چڑیلز پاکستانی کی تیار کردہ بولڈ‌ویب سیریز ہے اسے 2020میں زی فائیو پر ریلیز کیا گیا تھا ویب سیریز کی مقبولیت کودیکھتے ہوئے اس کا سیزن ٹو بھی تیار کیا گیا ہے جو کہ بہت جلد آن ائیر جانے والا ہے. ویب سیریز میں ثروت گیلانی نے سارہ، یاسرہ رضوی نے جگنو، نمرہ بچہ نے بتول اور مہربانو نے زبیدہ کا کردار ادا کیا ہے اور ویب سیریز میں چار مختلف شعبوں سے تعلق رکھنے والی خواتین کو ایک گینگ کے طور پر دکھایا گیا تھا۔ اس ویب سیریز پر بہت زیادہ تنقید ہوئی تھی ، ناقدین نے ثروت گیلانی ،یاسرہ رضوی اور نمرہ بچہ کو لیا آڑھے ہاتھوں اور

انہیں یہاں تک کہہ دیا کہ شرم کریں ایسے کردار اور ایسی کہانیوں میں کام کرتے ہوئے . تاہم ثروت گیلانی کہتی ہیں کہ چڑیلز ایک یادگار ویب سیریز ہے ، اس میں کام کرکے بہت اچھا لگا کچھ لوگوں نے تنقید کی لیکن زیادہ تر نے ہماری حوصلہ افزائی کی . انہوں نے کہا کہ چڑیلز کے دوسرے سیزن میں شائقین کو بہت کچھ نیا دیکھنے کو ملے گا ، وہ اس سارے سیزن سے مکمل طور پر لفط اندوز ہوں گے. ثروت گیلانی نے کہا کہ تنقید کرنے والوں کا کام ہے تنقید کرنا ، کام کرنے والوں کا کام ہے کام کرنا سو ہم کررہے ہیں.

اداکارہ ثرت گیلانی جن کی فلم جوائے لینڈ حال ہی میں‌آسکر کے لئے شارٹ‌لسٹ ہوئی ہے . انہوں نے اپنے اانٹرویو میں‌ کہا ہے کہ مجھے ایک ہی سیاستدان پسند ہے اور اسکا نام ہے عمران خان. انہوں نے کہا کہ اس ملک کے مسائل عمران خان ہی حل کر سکتے ہیں. انہوں نے کہا کہ میں‌ بچپن میں ایک ٹام بوائے کی طرح‌ تھی ، میں نے اپنا بچپن بہت اچھا گزارا. مجھے چھٹیاں گزارنے کےلئے روم بہت پسند ہے. ثروت گیلانی نے کہا کہ میری سب سے بڑی خامی یہ ہے کہ میں‌دوسروں‌پر بہت جلد اعتبار کرلیتی ہوں . انہوں نے یہ بھی کہا کہ میں میوزک میرے موڈ کے

حساب سے سنتی ہوں. مجھے ذائقہ دار کھانا بہت پسند ہے اور جب وقت ملے اپنے بچوں کے لئے خود بھی کھانا بنا لیتی ہوں. انہوں نے کہا کہ عورت کی حقیقی آزادی یہ ہے کہ اسکو اس کےتمام حقوق ملیں اور مرد کے برابر حقوق ملیں. یاد رہے کہ ثروت گیلانی کی فلم جوائے لینڈ کو اسی برس کانز فلم فیسیٹول میں ایوارڈ سے نوازا گیا اور اب فلم آسکر کے لئے شارٹ‌لسٹ‌ہو چکی ہے امید کی جا رہی ہے کہ فلم آسکر ضرور جیتے گی . اس حوالے سے ثروت سمیت پوری ٹیم کافی پرامید اور خوش ہےکہ انکی فلم پہلی پاکستانی فلم بن گئی ہے جو آسکر کے لئے شارٹ‌لسٹ‌ہوئی ہے.

