لاہور میں تحریک انصاف کے لانگ مارچ کے پہلے روز ٹرک سے گرنے والا 49 سالہ پی ٹی آئی کارکن اسپتال میں دوران علاج چل بسے۔
تفصیلات کے مطابق لاہور میں مارچ کے آغاز پر کارکن ٹرک سے گرا تاہم پارٹی رہنما کارکن حسن بلوچ کو شدید زخمی حالت میں سڑک پر چھوڑ کرچلتے بنے۔
حسن بلوچ جمعہ کو لبرٹی مارکیٹ روڈ پر مارچ کے دوران پی ٹی آئی کے ٹرک سے گرا اور ہفتے کو اسپتال میں دم توڑ گیا۔ حسن بلوچ کو گزشتہ روز باغبانپورہ میں سپرد خاک کردیا گیا۔
بے حس عمران خان اوردیگر پی ٹی آئی لیڈروں نے غریب کارکن کی طرف مڑ کر بھی نہیں دیکھا، حسن بلوچ کا آبائی شہر سکھر ،لاہور میں 30 سال سے مزدوری کررہا تھا مرحوم حسن بلوچ کی بیٹی کا کہنا تھا کہ ریسکیو والوں نے آکر بتایا آپ کے والد اسپتال میں ہیں۔ کسی نے میرے والد کو پلٹ کر پوچھا تک نہیں۔
حسن جمعے کو لانگ مارچ کے وقت ٹرک سے گرا،ہفتے کو سرکاری ہسپتال میں دم توڑ گیا باغبانپورہ کے علاقے میں گزشتہ روز سپرد خاک کردیا گیا،بیوہ اور جوان بیٹی لاہور میں کرائے کے مکان میں بے بسی کی تصویر بنی ہوئی ہیں
واضح رہے کہ آج بھی گوجرانوالا میں تحریک انصاف کے لانگ مارچ میں مرکزی اسٹیج کے قریب بزرگ مزدور دل کا دورہ پڑنے سے انتقال کرگئے۔
تحریک انصاف کا مارچ گوجرانوالہ میں موجود ہے جہاں گوندلانوالہ چوک میں مرکزی اسٹیج سے چند گز کے فاصلے پر یہ واقعہ پیش آیا تاہم کارکن بدستور شور شرابے میں مصروف رہے۔
قصور
پھولنگر کی نجی ٹائلز مل میں کرنٹ لگنے سے نوجوان جان کی بازی ہار گیا،حادثہ مل انتظامیہ کی غفلت کے باعث پیش آیا
تفصیلات کے مطابق ضلع قصور کی تحصیل پتوکی کے شہر پھولنگر کے نواح سراں اڈا میں واقع پاکستان ٹائلز مل کی غفلت کے باعث گزشتہ روز مل کا غریب ملازم جواں سالہ طالب حسین کرنٹ لگنے سے زندگی کی بازی ہار گیا
متوقی انتہائی غریب اور اپنے گھر کا واحد کفیل تھا
متوفی کے پسماندگان میں 4 بچے، بیوہ کے علاوہ بوڑھے ماں باپ شامل ہیں
متوقی کی وفات پر پورے علاقے میں سوگ کی کیفیت ہے
قصور
امن و امان کی صورتحال خراب،شہری عدم تحفظ کا شکار،دوران پولیس حراست فوت ہونے والے سکول ٹیچر کی پوسٹ مارٹم کے مطابق کاروائی کی یقین دہانی،سرہالی کلاں سے ملنے والی رکشہ ڈرائیور کی لاش سے لوگوں میں خوف
تفصیلات کے مطابق قصور میں امن و امان کی صورتحال خراب ہے جس کے باعث شہری عدم تحفظ کا شکار ہیں
گزشتہ دن تھانہ مصطفی آباد کے علاقے سرہالی کلاں سے رکشہ ڈرائیور محمد شفیق کی تشدد زدہ لاش برآمد ہونے سے شہریوں میں شدید خوت ہراس پایا جا رہا ہے
جبکہ کل تھانہ راجہ جنگ کی زیر حراست فوت ہونے والے سکول ٹیچر شاہد اقبال کے ورثاء نے ڈی ایچ کیو ہسپتال میں پولیس کے خلاف شدید احتجاج کیا جس پر ایس پی انویسٹیگیشن نے پوسٹ مارٹم کی رپورٹ کے مطابق میرٹ پر کاروائی کی یقین دہانی کروائی
واضع رہے کہ گزشتہ چند دنوں سے ضلع بھر میں وارداتوں کا سلسلہ تیز ہو گیا ہے جس کے باعث شہری سخت پریشان ہیں
شہریوں نے ڈی پی او قصور محمد صہیب اشرف سے امن و امان کی صورتحال کو یقینی بنانے کا مطالبہ کیا ہے
