ایران نے انسانی ہمدردی کی بنیاد پر تین سال سے جاسوسی کے الزام میں قید دو فرانسیسی شہریوں کو رہا کردیا ہے۔
فرانسیسی صدر ایمانویل میکرون نے دونوں کی رہائی کی تصدیق کرتے ہوئے بتایا کہ یہ جوڑا فی الحال ایران میں فرانسیسی سفارتخانے میں موجود ہے۔غیر ملکی خبر ایجنسی رائٹرز کے مطابق ایرانی وزیرِ خارجہ عباس عراقچی نے سرکاری میڈیا سے گفتگو میں کہا کہ دونوں فرانسیسی شہریوں کی رہائی ’اسلامی رعایت‘ کے تحت عمل میں آئی ہے۔ ان کا کہنا تھا کہ دونوں ابھی ایران ہی میں ہیں۔ایمانویل میکرون نے بتایا کہ رہائی پانے والے شہریوں میں سیسل کوہلر اور ان کے ساتھی ژاک پاریس شامل ہیں، جنہیں تقریباً تین سال قبل ایران میں جاسوسی کے الزام میں گرفتار کیا گیا تھا۔
عباس عراقچی نے مزید بتایا کہ ایک ایرانی خاتون، جسے فرانس نے رواں سال کے آغاز میں رہا کیا تھا، اس وقت فرانس میں ایرانی سفارتخانے میں موجود ہے۔ دونوں ممالک کے تعلقات میں اس پیش رفت کو مثبت قدم قرار دیا جا رہا ہے
پاکستان اور ایران کا مشترکہ ڈراموں اور نشریاتی منصوبوں پر معاہدہ
ٹرمپ نے شٹ ڈاؤن کو نیویارک میئر الیکشن میں شکست کی وجہ قرار دے دیا
پاکستان نے سرحدی خودکش ڈرونز کا توڑ تیار کر لیا
بیرسٹر گوہر کا 27ویں آئینی ترمیم پر اعتراض، وفاق کو خطرہ قرار