Tag: تیاری

پی ٹی آئی وسطی پنجاب کی صدر ڈاکٹر یاسمین راشد کی صدارت پارٹی رہنماوں کا اجلاس منعقد ہوا.اجلاس میں وسطی پنجاب کے اضلاع میں ہونے والے ضمنی الیکشن اور موجودہ سیاسی صورتحال پر تبادلہ خیال کیا گیا.اجلاس میں وسطی پنجاب میں تنظیم کی کارکردگی کا جائزہ لیا گیا.وسطی پنجاب کے صدور اور جنرل سیکرٹریز نے اپنے نے اپنے اضلاع کی رپورٹ پیش کی۔

اجلاس سے خطاب کرتے ہوئے وسطی پنجاب کی صدر ڈاکٹر یاسمین راشد کا کہنا تھا کہ وسطی پنجاب میں ہونے والے ضمنی الیکشن میں بھرپور تیاری سے حصہ لیں گے،عوام لوٹوں کو اپنے ووٹ کی طاقت سے منطقی انجام تک پہنچائیں گے۔

صدر پی ٹی آئی وسطی پنجاب کا مزید کہنا تھا کہ امپورٹڈ حکومت دھاندلی کےلئے اداروں میں اپنے حواریوں کو لگا رہی ہے، اجلاس سے جنرل سیکرٹری پی ٹی آئی وسطی پنجاب حماد اظہر نے بھی خطاب کیا ان کا کہنا تھا کہ سازشی حکومت نے ملک پر پٹرول اور بجلی بم گرائے ہیں۔امپورٹڈ حکومت نے مہنگائی کر کےعوام سے دو وقت کا نوالہ بھی چھین لیا ھے۔

سیکرٹری اطلاعات پی ٹی آئی وسطی پنجاب عندلیب عباس نے کہا کہ امپورٹڈ حکومت کی تجربہ کار ٹیم نے عوام کی چیخیں نکال دی ہیں۔ پی ٹی آئی امپورٹڈ حکومت کے ہر ظلم کا حساب لے گی۔

اجلاس میں سینئر نائب صدور اعجاز منہاس ۔محمد احمد چٹھہ۔ ڈاکٹر عظیم الدین لکھوی ۔بریگیڈر (ر) اعجاز شاہ ۔سیکرٹری اطلاعات عندلیب عباس۔ حافظ عبیداللہ ۔طارق حمید۔کنور عمران سعید۔اسجدملہی۔شیخ امتیاز ۔زبیر نیازی نے شرکت کی.

سلیم سرور جوڑا۔مبین حیات ۔ عمران عباس بھٹی۔ عظیم نور گھمن ۔ندیم چوہدری ۔میاں ارقم۔ خالد عزیز لون ۔طارق گجر.طارق انیس ۔احسن واہگہ ۔ میاں اعجازجاوید۔ بیرسٹر جمشید غیاث ۔سید وجاہت حسین۔ حاجی اعجاز بھی اس موقع پر موجود تھے.
اجلاس میں وسطی پنجاب میں ممبر سازی کے حوالے سے بھی لائحہ عمل مرتب کیا گیا

سپیکر پنجاب اسمبلی اور پاکستان مسلم لیگ ق کے رہنما چودھری پرویز الٰہی نے کہا ہے کہ حکمران عوامی مسائل پر ڈلیور کرنے کی صلاحیت ہی نہیں رکھتے۔ حکمرانوں گھر جانے کی تیاری کریں اور انتخابات کا اعلان کیا جائے۔

سپیکر پنجاب اسمبلی سے تحریک انصاف کے ارکان پنجاب اسمبلی اور سابق وزرا نے ملاقات کی، ملاقات کرنے والوں میں سابق صوبائی وزرا سردار اصف نکئی، محمد اخلاق، سردار وسیم خان بادوزئی، ایم پی اے وسیم گوندل، ایم پی اے رانا شہباز شامل تھے۔ ملاقات میں سیاسی، معاشی صورتحال اور عوامی مشکلات پر تبادلہ خیال کیا گیا۔

پاکستان مسلم لیگ ق کے رہنما نے کہا کہ پٹرول، بجلی گیس مہنگی کرنے کے بعد حکمران آئندہ بجٹ میں مزید ٹیکس لگانے اور سبسڈیز واپس لینے کی تیاری کر رہے ہیں، وفاق کو شہباز شریف اور پنجاب کو بیٹے حمزہ شہباز نے معاشی طور پر تباہی سے دو چار کر رہا ہے۔

پرویز الہی نے کہا کہ موجودہ حکومت کے پاس عوامی مسائل کے حل کا کوئی ویژن ہی نہیں ہے۔ معاشی صورتحال روز بروز بدتر ہو رہی ہے اور امپورٹد حکومت کے ہاتھ سے نکل رہی ہے، عوام کو ہر روز اشیائے ضرور یہ کی قیمتوں میں اضافے کا سامنا ہے۔ حکمران عوامی مسائل پر ڈلیور کرنے کی صلاحیت ہی نہیں رکھتے۔ حکمرانوں گھر جانے کی تیاری کریں اور انتخابات کا اعلان کیا جائے۔ چند ہفتوں میں عوام نے ان حکمرانوں کی تجربہ کاری دیکھ لی ہے، پٹرول 60 روپے۔ گیس اور بجلی کی قیمتیں بڑھانے کے علاوہ حکومت نے کیا کیا ہے ؟