نئی دہلی :بھارت:کسانوں کے حقوق کیلئے احتجاج کرنیوالےمعروف اداکارحادثے میں ہلاک ،اطلاعات کے مطابق بھارت میں کسانوں کے حقوق کے لیے احتجاج کرنے والے انسانی حقوق کے کارکن اور بھارتی اداکار ایک کار حادثے میں ہلاک ہوگئے۔
بھارتی میڈیا کے مطابق پنجابی فلموں کے37 سالہ معروف اداکار دیپ سدھو بدھ کے روز بھارتی ریاست پنجاب سے نئی دہلی جاتے ہوئے ایک کار حادثے میں چل بسے۔
بھارتی میڈیا کے مطابق ہائی وے پر ہونے والے حادثے میں دیپ سدھو کی کار ایک ٹرک سے ٹکراگئی تھی جس میں وہ شدید زخمی ہوئے، انہیں اسپتال منتقل کیا گیا تھا تاہم وہ زخموں کی تاب نہ لا کر انتقال کرگئے۔ان کے انتقال کی خبرجنگل میں آگ کی طرح پھیلی اور اس وقت سوشل میڈیا پرایک ہنگامہ برپا ہے
یہ بھی بتایا جارہا ہے کہ دیپ سدھو مودی سرکار کی جانب سے کی گئی متنازع زرعی اصلاحات کے خلاف کسانوں کی تحریک میں پیش پیش تھے اور ان پر الزام تھا کہ وہ گذشتہ سال26 جنوری کو بھارتی یوم جمہوریہ کے موقع پر ہونے والےکسانوں کے پرتشدد احتجاج کی قیادت کرنے والوں میں سے ایک تھے۔
خیال رہےکہ گذشتہ سال 26 جنوری کے روز کسانوں اور پولیس کے درمیان شدید تصادم بھی ہوا تھا جس میں پولیس نے کسانوں پر لاٹھی چارج کیا تھا، احتجاج کے بعد کسانوں کو اکسانے کے الزام میں دیپ سدھو کو گرفتار کرلیا گیا تھا اور انہیں 2 ماہ بعد ضمانت پر رہائی ملی تھی۔
دیپ سدھو کے انتقال پر بھارتی اداکاراؤں اور سیاستدانوں کی جانب سے افسوس کا اظہار کیا جارہا ہے۔بھارتی میڈیا کے مطابق دیپ سدھو نے متعدد پنجابی فلموں میں کام کیا تھا اور انہیں پنجابی فلم فیئر سمیت مختلف ایوارڈ بھی ملے تھے۔
دوسری طرف کسانوں نے مرنے والے اداکار کی جدوجہد کو جاری رکھنے کا عہد کیا ہے اور کہا ہے کہ وہ اپنے مطالبات سے ایک انچ بھی پیچھے نہیں ہٹیں گے
سانحہ مری:سانحہ مری:کیا واقعی جانبحق ہونے والوں کی موت کی ذمہ دار حکومت ہے؟رپورٹ نےحقیقت کھول دی ،اطلاعات کے مطابق سانحہ مری کے حوالے سے ایک رپورٹ سامنے آئی ہے جس میں انکشاف کیا گیا ہے کہ گاڑیوں میں بیٹھے افرادکاربن مونو آکسائیڈ سے جاں بحق ہوئے
دوسری طرف ماہرین کا کہنا ہے کہ اگر مری جانے والوں کو اس بات کی آگاہی ہوتی کہ گاڑی کے دھوئیں والے پائپ کو ہرصورت کھلا رکھنا اور اس پربرف یا کوئی اور چیز نہیں آنے دینی تو گاڑیوں میں سوار لوگ جومری میں غلطی کی ہے وہ نہ کرتے
وزیراعلیٰ پنجاب عثمان بزدار کو سانحہ مری کی ابتدائی رپورٹ پیش کردی گئی۔ابتدائی رپورٹ کے مطابق7 جنوری کو مری میں 16گھنٹے میں4 فٹ برف پڑی،3 جنوری سے7 جنوری تک ایک لاکھ 62 ہزارگاڑیاں مری میں داخل ہوئیں۔
رپورٹ میں کہا گیا ہےکہ گاڑیوں میں بیٹھے 22 افرادکاربن مونو آکسائیڈ سے جاں بحق ہوئے، 16 مقامات پر درخت گرنے سے ٹریفک بلاک ہوئی، مری جانے والی 21 ہزارگاڑیاں واپس بھجوائی گئیں۔وزیراعلیٰ عثمان بزدار نے ٹریفک لوڈمینجمنٹ نہ کرنے پر اظہار برہمی کیا ہے۔
اس رپورٹ کے بعد پراپیگنڈہ کرنے والوں کے سارے الزامات دم توڑ گئے ہیں جو ان ہلاکتوں کا ذمہ دار حکام کوقرار دے رہے ہیں
