Tag: ثناء

فلم سٹار ثناء جن کی آنے والے دنوں میں فلم سپر پنجابی ریلیز ہو رہی ہے اس فلم کو معروف ڈائریکٹر ابو علیحہ نے ڈائریکٹ کیا ہے. فلم میں نسیم وکی ، جگن کاظم و دیگر شامل ہیں. ثناء کا اس فلم کے ھوالے سے کہنا ہے کہ میں نے اپنی زندگی کا بہترین کردار ادا کیا ہے ، سپر پنجابی لوگوں کو بہت پسند آئیگی. سپر پنجابی میں جس موضوع کو ڈسکس کیا گیا ہے وہ اس سے پہلے کبھی کسی فلم میں ڈسکس نہیں‌کیا گیا. میں ڈراموں میں بھی کام کررہی ہوں ، لیکن میری پہلی ترجیح بڑی سکرین ہے جب بھی موقع ملتا ہے میں فلم میں کام کرتی ہوں اور کوشش کرتی ہوں بڑی

سکرین سے زیادہ دوری نہ بنے. سپر پنجابی ایک بہترین فلم ثابت ہو گی سب نے بہت محنت کی ہے اور ابو علیحہ نے تمام فنکاروں سے بہت ہی خوبصورت انداز میں کام لیا ہے. ثناء نے مزید کہا کہ میں نے اپنے کیرئیر کا آغاز فلموں سے ہی کیا تھا اسلئے بڑی سکرین پر کام کرکے اطمینان ہوتا ہے . مجھے خوشی ہے کہ میرے مداح مجھے ہر کردار میں اور ہر میڈیم پر پسند کرتے ہیں . اس وقت بھی میں‌متعدد ڈراموں کی شوٹنگ میں مصروف ہوں جب جب فلم آفر ہوتی رہی ضرور کروں گی کیونکہ فلم میرا عشق ہے.

سینئر اداکارہ اور ڈائریکٹر سنگیتا جو کہ آج کل ڈرامہ سیریل دو باند پانی کی شوٹنگ کررہی ہیں انہوں نے اپنے حالیہ انٹرویو میں کہا ہے کہ میں نے ثناء کو ڈرامے میں کاسٹ کیا تھا اس نے نو دن کی ریکارڈنگ بھی کروائی اور اس کے بعد ایکدم سے وہ پراجیکٹ یہ کہہ کر چھوڑ‌کر چلی گئی کہ مجھے پیسے نہیں ملیں گے. تفصیلات کے مطابق ثناء نے بہاولپور میں ابتدائی شوٹنگ کروائی جب لاہور میں شوٹنگ کروانے کی باری آئی تو اس نے کہا کہ میں‌تو کہیں اور شوٹنگ کررہی ہوں آپ میرے مینجر سے بات کریں. اس کے بعد سنگیتا نے ثناء کو پراجیکٹ‌سے ہی الگ کر دیا.

سنگیتا کہتی ہیں کہ میں‌ نے ثناء کو نو دن کی شوٹنگ کے نو لاکھ روپے دئیے تھے. اور اس نے نومبر میں لاہور میں جو اسکی شوٹنگ تھی اسکی تاریخیں کسی اور کو دے دیں اور مجھے کہہ دیا کہ مجھے پیسے نہیں ملیں گے. میں نے 45 سالہ کیرئیر میں آج تک کسی کے پیسے نہیں رکھے نہ کسی کو تنگ کیا عزت کے ساتھ کام کیا. سنگیتا نے کہا کہ ثناء بھول گئی ہے کہ اسکو سب سے پہلے میں نے ہی اپنی فلم ریشماں میں چانس دیا تھا اس نے اپنی زندگی کا بہترین ڈرامہ چھوڑا ہے اسکو یہ احساس ہوگا اور وہ پچھتائے گی.

پاکستانی فلموں کی ہیروئین ثناء جن کے نام کا نوے کی دہائی میں‌ڈنکا بجتا تھا.جیسے ہی فلم انڈسٹری بند ہوئی تو ثناء نے ماڈلنگ ، کمرشلز اور ٹی وی کا رخ کر لیا انہیں ہر پلیٹ فارم پر بہت سراہا گیا. ثناء نے حال ہی میں ایک انٹرویو دیا ہے اس میں انہوں نے کہا ہے کہ جب وہ پیدا ہوئی تھیں تو ان کے والد نے انہیں سات دن تک گود میں نہیں اٹھایا تھآ، گود میں‌نہ اٹھانے کی وجہ بتاتے ہوئے انہوں نے کہا کہ میرے والد چاہتے تھے کہ بیٹا پیدا ہوا لیکن بیٹی یعنی میں‌پیدا ہو گئی. ثناء نے کہا کہ میں نے اپنی زندگی میں بہت محنت کی اور محنت سے نام مقام بنایا ، مجھے یاد ہے کہ