فلم جوائے لینڈ جس کی نمائش کا شائقین کو بے چینی سے انتظار تھا اس کی ریلیز پر پابندی کے بعد ان میں مایوسی کی ایک لہر دوڑ گئی تھی تاہم پابندی کے بعد وزیر اعظم شہباز شریف نے ایک کمیٹی تشکیل دی اور وزیراعظم سمیت کمیٹی نے مرکزی فلم سنسر بورڈ کے فل بورڈ کے ممبران کے ساتھ فلم دیکھی اور فلم میں انہیں اتنا ایشو نظر نہیں آیا کہ جس کی وجہ سے فلم پر مکمل پابندی لگا دینی چاہیے لہذا چند ایک سین کاٹ کر فلم کو پاکستان بھر میں نمائش کی اجازت دے دی گئی ہے . فلم کی پہلے ریلیز ڈیٹ 18 نومبر تھی ابھی بھی یہ اپنی طے شدہ تاریخ کو ہی ریلیز ہونے جا رہی ہے. پاکستان میں بننے والی اپنی نوعیت کی یہ پہلی فلم ہے جو کہ ایک ٹرانسجینڈر کی زندگی کا احاطہ کرتی ہے. فلم کے ہدایتکار صائم

صادق اور پرڈیوسر سرمد سلطان کھوسٹ ہیں۔فلم کو دنیا کے سب سے بڑے فلمی میلے (کانز) میں ایوارڈ بھی مل چکا ہے. دنیا بھر کے دیگر میلوں میں بھی یہ فلم اپنی کامیابی کے جھنڈے گاڑھ چکی ہے. فلم کی مرکزی کاسٹ میں ثروت گیلانی ، علینہ خان اور راستی فاروق و دیگر ہیں . فلم کی نامزدگی پاکستان کی طرف سے آسکر کے لئے بھی ہو چکی ہے اب دیکھنا یہ ہے کہ آسکر میں یہ فلم اپنی جگہ بنا پاتی ہے یا نہیں‌.

فلم جوائے لینڈ‌ کی پاکستان میں پابندی جہاں شائقین پر بجلی بن کر گری ہے وہیں فنکار برادری بھی سراپا احتجاج ہے . ثروت گیلانی جو کہ فلم کا حصہ بھی ہیں انہوں نے اور عثمان خالد بٹ نے جوائے لینڈ کی پاکستان میں پابندی پر سخت اعتراض کیا ہے اور کہا ہے کہ یہ بالکل غلط بات ہے کہ کسی فلم کو مکمل طور پر بین کر دیا جائے. اگر فلم کے کسی حصے پر اعتراض ہے تو اسے نکال دیا جائے لیکن یہ کیا کہ پوری فلم کو ہی بین کر دیا . ان دونوں کا کہنا ہے کہ نہایت ہی افسوس کی بات ہے کہ جوائے لینڈ کو کانز سمیر دیگر فلمی میلوں میں پذیرائی ملی اور پاکستان میں اس کی نمائش کو ہی متنازعہ بنا دیا گیا ہے جو کہ بہت ہی افسوسناک ہے. جوائے لینڈ نے ٹورنٹو سے کانز تک مقبولیت کے جھنڈے گاڑھے ہیں، پاکستانی

شائقین کے ساتھ یہ سخت زیادتی ہے کہ جس فلم کا وہ بے چینی سے انتظار کررہے تھے اسکو بین کر دیا گیا ہے. یاد رہے کہ فلم جوائے لینڈ کو ریلیز کی اجازت دی جا چکی تھی اور 18 نومبر کو یہ فلم سینما گھروں کی زینت بننے جا رہی تھی لیکن ریلیز سے ایک ہفتہ قبل پابندی لگا دی گئی ہے.

جوائے لینڈ پاکستان کی واحد ایسی فلم ہے جسے کانزفلمی میلے میں پذیرائی ملی ہے. کانز فلمی میلے میں جب اس فلم نے ایوارڈ جیتا تو پاکستانیوں نے اصرار کیا کہ فلم یہاں بھی ریلیز ہونی چاہیے. فلم کے ڈائریکٹر صائم صادق نے اعلان کیا کہ یہ فلم پاکستان میں‌ریلیز ہوگی. 18 نومبر کو پاکستان کے سینما گھروں میں‌ جوائے لینڈ ریلیز ہونے جا رہی تھی شائقین فلم کی ریلیز کا بے چینی سے انتظار کررہے تھے لیکن ایکبار پھر انہیں مایوسی کا سامنا ہے کیونکہ فلم کی ریلیز پر پابندی لگ گئی ہے. فلم کی ریلیز پر سنسر بورڈ نے پابندی لگا دی ہے. کہا جا رہا ہے کہ سنسر بورڈ کو شکایات موصول ہوئیں کہ اس میں’انتہائی قابل اعتراض مواد‘ ہے جس پر بورڈ نے پابندی لگا دی ہے.یاد رہے کہ

پاکستان کی وزارت اطلاعات و نشریات کی جانب سے 11 نومبر کو جاری ہونے والے ایک حکم نامے میں کہا گیا ہے کہ ملک کے سنسر بورڈ نے فلم کی ریلیز کے لیے گرین سگنل دے دیا تھا لیکن اب اس نے پاکستان بھر میں فلم کی نمائش کا فیصلہ واپس لے لیا ہے۔یاد رہے کہ فلم کو سرمد کھوسٹ‌نے پرڈیوس کیا ہے، علینہ خان ، ثروت گیلانی و دیگر نے اہم کردار کئے ہیں پاکستان میں اس فلم کی ریلیز کا بے چینی سے انتظار تھا لیکن اب اس فلم کی ریلیز پر پابندی عائد کردی گئی ہے.