یاد رہے کہ کل سے پاکستان کی ایک بڑی شخصیت کا آڈیو پیغام وائرل ہورہا ہے جس میں مری میں پیش آنے والے واقعہ سے متعلق ایسے حقائق پیش کئے گئے ہیں اگریہ حقائق پہلے بیان ہوجاتے تو یقینا اس طرح حادثہ نہ ہوتا ،
یاد رہے کہ قوم اس وقت ایک سانحے سے گزررہی ہے جس میں مری میں شدید برفباری اور سیاحوں کے رش کے باعث برفانی طوفان میں پھنسے کئی شہری اپنی گاڑیوں میں موت کے منہ میں چلے گئے۔
گاڑی برف میں پھنس جائے تو کیا کرنا چاہیے؟ اس حوالے سے انسپکٹر جنرل (آئی جی) نیشنل ہائی ویز اینڈ موٹروے پولیس انعام غنی کا بیان سامنے آیا ہے۔ان کا کہنا تھاکہ کاربن مونوآکسائیڈمیں بونہیں ہوتی، اس کا پتہ لگانا بہت مشکل ہے، کاربن مونو آکسائیڈ جلد موت کا سبب بن سکتی ہے۔
مری میں برفباری اور سیاحوں کے رش کے حوالے سے انہوں نے بتایا کہ اگر گاڑی برف میں پھنس گئی ہے اور انجن چل رہاہے تو کھڑکی ہلکی سی کھولیں، گاڑی کے ایگزاسٹ سائلنسرپائپ سے برف صاف کریں۔
ان کا کہنا تھا کہ ہیٹرچلانے سے پہلےچیک کر لیں کہ سائلنسر برف کی وجہ سےبند تو نہیں ہو چکا،ان کا مزید کہنا تھا کہ اگر سائلنسر بند ہوا تو "کاربن مونو آکسائیڈ” گیس گاڑی میں جمع ہو سکتی ہے، انہوں نے مزید انکشاف کیا کہ اس گیس کا کوئی رنگ یا بُو نہیں ہوتی، ان کا یہ بھی کہنا تھا کہ یہ گیس چند منٹ میں انسان کی جان لےلیتی ہے
خیال رہے کہ مری میں شدید برفباری اور سیاحوں کے رش کی وجہ سے صورتحال انتہائی خراب ہوگئی اور 20 سے زائد افراد کی گاڑیوں میں اموات کے بعد سیاحتی مقام کو آفت زدہ قرار دے دیا گیا ہے۔
قصور
حویلی سانولے والی بشمولہ گاؤں بلیر تحصیل پتوکی ضلع قصور تھانہ صدر پھولنگر میں سرکاری کھال پر لگائی گئی بجلی کی غیر قانونی تار سے محمد اصغر ولد باغ علی کسان جانبحق
تفصیلات کے مطابق بااثر زمیندار نے سرکاری کھال پر اپنی طاقت کے بل بوتے پر بجلی کی تار لگا کر کرنٹ چھوڑ دیا جس سے نوجوان کسان زندگی سے ہاتھ دھو بیٹھا
رات نو بجے کے قریب محمد اصغر ولد باغ علی سکنہ حویلی سانوے والی بشمولہ بلیر تحصیل پتوکی حدود تھانہ صدر پھولنگر کا رہائشی رات ہو اپنے ساتھیوں کے ہمراہ پانی لگانے گیا جس کے ساتھی صبح صادق سے پہلے گھر آ گئے جبکہ اصغر نے ابھی مذید پانی لگانا تھا کہ صبح 6 بجے کے قریب ہمسایہ زمیندار کی بدمعاشی کے بل بوتے پر سرکاری کھال پر لگائی گئی بجلی کی تار سے ٹکڑا گیا جس سے اس کی موت واقع ہو گئی حالانکہ ہمسایہ کسان کو پانی کی باری کا پتہ بھی تھا مگر پھر بھی اس نے کھال پر لگی تار سے کرنٹ نا بند کیا
ہمسایہ کسان سے اصغر کی رنجش بھی چلی آرہی تھی جس کی بابت ہمسایہ کسان نے جان بوجھ کر تار میں کرنٹ چھوڑ رکھا تھا جو کہ انتہائی غیر قانونی فعل ہے چونکہ کھال سب کی مشترکہ سرکاری ملکیت ہے اور کھال پر پانی لگائے جانے کے دوران ہر بار کھال پر سے گزرنا پڑتا ہے اس لئے ان جگہوں پر کرنٹ نہیں لگایا جاسکتا اور نا ہی کوئی باڑ لگائی جا سکتی ہے
اہل علاقہ نے فوری طور پر ہمسایہ کسان کے خلاف کاروائی کا مطالبہ کیا ہے
