح کے وژن کا حوالہ دیتے ہوئے کہا کہ قائداعظم نے تمام اقلیتوں کے لیے بلا تفریق مساوات کی تعلیم دی، جس پر عمل کرنا ہم سب کی ذمہ داری ہے پنجاب میں اقلیتی برادریوں کے لیے گرانٹس اور ڈویلپمنٹ فنڈز میں اضافہ کیا گیا ہے جبکہ پہلی بار مینارٹی کارڈ متعارف کرا کے ایک لاکھ سے زائد مستحق خاندانوں کو سہ ماہی مالی معاونت فراہم کی جا رہی ہے۔
امریکا اسرائیل کے ایران پر حملے، خوزستان میں پیٹروکیمیکل تنصیبات تباہ
دوسری جانب وفاقی وزیر داخلہ محسن نقوی نے اپنے پیغام میں کہا کہ ایسٹر امید، محبت، قربانی اور نئے آغاز کی علامت ہے یہ دن ہمیں رواداری، برداشت اور امن کا درس دیتا ہے اور سب کو چاہیے کہ اس موقع پر بھائی چارے اور باہمی احترام کو فروغ دیں محسن نقوی نے اس عزم کا اعادہ کیا کہ حکومت پاکستان اقلیتوں کے حقوق کے تحفظ اور عبادت گاہوں کی سکیورٹی یقینی بنانے کے لیے پُرعزم ہے بین المذاہب ہم آہنگی کو فروغ دینا ہم سب کی مشترکہ ذمہ داری ہے، اور یہی اتحاد ملک کی اصل طاقت ہے۔