میں‌نے جب اپنی پہلی فلم کے پیسے امی کے ہاتھ پر رکھے تو وہ خوشی کے مارے رونا شروع ہو گئیں. ثناء نے یہ بھی کہا کہ دو انسان ایک ساتھ زندگی گزارنے کا فیصلہ کرتے ہیں شادی بھی ہوجاتی ہے لیکن اگر وہ رشتہ نہیں چلتا یا آپ کو لگتا ہے کہ ساتھ نہیں چل سکتے تو پھر راہیں الگ کر لینی چاہیں اور ایک دوسرے کو تکلیف نہیں‌دینی چاہیے. میرا اور فخر کا بہت اچھا وقت گزرا ہمارے درمیان اختلافات کی کیا وجوہات رہیں میں اس پہ بات نہیں کرنا چاہتی نہ چاہوں گی .

اداکارہ اور ماڈل ثناء نے چند روز قبل اپنے شوہر کے ساتھ علیحدگی کا اعلان ایک سوشل میڈیا پوسٹ کے زریعے کیا.اس کے بعد ہر طرف چہ مگوئیاں شروع ہو گئیں ، اس رشتے کے خاتمے کی وجوہات پر بات ہونے لگی. سوشل میڈیا پر بحث مباحثہ سے تنگ آکرثناء کے شوہر فخر نے لوگوں کو دیا جواب اور کہا کہ ہم نے باعزت طریقے سے علیحدگی کا فیصلہ کیا ہے لیکن بچوں کے لئے ہم ایک دوسرے کے ساتھ رابطہ رکھیں گے. لیکن اب ثناء بھی آگئی ہیں میدان میں. انہوں نے کہا ہے کہ ہم دونوں نے علیحدگی کا فیصلہ سوچ سمجھ کر کیا ہے اور ہم اپنے بچوں سے بہت زیادہ

پیار کرتے ہیں. ہم دونوں نے علیحدگی کا جو فیصلہ کیا ہے اس میں کسی کو بھی دخل اندازی کا حق نہیں ہے.اور کوئی ہماری فکر نہ کرے. یاد رہے کہ ثناء اور فخر کی شادی 14 سال رہی ان دونوں کے دو بچے بھی ہیں. ابھی تک دونوں کی علیحدگی کی وجوہات سامنے نہیں آسکیں. فخر کا کہنا ہے کہ وہ بچوں سے ملتے رہیں گے ، اور بچوں کو اپنے پاس بیرون ملک باہر بلاتے رہیں گے. میں پاکستان میں آئوں گا تو بچوں کے ساتھ رہوں گا تاکہ ان کے ذہن پر برا اثر نہ پڑے. دوسری طرف ثناء اپنے پراجیکٹس میں‌مصروف ہیں.

فلمسٹار ثناء اور فخر جعفری کی علیحدگی کی خبریں کافی حیران کن ہیں دونوں نے اپنے اپنے سوشل میڈیا پر ایک دوسرے سے علیحدگی کا اعلان کرتے ہوئے ایک دوسرے کو دعائیں دی ہیں اور امید ظاہر کی دونوں اچھی زندگی گزاریں گے. فخر جعفری نے سوشل میڈیا پر ایک پوسٹ لگائی جس میں انہوں نے یہ ظاہر کیا کہ ان دونوں کے درمیان غلط فہمیاں پیدا کی جا رہی ہیں لیکن جب ثناء نے فخر سے علیحدگی کا اعلان کیا تو پھر فخر نے بھی ایک پوسٹ کی اور لکھا کہ ” بعض اوقات زندگی ہمیں کسی ایسے موڑ پر لے جاتی ہے جہاں دو لو برڈز کو اپنا راستہ الگ کرنا پڑتا ہے، آپ کے بغیر یہ آسان نہیں ہوگا، میں صرف اتنا کہنا چاہتا ہوں کہ زندگی کے بہت سارے سال ہم نے ایک دوسرے کے ساتھ گزارے زندگی کے سفر میں ایک ساتھ اڑان بھری آپ خوش رہیں.
یہی نہیں فخر جعفری نے کچھ روز پہلے ایک ایسا سٹیٹس بھی سوشل میڈیا پر اپلوڈ کیا تھا جس میں انہوں نے لوگوں نے سے پوچھا تھا کہ ” بیوی ناراض تو کیا کیا جائے” . یعنی معاملات ان کے درمیان کافی وقت سے خراب چلے آرہے تھے اور ثناء فخر شاید ان سے ناراض بھی رہنے لگی تھیں. یاد رہے کہ فخر کو گاڑیوں اور موٹر بائیکس کا بہت شوق ہے جبکہ ثناء کو اپنے کام سے بہت محبت ہے ، ثناء نے کام بھی کیا اور گھر داری بھی بہت ذمہ داری کے ساتھ کی .