ورسٹائل اداکارہ ثروت گیلانی کہتی ہیں کہ ہمیں بتایا گیا کہ ہماری فلم جوائے لینڈ کو کانز فلمی میلے میں پیش کیا جائیگا تو پہلے تو سن کر یقین ہی نہیں آیا . کانز فلمی میلے میں جانے کےلئے ہماری ٹکٹس اور تیاری سب کچھ ہوجانے کے بعد بھی یقین نہیں آ رہا تھا . یہاں تک کہ ہم کانز فلمی میلے سے واپس بھی آچکے ہیں فلم کو ایوارڈ بھی مل چکا ہے لیکن پھر بھی ہمیں اس کامیابی کا یقین نہیں آرہا ہے. ثروت گیلانی نے کہا کہ جب ہمیں سٹینڈنگ اویژن ملا تو آنکھوں سے آنسو بہہ رہے تھے. انہوں نے مزید کہا کہ میں نے کرداروں کا انتخاب ہمیشہ سوچ سمجھ کر کیا ہے

. میں لوگوں کی تنقید سے نہیں گھبراتی بس یہ دیکھتی ہوں کہ جو کام کررہی ہوں اس میں لوگوں‌کے لئے کیا میسج ہے. آرٹسٹ کاکام کام کرنا ہوتاہے .ثروت نے مزید کہا کہ آپ سب جوائے لینڈ دیکھیں گے تو پتہ چلے گا کہ ہم میں سے ہر کسی نے جم کر کام کیا ہے .بہت خوبصورت ماحول تھا افسوس کہ میرا علینہ خان کے ساتھ صرف ایک سین تھا کاش مجھے ان کے ساتھ سکرین پر زیادہ وقت شئیر کرنے کا موقع میسر آتا . یاد رہے کہ فلم جوائے لینڈ جس کے پرڈیوسر سرمد کھوسٹ ہیں ان کی فلم اب پاکستان میں بھی ریلیز ہونے جا رہی ہے.

کانز فلم فیسٹیول میں جب پاکستانی فلم جوائے لینڈ نے ایوارڈ جیتا تھاتب پاکستانی فلمی شائقین کا بڑے پیمانے پر مطالبہ سامنے آیا کہ فلم پاکستان میں بھی ریلیز کی جائے. صائم صادق نے یقین دہانی کروائی تھی کہ فلم پاکستانی سینما گھروں میں ضرور ریلیز ہوگی. اور یوں اب انتظار کی گھڑیاں ختم ہو چکی ہیں اور فلم جوائے لینڈ پاکستانی سینما گھروں کی زینت بننے جا رہی ہے. وفاقی و صوبائی سنسر بورڈ نے ”جوائے لینڈ“ کوریلیز کیلئے سرٹیفیکیٹ جاری کردیا ہے جبکہ فلم کو ڈسٹری بیوشن کلب کے پلیٹ فارم سے ریلیز کیا جائےگاایگزیکٹو ڈائریکٹر ڈسٹری بیوشن کلب شیخ عابد رشید کہتے ہیں کہ جوائے لینڈ کو ملک بھر کے سینمائوں میں نمائش کیلئے وفاق، پنجاب اور سندھ کے سنسر بورڈز نے سرٹیفیکیٹس جاری کردیے

ہیں اور فلم کو ریلیز کرنے کی تیاریاں حتمی مراحل میں داخل ہوچکی ہیں۔ 24 نومبر کو ریلیز ہونے والی اس فلم کے پرڈیوسر سرمد کھوسٹ ہیں. فلم کی کاسٹ میں علی جونیجو،راستی فاروق، علینہ خان اور ثروت گیلانی و دیگر شامل ہیں. یاد رہے کہ کانز فلمی میلے میں جوائے لینڈ نے دو اعزازات ”جیوری ایوارڈ“ اور”کویر پام“ حاصل کئے۔ جوائے لینڈ کی کہانی ایک ایسے نوجوان کے گرد اور مخنث ڈانسر کے گرد گھومتی ہے جو ڈانس کلب میں کام کرنے کے دوران ایک دوسرے کی محبت میں گرفتار ہو جاتے ہیں۔

