اسلام آباد: سابق نگران وزیر اطلاعات بلوچستان جان اچکزئی نے سماجی رابطے کی ویب سائٹ ایکس کو "پورن سائٹ” قررار دیتے ہوئے اس کو مسلسل بند رکھنے کا مطالبہ کردیا۔
باغی ٹی وی : جان اچکزئی نے ایکس پر ہی اپنے بیان میں لکھا کہ وی پی این سے (ایکس تک) رسائی بھی ختم کرنے کی ضرورت ہے، یہ پورن سائٹ ہے، اس کا بند ہو جانا بہتر ہے،اِس کو بند کر دو پاکستان میں سکون ہو جائے گا، شکر ہے بند ہونے جا رہی ہے، یہ تو حکومت سے تعاون کرے، پورن پر فائر وال لگائے، جعلی اکاؤنٹ بند کریں۔
اپنی ایک اور ایکس پوسٹ میں جان اچکزئی نے لکھا کہ ایکس پر پابندی کے بارے میں پوچھے جانے پر ڈی جی آئی ایس پی آر نے کہا کہ سوشل میڈیا کو سیاسی اور دیگر عناصر بغیر ثبوت کے ”ریاستی اداروں پر الزام لگانے“ کے لیے استعمال کرتے ہیں، اس نے اپنی تشویش کا اظہار کیا لیکن واضح طور پر کسی پابندی کا اعتراف نہیں کیا اس لیے پاکستان میں ٹویٹر پر پابندی نہیں ہے۔
پنجاب میں آئندہ ہفتے درجہ حرات میں اضافے اور بارشوں کا امکان
واضح رہے کہ رواں برس عام انتخابات کے بعد 17 فروری سے پاکستان بھر میں سوشل میڈیا پلیٹ فارم ”ایکس“ کو بندش کا سامنا ہے،صارفین وی پی این (پراکسی) کے ذریعے ’ایکس‘ تک رسائی پر مجبور ہیں، حکومت کی جانب سے بھی ایکس پر پابندی کی تصدیق کی جاچکی ہے مارچ میں پاکستان ٹیلی کمیونیکیشن اتھارٹی (پی ٹی اے) نے کہا تھا کہ ’ایکس‘ پر پابندی وزارتِ داخلہ کے احکا مات پر لگائی گئی ہے،ایکس پر پابندی کی وجہ انٹیلی جنس ایجنسیوں کی رپورٹس اور سیکیورٹی خدشات کو قرار دیا جاتا ہے، ایکس پر پابندی لگانے والے ممالک کی فہرست میں پاکستان کے علاوہ روس، ایران، چین، میانمار، ترکمانستان اور شمالی کوریا بھی شامل ہے۔