فلمسٹار ثناء کے شوہر فخر جعفری نے چند گھنٹے پہلے اپنے فیس بک اکائونٹ پر یہ پوسٹ لگائی کہ ” کچھ لوگ یہ کہہ کر میرے اور میری اہلیہ کے درمیان غلط فہمی پیدا کرنے کی کوشش کر رہے ہیں کہ میں ہر ایک سے ان کے بارے میں بری باتیں کرتا ہوں ان کو برا بھلا کہتا ہوں، ان کو اپنی اہلیہ کے بارے میں ا چھی بری کہانیاں بنا کر بتاتا ہوں کیا میری کوئی رہنمائی کریگا کہ یہ سب کیا چل رہا ہے.؟ فخر نے سوالیہ نشان کے ساتھ پوسٹ کا اختتام کیا.
فخر جعفری کیجانب سے یہ پوسٹ لگائے جانے پر ان کے جاننے والوں کے ماتھے ٹھنکے ضرور تھے لیکن کسی کو اندازہ نہیں تھا کہ ثناء اور فخر کے

درمیان معاملات اس قدر خراب جا رہے ہیں کہ چند گھنٹوں‌کے بعد ثناء فخر سے علیحدگی کا اعلان کر دے گی.ثناء اور فخر دونوں کے دوست دونوں کی انکی علیحدگی کی وجوہات پر بات کرنے سے کترا رہے ہیں. لیکن ثناء نے جب سوشل میڈیا پر فخر سے علیحدگی کا اعلان کیا تو پھر فخر نے بھی سوشل میڈیا پر ایک پوسٹ لگائی اور اپنی اور ثناء کی علیحدگی کی تصدیق کر دی.یاد رہے کہ دونو‌ں کی شادی 2008 میں ہوئی تھی ثناء کا فلمی بیک گرائونڈ تھا فخر کا فلمی بیک گرائونڈ‌نہیں تھا تاہم دونوں ایک دوسرے کے ساتھ کافی خوش بھی دکھائی دیتے تھے.

فلمسٹار ثناء نے نوے کی دہائی میں اپنے فلمی کیرئیر کا آغاز کیا. ان کے کریڈٹ پر سپر ہٹ فلمیں ہیں‌ ان کے الگ انداز نے شائقین کو بہت متاثر کیا.ثناء نے اردو اور پنجابی دونوں طرح کی فلموں میں کام کیا ان کے مداحوں نے ان کو اردو بولتے بھی پسند کیا اور پنجابی بولتے بھی سراہا. ثناء کا ایک یوٹیوب چینل بھی ہے جس پر وہ فٹنس اور یوگا کے بارے میں بتاتی ہیں. ثناء نے حال ہی میں ایک فوٹو شوٹ کروایا ہے اس کی تصاویر جب انہوں نے سوشل میڈیا پر ڈالیں تو جہاں بہت سارے لوگوں نے

ان تصاویر اور ثناء کے انداز کو سراہا وہیں کئی صارفین نے تنقید کے نشتر بھی چلائے. جنہوں نے تنقید کی ان کا کہنا تھا کہ ثناء کو اس طرح کا لباس پہننا زیب نہیں دیتا انکو چاہیے کہ وہ کم از کم اتنا ہی خیال کر لیں کہ وہ کس ملک میں رہ رہی ہیں. جب ثناء پر حد سے زیادہ تنقید ہوئی تو وہ چپ نہ رہیں انہوں نے تنقید کرنے والوں سے کہا کہ میں شوبز انڈسٹری کا حصہ ہوں اور جو کام مجھے ملتا ہے اس کے جو بھی تقاضے ہوتے ہیں وہ میرے لئے پورا کرنا ضروری ہے. اور جو میں نے فوٹو شوٹ کروایا ہے اس میں ایسی کوئی چیز نہیں کہ جس کو دیکھنے کےبعد مجھے گالیاں دی جائیں.انہوں نے مزید کہا کہ جن کے پاس کرنے کو کچھ ہوتا نہیں وہ صرف تنقید ہی کرتے ہیں وہ کرتے رہیں میں تو اپنا کام کرتی رہوں گی.