ٹی وی کی جانی مانی اداکارہ ثروت گیلانی نے اپنے حالیہ ایک انٹرویو میں کہا ہے کہ انہیں ڈراموں کی کہانیاں روایتی لگ رہی ہیں اوران سے وہ بوریت کا شکار ہیں، یہی وجہ ہے کہ وہ ڈراموں میں نظر نہیں آرہیں ۔ثروت گیلانی نے مزید کہا کہ میں ہمارے معاشرتی مسائل پر بہت کھل کر بات کرنے لگی ہوں اس لئے مجھے نہیں لگتا کہ میںاب ڈراموں میں روتی دھوتی اور سسکتی ہوئی عورت کا کردار ادا کروں گی ، اور ہمارے ڈراموں میںآج کل یہی کچھ دکھایا جا رہا ہے۔ثروت گیلانی کے مطابق صرف روتی دھوتی عورت کو ہی کیوں دکھایا جارہا ہے ہمارے معاشرے

میں اور بہت ساری ایسی خواتین ہیںجو مثالی ہیں ہمیں ان کی کامیابی کی کہانیاں پیش کرنے کی ضرورت ہے ۔ثروت نے اس انٹرویو میں یہکہا کہ انہی وجوہات کی بناپر میں ٹی وی کمرشل پراجیکٹس پر انڈیپینڈینٹ پراجیکٹس کو ترجیح دینے لگی ہوں ۔ایک سوال کے جواب میں انہوں نے کہا کہ ہمارے بہت سارے مسائل ہیں جن پر بات کرنے کی ضرورت ہے ان پر سبق آموز کہانیاں بنائی جا سکتی ہیں۔یاد رہے کہ ثروت گیلانی اپنی منفرد اداکاری اور جاندار آواز کی وجہ سے خاصی پسند کی جا تی ہیں انہوں نے ویب سیریز چڑیل میں بھی کام کیا اور اس سے پہلے وہ ہمایوں سعید کی فلم جوانی پھر نہیں آنی میں بھی نظر آچکی ہیں۔ان کی فلم جوائے لینڈ کو حال ہی میں کانز فلم فیسٹیول میں جیور ایوارڈ سے نوازا گیا ثروت اس موقع پر خود وہاں موجود تھیں ۔

اداکارہ ثروت گیلانی جو آج کل فرانس میں موجود ہیں وہ وہاں قدیم فلمی میلے کانز میں شرکت کے لئے گئیں تھیں انہوں‌ نے خبر رساں ادارے اے ایف پی کو انٹرویو دیتے ہوئے کہا ہے کہ اس قدیم فلمی میلے میں نمائش پذیر ہونے والی فلم "،جوائے لینڈ” کو وہاں موجود لوگوں نے اس قدر سراہا کہ کھڑے ہو تالیاں بجائیں۔ اس فیسیٹیول میں پاکستان کی نمائندگی کرنا ناقابل یقین ہے۔پاکستان میں خواتین بدل رہی ہیں، تنگ ڈبوں سے باہر آرہی ہیں۔ میں سمجھتی ہوں کہ ہم ترقی پسند کہانیاں بھی لکھ سکتے ہیں صرف رومینٹک ہی نہیں۔ ہمارے معاشرے میں خواتین اپنے کمفرٹ ذون سے باہر آرہی ہیں جو کہ بہت ہی خوشی کی بات ہے.

کانز فلم فیسٹیول میں جس طرح ہماری فلم کو سراہا گیا ہے مجھے اس پہ فخر ہے۔ مجھے امید ہے کہ ہمارے لوگ بھی یہ فلم دیکھنا چاہیں گےاور سمجھیں گے کہ اس قسم کا سینما اگر پوری دنیا میں مقبول ہے تو پاکستان میں بھی کامیاب اورمقبول ہوسکتا ہے۔ رپورٹس کے مطابق اس فلم فیسیٹیول میں موجود بہت سے لوگوں کو یہ جان کر حیرت ہوئی کہ پاکستان خواجہ سراؤں کو امتیازی سلوک کے خلاف قانونی تحفظ فراہم کرنے والے ملکوں میں شامل ہے۔واضح رہے کہ فلم میں خواجہ سرا ڈانسر بیبا کا کردار علینہ خان نے ادا کیا جو خود بھی خواجہ سرا ہیں.