پولیس کی بھاری نفری نے موقع پر پہنچ کر لاش کو تحویل میں لے لیا ہے
قصور
کل قاتل ڈور سے جانبحق ہونے والے پروفیسر آفتاب احمد کی نماز جنازہ رات 8 بجے کنگن پور ریلوے اسٹیشن گراؤنڈ میں ادا کر دی گئی
تفصیلات کے مطابق کل لاہور کینال روڈ اوور ہیڈ برج پر کالج جاتے ہوئے ڈور پھرنے سے موٹر سائیکل سوار قصور کنگن پور محلہ موتی کے رہائشی پی ایچ ڈی سکالر پروفیسر آفتاب احمد کی وفات ہو گئی تھی جن کی نماز جنازہ کل رات 8 بجے کنگن پور ریلوے اسٹیشن گراؤنڈ میں ادا کر دی گئی اس موقع پر ہر آنکھ اشک بار تھی
نماز جنازہ میں ہزاروں لوگوں نے شرکت کی اور گورنمنٹ سے پتنگ بازی کے خلاف کاروائی سخت کرنے کا مطالبہ کیا تاکہ انسانی جانیں قاتل دوڑ کی بھینٹ نا چرھ سکیں
مرحوم کنگن پور قصور کے رہائشی تھے اور گورنمنٹ دیال سنگھ کالج لاہور میں تعینات تھے اور موٹر سائیکل پر جا رہے تھے کہ کینال روڈ پر ان کے گلے پر ڈور پھر گئی جس سے ان کی جان چلی گئی
قصور
چونیاں کے نواحی گاؤں ارزانی پور میں پانچ سالہ بچی اکیڈمی سے گھر واپسی پر گٹر میں گر کر جانبحق ہو گئی
تفصیلات کے مطابق چونیاں کے نواحی گاؤں ارزانی پور میں انتظامیہ کی غفلت نے بچی کی جان نگل لی کھلے گٹر میں بچی گ کر ہلاک ہوئی
پانچ سالہ بچی اکیڈمی سے گھر واپسی آتے گٹر میں گر گئی جو کہ گھر نا پہنچی تو ورثاء نے ڈھونڈنا شروع کر دیا جس پر انہیں پتہ چلا کہ ان کی بچی گٹر میں گر کر جانبحق ہوگئی ہے بچی کی لاش گٹر سے نکال لئی گئی
اہلیان علاقہ نے غم و غصہ کا اظہار کرتے ہوئے کہا کہ تحصیل و ضلعی انتظامیہ کی غفلت سے ایک معصوم جان چلی گئی
قصور جیل میں قیدی وفات پا گیا
تفصیلات کے مطابق وارث علی عمر تقریباً 48/50 سال ولد محمد شریف رہائشی صابر بستی قصور ڈسٹرکٹ جیل قصور میں چل بسا
وارث علی پر منشیات کا کیس تھا اور وہ مقدمہ نمبر 189/20 بجرم (C)/-9 تھانہ سٹی بی ڈویژن کے تحت قید کاٹ رہا تھا
مرحوم ہیپاٹائٹس سی کے مرض میں مبتلا تھا اور لاہور جنرل ہسپتال میں زیر علاج تھا اور وہیں پر آج دوران علاج جان کی بازی ہار گیا
مقامی پولیس مصروف کاروائی ہے
قصور
رات گئے قصور کی تحصیل چونیاں کے قصبے الہ آباد میں ہوٹل پر بیٹھے افراد اور نامعلوم ڈاکوؤں کے مابین مقابلہ،فائرنگ سے راہگیر جانبحق
تفصیلات کے مطابق قصور کی تحصیل چونیاں کے قصبے الہ آباد کے ہوٹل اے ڈی پر رات گئے ہوٹل کے گاہک اور ہوٹل عملہ بمعہ گن مین موجود تھا کہ چند نامعلوم افراد نے ہوٹل پر فائرنگ شروع کر دی جس پر ہوٹل کے گن مین نے بھی جوابی فائرنگ کی تو دو طرفہ فائرنگ کا تبادلہ شروع ہو گیا جس سے سڑک پر گزرنے والا قصور کا رہائشی جواں سالہ خلیل احمد گولی لگنے سے شدید زخمی ہو گیا جسے ہوٹل انتظامیہ نے کال کرکے بذریعہ ریسکیو 112 ہسپتال پہنچایا جہاں اسے طبی امداد دی گئی مگر خون زیادہ بہنے سے جانبر نا ہو سکا اور جانبحق ہو گیا
وقوعہ کے کچھ ہی دیر بعد چونیاں پولیس موقع پر پہنچ گئی اور کاروائی شروع کر دی
متوفی خلیل کی لاش قصور پہنچا دی گئی ہے جسے پوسٹ مارٹم کے بعد ورثاء کے حوالے کیا جائے گا
