Tag: جانب

تھنکرز کلب آزاد کشمیر کا اجلاس ، جنرل قمر جاوید باجوہ کو خراج تحسین
آرمی چیف کاکشمیریوں کو حق خود ارادیت بارے بیان مایوسی میں اُمید کی کرن ہے ،مرزا شفیق جرال
لاہور(پ ر)تھنکرز کلب آزاد کشمیر کا اجلاس آزاد کشمیرکے صدر مرزا شفیق جرال کی زیر صدارت منعقد ہوا۔جس میں ریاست جموں وکشمیر کے حوالے تبادلہ خیال کیا گیا۔اجلاس میں صدر سلیم چوہان،یاسر ارشاد،علامہ رمضان حاجی،محمد حمزہ ،پروفیسر راﺅ حیات اور دیگر ارکان نے شرکت کی۔ہیں۔تھنکرز کلب آزاد کشمیر نے پاکستانی آرمی چیف جنرل قمر جاوید باجوہ کی جانب سے کشمیریوں کو حق خود ارادیت دلانے بارے بیان کو مایوسی کے اندھیرے میں اُمید کی کرن قراردیاہے۔تھنکرز کلب آزاد کشمیر کے صدر مرزا محمد شفیق جرال نے کہا ہے کہ دنیا بھر کے ممالک آزاد ی حاصل کرکے اقوام متحدہ کے مہرے بنے ہوئے ہیں لیکن ریاست جموں وکشمیر اور فلسطین واحد ریاستیں ہیں جہاں کے باسی غلامی کے اندھیروں میں اپنے خون سے آزادی کے چراغ روشن کر رہے ۔انہوں نے کہا کہ کشمیری عوام پاکستان کی بہادر مسلح افواج کے شہیدوں کے خون کے ایک ایک قطرے کی مقروض ہیں ،کشمیر کے بچے ،بوڑھے ،جوان اور خواتین پاکستانی افواج کی ان بے مثال قربانیوں کو قدر کی نگاہ سے دیکھتی ہیں۔انہوں نے کہا کہ پاکستانی آرمی چیف جنرل قمر جاوید باجوہ کی جانب سے کشمیریوں کو حق خود ارادیت دلانے بارے بیان سے کشمیریوں کی آزادی کی تحریک کو تقویت ملے گی۔

گجر نالہ پر قائم تجاوزات کے خلاف آپریشن کی تیاری
ضلعی انتظامیہ نے گجر نالہ پر انسداد تجاوزات آپریشن کا شیڈول جاری کردیا۔
8 فروری سے گجر نالہ پر بڑے آپریشن کا فیصلہ۔ کے ایم سی انسداد تجاوزات سیل آپریشن کی قیادت کرے گا۔ بلدیہ عظمی کراچی انسداد تجاوزات سیل کے 100 افسران و اہلکاروں کو طلب کرلیا گیا ۔ نالوں اور انکے اطراف تجاوزات کے خاتمے کیلئے پولیس و رینجرز کی نفری بھی طلب۔ آپریشن کیلئے 50 پولیس اہکار ، 15 خواتین اہلکار اور 25 رینجرز اہلکار طلب۔ کاروائی کیلئے اینٹی انکروچمنٹ فورس کے 65 اہلکار بھی طلب۔ اسسٹنٹ کمشنر گلبرگ ڈاکٹر حسان طارق آپریشن کے فوکل پرسن مقرر۔ اسٹنٹ کمشنر گلبرگ ڈاکٹر حسان طارق کو آپریشن کیلئے تمام انتظامات مکمل کرنے کے احکامات۔ کاروائی میں واٹربورڈ ، ایس بی سی اے اور ریونیو بورڈ حکام بھی شریک ہونگے
ڈپٹی کمشنر وسطی نے نوٹیفکیشن جاری کر دیا